14. Нэ ёнэ на кандынэ́ и кашталякирдэ мэня́ пэ́скирэ, сыр сыс мэня́ лэ́нгирэ дадэнги́рэ, савэ́ на патяндынэ́ дрэ пэ́скирэ Растэ-Дэвлэ́стэ.
15. И лынэ́ тэ на прилэ́н Лэ́скирэ упхэныбэна́, и Заве́то Лэ́скиро, саво́ Ёв кэрдя́ лэ́нгирэ дадэ́нца, и приракхибэна Лэ́скирэ, савэ́нца Ёв приракхця лэн, и гинэ́ ёнэ пала́л пал харныпэ́н (пустота), и пала́л пал манушэ́ндэ, савэ́ дживдэ́ пашы́л, пал савэ́ндэ Рай Дэвэ́л ракирдя́ лэ́нгэ, соб (кай) тэ на кэрэ́н адя́кэ, сыр ёнэ.
16. И ячкирдэ́ сарэ́ припхэныбэна́ Ра́скирэ-Дэвлэ́скирэ, пэ́скирэ Дэвлэ́скирэ, и кэрдэ́ пэ́скэ вычхудэ́ муя́ дуе́н гурувэ́н, и кэрдэ́ дэмбитко вешоро, и мангнэпэ сарэ́ духэнгэ болыбнаскирэнгэ, и дынариндлэ́ Ваалоскэ.
17. И лыджа́нас пэ́скирэ чхавэ́н и чхае́н пэ́скирэ пирда́л яг, и драбакирдэ, и човаханякирдэ, и отдынэпэ долэ́скэ, соб (кай) тэ кэрэ́н налачхэ́с дрэ Ра́скирэ-Дэвлэ́скирэ якха́ и тэ холякирэн Лэс.
18. И росхолясыя Рай Дэвэ́л зоралэ́с пэ Израильтянэндэ, и отрискирдя лэн Пэ́скирэ мо́стыр. На яця́пэ никонэ́с апри́ч екхэ Юда́скиро ро́дыцо.
19. И о Юда адя́кэ-паць на ракхця́ Ра́скирэ-Дэвлэ́скирэ, пэ́скирэ Дэвлэ́скирэ припхэныбэна́, и кэрдя́ пир Израилёскирэ упхэныбэна́, сыр кэрдэ́ ёнэ.
20. И отрисия Рай Дэвэ́л сарэ́ Израилёскирэ родэндыр, и примириндя (тэлякирдя) лэн, и отдыя́ лэн дрэ васта́ чорэнгэ, и пэ ко́нцо (яго́ро) отрискирдя лэн Пэ́скирэ мо́стыр.
21. Сыр Израильтя́ни дуринэ Давидо́скирэ кхэрэ́стыр, и чхудэ́ крали́са Еровоамос, Наватоскирэ чхавэ́с; то и оттрадыя Еровоа́мо Израильтянэ́н Ра́стыр-Дэвлэ́стыр и залыджия́ лэн дро баро́ грэ́хо.
22. И кэрдэ́ Израилёскирэ чхавэ́ пир сарэ́ Еровоамоскирэ грэ́хи, савэ́ ёв кэрдя́, на отячнэ лэ́ндыр,
23. пака Рай Дэвэ́л отрискирдя Израилё Пэ́скирэ мо́стыр, сыр ракирдя́ пирда́л Пэ́скирэ писхарье́ндэ, пророкэ́ндэ. И сыс пирилыджино́ Израилё пэ́скирэ пхувья́тыр дрэ Асирия, кай ёв и кэ дава́ дывэ́с.
24. И пирилыджия тэ дживэ́н кра́ли Асирия́кирэ манушэ́н Вавилоно́стыр, и Кутатыр, и Аватыр, и Емафатыр, и Сепарваиматыр, и обчхудя́ тэ дживэ́н лэн дрэ Самариякирэ фо́рья пэ штэ́то Израилёскирэ чхавэ́нгиро. И ёнэ заухтылдэ Сама́рия, и лынэ́ тэ дживэ́н дрэ ла́кирэ фо́рья.
25. И сыр дрэ англатуно́ пэ́скиро джиибэ́н ёнэ одо́й на дынэ́ паты́в Ра́скэ-Дэвлэ́скэ, тэды Рай Дэвэ́л бичхадя́ пэ лэ́ндэ шчэрэ́н (левэн), савэ́ мулякирдэ́ лэн.
26. И роспхэндлэ́ Асирия́кирэ крали́скэ, и пхэндлэ́: “Мануша́, савэ́н ту пиричхудян тэ дживэ́н, и дыя́н тэ дживэ́н лэн дрэ Самариякирэ фо́рья, на джинэ́на зако́но долэ́ пхувья́кирэ Дэвлэ́скиро, и пал дова́ Ёв бичхавэ́ла пэ лэ́ндэ шчэрэ́н (левэн), и ґа́да, ёнэ мулякирэна лэн, пал-дова́ со ёнэ на джинэ́на зако́но Дэвлэ́скиро долэ́ пхувья́киро.”
27. И припхэндя́ Асирия́киро кра́ли, и пхэндя́: “Бичхавэн одори́к екхэ манушэ́с рашандыр, савэ́н тумэ́ пиричхудэ зорья́са (высилиндлэ) одотхы́р; мэк тэ джал и тэ дживэ́л одо́й, и ёв высыклякирэла лэн законоскэ долэ́ пхувья́кирэ пал Дэвлэ́стэ.”
28. И явдя́ екх ману́ш рашандыр, савэ́н вычхудэ́ Самариятыр, и дживдя́ кэ Вефи́лё, и сыклякирдя́ лэн, сыр тэ дэн паты́в Ра́скэ-Дэвлэ́скэ.
29. Ѓалён, ёнэ кэрдэ́ кажна (свака) мануша́ и пэскирэн дэвлорэ́, и чхудэ́ лэн дрэ мангипнытка штэ́ты пэ вучипэна́, савэ́ кэрдэ́ Самаряни, – свака мануша́ дрэ пэ́скирэ фо́рья, кай дживэ́нас ёнэ.
34. Кэ дава́ дывэ́с кэрэ́на ёнэ пир англатунэ́ пэ́скирэ мане́ры: ёнэ на дарэ́н Ра́стыр-Дэвлэ́стыр, и на кэрэ́на пир стату́ты и пир упхэныбэна́, и пир Зако́но и пир Припхэныбэна́, савэ́ припхэндя́ тэ кэрэ́н Рай Дэвэ́л Яково́скирэ чхавэ́нгэ, савэ́скэ дыя́ Ёв Израилёскиро лав.
35. Счхудя Рай Дэвэ́л лэ́нца Заве́то и припхэндя́ шылалэс лэ́нгэ, ракири́: “На дэн паты́в дэвлорэ́нгэ явирэ́нгэ, и на мангэ́нпэ лэ́нгэ, и на дынаринэ́н лэ́нгэ, и на янэ́н свэ́нта дыибэна́ лэ́нгэ:
36. Нэ Рас-Дэвлэ́с, Саво́ вылыджия́ тумэн Египто́скирэ пхувья́тыр барэ́ зорья́са барьяса и протырдынэ вастэ́са, – Лэ́скэ дэн паты́в, и Лэ́скэ мангэ́нпэ, и Лэ́скэ янэ́н свэ́нта дыибэ́н.
37. И стату́ты, и упхэныбэна́, и Зако́но, и припхэныбэна́, савэ́ Ёв чхудя́ тумэ́нгэ, причхувэ́н зор тэ сполнинэн дрэ сарэ́ дывэса́, и на дэн паты́в дэвлорэ́нгэ явирэ́нгэ.
38. И Заве́то, саво́ Мэ чхудём тумэ́нца, на бистрэн, и на дэн паты́в дэвлорэ́нгэ явирэ́нгэ.
3. И кэрдя́ ёв лачхэ́с дрэ якха́ Ра́скирэ-Дэвлэ́скирэ дро саро́ адя́кэ, сыр кэрдя́ Дави́до, лэ́скиро дад.
4. Ёв отпарудя вучипэна́, розмардя́ статулы, вычингирдя дэмбы и харкунэ́ сапэс, савэ́с кэрдя́ Мо́йза, – пал-дова́ со кэ сама долэ́ дывэса́ Израилёскирэ чхавэ́ тхувалякирдэ лэ́скэ и кхардэ́ лэс ‘Нехуштано.’
5. Ёв патяндыя зоралэ́с дрэ Растэ-Дэвлэ́стэ, Израилёскирэ Дэвлэ́стэ; и ададысавэс, сыр ёв, на сыс машки́р сарэ́ндэ Юдэиякирэ кралье́ндэ и пало́ (после) лэ́стэ и англэды́р лэ́стыр.
6. И прилипниндя ёв кэ Рай Дэвэ́л, и на отгия́ Лэ́стыр, и ракхця́ Лэ́скирэ припхэныбэна́, савэ́ припхэндя́ Рай-Дэвэ́л Мойза́скэ.
7. И сыс Рай Дэвэ́л лэ́са усе́нде (везде), и карик ёв на псирдя́, то кэрдя́ ёв годьварэс. И счхудя ґа́мо ёв пэ́стыр Асирия́кирэ крали́стыр, и на яця́ тэ дынаринэ́л лэ́скэ.
8. Ёв традыя́ Филистимлянэн кэ Газа и дрэ ла́кирэ ме́жы пир рига́, ракхибнарьякирэ вучардятыр (башнятыр) кэ фо́ро зоралэ́ тыноса.
11. И пиричхудя тэ дживэ́н Асирия́киро кра́ли Израильтянэ́н дрэ Асирия, и мэкця́ лэн тэ дживэ́н кэ Халахо и дро Хаворо, пашы́л рэка (лэнь) Гозана, и дрэ Мидиякирэ фо́рья.
12. Пал-дова́, со ёнэ на шундлэ́ пэ́скирэ Ра́скирэ-Дэвлэ́скири зан (глос), и пиригинэ́ Заве́то Лэ́скиро, саро́, со припхэндя́ лэ́нгэ Мо́йза (Моисеё), Ра́скирэ-Дэвлэ́скиро писха́ри; ёнэ и на шундлэ́, и на сполниндлэ.
13. Пэ дэшуштарто бэрш Езэкия́скиро крали́скиро, гия́ Сенахиримо, Асирия́киро кра́ли, проти сарэ́ндэ Юда́скирэ фо́рья зоралэ́ тынэ́нца и лыя́ лэн.
14. И бичхадя́ Езэки́я, кра́ли Юдэя́киро, кэ кра́ли Асирия́киро дро Лахизо тэ пхэнэ́л: “Банго́ мэ сом; отджа ма́ндыр; со чхувэ́са пэ ма́ндэ, дова́ мэ отда́ва.” И чхудя́ кра́ли Асирия́киро пэ Езекиястэ, Юдэя́кирэ крали́стэ триншэла́ шэ́кели руп и трия́нда шэ́кели сувнака́й.
15. И отдыя́ Езэки́я саро́ руп, саво́ латхяпэ дро Ра́скирэ-Дэвлэ́скиро Кхэр и дрэ пираля́ крали́скирэ кхэрэ́скиро.
24. Сыр ту́кэ тэ пиризорьякирэс (тэ здолинэс) и екхэ́с шэралэс мирэ́ хула́скирэ тыкнэдыршонэндыр дынари́с? И ту чхувэ́са наде́я пэ Еги́пто ваш вурдына́ и грэнгэ?
26. И пхэндя́ Елиакимо, Хелкииноскиро чхаво́, и Се́вна [Шэбна-ю.о.], и Иоахо Рабсакоскэ: “Ра́кир писхарье́нгэ тырэнгэ пир арамеитко чиб, пал-дова́ со ґалёваса амэ, а на ра́кир амэ́нца пир юды́тко чиб дрэ саро́ шуныбэ́н манушэ́нгиро, савэ́ исын пэ ва́нта.”
27. И пхэндя́ лэ́нгэ Рабсако: “Нау́што е́кх кэ тыро́ хула́й и кэ ту бичхадя́ ман хула́й миро тэ пхэна́в далэ́ лава́? Над, адя́кэ-паць и кэ мануша́, савэ́ исын бэштэ́ пэ ва́нта, соб (кай) тэ хан нажужыпэн пэ́скиро и тэ пьен мутыра пэ́скирэ тумэ́нца.”
28. И уштыя́ Рабсако, и пхэндя́ сарэ́нгэ зоралэ́ заня́са пир юды́тко, и ракирдя́, и пхэндя́: “Шунэ́н лав барэ́ крали́скиро, Асирия́кирэ-крали́скиро!
29. Адя́кэ ракирэ́ла кра́ли: ‘Мэк тэ на хохавэ́л тумэн Езэки́я, пал-дова́ со ёв на могинэ́ла тумэн тэ зракхэ́л мирэ́ вастэ́стыр.’
30. И мэк тэ на дэл наде́я тумэ́нгэ Езэки́я Ра́са Дэвлэ́са, ракири́: ‘Зракхэ́ла амэн Рай Дэвэ́л, и на явэ́ла дава́ фо́ро отдыно́ дрэ Асирия́кирэ-крали́скирэ васта́.’
31. На шунэ́н Езэкияс. Пал-дова́ со адя́кэ ракирэ́ла Асирия́киро кра́ли: ‘Кэрэ́н доракирибэ́н (союзо) ма́нца и выджа́н кэ мэ, и мэк кажно (сва́ко) тэ хал му́ри пэ́скирэ-винаградытконэ хрустостыр и инжыро пэ́скиро, и мэк кажно (сва́ко) тэ пьел пани́ пэ́скирэ ґанынгатыр.
32. Пака мэ ява́ва и лава́ тумэн пэ дасави́-паць пхув, сыр и тумари́ пхув исын, пэ пхув маритко и молитко марэскири и молякири, пэ оливи́тко пхув и пэ авгинэскири пхув, и явэ́на тумэ́ тэ дживэ́н, и на мэрэ́на. На шунэ́н Езэкияс, саво́ хохавэла тумэн, ракири́: ‘Рай Дэвэ́л зракхэ́ла амэн.’
11. и савэ́ пхэндлэ́: “Ѓалилеякирэ Мануша́лэ! Со тумэ́ сан тэрдэ́ и дыкхэ́на пэ болыбэ́н? Кадава́ Ису́со, Саво́ сыс ґаздыно́ тумэ́ндыр пэ болыбэ́н, адя́кэ-паць и явэ́ла, сыр тумэ́ дыкхнэ́, сыр Ёв ґаздэласпэ пэ болыбэ́н.”