Bible in one year June 191 Chronicles 1:1-541. Адамо, Сифо, Еносо,2. Каинано, Малелеило, Иаредо (Яре́до),3. Енохо, Мафусало, Ламехо,4. Ноё, Симо, Хамо и Иафето (Яфе́то).5. Чхавэ́ Иафетоскирэ сыс: Гоме́ро, Магого, Мадаё, Иавано, Фувало, Мешэхо и Фирасо.6. Чхавэ́ Гомероскирэ сыс: Аскеназо, Рифато и Фогарма.7. Чхавэ́ Иаваноскирэ сыс: Елисо, Фарсисо, Китимо и Доданимо.8. Чхавэ́ Хамоскирэ сыс: Хушо, Мицраимо, Футо и Ханаано.9. Чхавэ́ Хушоскирэ сыс: Се́ва, Хавила, Савта, Раама и Савте́ха. Чхавэ́ Раамаскирэ сыс: Шэва и Дедано.10. Хушостыр бия́ндыя адя́кэ-паць Нимродо: адава́ яця́ пэ́рво зорало́ пэ пхув.11. Мицраимостыр бия́ндынэ: Лудимо, Анамимо, Легавимо, Нафтухимо,12. Патрусимо, Каслухимо, савэ́стыр выгинэ́ Филистимля́ни, и Кафторимы.13. Ханааностыр бия́ндынэ: Сидоно, англатуно́ лэ́скиро, Хе́то,14. Евусе́ё, Аморе́ё, Гергесе́ё,15. Еве́ё, Арке́ё, Сине́ё,16. Арваде́ё, Цэмаре́ё и Хамафе́ё.17. Чхавэ́ Симаскирэ сыс: Еламо, Асуро, Арфаксадо, Лудо, Ара́мо, У΄цо, Хуло, Геферо и Мешэхо.18. Арфаксадостыр бия́ндыя Сала, Саластыр бия́ндыя Еве́ро.19. Еверостыр бия́ндынэ дуй чхавэ́: екхэскиро лав сыс Фале́ко, пал-дова́ со дрэ лэ́скирэ дывэса́ розгия́пэ (розделиндяпэ) пхув сыс росчхуды пэ паша (уладяпэ); лав лэ́скирэ пшалэскиро сыс Иоктано.20. Иоктаностыр бия́ндынэ Алмодадо, Шале́фо, Хацармаве́то, Иерахо,21. Гадорамо, Узало, Дикло,22. Евало, Авимаило, Шэва,23. Офиро, Хавило и Иоваво. Сарэ́ адалэ́ сыс чхавэ́ Иоктаноскирэ.24. Симо, Арфаксадо, Сала,25. Еве́ро, Фале́ко, Рагаво,26. Серухо, Нахоро, Фара,27. Авра́мо, ёв адя́кэ-паць исын Авраа́мо.28. Чхавэ́ Авраамо́скирэ сыс: Исаа́ко и Измаило.29. Ѓа́да, исын лэ́нгиро ро́до: англатуно́ Измаилоскиро Наваиофо, пал лэ́стэ Кедаро, Адбее́ло, Мивсамо,30. Мишма, Дума, Маса́, Хададо, Фема,31. Иетуро, Нафишо и Кедма. Дава́ исын чхавэ́ Измаилоскирэ.32. Чхавэ́ Хетуракирэ, наложницатыр Авраамоскирьятыр: ёй бияндя́ Зимранос, Иокшанос, Меданос, Мадианос, Ишбакос и Шуахос. Чхавэ́ Иокшаноскирэ сыс: Шэва и Дедано.33. Чхавэ́ Мадианоскирэ сыс: Ефа, Ефе́ро, Ханохо, Авидо и Елдаго. Сарэ́ адалэ́ чхавэ́ сыс Хетуракирэ.34. И бия́ндыя Авраамостыр Исаа́ко. Чхавэ́ Исаакоскирэ сыс: Иса́во и Израилё.35. Чхавэ́ Исаво́скирэ сыс: Елифазо, Рагуило, Еусо, Егломо и Кореё.36. Чхавэ́ Елифазоскирэ сыс: Фемано, Омаро, Цэфо, Гафамо, Кеназо, Амалико.37. Чхавэ́ Рагуилоскирэ сыс: Нахафо, Зерахо, Шама и Миза.38. Чхавэ́ Сеироскирэ сыс: Лотано, Шовало, Цывеоно, Ана, Дишоно, Ецэро и Дишано.39. Чхавэ́ Лотаноскирэ сыс: Хори и Гемамо; а пхэн Лотаностэ сыс Фимна.40. Чхавэ́ Шовалоскирэ сыс: Алеано, Манахафо, Евало, Шэфо и Онамо. Чхавэ́ Цывеоноскирэ сыс: Аиая и Ана.41. Чхавэ́ Анаскирэ сыс: Дишоно. Чхавэ́ Дишоноскирэ сыс: Хемдано, Ешбано, Ифрано и Херано.42. Чхавэ́ Ецэроскирэ сыс: Билгано, Заавано и Акано. Чхавэ́ Дишаноскирэ сыс: Уцо и Арано.43. Адалэ́ сыс кра́лья, савэ́ кралиндлэ пэ Эдомоскири пхув, англэды́р, сыр яця́ крали́са пэ Израилёскирэ чхавэ́ндэ: Бэла, чхаво́ Веороскиро, и лав фороскэ лэскирэскэ (Эдомоскирэскэ) – Дингава;44. и мыя́ Бэла, и яця́ крали́са пал лэ́стэ Иоваво, чхаво́ Зерахоскиро, Восоратыр.45. И мыя́ Иоваво, и яця́ крали́са пал лэ́стэ Хушамо, Феманитянэнтирэ пхувья́тыр.46. И мыя́ Хушамо и яця́ крали́са пал лэ́стэ Гададо, чхаво́ Бедадоскиро, саво́ домардя́ Мадианитянэн пэ Моавоскири пхув; лав лэ́скирэ фороскэ сыс Авиво.47. И мыя́ Гададо, и яця́ крали́са пал лэ́стэ Самло, Масрекатыр.48. И мыя́ Са́уло, и яця́ крали́са пал лэ́стэ Са́уло Реховофостыр, со сыс пашы́л рэка (лэнь).49. И мыя́ Са́уло, и яця́ пал лэ́стэ крали́са Баал-Ханано, чхаво́ Ахбороскиро.50. И мыя́ Баал-Ханано, и яця́ пал лэ́стэ крали́са Гадаро; лав лэ́скирэ фороскэ сыс Пау; лав лэ́скирэ ромнякэ сыс Мегетавеель, чхай Матредоскири, чхай Мезагавоскири.51. И мыя́ Гадаро. И сыс пхурыдыра́ пир Эдо́мо: пхурыдыро Фимна, пхурыдыро Алва, пхурыдыро Иете́фо (Ете́фо),52. пхурыдыро Оливе́мо, пхурыдыро Эла, пхурыдыро Пиноно,53. пхурыдыро Кеназо, пхурыдыро Фемано, пхурыдыро Мивцаро,54. пхурыдыро Магдиило, пхурыдыро Ирамо. Ѓа́да, сыс Идумеякирэ пхурыдыра́.1 Chronicles 2:1-551. Ѓа́да, сыс Израилёскирэ чхавэ́: Рувимо, Симеоно, Ле́виё, Юда, Исахаро, Завулоно,2. Дано, Ёза (Иосифо), Вениамино, Нефалимо, Гадо и Асиро.3. Чхавэ́ Юда́скирэ сыс: Иро, Онано и Сило́мо, – трин бия́ндынэ лэ́стэ Шуевоскирэ чхатыр, Хананеянкатыр. И сыс Иро, англатуно́ Юда́скиро чхаво́, на́лачхо дрэ Ра́скирэ-Дэвлэ́скирэ якха́; и Ёв мулякирдя́ лэс.4. И Фамарь, лэ́скири бори, бияндя́ лэ́скэ Фаресос и Зарас. Сарэ́н чхавэ́н Юдастэ сыс панджинэ.5. Чхавэ́ Фаресоскирэ сыс: Есромо и Хамуло.6. Чхавэ́ Зароскирэ сыс: Зимри, Ефано, Емано, Халколо и Да́ро; сарэ́н лэн сыс пандж.7. Чхавэ́ Хамрискирэ сыс: Ахаро, саво́ яндя́ би́да пэ Израилё, и саво́ отпарудя совэ́л.8. Чхавэ́ Ефаноскиро сыс: Аза́рия.9. Чхавэ́ Есромоскирэ, савэ́ бия́ндынэ лэ́стыр: Иерахмеило, Ара́мо и Хелуваё.10. Арамостыр бия́ндыя Аминада́во; Аминадавостыр бия́ндыя Наасо́но, Юда́скирэ-чхавэ́нгиро тхага́ри (князё);11. Наасоностыр бия́ндыя Соломо́но, Соломоностыр бия́ндыя Воозо;12. Воозостыр бия́ндыя Овидо, Овидостыр бия́ндыя Иесе́ё (Есеё);13. Есеёстыр бия́ндыя англатуно́ лэ́скиро чхаво́ Елиавасо, яви́р – Амидаво, три́то – Саму,14. шта́рто – Нафанаило, па́нджто – Радаё,15. шо́вто – Оцэмо, эфта́то – Дави́до.16. Пхэня лэ́нгирэ сыс: Саруия и Авиге́я. Чхавэ́ Саруиякирэ сыс: Аве́са, Иоа́во и Азаило, трин.17. Авиге́я бияндя́ Амесас; дад Амесаскиро – Иеферо, Измаильтянино.18. Халевостыр, кон сыс чхаво́ Есромоскиро, бияндя́ Азува, лэ́скири ромны́, и Ериофа, и ґа́да, сыс лэ́скирэ чхавэ́: Ешэро, Шоваво и Ардоно.19. И мыя́ Азува; и лыя́ пэ́скэ Хале́во ромня́ Ефрафа, и ёй бияндя́ лэ́скэ Хурос.20. Хуростыр бия́ндыя Уриё, Уриёстыр бия́ндыя Веселиило.21. Пало́ дава́ Есромо загия́ кэ чхай Махироскири, Галаадо́скирэ-дадэ́скири, и лыя́ ла, лэ́скэ сыс шовдэша́ бэрш; и ёй бияндя́ лэ́скэ Сегувос.22. Сегувостыр бия́ндыя Иаиро, и сыс лэ́стэ биш тэ трин фо́рья пэ Галаадоскири пхув.23. Нэ Гесуряни и Сирияни лынэ́ лэ́ндыр гаворэ Иаироскирэ, Кенафо и фо́рья, савэ́ сыс тэл лэ́скири зор – шовдэша́ фо́рья. Сарэ́ далэ́ фо́рья Махироскирэ чхавэ́нгирэ, Галаадо́скирэ дадэ́скирэ.24. Сыр Есромо мыя́ дро Халев-Ефрафо, Есромоскири ромны́, Авия́, бияндя́ лэ́скэ Ашхурос, Фекояскирэ дадэ́с.25. Чхавэ́ Ерахмеилоскирэ, англатунэ́-Есромоскирэ чхавэ́скирэ сыс: англатуно́ чхаво́ Рамо, пал лэ́стэ Вуно, Оре́но, Оцэмо и Ахия.26. Сыс Ерахмеилостэ и яви́р ромны́, лав ла́киро сыс Афара; ёй сыс дай Онамоскири.27. Чхавэ́ Рамоскирэ, англатунэ́ Ерахмеилоскирэ чхавэ́скирэ, сыс: Маацо, Иамино (Ямино) и Еке́ро.28. Чхавэ́ Онаманоскирэ сыс: Шамаё и Иада (Яда). Чхавэ́ Шамаёскирэ: Надаво и Авишуро.29. Лав Авишуроскирэ ромнякэ сыс Авихаиль, и ёй бияндя́ лэ́скэ Ахбанос и Молидос.30. Чхавэ́ Надавоскирэ сыс: Селе́до, и Афраимо. И мыя́ Селе́до, на сыс чхавэ́ лэ́стэ.31. Чхаво́ Афаимоскиро сыс: Ишыё. Чхаво́ Ишы΄ёскиро сыс: Шэшано; Шэшаноскиро чхаво́ сыс Ахлаё.32. Чхавэ́ Иадоскирэ, Шамаёскирэ пшалэ́скирэ: Иефе́ро и Ионафа́но. Иефе́ро мыя́, на сыс лэ́стэ чхавэ́.33. Чхавэ́ Ионафаноскирэ: Пеле́фо и Заза. Далэ́ сыс Иерахмеилоскирэ чхавэ́.34. Шэшаностэ на сыс чхавэ́, а екх чхая́. Шэшаностэ сыс писха́ри, Египтянино, лав лэ́скиро сыс Ярха (Иарха);35. Шэшано отдыя́ пэскирья́ чха палоро́м Ярхаскэ, пал пэ́скирэ писхаристэ; и ёй бияндя́ лэ́скэ Атаёс.36. Атаёстыр бия́ндыя Нафано, Нафаностыр бия́ндыя Завадо;37. Завадостыр бия́ндыя Ефлало, Ефлалостыр бия́ндыя Овидо;38. Овидостыр бия́ндыя Иеуё (Еуё), Еуёстыр бия́ндыя Аза́рия;39. Азариястыр бия́ндыя Хеле́цо, Хелецостыр бия́ндыя Елеасо;40. Елеасостыр бия́ндыя Сисмаё, Сисмаёстыр бия́ндыя Салумо;41. Салумостыр бия́ндыя Иекамия (Екамия), Иекамиястыр бия́ндыя Елишама.42. Чхавэ́ Халевоскирэ, Ерахмеилоскирэ пшалэ́скирэ сыс: Меша, англатуно́ лэ́скиро чхаво́, – ёв сыс Зифаскиро дад; а лэ́стыр бия́ндыя Маре́ша, ёв сыс дад Хевроноскэ.43. Чхавэ́ Хевроноскирэ сыс: Коре́ё и Тапуахо, и Реке́мо и Шэма.44. Шэмастыр бия́ндыя Рахамо, кон сыс Ёркеамоскиро дад, а Рекемостыр бия́ндыя Шамаё.45. Чхаво́ Шамаёскиро сыс: Маоно, а Маоно сыс Беф-Цуроскиро дад.46. И Ефа, Халевоскири наложница, бияндя́ Харанос, Моцас и Газезос. И Хараностыр бия́ндыя Газе́зо.47. Чхавэ́ Егдаёскирэ (Иегдаёскирэ) сыс: Реге́мо, Иофа́мо, Гешано, Пеле́то, Ефа и Шаафо.48. А Маха, яви́р Халевоскири наложница, бияндя́ Шеверос и Фирханос;49. ёй адя́кэ-паць бияндя́ Шаафос, Мадманаскирэ дадэ́с, Шэвос, Махбеноскирэ дадэ́с и Гевеёскирэ дадэ́с. Чхай Халевоскири сыс Ахса.50. Ѓа́да, сыс чхавэ́ Халевоскирэ: чхаво́ Хуро, англатуно́ Ефрафоскиро; Шовало, Кири́аф-Яримоскиро дад;51. Салма, Вифлеемоскиро дад; Харе́фо, Бефгадероскиро дад.52. Шовалостэ, Кири́аф-Яримоскирэ (Иаримоскирэ) дадэ́стэ, сыс чхавэ́: Гарое, [Хацы, Галменюхото-р.с.] [Паш Манахитийцэнгири-ю.о.].53. Кири́аф-Яримоскирэ кхэри́тка ро́ды (пле́ми): Ифрияни, Футияни, Шумафани и Мидраитяни. Адалэндыр выгинэ́ Цоряни и Ештаоляни.54. Чхавэ́ Салмаскирэ исын: Вифлеемляни и Нетофафяни, Иоавовоскирэ-кхэрэ́скири [вя́нка-р.с.] и паш Менухотянэнгиро-Цоряни,55. и Соферийцэнгирэ кхэри́тка ро́ды (пле́ми) (ёнэ сыс пиричхиныбнаскирэ/писари), савэ́ дживдэ́ кэ Иабе́цо, Тире́йцы, Шиме́йцы, Сухайцы: адалэ́ исын Кинеяни, савэ́ выгинэ́ Хамафостыр, Бетрехавоскирэ дадэ́стыр.Psalms 76:1-61. Хоро́скирэ Дирижоро́скэ. Пэ Балытка Струме́нты. Асафоскиро Пса́лмо. Гилы́.2. Дэвэ́л исын джиндло́ дрэ Юдэ́я, лэ́скиро лав исын пэ барипэ́н дро Израилё.3. И Лэ́скири Ша́тра исын дрэ Салима, и Лэ́скиро кхэр пэ Сио́но.4. Одо́й Ёв пхагирдя́ сыгна марибны́тка бустя́ (стре́лы) пэ лу́ко вэргэ́ндэ, шчы́то, курта́ла и марибэ́н. Сэ́ла.5. Ту сан славу́тно, Ту сан зоралэды́р вечнонэ бэргэндыр.6. Муршэ́н лынэ́ криг зорья́са, ёнэ пынэ́ дрэ соибэн; ние́кх зоралюкэндыр на латхя́ буты́ пэ́скирэ вастэнгэ.Proverbs 19:6-76. Бут мануша́ пэкэнапэ пал ла́ска барэ́ рандыр, и кажно ману́ш исын мал одолэ́скэ, кон дэ́ла.7. Сарэ́ пша́ла чорорэ́-манушэ́скирэ древа́н на камэ́на лэс, пэ кицы́ буты́р лэ́скирэ мала́ дурьёна лэ́стыр! Ёв могинэ́ла тэ мангэ́л лэн палэ лавэ́нца, нэ ёнэ усае́кх мэкэ́на лэс.Skutki 4:1-221. Ке́ли Пэ́три и Иа́но ракирдэ́ манушэ́нгэ, кэ ёнэ подгинэ́ рашая́ и ракхибнарьенгирэ барыдыра́ пир Кхангири́ и Садукеи,2. лэ́нгэ сыс пхаро́ пэ ило́, со Апо́столы сыклякирэнас манушэ́н, и пхэнэнас лав пал отджидякирибэн мэрибна́стыр, сыр сыс Исусо́са;3. и ёнэ закэдынэ Пэтрис и Ианос, и пал-дова́ со дава́ сыс бэльвэле́, ёнэ чхудэ́ лэн дро штарибэ́н кэ яви́р дывэ́с.4. Бут мануша́, савэ́ шундлэ́ лэ́нгиро пхэныбэ́н, упатя́ндынэ; и манушэ́н, савэ́ лынэ́ тэ патя́н, яця́ буты́р, сыр пандж тысёнцы.5. И пэ яви́р дывэ́с скэдынэ́пэ дро Ерусалимо лэ́нгирэ барыдыра́, годэпхурэ́ и лылвари́тка (кни́жники),6. одо́й сыс пэ́рво раша́нгиро барыдыро́ Анна, и Каиа́фа, и Иа́но, и Лександро (Александро) и яви́р пэрвонэ́-рашаскири сэмэнцатыр;7. ёнэ яндлэ́ Пэтрис Ианоса, чхудэ́ лэн машкира́л, и лынэ́ тэ допхучэн лэ́ндыр: “Савэ зорья́са ци савэ́ лавэ́са тумэ́ кэрэ́на саро́ дава́?”8. Тэды Пэ́три, саво́ сыс пхэрдо́ Свэнтонэ́ Духо́са, пхэндя́ лэ́нгэ: “Барыдыралэ тхэмэ́скирэ и Израилёскирэ годэпхурэ́!9. Ко́ли тумэ́ пхучэна амэ́ндыр пал лачхо́ рэ́ндо ваш насвалэскэ, сыр ёв сыс высастякирдо,10. мэк тэ явэ́л джиндло́ тумэ́нгэ сарэ́нгэ и сарэ́ Израилёскирэ манушэ́нгэ, со Исусо́скирэ-Христосо́скирэ лавэ́са, Саво́ сыс Назареё, и Савэс тумэ́ примардэ пэ трушу́л, Савэс Дэвэ́л отджидякирдя́ мэрибна́стыр, ґа́да, адава́ ману́ш исын тэрдо́ састо́ анги́л тумэ́ндэ.11. Ису́со исын сы́рбы ‘дова́ Бар, саво́ на прилынэ́ бутитка пэ кхэр, саво́ яця́ вэнглоскирэ шэралэ́ Барэса.’12. И нанэ буты́р ни дрэ конэ́стэ явирэ́стэ зракхибэ́н, нанэ тэл болыбэ́н яви́р лав, саво́ дыно́ манушэ́нгэ, савэ́са амэ могинасас тэ зракхаспэ.”13. Юдэ́нгирэ-Синедрионоскирэ шэралэ́ дивиндлэ́пэ пэ Пэтрискиро Ианоса муршыпэн, и ґалынэ́, со Пэ́три и Иа́но сыс насыклэ мануша́, савэ́ никай на сыклынэ, и ёнэ ґалынэ́, со ёнэ сыс кхэтанэ́ Исусо́са.14. И дыкхи́, со высастякирдо ману́ш сыс тэрдо́ кхэтанэ́ лэ́нца, ёнэ нисо́ на могиндлэ́ тэ пхэнэ́н проти лэ́ндэ;15. нэ ёнэ припхэндлэ Апостолэнгэ тэ джа́н яври́ Синедрионостыр, а кокорэ́ лынэ́ тэ обракирэн машки́р пэ́стэ,16. и ракирдэ́: “Со амэ́нгэ тэ кэра́с адалэ́ манушэ́нца? Пал-дова́ со сарэ́ мануша́ джинэ́на, со ёнэ кэрдэ́ ди́во, и амэ на могинаса дава́ тэ на приґалёвас.17. Нэ соб (кай) бутэды́р тэ на розджалпэ машки́р явирэндэ манушэ́ндэ пал дава́, трашаваса лэн, соб (кай) ёнэ тэ на ракирэ́н никонэса манушэ́ндыр пал Исусо́скиро лав.”18. Ёнэ нэвэ́стыр кхардэ́ Апостолэн и шылалэс припхэндлэ лэ́нгэ, соб (кай) ёнэ сарэ́са тэ на ракирэ́н и тэ на сыклякирэ́н пал Исусо́скиро лав.19. Нэ Пэ́три и Иа́но отпхэндлэ́ лэ́нгэ: “Нэ дэн годы́ пэскэ́ (подуминэн) кокорэ́, ци чачунэ́с дава́ явэ́ла анги́л Дэвлэ́стэ, тэ кандэс тумэн бутэды́р Дэвлэ́стыр?20. Амэ́нгэ нашты́ тэ на ракирас пал дова́, со амэ кокорэ́ дыкхцям и шундя́м.”21. Синедрионоскирэ шэралэ́ шылалэс припхэндлэ Апостолэнгэ, и отмэкнэ лэн; ёнэ на джиндлэ́, сави́ ка́ра тэ чхувэ́н пэ Апостолэндэ, пал-дова́ со сарэ́ мануша́ славиндлэ Дэвлэ́с пал калекаскиро высастякирибэн;22. пал-дова́ со буты́р, сыр штардэша́ бэрш сыс одолэ́ манушэ́скэ, пэ савэ́стэ кэрдя́пэ дава́ дивно высастякирибэн. Romani Bible Baltic 2019 Maintained by the United Bible Societies for the Baltic Romani Mission