Bible in one year June 301 Chronicles 23:1-321. Дави́до пхурия и чалыя джиибнастыр, и чхудя́ пэ Израилё чхавэ́с пэ́скирэс Соломонос.2. И скэдыя́ сарэ́н Израилёскирэ тхагарьен, и раша́н, и Левитэ́н;3. и пиригиндлэ сыс Леви́ты трия́нда бэршэ́ндыр и буты́р: и сыс чысло (гин) лэ́нгиро, гины пир шэрэ́, трияндаохто тысёнцы мануша́.4. Лэ́ндыр чхудэ́ ваш рэ́ндо дро Дэвлэ́скиро Кхэр биш тэ штар тысёнцы, лыла́-чхиныбнаскирэн и сэндарье́н шов тысёнцы.5. И штар тысёнцы ракхибнарье́н пэ по́рта (вра́ты), и штар тысёнцы манушэ́н, савэ́ славиндлэ Рас Дэвлэ́с пэ багаибнытка струме́нты, савэ́ ёв кэрдя́ тэ славинэ́н (тэ барьякирэ́н).6. И роскэрдя́ лэн Дави́до пир ряды (пир стэчки/очэреди) пир чхавэ́ндэ Левиёскирэндэ-Гирсоноскирэ, Каафоскирэ и Мерарискэ.7. Гирсонянэндыр – Лаэдано и Шымеё.8. Чхавэ́ Лаэданоскирэ: англатуно́ Иехиило, Зефамо и Иоилё, трин.9. Чхавэ́ Шымеёскирэ: Шэломифо, Хазиило и Гарано, трин. Ёнэ сыс Лаэданоскирэ-стрэчакирэ шэралэ́.10. Ишчо (инкэ́) чхавэ́ Шымеёскирэ: Яхафо (Иахафо), Зиза, Иеушо и Берия. Далэ́ сыс чхавэ́ Шымеёскирэ, штарджинэ.11. Иахафо сыс англатуно́, Зиза яви́р; Иеушостэ и Бериястэ сыс на́бут чхавэ́, и палдава́ ёнэ сыс дро екх гиныбэ́н пашы́л кхэр дадэ́скиро.12. Чхавэ́ Каафоскирэ: Амрамо, Ицгаро, Хевро́но и Озиило, штарджинэ.13. Чхавэ́ Амрамоскирэ: Ааро́но и Мо́йза. Ааро́но отдыно́ сыс пэ свэнцыныбэн кэ Свэ́нто-свэнтонэнгиро, ёв и лэ́скирэ чхавэ́, пэ ве́ко, соб (кай) тэ тхувлякирэн (тэ кэрэ́н куриныбэн) анги́л Ра́скирэ-Дэвлэ́скиро муй, соб (кай) тэ дынаринэ́н (тэ служынэн) Лэ́скэ и тэ бахтякирэн Лэ́скирэ лавэ́са пэ ве́ко.14. А Мо́йза, ману́ш Дэвлэ́скиро, и чхавэ́ лэ́скирэ сыс причхудэ кэ ро́дыцо Левиёскиро.15. Чхавэ́ Мойза́скирэ сыс: Гирсоно и Елиэзэро.16. Чхавэ́ Гирсоноскирэ сыс: англатуно́ сыс Шэвуило.17. Чхавэ́ Елиезэроскирэ сыс: англатуно́ Рефавия. И на сыс Елиезэростэ яви́р чхавэ́; Рехавиястэ сыс древа́н бут чхавэ́.18. Чхавэ́ Ицгароскирэ сыс: англатуно́ Шэломифо.19. Чхавэ́ Хевроноскирэ сыс: англатуно́ Иерия и яви́р Амария, три́то Яхазиило и шта́рто Екамамо.20. Чхавэ́ Озиилоскирэ сыс: англатуно́ Миха и яви́р Ишыя.21. Чхавэ́ Мерарискирэ сыс: Махли, и Мушы. Чхавэ́ Махлискирэ сыс: Елиза́ро и Кисо.22. И мыя́ Елиза́ро, и на сыс лэ́стэ чхавэ́, а екх чхая́: и лынэ́ лэн пал пэ́стэ чхавэ́ Кисоскирэ, пша́ла лэ́нгирэ.23. Чхавэ́ Мушыёскирэ сыс: Махли, Едэро и Иремофо-тринджинэ.24. Ѓа́да, сыс чхавэ́ Левиёскирэ, пир лэ́нгирэ дадэнги́рэ кхэра́, шэритка пэ чэ́карья (семействы), пир лэ́нгирэ-лавэскиро гиныбэ́н пир шэрэ́, савэ́ кэрдэ́ дынарибнытка (служыбнытка) бутя́ дро Ра́скирэ-Дэвлэ́скиро Кхэр, бишэ́ бэршэ́ндыр и буты́р.25. Пал-дова́ со Дави́до пхэндя́: “Рай Дэвэ́л, Израилёскиро Дэвэ́л, дыя́ рама́нё Пэ́скирэ манушэ́нгэ и чхудя́ тэ дживэ́н лэн дро Ерусалимо пэ ве́ко,26. И Левитэ́нгэ на трэй тэ лыджа́н ски́ния и кажна предметы (чысы) ла́кирэ тэ дынаринэ́н дрэ ла́тэ.”27. Пал-дова́ со пир палатуно́ (после́днё) ракирибэ́н Давидо́скиро сыс пиригиндлэ Леви́ты бишэ́ бэршэ́ндыр и буты́р,28. соб (кай) ёнэ тэ явэ́н пашы́л Аароно́скирэ чхавэ́ндэ тэ дынаринэ́н Ра́скирэ-Дэвлэ́скирэ Кхэрэ́скэ, пэ грэ́да (дво́ро) и дрэ пристройки, ваш дыкхибэ́н пал жужыпэн (чыстота), саво́ тэ явэ́л пэ свэ́нто штэ́то и ваш кэрибэн кажно буты́ пашы́л Ра́скирэ-Дэвлэ́скиро Кхэр,29. тэ придыкхэн пал свэ́нто маро́, и парнэ́-гивэскиро яржо́ ваш марэскиро яныбэ́н, и пресна марикля, пал пэкно, жариндло, и пал кажно ме́ра и весо,30. и соб (кай) тэ тэрдён кажно зло́ко (ра́нко) тэ парикирэ́н и шарэ́н Рас-Дэвлэ́с, адя́кэ-паць и бэльвэле́,31. и пашы́л цэ́ло схачкирибэ́н, саво́ янэ́на Ра́скэ-Дэвлэ́скэ дрэ са́ваты (суботы), дрэ нэвэ чхона́ и пэ свэ́нки пир чыслы (гина́), сыр чхиндло́ пал лэ́ндэ, – саро́ часо анги́л Ра́скирэ-Дэвлэ́скиро муй,32. и, соб (кай) тэ ракхэ́н ски́ния досыкаибна́са (откровенияса) и свэ́нто штэ́то и чхавэ́н Аароноскирэн, пэ́скирэ пшалэ́н, ке́ли ёнэ кэрэ́на свэ́нто буты́ Ра́скирэ-Дэвлэ́скирэ Кхэрэ́скэ.1 Chronicles 24:1-311. И ґа́да, сыр росчхудэ пир гиибэн (порядко) Аароно́скирэ чхавэ́: чхавэ́ Аароно́скирэ: Надаво, Авиудо, Елиза́ро и Ифамаро.2. Надаво и Авиудо мынэ́ англэды́р пэ́скирэ дадэ́стыр, чхавэ́ на сыс лэ́ндэ; и пал-дова́ Елиза́ро и Ифамаро сыс рашая́.3. И росчхудя́ лэн Дави́до-Садокос, Елизароскирэ чхавэ́ндыр, и Ахимелехос, Ифамароскирэ чхавэ́ндыр, екх пал екхэ́стэ пэ лэ́нгиро дынарибэ́н (служба).4. И латхяпэ, со машки́р Елизароскирэ чхавэ́ндэ машки́р стрэчэнгирэ (поколиенгирэ) шэралэндэ сыс буты́р, сыр машки́р Ифамароскирэ чхавэ́ндэ. И ёв росчхудя́ лэн адя́кэ: Елизароскирэ чхавэ́ндыр дэшушов чэкарьенгирэ (семействэнгирэ) шэралэ́, а Ифамароскирэ чхавэ́ндыр охто́.5. Росчхудя лэн пир жре́биё; пал-дова́ со шэралэнца пэ свэ́нто штэ́то и шэралэнца анги́л Растэ-Дэвлэ́стэ сыс мануша́ Елизароскирэ чхавэ́ндыр и Ифамароскирэ чхавэ́ндыр,6. и зачхиндя́ лэн Шэмия, чхаво́ Нафанаилоскиро, лыла́-чхиныбнаскиро (писцо) Левитэндыр, анги́л муй крали́скиро и тхагарьенгиро, и анги́л рашастэ Садокостэ и Ахимелехостэ, Авиафароскирэ чхавэ́стэ, и анги́л раша́нгирэ сэм΄енгирэ шэралэндэ и Левитэнгирэндэ: лынэ́, сыр тэ чхурдэ́н жре́биё, екх чэ́карь (семейство) Елизароскирэ родо́стыр, пало́ (после) дова́ лынэ́ Ифамароскирэ родо́стыр.7. И выгия́ пэ́рво жре́биё Егоиаривоскэ, яви́р Едаиёскэ,8. три́то Харимоскэ, шта́рто Сеоримоскэ,9. па́нджто Малхиёскэ, шо́вто Мияминоскэ,10. эфта́то Гакоцоскэ, охто́то Авияскэ,11. еня́то (биекхэ́скиро дэ́што) Иешуаскэ, дэ́што Шэханияскэ,12. дэшуе́кто Елиашывоскэ, дэшуявир Якимоскэ,13. дэшутрито Хушаёскэ, дэшуштарто Ешэвавоскэ,14. дэшупанджто Вилгаскэ, дэшушовто Имероскэ,15. дэшуэфтато Хезироскэ, дэшуохтото Гапицэцоскэ,16. дэшуенято Петахияскэ, бишэнгиро Езэкиилёскэ,17. биш тэ пэ́рво Иахиноскэ, биш тэ яви́р Гамулоскэ,18. биш тэ три́то Делаиёскэ, биш тэ шта́рто Маазияскэ.19. Ѓа́да, сыс лэ́нгиро гиибэн (порядко) пашы́л дынарибэ́н лэ́нгиро, сыр лэ́нгэ тэ явэ́н дро Ра́скирэ-Дэвлэ́скиро Кхэр, пир упхэныбэ́н лэ́нгиро пир Аароностэ, лэ́нгирэ дадэ́стэ, сыр припхэндя́ лэ́скэ Рай Дэвэ́л, Дэвэ́л Израилёскиро.20. Акэ, сыр росчхудэ пир гиибэн (порядко) явирэ чхавэ́н Левиёскирэн: Амрамоскирэ чхавэ́ндыр: Шуваило; чхавэ́ндыр Шуваилоскирэндыр: Иедия;21. Рехавиястыр: чхавэ́ндыр Рехавияскирэндыр Ишыя сыс англатуно́;22. Ицгаростыр: Шэломофо; чхавэ́ндыр Шэломофоскирэндыр: Иахаво;23. чхавэ́ндыр Хевроноскирэндыр: англатуно́ Иерия, яви́р Амария, три́то Яхазиило, шта́рто Екамамо.24. Чхавэ́ндыр Озиилоскирэндыр: Миха; чхавэ́ндыр Михаскирэндыр: Шамиро.25. Пшал Михаскиро Ишыя; чхавэ́ндыр Ишыяскирэндыр: Заха́рия.26. Чхавэ́ Мерарискирэ: Махли и Муша; чхавэ́ндыр Иазияскирэндыр: Бе́но.27. Чхавэ́ндыр Мерарискирэндыр Иазиятэ: Бе́но и Шогамо, и Закуро и Иври.28. Махлистэ-Елиза́ро (Элеазаро); лэ́стэ на сыс чхавэ́.29. Кисостэ: чхавэ́ндыр Кисоскирэндыр: Ерахмиило.30. Чхавэ́ Мушаскирэ: Махли, Еде́ро и Еримофо. Ѓа́да, сыс чхавэ́ Левитэ́нгирэ пир стрэ́чы (поколении) лэ́нгирэ.31. Чхурдынэ́ и ёнэ жре́биё, кхэтанэ́ пэ́скирэ пшалэ́нца, Аароно́скирэ пшалэ́нца, анги́л муй крали́скиро Давидо́скиро и Садокоскиро и Ахимелехоскиро, и раша́нгирэ-шэралэнгиро и Левитэнгиро: чэкарьенгирэ (семействэнгирэ) шэралэнгиро кхэтанэ́ пэ́скирэ тыкнэдыршонэ пшалэса.1 Chronicles 25:1-301. И отчхудя дрэ риг (росчхудя́) Дави́до и барыдыра́ халадэ́нгирэ пэ дынарибэ́н (служыныбэн) чхавэ́н Асафоскирэн, Еманоскирэн и Идифуноскирэн, соб (кай) ёнэ тэ ангилпхэнэн (тэ пророчынэн) пэ луты, арфы и цымбалы; и сыс отмэкнэ ёнэ пэ пэ́скиро рэ́ндо тэ дынаринэ́н:2. чхавэ́ндыр Асафоскирэндыр: Закуро, Иосифо (Ёза), Нефания и Ашарэла, чхавэ́ Асафоскирэ, савэ́ сыс тэл васт Асафоскиро, саво́ башадя пир крали́скиро упхэныбэ́н.3. Идифуностыр чхавэ́ Идифуноскирэ: Гедалия, Цэри, Исаё, Семе́ё, Хашавия и Матафия, шовджинэ, тэл васт пэ́скирэ-дадэ́скиро Идифуноскиро, саво́ башадя пэ лута ваш сла́ва и ваш шарибэ́н Ра́скэ-Дэвлэ́скэ.4. Еманостыр чхавэ́ Еманоскирэ: Букия, Матфания, Озиило, Шэвуило и Иеримофо, Ханания, Ханани, Елиафа, Гидалти, Ромамти-Езе́ро, Иошбекаша, Малофи, Гофиро и Махазиофо.5. Сарэ́ адалэ́ сыс чхавэ́ Еманоскирэ, магикоскирэ крали́скирэ, пир лава́ Дэвлэ́скирэ, соб (кай) тэ барьякирэ́н сла́ва Лэ́скири. И дыя́ Дэвэ́л Еманоскэ дэшуштар чхавэ́н и тринэн чхае́н.6. Сарэ́ ёнэ тэл васт пэ́скирэ дадэ́скиро багандлэ дро Ра́скирэ-Дэвлэ́скиро Кхэр цымбалэнца, арфэнца и лутэнца дро дынарибэ́н дрэ Ра́скирэ-Дэвлэ́скиро Кхэр, пир упхэныбэ́н крали́скиро, ци Асафоскиро, ци Идифуноскиро и ци Еманоскиро.7. И сыс лэн гиныбнаса лэ́нгирэ пшалэ́нца, савэ́ сыс высыклякирдэ тэ бага́н анги́л Растэ-Дэвлэ́стэ, сарэ́н, савэ́ джиндлэ́ дава́ рэ́ндо, дуйшэла́ охтодэша́ охто́ (бидуе́нгиро дэш).8. И чхурдынэ́ ёнэ жре́биё пал стэчка (рядо) служыныбнаскири (дынарибнаскири), тыкно́ ровнэс кхэтанэ́ барэса, сыклякирибнарья кхэтанэ́ сыкляибнытконэ́нца.9. И выгия́ пэ́рво жре́биё Асафоскэ, ваш Ёза́скэ (Иосифоскэ); яви́р Гедалияскэ лэ́скирэ пшалэ́нца и лэ́скирэ чхавэ́нца; лэн сыс дэшуду́й;10. три́то Закуроскэ лэ́скирэ чхавэ́нца; и лэ́скирэ пшалэ́нца, лэн-дэшуду́й;11. шта́рто Ицриёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;12. па́нджто Нафанияскэ лэ́скирэ чхавэ́нца и лэ́скирэ пшалэ́нца; лэн-дэшуду́й;13. шо́вто Букияскэ лэ́скирэ чхавэ́нца и лэ́скирэ пшалэ́нца: лэн-дэшуду́й;14. эфта́то (битринэ́нгиро дэ́што) Иесарелёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;15. охто́то Исаёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;16. еня́то Матфанияскэ лэ́скирэ чхавэ́нца и лэ́скирэ пшалэ́нца; лэн-дэшуду́й;17. дэ́што Шымеёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;18. дэшуе́кхто Азариилоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;19. дэшуявир Хашавияскэ лэ́скирэ чхавэ́нца и лэ́скирэ пшалэ́нца; лэн-дэшуду́й;20. дэшутрито Шуваилоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;21. дэшуштарто Матафияскэ лэ́скирэ чхавэ́нца и лэ́скирэ пшалэ́нца; лэн-дэшуду́й;22. дэшупанджто Еримофоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;23. дэшушовто Хананияскэ лэ́скирэ чхавэ́нца и лэ́скирэ пшалэ́нца; лэн-дэшуду́й;24. дэшуэфтато Иошбекашоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;25. дэшуохтото Хананискэ лэ́скирэ чхавэ́нца и лэ́скирэ пшалэ́нца; лэн-дэшуду́й;26. дэшуенято Малофиёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;27. бишэнгиро Елиафоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;28. биш тэ пэ́рво Гофироскэ лэ́скирэ чхавэ́нца и лэ́скирэ пшалэ́нца; лэн-дэшуду́й;29. биш тэ яви́р Гидалтиёскэ лэ́скирэ чхавэ́нца и лэ́скирэ пшалэ́нца; лэн-дэшуду́й;30. биш тэ три́то Махазиофоскэ лэ́скирэ чхавэ́нца и лэ́скирэ пшалэ́нца; лэн-дэшуду́й;Psalms 78:40-5540. Сыр бут мо́лы ёнэ на кандэнас Лэс пэ чхучи́ пхув, ёнэ холякирэнас Лэс пэ биманушэнгиро штэ́то.41. И ёнэ нэвэ́стыр и нэвэ́стыр рисёнас палэ, пропатякирэнас Дэвлэ́с и дукхавэнас Свэнтонэ́ Дэвлэ́с Израилёстыр.42. Ёнэ на рипирдэ Лэ́скиро васт дро дова́ дывэ́с, ке́ли Ёв ракхця́ лэн вэргостыр, саво́ тасадя лэн,43. сыр Ёв сыкадя́ Пэ́скирэ знаме́нии (ґертыка́) дро Еги́пто, сыр кэрдя́ Пэ́скирэ ди́вы пэ Цоаноскирэ фэ́лды;44. и пирикэрдя лэ́нгирэ рэ́ки (лэня́) и рэкицы дро рат, соб (кай) ёнэ на могинэ́нас тэ пьен.45. Ёв бичхадя́ дукханэ матлен (насекомонэн) тэ хан лэ́нгирэ маса́ и цапнен (жамбэн), савэ́ хасякирэнас лэн;46. Ёв адя́кэ-паць отдыя́ лэ́нгирэ-гивэнгиро умалото раупэ́нгэ (гусиницэ́нгэ) тэ хан, а лэ́нгирэ бутя́ скочкэнгэ;47. Ёв хасякирдя́ лэ́нгирэ винаграды (дракха́) ґрадоса и лэ́нгирэ сикаморытка дрэвы мразоса.48. Ёв отдыя́ лэ́нгирэ мурдалэ́н тэл ґрадо и лэ́нгирэ ґурты тэл барэ́ блискави́цы49. Ёв бичхадя́ пэ лэ́ндэ сы́рбы яг Пэ́скирэ холя́тыр, холякирибэ́н, холякири, зор и пхарипэ́н, ке́ли мэрибнаскирэ Янго́лы пынэ́ пэ лэ́ндэ.50. Ёв вымэкця Пэ́скири холы́, Ёв на выракхэлас лэ́нгирэ дия́ мэрибна́стыр, а Ёв отдыя́ лэн мэрибнытконэ франсэнгэ (морово́скэ).51. И Ёв мулякирдя́ кажнонэ́ пэрвонэ́ биято́с дро Еги́пто, пэрвонэ́ родоскирэс, савэ́стыр лэ́лапэ зор пэ Хамоскирэ ша́тры,52. И Ёв кэрдя́, со Лэ́скирэ мануша́ гинэ́ анги́л сыр бакрэ́ и Ёв лыджия́ лэн пир чхучи́ пхув сыр ґурто;53. и Ёв лыджия́ лэн бидаракирэс, ёнэ на страхадёнас, а мо́рё (дэрья́в) чхакирдя упралэстыр лэ́нгирэ вэргэ́н.54. И Ёв долыджия лэн кэ кусты́ка (кэ грани́цы) Пэ́скирэ Свэнтонэ́-Пхувьякири, кэ бэ́рга, со лэ́скиро чачо́ васт дорэсця́;55. И Ёв традыя́ криг Наюды́тка на́цыи анги́л лэ́ндэ, и Ёв роскэрдя́ пэ паша́ пхув машки́р лэ́ндэ, сыр мэкно́ миштыпэ́н пир чэрта, и Ёв кэрдя́, соб (кай) Израилёскирэ ро́ды тэ дживэ́н пэ пэ́скирэ ша́тры.Proverbs 20:3-33. Ману́ш кэрэ́ла паты́в пэ́скэ, ко́ли ёв тэрдякирэла кошыбэ́н, нэ кажно дылынинько ману́ш дэ́лапэ тэ чингардэлпэ.Skutki 9:22-4322. Нэ Савло уса́ бутыдыр бария дрэ зор, и Юды, савэ́ дживдэ́ кэ Дама́ско, на могиндлэ́ нисо́ проти лэ́стэ тэ пхэнэ́н, ке́ли ёв допхэнэлас, со дава́ исын Христо́со.23. Ке́ли прогинэ́ (накхлэ) бут дывэса́, Юды зракирдэпэ тэ замарэ́н лэс.24. Нэ Савло уґалыя пал лэ́нгиро зракирибэ́н. Ёнэ рат и дывэ́с дыкхнэ́ ракхибны́ткэс лэс пашы́л по́рта, соб (кай) тэ замарэ́н лэс;25. нэ лэ́скирэ сыкляибны́тка ратя́киро мэкнэ́ тэлэ́ лэс дро кхудо (корзина) пир ва́нта.26. И ке́ли Савло явдя́ дро Ерусалимо, ёв камдя́ тэ явэ́л кхэтанэ́ Исусо́скирэ сыкляибнытконэ́нца; нэ ёнэ дара́ндынэ лэ́стыр, и на патяндынэ́, со ёв исын сыкляибны́тко.27. Нэ Варнава лыя́ лэс и яндя́ кэ Апо́столы и роспхэндя́ лэ́нгэ, сыр Савло пир дром дыкхця́ Рас-Дэвлэ́с, и со Рай Дэвэ́л ракирдя́ лэ́скэ, и сыр Савло пхэндя́ муршканэ́с Исусо́скиро лав дро Дама́ско.28. И сыс Савло кхэтанэ́ лэ́нца и псирдя́ пир Ерусалимо и муршканэ́с роспхэнэлас Ра́скирэ-Дэвлэ́скиро лав.29. И ёв ракирдя́ и допхэнэлас лэ́нгэ; а ёнэ дынэ́ годы́ пэскэ́ тэ замарэ́н лэс.30. Ке́ли пша́ла уджиндлэ́ пал дава́, ёнэ лынэ́ Савлос и отлыджинэ дрэ Кесария и одотхы́р отбичхадэ лэс дро Тарсо.31. И сыс рама́нё (миро) дрэ кхангирья пир сари́ Юдэ́я, Галиле́я и Сама́рия, ёнэ подрикирэнас пэс дро патяибэ́н и дара́ндынэ Дэвлэ́стыр пир Свэнтонэ́ Духоскиро тангипэ́н и подрикирибэ́н.32. Сыс адя́кэ; ке́ли Пэ́три обджалас сарэ́н, загия́ ёв и кэ свэ́нта, савэ́ дживдэ́ кэ Лида.33. И ёв латхя́ одо́й екхэ манушэ́с, савэ́с кхарэ́на Энея, саво́ охто́ бэрш сыс пашто́ пэ чхуибэ́н; сыс лэ́стэ праличо.34. Пэ́три пхэндя́ лэ́скэ: “Энеё! Ису́со Христо́со састякирэла тут: ушты́ и кэр пэ́скиро чхуибэ́н” И ёв дава́-паць моменто уштыя́.35. И сарэ́ мануша́, савэ́ дживдэ́ кэ Лида и кэ Сароно, ке́ли ёнэ дыкхнэ́, со ёв сыс састо́, то и прилынэ́ ёнэ Рас-Дэвлэ́с36. Дрэ Иопия (Ёпия) сыс екх сыкляибны́тко джувлы́, савья́ кхардэ́ “Тавифа”, со значынэ́ла: “Серна.” Ёй усады (сак) кэрэ́лас лачхипэ́н и помогинэлас (дэ́лас васт) чорорэ́ манушэ́нгэ.37. И дро долэ́ дывэса́ ёй занасвалыя и мыя́; ке́ли ла обмордэ, чхудэ́ дрэ упратуны шту́ба.38. Нэ сыр Лида сыс на́дур Иопиятыр, и, ке́ли сыкляибны́тка шундлэ́ пал дова́, со Пэ́три исын дрэ Лида, ёнэ бичхадя́ кэ ёв дуе манушэ́н тэ мангэ́н лэс, соб (кай) ёв сыгэды́р тэ явэ́л кэ ёнэ.39. Пэ́три уштыя́ и гия́ лэ́нца. Ке́ли ёнэ явнэ́, лэс лыджинэ́ дрэ упратуны шту́ба; сарэ́ пивля (удовы) кэдынэпэ пашы́л лэ́стэ, ёнэ рондлэ́ и сыкавэнас лэ́скэ гада и яви́р и́дя, сави́ “Серна” судя лэ́нгэ, сыр ёй дживдя́ лэ́нца.40. А Пэ́три традыя́ яври́ сарэ́н штубатыр, тэрдия́ пэ чанга́ и лыя́ тэ мангэ́лпэ Дэвлэ́скэ; тэды ёв порисия кэ мулы и пхэндя́: “Тавифие, ушты́!” И ёй отчхакирдя́ якха́, дыкхця́ Пэтрис и бэсця́.41. Ёв дыя́ пэ́скиро васт ла́кэ и помогиндя тэ тэрдёл пэ ґэра́ и кхардя́ свэнтонэн и пивлен (удовэн), и чхудя́ ла джидяса анги́л лэ́ндэ.42. Дава́ кэрдя́пэ джиндло́ пир сари́ Иопия (Ёпия), и бут мануша́ патяндынэ́ дрэ Растэ-Дэвлэ́стэ.43. И сыс адя́кэ: Пэ́три бут дывэса́ сыс дрэ Иопия кэ Си́моно, саво́ выкэрэлас цы́пи. Romani Bible Baltic 2019 Maintained by the United Bible Societies for the Baltic Romani Mission