7. И пхэндя́ Мо́йза Аароно́скэ: “Яв кэ алта́рё и кэр тыро́ свэ́нто дыибэ́н пал грэ́хо и тыро́ цэ́ло схачкирибэ́н, и выжужакир пэс и манушэ́н, и кэр яныбэ́н манушэ́ндыр, и выжужакир лэн, сыр припхэндя́ Рай Дэвэ́л.”
8. И подги́я Ааро́но кэ алта́рё, и зачхиндя́ гуруво́рэс (тельцос), саво́ сыс пал лэ́стэ, дро свэ́нто дыибэ́н пал грэ́хо:
9. Аароно́скирэ чхавэ́ подлыджинэ лэ́скэ рат, и ёв обмакниндя пэ́скиро ангу́шт (пальцо) дро рат, и чхудя́ пэ алтарёскирэ шынга́ (ро́ги), а палатуно́ рат вычхудя́ тэл алтарёскирэ ґэра́,
10. а чэкэ́н и букорэ (почки) и сальнико пэ кало́ буко (печонка) свэнтонэ́ дыибна́стыр пал грэ́хо схачкирдя́ пэ алта́рё, сыр припхэндя́ Рай Дэвэ́л Мойза́скэ;
13. и яндлэ́ лэ́скэ цэ́ло схачкирибэ́н дрэ котэра́ и шэро́, и ёв лэн хачкирдя́ пэ алта́рё,
14. а андратунэ́ маса́ и ґэра́ обмордя и хачкирдя́ цэлонэ́ схачкирибнаса пэ алта́рё,
15. И яндя́ яныбэ́н манушэ́ндыр, и лыя́ манушэ́ндыр бузнэ́с пал грэ́хо, и зачхиндя́ лэс, и яндя́ лэс дро свэ́нто дыибэ́н пал грэ́хо, сыр и англатунэс.
16. И яндя́ цэ́ло схачкирибэ́н и кэрдя́ лэс пир упхэныбэ́н.
17. И яндя́ маруно́ яныбэ́н и пхэрдякирдя́ лэ́са пэ́скирэ васта́, и схачкирдя́ пэ алта́рё апри́ч сарэ́ цэлонэ́ схачкирибнастыр пэ ра́нко (пэ зло́ко).
18. И зачхиндя́ гуруво́рэс и бузнэ́с (козлос), савэ́ сыс манушэ́ндыр, дро ми́рно свэ́нто дыибэ́н; и Аароно́скирэ чхавэ́ подлыджинэ лэ́скэ рат, и ёв обрызгиндя лэ́са пэ алта́рё сарэ́ ригэ́ндыр;
19. подлыджинэ и чэкэ́н гурувэстыр и бузнэстыр курдюко, и чэкэ́н, саво́ заучхакирэла андратунэ́ маса́, букорэ и сальнико, со сыс пэ кало́ буко,
20. и чхудэ́ чэкэ́н (ту́ко) пэ колы́н, и ёв хачкирдя́ чэкэ́н пэ алта́рё;
21. колынд и чачо́ (право) псико́ яндя́ Ааро́но, тринскири анги́л Растэ-Дэвлэ́стэ, сыр припхэндя́ Мо́йза.
22. И ґаздыя́ Ааро́но пэ́скирэ васта́, рисии кэ мануша́, и бахтякирдя́ лэн, и гия́ тэлэ́, кэри, сыр кэрдя́ свэ́нто дыибэ́н (жэ́ртва) пал грэ́хо, цэ́ло схачкирибэ́н и ми́рно свэ́нто дыибэ́н.
23. И загинэ́ Мо́йза и Ааро́но дрэ скэдыибна́скири ша́тра, и выгинэ́, и бахтякирдэ манушэ́н. И явдя́ сла́ва Ра́скирэ-Дэвлэ́скири сарэ́ манушэ́нгэ:
24. И выгия́ яг Ра́стыр-Дэвлэ́стыр и схачкирдя́ пэ цэлонэ́-схачкирибнаскиро алта́рё и чэкэ́н; и дыкхнэ́ сарэ́ мануша́, и дынэ́ го́дла радыма́тыр, и пынэ́ пэ пэ́скирэ муя́.
1. Надаво и Авиудо (Авигу), Аароно́скирэ чхавэ́, лынэ́ кажно пэ́скири кадила, и чхудэ́ дрэ лэ́ндэ яг, и зачхудэ дрэ ла́тэ дро́га смо́лы тэ тхувлякирэн, и яндлэ́ анги́л Растэ-Дэвлэ́стэ яг чу́жо, пэ сави́ Ёв на дыя́ во́ля лэ́нгэ;
2. и выгия́ яг Ра́стыр-Дэвлэ́стыр, и хачкирдя́ лэн, мынэ́ ёнэ анги́л Растэ-Дэвлэ́стэ.
3. И пхэндя́ Мо́йза Аароно́скэ: “Ѓа́да, пал со ракирдя́ Рай Дэвэ́л, ке́ли Ёв пхэндя́: ‘Дрэ одолэ́ндэ, савэ́ явэ́на пашылэды́р кэ Мэ и Мэ высвэнцынавапэ и анги́л сарэ́ манушэ́ндэ прославинавапэ.’” Ааро́но сыс штыл.
4. И кхардя́ Мо́йза Мисаилос и Елцафанос, Узиилоскирэ чхавэ́н, Аароно́скирэ какэскирэн, и пхэндя́ лэ́нгэ: “Джа́н, вылыджан тумарэ́ пшалэ́н свэнтонэ́ штэто́стыр пал ста́но.”
5. И гинэ́, и вылыджинэ́ лэн дрэ хитоны лэ́нгирэ пал ста́но.
6. И пхэндя́ Мо́йза Аароно́скэ и Елизароскэ и Ифамароскэ, лэ́скирэ чхавэ́нгэ: “На злэн кидары тумарэ́ шэрэндыр и и́ди тумарэ́ тэ на кушэн, соб (кай) тумэ́нгэ тэ на мэрэ́н и тэ на выкхарэн холы́ пэ сарэ́ манушэ́ндэ. Нэ тумарэ́ пша́ла, саро́ Израилёскиро кхэр, сашты́ (могинэ́на) тэ ровэ́н пал схачкирдэндэ, савэ́н хачкирдя́ Рай Дэвэ́л,
7. и на выджа́н скэдыибнаскирэ скиниякирэ вударэндыр, соб (кай) тумэ́нгэ тэ на мэрэ́н, пал-дова́ со пэ тумэ́ндэ исын Ра́скирэ-Дэвлэ́скиро макхибнаскиро елеё.” И кэрдэ́ ёнэ пир Мойза́скиро лав.
8. И пхэндя́ Рай Дэвэ́л Аароно́скэ, ракири́:
9. “На пи, ту и тырэ́ чхавэ́ ту́са, мол (вино) и пибэна зоралэ́, ке́ли заджа́на дрэ скэдыибна́скири ша́тра, соб (кай) тэ на мэрэ́н.” Дава́ явэ́ла ве́чно упхэныбэ́н дрэ тумарэ́ ро́ды,
12. И пхэндя́ Мо́йза Аароно́скэ и Елизароскэ и Ифамароскэ, савэ́ ячнэ́пэ лэ́скирэ чхавэ́ндыр: “Лэн маруно́ яныбэ́н, саво́ яця́пэ Ра́скирэ-Дэвлэ́скирэ свэнтонэ́ дыибнэндыр, и хан лэс преснонэ (бидрожджэнгирэ) пашы́л алта́рё, пал-дова́ со дава́ исын бари свэнтыма;
13. и хан лэс пэ свэ́нто штэ́то, пал-дова́ со дава́ исын котэ́р (куско) тыро́, и котэ́р тырэ́ чхавэ́нгиро Ра́скирэ-Дэвлэ́скирэ свэнтонэ́ дыибнэндыр: адя́кэ ма́нгэ пхэндло́ Ра́стыр-Дэвлэ́стыр;
14. и колы́н тринскирибнаскиро, псико́ ґаздыпнаскиро хан пэ жужо́ штэ́то, ту и тырэ́ чхавэ́, и тырэ́ чхая́ ту́са, пал-дова́ со дава́ дыно́ дро котэ́р ту́кэ и дро котэ́р тырэ́ чхавэ́нгэ Израилёскирэ чхавэ́нгирэ мирнонэ свэнтонэ́ дыибна́стыр;
15. ґаздыпнаскиро псико́ и тринскирибнаскиро колы́н ёнэ исын бангэ́ тэ янэ́н чэкэнэскирэ (тукоскирэ) свэнтонэ́ дыибнэнца (жэртвэнца), тринскири анги́л Растэ-Дэвлэ́стэ, и, мэк тэ явэ́л дава́ вечнонэ котэрэса ту́кэ и тырэ́ чхавэ́нгэ ту́са, сыр пхэндя́ Рай Дэвэ́л.”
16. И лыя́ добусовэс (старательнэс) тэ родэ́л Мо́йза бузнэ́с сыр свэ́нто дыибэ́н пал грэ́хо, и ґа́да, ёв схачкирдо. И росхолясыя ёв пэ Елизаростэ и Ифамаростэ, савэ́ ячнэ́пэ Аароно́скирэ чхавэ́ндыр, и пхэндя́:
17. “Со́скэ тумэ́ на ханэ́ свэ́нта дыибэна́ пал грэ́хо пэ свэ́нто штэ́то? Пал-дова́ со ёй исын бари свэнтыма, и ёй дыны́ тумэ́нгэ, соб (кай) тэ лэн пэ пэ́стэ грэ́хи манушэ́ндыр и тэ жужакирэн лэн анги́л Дэвлэ́стэ;
18. ґа́да, лэ́скиро рат на залыджино андрэ́ свэ́нто штэ́то, а тумэ́нгэ трэиндя́ сыс тэ хан лэс пэ свэ́нто штэ́то, сыр сыс пхэндло́ ма́нгэ.”
5. Лы́джа ман тэ кэра́в пир Тыро́ чачипэ́н, сыкля́кир ман, пал-дова́ со Ту сан Дэвэ́л, Саво́ зракхэ́ла; пэ Ту́тэ исын наде́я со дывэ́с ма́ндэ.
6. Пририпир, Раё Дэ́вла, Пэ́скиро тангипэ́н и лачхэ́-илы́ткима, пал-дова́ со ёнэ джа́на векэнца.
7. На пририпир, сыр мэ тэрно́ пхагирдём Дэвлэ́скиро Зако́но и кэрдём грэ́хи, пал-дова́ со Ту сан лачхо́ кэ мануша́, пририпир пал ма́ндэ, Раё Дэ́вла, Тырэ́ лачхэ́-илыткиматыр.
13. Дылынинько джувлы́ нахратэс ракирэ́ла; ёй исын простонэ-годякири, и на джинэ́ла нисо́.
14. И ёй исын бэшты пашы́л вуда́р ла́кирэ кхэрэ́скиро, ци пэ банко пэ вучэ́ штэ́ты дро фо́ро,
27. И сарэ́ страха́дынэ и пхучэнас екх екхэстыр: “Со да дасаво исын? Нэво́ сыклякирибэ́н и дасавэ́ зорья́са! Ёв аж припхэнэла налачхэ́ духэнгэ (фанэнгэ) и долэ́ кандэ́на Лэс!”