Bible in one year - Пэ Балтитко Романи чиб

Bible in one year August 25

1. [8] Дыкх! Нанэ мол тэ ужакирэл, со ману́ш лэ́ла лэс. Ци на пэрэ́ла ману́ш фэ́ни екхэ лэ́скирэ дыкхибнастыр?

2. [9] Ние́кх нанэ дасаво муршкано́, соб (кай) тэ джангавэл Левиафанос: и, кон тэды дэ́ла ра́да тэ тэрдёл анги́л Ма́ндэ?

3. [10] Кон пхэнэлас ма́нгэ, соб (кай) Мэ лэ́скэ тэ плэскирав палэ? Саро́ тэл болыбэ́н исын фэ́ни (то́ка) Миро.

4. [11] Мэ на ява́ва штыл, соб (кай) тэ на пхэна́в пал лэ́скирэ ґэра́ и васта́, ци пал Левиафаноскири бари зор ци пал лэ́скирэ гожонэ-масэнгирэ барипэ́н?

5. [12] Кон дэ́ла ра́да тэ отлэл лэ́скири упратуны и́дя (флика) явре́стыр? Кон дэ́ла ра́да тэ явэ́л пашы́л кэ ёв дуитконэ савариса (уздечкаса)?

6. [13] Кон сашты́ могинэ́ла тэ псиравэл Лэ́скиро муй, со исын сы́рбы вудара́ лэ́скирэ трашанэ дандэнца трусця́л?

7. [14] Лэ́скиро думо сы́рбы пхутёла шчытэндыр, савэ́ исын пхандынэ зоралэ́с сы́рбы чэргэнорьяса (печатяса):

8. [15] адя́кэ со екх исын пашы́л явирэ́стэ, со фа́но (воздухо) на проджа́ла машки́р лэ́ндэ;

9. [16] ёнэ исын дро екхипэ́н екх екхэ́са адя́кэ зоралэ́с, со нашты́ тэ роскэрэс пэ паша́ лэн.

10. [17] Ке́ли дава́ Левиафано дэ́ла чиха (чыхинэла), дуд зяинэла сыр блискавица, а лэ́скирэ якха́ исын сы́рбы злокоскирэ цымблы (ресницы).

11. [18] Лэ́скирэ мо́стыр джа́на дуда, со хачона, и тыкнэ́ ягорья вурняна сы́гэс сыр карэдынятыр.

12. [19] Лэ́скирэ рутхунендыр (ноздрендыр) джа́ла тхув сы́рбы кэраибнаскирэ пирьятыр и какавятыр (котлостыр).

13. [20] Лэ́скиро пхурдыпэн росхачкирэла вангара, и барэ́ яга вурняна лэ́скирэ уштэндыр.

14. [21] Бари зор ракхэлапэ дрэ лэ́скири мэн, и траш кхэлэла анги́л лэ́стэ.

15. [22] Лэ́скирэ масэнгирэ мусня (мышчы) исын чхудэ́ кхэтанэ́; ёнэ исын биладэ пэ лэ́стэ, и нашты́ тэ чхувэ́с лэн штэто́стыр.

16. [23] Лэ́скиро ило́ исын пхаро́ сыр бар, мэк и твардо исын сыр тэлатуно сявитко бар (бэлэдин).

17. [24] Сыр ёв ґаздэ́лапэ, зоралюки (силачы) издрана; пир лэ́скирэ-пхагипнаскири зор ёнэ нашавэна ду́хо (фа́но).

18. [25] Мэк вари-кон и дорэсэ́ла лэс куртала́са; ёй нисо́-лэ́скэ, адя́кэ-паць ни чхурдыбнытко буст (коп΄ё), ни пхусаибнытко буст (дротико), ни чхурье–чхурдыбнытко [латы].

19. [26] Ёв дэ́ла чол састырэскэ сыр пхусэскэ и бронзакэ сыр кирнэ каштэскэ.

20. [27] Марибны́тка бустя́ (стре́лы) нашты́ тэ зачхувэн Левиафанос тэ нашэ́л, марибны́тка бара́ ячэ́напэ сыр гивэскирэ тетивы.

21. [28] Булавы ячэ́напэ лэ́стэ сы́рбы пхус; ёв салапэ, сыр страхакирэна пхусабнытконэ бутяса.

22. [29] Тэл лэ́скирэ пашварэ исын остра бара́; ёв кхарэ́лапэ (двигинэлапэ) пир далэ́ остра бара́ сы́рбы пир бла́та.

23. [30] Ёв кэрэ́ла адя́кэ, со хор штэ́то кэрадёла сыр пири́; ёв кэрэ́ла адя́кэ, со мо́рё (дэрья́в) пирикэрэлапэ дрэ пири́ макхибнаса (мазяса).

24. [31] Ёв ячкирэ́ла дроморэ пал пэ́стэ, со зяинэна; сашты́ тэ думинэс, со хорипэ́н исын сы́рбы сыво бал.

25. [32] Пэ пхув нанэ ние́кх, сыр Левиафано исын, кон исын создыно́ битрашакиро.

26. [33] Ёв дыкхэ́ла вучипна́стыр пэ кажнонэ́ барэ́ джидалэстэ, ёв исын кра́ли пэ сарэ́ пхутькирдэ́ мурдалэ́ндэ.”

27. И отпхэндя́ Ио́во Ра́скэ-Дэвлэ́скэ кадасавэ́ лавэ́нца:

28. “Мэ джино́м, со ту могинэ́са саро́ тэ кэрэ́с, и нанэ нисо́, соб (кай) тэ обрикирэл Тут тэ кэрэ́с дова́, со Ту обдуминдян.”

29. Ту пхуцян: “Кон исын кадава́, саво́ цемнякирэла Мирэ́ лава́ бигодыпнаса?” Нэ мэ пхэндём дава́, со мэ на ґалыём. Сарэ́ далэ́ лава́ исын ди́вна ваш ма́нгэ, савэ́ мэ на джиндём.

30. Шун, Дэ́вла, мэ манга́ва Тут, дэ тэ пхэна́в ма́нгэ, Ту пхэндя́н: “Мэ ява́ва тэ пхучав ту́тыр, нэ Ту явэ́са тэ ґалякирэс ма́нгэ.”

31. Мэ шундём пал ту́тэ, со фэ́ни яви́р мирэ́ кана́ шундлэ́ явирэ манушэ́ндыр, нэ акана́ мирэ́ якха́ дыкхэ́на тут.

32. Палдава́ мэ давапэ палэ мирэ́ лавэ́ндыр, мэ приджинава миро грэ́хо дро пра́хо и пра́ска.”

33. И сыс адя́кэ: пало́ дова́, сыр Рай Дэвэ́л пхэндя́ далэ́ лава́ Иовоскэ, тэ́ньчи пхэндя́ Ёв Элифазоскэ Феманостыр кадасавэ́ лава́: “Мири́ бари холы́ ґаздыя́пэ пэ ту́тэ и пэ тырэ́ малэндэ, пал-дова́ со тумэ́ на пхэнэнас чачипэ́н пал Ма́ндэ, сыр пхэндя́ миро писха́ри Ио́во.

34. Палдава́ лэн акана́ эфта́ гурувэ́н и эфта́ бакрэ́н и джа́н кэ Миро писха́ри Ио́во и янэ́н лэн сыр свэ́нто хачкирибнаскиро дыибэ́н, и мэк Миро писха́ри Ио́во тэ мангэ́лпэ пал тумэ́ндэ. Пал-дова́ со мэ прилава лэ́скиро мангипэ́н, и соб (кай) Ма́нгэ тэ на сыкавав Пэ́скири зор пэ тумэ́ндэ пал тумаро́ дылныпэ́н, пал-дова́ со тумэ́ ракирдэ́ на чачипэ́н пал Ма́ндэ, сыр миро писха́ри Ио́во пхэндя́.”

Job 42:1-17

1. О Элифазо Феманостыр, о Вилдадо Шуахостыр, и о Цофаро Наамитянино гинэ́ и кэрдэ́ адя́кэ, сыр Рай Дэвэ́л пхэндя́ лэ́нгэ; пал-дова́ со Рай Дэвэ́л прилыя́ Иовоскири па́тери (моли́тва).

2. И Рай Дэвэ́л дыя́ палэ Иовоскиро миштыпэ́н, ке́ли ёв мангдя́пэ пал лэ́скирэ малэндэ. И Рай Дэвэ́л дыя́ Иовоскэ дуй мо́лы бутэды́р, сыр сыс лэ́стэ.

3. И сарэ́ лэ́скирэ пша́ла, сарэ́ лэ́скирэ пхэня́, и сарэ́ лэ́скирэ пинджкирдэ мануша́, кон сыс лэ́стэ, явнэ́ кэ ёв и ёнэ ханэ́ маро́ дро лэ́скиро кхэр, и ёнэ раманякирэнас (спокоинэнас) лэс лачхэ́ лавэ́нца и подрикирэнас лэс дро ду́хо (фа́но) пал дова́ чорипэ́н, со Рай Дэвэ́л бичхадя́ пэ лэ́стэ. Кажно лэ́ндыр дыя́ Иовоскэ ловорэ и сувнакуны́ ангрусты.

4. И бахтякирдя́ Рай Дэвэ́л Иовос дро джиибна́скиро ко́нцо (яго́ро) буты́р сыр вагэдыр; и сыс Иовостэ дэшуштар бара́ бакрэ́, шов бара́ верблюды дро ґа́мо и екх бар ослицы.

5. И сыс адя́кэ-паць Иовостэ эфта́ чхавэ́ и трин чхая́.

6. И дыя́ лав Ио́во пэрвонакэ Эмима, явирьякэ Кэзия, тритонакэ Кэрэнгапух.

7. Пир сари́ доя́ пхув на сыс кадасавья шукарня джувля́, сыр Иовоскирэ чхая́ и лэ́нгиро дад дыя́ миштыпэ́н лэ́нгэ машки́р пшалэ́ндэ.

8. Тэ́ньци и дживдя́ Ио́во шэл тэ штардэша́ бэрш; и ёв дыкхця́ пэ́скирэ чхавэ́н и унукэн лэ́скирэ штарэ́ родо́стыр.

9. И мыя́ Ио́во, пхурано́ и чало дывэсэ́ндыр.

10. Кодолэ́с, кон чораханэ́с чхувэ́ла патарава (плётки) пэ пэ́скирэ пашатунэ́ манушэ́стэ, Мэ хасякирэва. Мэ нашты́ тэ дыкха́в пэ кодолэстэ, саво́ дыкхэ́ла барипнаса пэ явирэндэ и саво́ пхутёла.

11. Мирэ́ якха́ явэ́на тэ дыкхэ́н пэ патяибнаскирэндэ, савэ́ исын пэ дая́ пхув, соб (кай) ёнэ могиндлэ́ тэ явэ́н ма́нца дрэ миро кхэр. Кодова́, саво́ дживэ́ла бидошэ́нгиро, одова́ явэ́ла тэ дынаринэ́л ма́нгэ.

12. Кон жэ хохавэла (дэ́ла дукха́) манушэ́н, на явэ́ла тэ дживэ́л андрэ́ миро кхэр; ние́кх, саво́ хохавэла, на явэ́ла зорало́ анги́л мирэ́ якха́.

13. Тасярлатыр мэ ява́ва тэ хасякира́в фуе́ манушэ́н, савэ́ исын пэ дая́ пхув, соб (кай) ма́нгэ тэ обчхинав дром фуе́ манушэ́нгэ кэ Ра́скирэ-Дэвлэ́скиро фо́ро.

14. На дыкх пэ мол, сыр ёй лолёла, сыр ёй гожэс зяинэла яга́са дрэ кучык, сыр ёй локхэс чхувэ́лапэ дро кирло:

15. дро ко́нцо (дро яго́ро) ёй дандырэла тут сыр сап, и дукхавэла сыр саплын (аспидо).

16. Тырэ́ якха́ явэ́на тэ дыкхэ́н пэ явирэ джувлендэ, и тыро́ ило́ явэ́ла тэ выпхэнэл накуч лава́.

17. И ту явэ́са сыр кодова́, саво́ исын пашто́ машкира́л мо́рё (дэрья́в), сыр кодова́, саво́ исын пашто́ [суто́-р.с.] вучэ́с пэ мачта, и саво́ пхэнэ́ла:

Psalms 101:5-8

5. И пхэнэ́са: “Ёнэ пэкадэ ман, нэ мэ на сом дукхадо, ёнэ шпулдэ (пихиндлэ) ман, и мэ на джиндём. Ке́ли мэ джангадёвава? Мэ ява́ва тэ родав усае́кх тэ выпьяв нэвэ́стыр (нэвэ́с).”

6. Пал дова́, со тумэ́ чхиндлэ́ ма́нгэ: манушэ́скэ фэды́р тэ на чилавэл (тэ на джинэ́л) джувля́;

7. нэ палдова́, соб (кай) тэ на явэ́л биладжаипэ́н, мэк кажно ману́ш тэ лэл пэ́скэ ромня́, мэк кажнонэ́ (сваконэ) джувля́тэ тэ явэ́л екх ром.

8. Ромэскэ трэй тэ явэ́л лачхо́ и тангипны́тко ваш пэ́скирэ ромнякэ; адя́кэ-паць и ромнякэ ваш ромэскэ.

Proverbs 23:31-35

31. Ромны́ исын на хуланы пэ пэ́скирэ маса́, нэ исын ла́киро ром; адя́кэ-паць и ром исын на хула́й пэ пэ́скирэ маса́, а ромны́.

32. На отпхэнэнпэ екх екхэстыр, ко́ли фэ́ни (то́ка) екх пир доракирибэ́н екх екхэ́са пэ вари-саво́ часо, соб (кай) тэ́ньчи тэ отдэ́н пэс постоскэ и патерьякэ (молитвакэ) Дэвлэ́скэ ваш дова́, соб (кай) на́лачхо тэ на злыджал тумэн пал дова́, со тумэ́ на рикирэ́на пэс дрэ васта́.

33. Нэ мэ пхэна́ва дава́ тумэ́нгэ на сыр припхэныбэ́н, а тумэ́ ж кокорэ́ дыкхэ́н.

34. Мэ кама́м, соб (кай) сарэ́ мануша́ тэ явэ́н адя́кэ, сыр мэ сом: нэ кажнонэ́ (сваконэ) манушэ́стэ исын пэ́скиро тала́но Дэвлэ́стыр, екх исын дасаво, яви́р нанэ дасаво.

35. Нэ мэ пхэна́ва напалоромитконэ́ джувле́нгэ и пивленгэ (удовэнгэ): дава́ исын шука́р ваш лэ́нгэ тэ ячэ́нпэ адя́кэ, сыр мэ сом.

1 Korinťanenge 7:1-19

1. Нэ ко́ли ёнэ на рикирэ́на пэс дрэ васта́, мэк тэ кэрэ́н бьява; пал-дова́ со фэды́р тэ кэрэ́н бьява, сыр тэ мэнчынэлпэ камибна́стыр тэ джал палоро́м, ци тэ лэлпэ.

2. Нэ одолэ́нгэ, конэ́стэ исын ромны́ ци ром, мэ на припхэнава, а Рай Дэвэ́л; ромнякэ тэ на розджалпэ ромэса;

3. а ко́ли ж ёй розджалапэ, тэды мэк ёй тэ ячэ́лпэ биромэскирьяса, ци мэк ёй тэ рисёл кэ пэ́скиро ром; и мэк ром тэ на мэкэл пэ́скирэ ромня́.

4. Нэ мэ ракира́ва явирэ́нгэ, а на Рай Дэвэ́л: ко́ли вари-савэ́ пшалэ́стэ пир патяибэ́н дрэ Христосо́стэ исын напатяибнаскири ромны́, и ёй камэ́ла тэ дживэ́л лэ́са, тэды мэк ёв тэ на мэкэл ла.

5. И джувлы́, савьятэ исын напатяибнаскиро ром, и ёв камэ́ла тэ дживэ́л ла́са, тэды мэк ёй тэ на мэкэл лэс.

6. Пал-дова́ со напатяибнаскиро ром сы́рбы освэнцынэлапэ ваш Дэвлэ́скэ пир Лэ́скирэ ромня́тэ, и напатяибнаскири ромны́ сы́рбы освэнцынэлапэ ваш Дэвлэ́скэ пир ла́кирэ ромэстэ; а ко́ли тэ на явэ́л адя́кэ, тэды тумарэ́ чхаворэ́ явэ́нас сы́рбы идолэ-мангипнарьенгирэ; нэ ёнэ ж какана́ освэнцындлэ ваш Дэвлэ́скэ.

7. Нэ ко́ли вари-саво́ напатяибнаскиро уджала, мэк ёв (ёй) тэ джал пэ́скэ, пшал ци пхэн пир Растэ-Дэвлэ́стэ исын на спхандлэ дрэ дасавэ́ ваканцыи (случаи), а Дэвэ́л кхардя́ амэн тэ джива́с дро рама́нё (миро).

8. Палдава́, ту, со джинэ́са, ромние, со ту зракхэ́са тырэ́ ромэс? Ци, ту, со джинэ́са, рома́, со ту зракхэ́са тырэ́ ромня́?

9. Нэ мэк кажно (сва́ко) ману́ш тэ дживэ́л, сыр Дэвэ́л дыя́ кажнонэ́ манушэ́скэ, а сыр Рай Дэвэ́л прикхардя кажнонэ́ манушэ́с: адя́кэ-паць мэ сыклякирдём пир сарэ́ кхангирья.

10. Ци сыс вари-кон прикхардо, саво́ сыс обчхиндло? Мэк ёв тэ на укэдэл обчхиныбнаскири шпэ́ра: ци сыс вари-кон прикхардо, ке́ли сыс наобчхиндло? Мэк ёв тэ на обчхинэлпэ.

11. Обчхиныбэн на мол нисо́, и наобчхиныбэн на мол нисо́; нэ бари зна́чыма исын тэ ракхэ́с Дэвлэ́скирэ припхэныбэна́ (заповеди).

Romani Bible Baltic 2019

Maintained by the United Bible Societies for the Baltic Romani Mission