Bible in one year - Пэ Балтитко Романи чиб

Bible in one year June 20

1. Чхавэ́ Давидо́скирэ, савэ́ бия́ндынэ лэ́стыр дро Хевро́но, сыс: англатуно́ чхаво́-Амноно, Ахиноаматыр Изреелитянкатыр; яви́р – Далуия [Дание́лё-ю.о.], Авигеятыр Кармилитянкатыр;

2. три́то – Авесало́мо, Маахиякиро чхаво́, Фалмаёскирэ-чхакирэ, Гесуроскирэ крали́скирэ; шта́рто – Адония, Агифаскиро чхаво́;

3. па́нджто – Сафатия, Авиталатыр; шо́вто – Ифреамо, Аглаятыр, лэ́скирэ ромнятыр, –

4. адалэ́ шов бия́ндынэ лэ́стыр дро Хевро́но; одо́й ёв сыс крали́са эфта́ (битринэ́нгиро дэш) бэрш и шов чхона́; а трия́нда трин бэрш сыс кра́ли дро Ерусалимо.

5. Адалэ́ чхавэ́ лэ́стыр бия́ндынэ дро Ерусалимо: Шымо, Шоваво, Нафано и Соломо́но, штар Вирсавиятыр, Амиилоскирэ чхатыр;

6. Ивхаро, Елишамо, Елифеле́то,

7. Ногаго, Нефе́го, Иафиа (Яфиа),

8. Елишама, Елиада и Елифеле́то – еня́ (биекхэ́скиро дэш).

9. Ѓа́да, сыс сарэ́ Давидо́скирэ чхавэ́, апри́ч чхавэ́ндэ наложницэндыр. Пхэн лэ́нгири сыс Фамарь.

10. Чхаво́ Соломоно́скиро сыс Ровоа́мо; лэ́скиро чхаво́ Авия́; лэ́скиро чхаво́ Аса́; лэ́скиро чхаво́ Иосафа́то;

11. Лэ́скиро чхаво́ Иора́мо; лэ́скиро чхаво́ Охозия; лэ́скиро чхаво́ Иоа́со;

12. Лэ́скиро чхаво́ Ама́сия; лэ́скиро чхаво́ Аза́рия; лэ́скиро чхаво́ Иофа́мо;

13. Лэ́скиро чхаво́ Аха́зо; лэ́скиро чхаво́ Езэки́я; лэ́скиро чхаво́ Мана́сия;

14. Лэ́скиро чхаво́ Амоно; лэ́скиро чхаво́ Иосия.

15. Чхавэ́ Иосияскирэ сыс: англатуно́ чхаво́ Иоахазо, яви́р Иоакимо, три́то Сэдэки́я, шта́рто Селумо.

16. Чхавэ́ Иоакимоскирэ сыс: Ехония, лэ́скиро чхаво́; Сэдэки́я, лэ́скиро чхаво́.

17. Чхавэ́ Ехонияскирэ сыс: Асиро, Салафиило, лэ́скиро чхаво́;

18. Малкирамо, Федаия, Шэнацаро, Езэки́я, Гошамо и Савадия.

19. И чхавэ́ Федаияскирэ сыс: Зоровавелё и Шыме́ё. Чхавэ́ Зоровавелёскирэ: Мешуламо и Ханания, и Шеломиф, лэ́нгири пхэн,

20. и ишчо (инкэ́) пандж сыс: Хашува, Оге́ло, Бере́хия, Хасадия и Иушав (Юшав)-Хесе́до.

21. И чхавэ́ Хананияскирэ сыс: Фелатия и Исаё; лэ́скиро чхаво́ Арнано; лэ́скиро чхаво́ Овадия, лэ́скиро чхаво́ Шэхания.

22. Чхаво́ Шэханияскиро сыс: Шэмаия; чхавэ́ Шемаияскирэ: Хатушо, Игеало, Бариахо, Неариё и Шафато, шовджинэ.

23. Чхавэ́ Неарияскирэ сыс: Елиоэнаё, Езэки́я и Азрикамо, тринджинэ.

24. Чхавэ́ Елиоэнаёскирэ сыс: Годавьягу, Елеашыво, Фелаия, Акуво, Иоханано, Делаия и Анани, эфтаджинэ.

1 Chronicles 4:1-43

1. Чхавэ́ Юда́скирэ сыс: Фаре́со, Есромо, Харми, Хуро и Шовало.

2. Рэаиястыр, кон сыс Шовалоскиро чхаво́, бия́ндыя Иахафо; Иахафостыр бия́ндыя Ахумо и Лагадо: лэ́ндыр сыс Цорянэнгиро ро́дыцо.

3. И адалэ́ сыс чхавэ́ Етамоскирэ: Изрее́лё, Ишма и Идбашо, и лэ́нгири пхэн, пир лав сыс Гацлелпони,

4. Пенуэло, Гедороскиро дад, и Езе́ро, Хушаноскиро дад. Ѓа́да, исын чхавэ́ Хураскирэ, саво́ сыс англатуно́ чхаво́ Ефрафостэ, Вифлеемоскирэ дадэ́стэ.

5. Ахшуростэ, Фекояскирэ дадэ́стэ, сыс дуй ромня́: Хела и Наара.

6. И бияндя́ лэ́скэ Наара Ахузамос, Хеферос, Фимниёс и Ахашфарос; адалэ́ сыс Нааракирэ чхавэ́.

7. Чхавэ́ Хелакирэ сыс: Цэре́фо, Цохаро и Ефнано.

8. Коцостыр бия́ндыя: Ануво и Цове́во и Ахархелоскирэ кхэри́тка ро́ды (пле́ми), саво́ сыс Гарумоскиро чхаво́.

9. Иависо сыс славутнэдыр пэ́скирэ пшалэ́ндыр. Э дай дыя́ лэ́скэ лав Иависо, пхэндя́: “Мэ бияндём лэс насвалыпнаса.”

10. И кхардя́ зоралэ́с Иависо Дэвлэ́с Израилёскирэс, и пхэндя́: “О, ко́ли бы Ту бахтякирдян ман Тырэ́ бахтякирибнаса, и тэ кэрэ́с барэды́р мирэ́ рига́, и васт Тыро́ тэ явэ́л ма́нца, тэ ракхэ́л ман фуипнастыр, соб (кай) мэ тэ на пэрав!” И Дэвэ́л дыя́ лэ́скэ, со ёв мангдя́.

11. Хелувостыр, Шухаскирэ пшалэстыр, бия́ндыя Махиро; ёв сыс Ештоноскиро дад.

12. Ештоностыр бия́ндыя Беф-Рафо, Пасеахо и Техина, кон сыс дад фороскэ Наасо; адалэ́ сыс мануша́ Рехатыр.

13. Чхавэ́ Кеназоскирэ сыс: Гофониило и Сераия. Гофониилоскиро чхаво́ сыс: Хафафо,

14. и Меонофаё, савэ́стыр бия́ндыя Офра, а Сераиястыр бия́ндыя Иоа́во, кон сыс барыдыро́ пэ плотникэнгиро до́ло, пал-дова́ со ёнэ сыс кхэра́-кэрибнаскирэ (плотники).

15. Чхавэ́ Халевоскирэ, Иефонииноскирэ чхавэ́скирэ сыс: Иро, Ила и Наамо. Иласкиро чхаво́ сыс: Кеназо.

16. Чхавэ́ Егалелэлоскирэ сыс: Зифо, Зифа, Фирия и Асареело.

17. Чхавэ́ Езраскирэ сыс: Иефе́ро, Мере́до, Эфе́ро и Иалоно; Иеферостыр бия́ндыя Меромо, Шамаё и Ишбахо, кон сыс Ешфемояскиро дад.

18. И лэ́скири ромны́ Юдия бияндя́ Ередос (Иередос), Гедороскирэс дадэ́с, и Хеверос, Сохоскирэс дадэ́с, и Екуфиилос, Занаохаскирэс дадэ́с. Адалэ́ сыс Бифьякирэ чхавэ́, фараоно́скирэ чхакирэ, савья́ лыя́ палоро́м Мере́до.

19. Чхавэ́ Годиякирэ, лэ́скирэ ромнякирэ, кон сыс пхэн Нахамоскири, Кеилоскирэ-дадэ́скири: Гармо и Ешфемоа-Маахатянино.

20. Чхавэ́ Симеоноскирэ сыс: Амноно, Рина, Бенханано и Филоно. Чхавэ́ Ишыяскирэ сыс: Зохе́фо и Бензохе́фо.

21. Чхавэ́ Силомоскирэ, Юда́скирэ чхавэ́скирэ, сыс: Иро, Лехоскиро дад, и Лаедо, Марешаскиро дад, и конэ́скири сэ́м΄я (ири́) обкэрэлас висоно, Ашбеёскирэ кхэрэ́стыр,

22. и Иокимо, и мануша́ Хозевакирэ, и Иоашо и Сарафо, савэ́ндэ сыс фэлатиня́ дро Моа́во, и дрэ Иашувилехемо; нэ дава́ сыс древа́н ґара́.

23. Ёнэ кэрдэ́ пирья и дживдэ́ пашы́л унты (сады) и дрэ барья (огороды); одо́й дживдэ́ ёнэ ваш крали́скэ пашы́л лэ́скирэ бутя́.

24. Чхавэ́ Симеоноскирэ сыс: Немуило, Ямино (Иамино), Яриво (Иариво), Зерахо и Са́уло,

25. И чхаво́ лэ́скиро Шалумо; и чхаво́ лэ́скиро Мивсамо; и лэ́скиро чхаво́ Мишма.

26. Чхавэ́ Мишмаскирэ сыс: Хамуило, лэ́скиро чхаво́; лэ́скиро чхаво́ Закуро; лэ́скиро чхаво́ Шыме́ё.

27. Шымеёстэ сыс дэшушов чхавэ́ и шов чхая́; лэ́скирэ пшалэ́ндэ чхавэ́н сыс на́бут, и саро́ лэ́нгиро кхэри́тко ро́до (пле́мё) на адя́кэ сыс баро́, сыр кхэри́тко ро́до Юда́скирэ-чхавэ́нгиро.

28. Ёнэ дживдэ́ кэ Вирса́вия, Молада, Хацаршуала,

29. кэ Билга, кэ Ецэмо, кэ Фоладо,

30. кэ Бефуило, кэ Хорма, кэ Циклаго,

31. кэ Беф-Маркавофо, кэ Хацарсусима, кэ Беф-Бирея и кэ Шааримо. Ѓа́да, сыс лэ́нгирэ фо́рья кэ Давидо́скиро кралипэ́н,

32. лэ́нгирэ гавэнца: Етамо, Аино, Римоно, Фоке́но и Ашано, – пандж фо́рья.

33. Сарэ́ лэ́нгирэ гава́, савэ́ сыс трусця́л далэ́ фо́рья кэ Ваала; ґа́да, сыс лэ́нгирэ-джиибна́скирэ штэ́ты и лэ́нгирэ-родэнгири история.

34. Мешоваво, Иамлехо и Иосия, Амасияскиро чхаво́,

35. Иоило и Егу (Ие́гу), Иошывискиро чхаво́, Сераияскирэ чхавэ́скиро, Асииловоскирэ чхавэ́скиро,

36. Елиоенаё, Иакова, Ишохаия, Асаия, Адиило, Ишымиило и Ване́я,

37. и Зиза, Шыфияскиро чхаво́, Алоноскиро чхаво́, Иедаияскиро чхаво́, Шимриёскиро чхаво́, Шэмаёскиро чхаво́.

38. Адалэ́ мануша́, савэ́ исын чхиндлэ́ пир лав, сыс тхага́рья пир пэ́скирэ кхэри́тка ро́ды, и лэ́нгирэ-дадэ́нгиро кхэр, розбарияпэ пэ бут сэмэнцы,

39. ёнэ догинэ́ кэ Герара и кэ васточно риг долоскири, соб (кай) тэ латхэ́н чаритка фэ́лды ваш пэ́скирэ кхэритконэ́ мурдалэ́нгэ (ското):

40. и латхнэ́ чаритка фэ́лды кэ чалыпэн и лачхэ́ и пхув бари, штыл и бидаракири, пал-дова́ со кэ ёнэ дживдэ́ одо́й екх на́бут Хамитяни.

41. И явнэ́ адалэ́ мануша́, савэ́ сыс зачхиндлэ́ пир лав, дрэ дывэса́ Езэкияскирэ, Юдэя́кирэ-крали́скирэ, и домардэ́ манушэ́н, савэ́ лодынэ и штэтытконэ манушэ́н, савэ́ одо́й дживдэ́, и протрадынэ лэн сарэ́са, и лынэ́ тэ дживэ́н пэ лэ́нгиро штэ́то; пал-дова́ со одо́й сыс чаритка фэ́лды ваш лэ́нгирэ кхэритконэ́ мурдалэ́нгэ.

42. Лэ́ндыр, Симеоноскирэ чхавэ́ндыр, гинэ́ кэ бэ́рга Сеиро панджшэла́ мануша́: Фелатия, Неария, Рефаия и Узиило, Ишыяскирэ чхавэ́, ёнэ сыс лэ́нгирэ шэралэ́ (главна мануша́).

43. И домардэ́ ёнэ Амаликитянэн, савэ́ ячнэ́пэ джидэ́ одо́й, и дживэ́на одо́й кэ дава́ дывэ́с.

Psalms 76:7-12

7. Тырэ́ дара́тыр, Яково́скиро Дэвэ́л, мэрибнытко вурдэ́н, адя́кэ-паць и грай сы́рбы тасадынэ тэ совэн.

8. Ту трашавэса кэ мэрибэ́н, и конэ́скэ исын пир зор тэ тэрдёл проти Ту́тэ?

9. Ту сэндякирэса болыбна́стыр манушэ́нгэ тэ шунэ́н, пхув страхадыя и замыя́;

10. ке́ли Ту уштыян тэ сэндякирэс, соб (кай) тэ зракхэс сарэ́ ковлэ́-илытконэ манушэ́н.

11. Пал-дова́ со аж мануша́ дрэ холы́ явэ́на тэ шарэ́н Тут, и Ту подпхандэсапэ холя́са, сави́ ячэ́лапэ.

12. Совлаха́н Дэвлэ́скэ и мангэ́нпэ Ра́скэ-Дэвлэ́скэ, тумарэ́ Дэвлэ́скэ, мэк сарэ́, кон исын пашы́л Лэ́стэ, тэ янэ́н да́ры Лэ́скэ, Самонэ (Най) Барэдырэскэ кэ дар.

Proverbs 19:8-9

8. Кон сыклёла тэ явэ́л годэдыр, одова́ пэкэлапэ (заботисола) пал пэ́скиро ди; кон ячэ́лапэ годьваро́, одова́ латхэ́ла лачхипэ́н.

9. Начачуно якхи́тко (свидетеле) явэ́ла сэндякирдо, и кодова́, кон хохавэла, хасёла.

Skutki 4:23-37

23. Ке́ли отмэкнэ Пэтрис и Ианос, ёнэ явнэ́ кэ пэ́скирэ мануша́ и роспхэндлэ́ лэ́нгэ пал саро́, со лэ́нгэ ракирдэ́ раша́нгирэ барыдыра́ и годэпхурэ́.

24. И ке́ли ёнэ вышундлэ пал саро́ дава́, тэды лынэ́ тэ мангэ́нпэ зоралэ́ заня́са сарэ́ кхэтанэ́ Дэвлэ́скэ и пхэндлэ́: “Раё Дэ́вла! Ту сан Хула́й пэ сарэ́ндэ, Ту, Саво́ создыян болыбэ́н и пхув и паня́ и саро́, со исын дрэ лэ́ндэ:

25. Ту, Саво́ ракирдян Духо́са Свэнтонэса пир Тырэ́ писхаристэ и амарэ́ дадэ́стэ Давидо́стэ: ‘Со́скэ На́юды дынэпэ шумоса тэ холясон и мануша́ задуминдлэ налачхипэн?

26. Пхувитка кра́лья ґаздынэ́пэ и тхага́рья (кня́зи) скэдынэ́пэ кхэтанэ́ пэ Дэвлэ́стэ и пэ Лэ́скирэ Христосо́стэ.’

27. Иродо и Понтиё Пила́то Наюдэнца и Израилёскирэ манушэ́нца скэдынэ́пэ кхэтанэ́ дро дава́ фо́ро, соб (кай) тэ кэрэ́н зракирибэ́н проти Свэнтонэ́ Чхавэ́стэ Исусо́стэ.

28. Соб (кай) тэ сполнинэл дова́, тэ явэ́л пир Тыро́ васт и во́ля.

29. И какана́, Раё Дэ́вла, Ту дыкхэ́са, со ёнэ амэн страхакирэна и дэ амэ́нгэ, писхарье́нгэ, муршыпэн тэ на дарас тэ пхэнас Тыро́ лав;

30. соб (кай) Ту тэ протырдэс Тыро́ васт тэ састякирэн, ваш ґертыка́ и ди́вы Исусо́скирэ лавэ́са, Свэнтонэ́ Чхавэ́са.”

31. И ке́ли ёнэ пириячнэ тэ мангэ́нпэ Дэвлэ́скэ, тэды дова́ штэ́то, кай ёнэ скэдынэ́пэ, затринскирдяпэ, и гия́ пэ сарэ́ндэ лэ́ндэ Свэнтонэ́-Духоскири зор и ёнэ пхэндлэ́ Дэвлэ́скиро лав муршыпнаса.

32. Патяибнаскирэ мануша́ сыс кхэтанэ́ илэ́са и годя́са; и нико́н нисо́ пэ́скирэ миштыпна́стыр на гиндя пал пэ́скиро, а саро́, со лэ́ндэ сыс, сыс пэ сарэ́ндэ;

33. а Апо́столы барэ́ зорья́са допхэнэнас пал Дэвлэ́скиро, Исусо́скирэ-Христосо́скиро отджидякирибэн мулэ́ндыр; и баро́ бахтякирибэ́н Дэвлэ́стыр сыс пэ лэ́ндэ сарэ́ндэ.

34. На сыс никонэ́с машки́р лэ́ндэ; соб (кай) лэ́скэ трэиндя́ вари-со, пал-дова́ со сарэ́, конэ́стэ сыс пэс-кири пхув ци кхэра́, бикнэнас лэн и янэ́нас сарэ́ ловэ́,

35. и чхувэ́нас лэн кэ Апостолэнгирэ ґэра́; и дэ́нас ловэ́ кажнонэ́скэ, дыкхи́ ци бут лэ́скэ трэй.

36. И, ґа́да, Ёза (Иосифо), савэ́с Апо́столы прокхардэ “Варнава”, со значынэ́ла: ‘Тангипнарискиро чхаво́’, Левито, саво́ бия́ндыя пэ Кипро,

37. и савэ́стэ сыс пэ́скири пхув, бикиндя ла, яндя́ ловэ́ и чхудя́ кэ Апостолэнгирэ ґэра́.

Romani Bible Baltic 2019

Maintained by the United Bible Societies for the Baltic Romani Mission