Beblia

1. Акэ, исын Исаёскиро, Амосо́скирэ-чхавэ́скиро дыкхибэ́н, саво́ ёв дыкхэ́лас пал Юдэ́я и Ерусалимо, дрэ долэ́ дывэса́, ке́ли Ози́я, Иофа́мо, Аха́зо и Езэки́я сыс Юдэя́кирэ кра́лья.

2. Шунэ́н, болыбэна, пошун, пхув, пал-дова́ со пхэнэ́ла Рай Дэвэ́л: “Мэ барьякирдём, ґаздыём чхавэ́н, а ёнэ ґаздынэ́пэ пэ Ма́ндэ.

3. Гуру́в джинэ́ла пэ́скирэ хула́с, а о́сло (мега́ри) – пэ́скирэ-ра́скири шта́ла, нэ Израилё на джинэ́ла Ман, на ґалёла Миро народо.”

4. Ай, грэхи́тка мануша́лэ, народо, саво́ исын пхэрдо́ пэ́скирэ грэхэ́нца, на́лачхо ро́до, хасибны́тка чхавэ́! Тумэ́ ячкирдэ́ Рас-Дэвлэ́с, чхурдынэ́ свэнтонэ́ Израилёскирэ Дэвлэ́с, рисинэ́ палэ.

5. Сыр ишчо (инкэ́) тэ мара́в тумэн, ко́ли тумэ́ усае́кх на кандэ́на? Саро́ шэро́ исын насвало́, саро́ ило́ замыя́.

6. Ѓэрэ́ндыр кэ шэро́ нанэ лэ́стэ састо́ штэ́то: фуя́ (язвы), шувлыпэна́, чыльча́ки (нары́вы) исын на жужакирдэ́, на обпхандлэ́, на ковлякирдэ́ елеёса.

7. Тумари́ пхув исын чхучи́ (пусто), тумарэ́ фо́рья исын схачкирдэ́ яга́са; тумарэ́ фэ́лды ха́на чу́жа мануша́ анги́л тумарэ́ якха́; саро́ исын чхучо́ сыр тэ́ньчи, ко́ли чу́жа мануша́ росчорэ́нас.

8. И яця́пэ Сионо́скири чхай, сыр ша́тра дрэ виноградо́скири у́нта (садо), сыр шала́шо дрэ бар (огородо), сыр фо́ро, пэ саво́ ґаздынэ́пэ (заухтылдэ) вэ́рги.

9. Ко́ли б на ячкирдя́ Рай Дэвэ́л, болыбна́скирэ-янголэ́нгиро, амэ́нгэ набаро́ ячаибэ́н, то са́мас бы амэ, сыр Содо́мо, амэ зджа́сас (поджа́сас) бы пэ Гомо́ра.

10. Тхага́рья (кня́зи) Содомо́скирэ! Шунэ́н Ра́скирэ-Дэвлэ́скиро лав! Народо Гомора́тыр, причхувэ́н кан кэ амарэ́-Дэвлэ́скиро Зако́но!

11. “Пэ со трэй Ма́нгэ бут тумарэ́ свэ́нта дыибэна́? – ракирэ́ла Рай Дэвэ́л, – Мэ чалыём бакрэ́нгирэ хачкирибнаса, чалыём тхулыпнастыр, Мэ на кама́м буты́р гуруворэнгиро, бакрорэнгиро и бузнэнгиро рат.

12. Ке́ли тумэ́ явэ́на тэ сыкавэнпэ анги́л Ма́ндэ, кон мангэ́ла тумэн, соб (кай) тумэ́ тэ штавэн (тэ топчынэн) ґэрэ́нца Мирэ́ грэды (дворы)?

13. На янэ́н буты́р да́ры, – дава́ исын ивья́ (напра́снэс), – тумарэ́ кадилакирэ тхува исын джунгалэ́ (брыдка) Ма́нгэ; нэвэ чхона́ и са́ваты (суботы), свэнкитко скэдыибэ́н Мэ нашты́ (на могина́ва) тэ вырикирав: чорипэ́н и свэ́нко!

14. На прилэ́ла Миро ди тумарэ́ нэвэ чхона́ и упхэндлэ свэ́нки; дава́ исын пхарипэ́н ваш Ма́нгэ, пхарэ́с тэ лыджав лэн.

15. И ко́ли тумэ́ протырдэна тумарэ́ васта́ тэ мангэ́нпэ, Мэ закэрава тумэ́ндыр Мирэ́ якха́; ко́ли тумэ́ мангэ́напэ, Мэ на шунава: тумарэ́ васта́ исын пхэрдэ́ дро рат.

16. Выморэнпэ, явэ́н жужэ́; залэн тумарэ́ налачхэ́ рэ́нды Мирэ́ якхэ́ндыр; пириячэн тэ кэрэ́н чорипэ́н.

17. Высыклён тэ кэрэ́н лачхипэ́н, родэ́н чачипэ́н, зракхэн чорорэс, уштэ́н (затэрдён) пал бидадэскирэстэ / пиротостэ (сиротастэ), подрикирэн пивля (удова).

18. “Тэ́ньци явэ́н, ява́са тэ сэндякирас (тэ роскэдаспэ),” – ракирэ́ла Рай Дэвэ́л. “Ко́ли явэ́на тумарэ́ грэ́хи лолэ́, сыр рат, ячэ́на парнэ́, сыр ив, ко́ли явэ́на лолэ́, сыр яг ячэ́на парнэ́, сыр вы́лна (шэрсь) Мэ парнякирава.

19. Ко́ли тумэ́ закамэна и явэ́на тэ кандэ́н, то тумэ́ явэ́на тэ хан лачхипэ́н пхувья́киро.

20. Нэ ко́ли тумэ́ отпхэнэнапэ, и явэ́на нарта (упорна), то курта́ла похала тумэн,” пал-дова́ со ушта́ Ра́скирэ-Дэвлэ́скирэ пхэнэ́на адя́кэ.

21. Сыр биладжакунэс парудяпэ чачипна́скиро шэрутно фо́ро, саво́ сыс пхэрдо́ чачунэ́ сэндоса! Чачипэ́н дживэлас дрэ лэ́стэ, а акана́ дживэ́на замарибнарья (розмарибнарья).

22. Руп тыро́ яця́ блатаса, тыри́ мол (вино) исын кхэтанэ́ пане́са.

23. Тхага́рья (кня́зи) тырэ́ на кэрэ́на пир чачипэ́н, лэ́нгирэ дру́ги (мала́) исын чора. Сарэ́ ёнэ камэ́на мыто, праста́на пал ловэ́. Ёнэ на уштэна (затэрдёна) пал пиротэндэ (сиротэндэ) и пивлякиро (удовакиро) рэ́ндо на доджа́ла кэ ёнэ.

24. Палдава́ адя́кэ пхэнэ́ла Рай Дэвэ́л, болыбна́скирэ-янголэ́нгиро, Зорало́ Израилёскиро: “О, ґазда́ва Мэ Пэс пэ одолэ́ндэ, кон нанэ Ма́нца, Мэ сыкава́ва Мирэ́ вэргэ́нгэ!

25. И Мэ протырдава кэ ту Миро васт, Мэ жужакирава тут шлакостыр, злава ту́тыр сари́ бла́та.

26. И ява́ва тэ дав сэндарьен ту́кэ, сыр англэды́р и юнкарэн/годы́-дыибнаскирэн (советникэн), сыр сыс англэды́р; тэ́ньчи явэ́на тэ ракирэ́н пал ту́тэ: Фо́ро, кай исын чачипэ́н; дава́ баро́ фо́ро исын патяибны́тко.”

27. Зракхэ́лапэ Сио́но чачунэ́ сэндоса, а чхавэ́ лэ́скирэ, савэ́ явнэ́ кэ Дэвэ́л, чачипна́са.

28. А сарэ́нгэ, кон гия́ криг Ра́стыр-Дэвлэ́стыр, кон исын грэхи́тко-хасибэ́н; одолэ́, кон ячкирдя́ Рас-Дэвлэ́с – хасёна.

29. “Ёнэ явэ́на ладжакирдэ́ пал дэмбитка вэша́, савэ́ адя́кэ тумэ́нгэ исын пир ило́, и тумэ́ лолёна пал унты (сады), савэ́ тумэ́ выкэдынэ́ пэ́скэ.

30. И явэ́на тумэ́, сыр дэмбо, ко́ли спынэ тэлэ́ лэ́стыр патря (листы), сыр у́нта (садо), кай нанэ пани́.

31. Зорало́ явэ́ла сыр шмата, и лэ́скиро рэ́ндо сыр яг; явэ́на тэ хачон кхэтанэ́ и нико́н на мурдякирла.”

1. Лав, саво́ сыс дыно́ дро дыкхибэ́н Исаёскэ, Амосо́скирэ чхавэ́скэ, пал Юдэ́я и Ерусалимо.

2. И явэ́ла дро палатунэ́ (последня) дывэса́: Дэвлэ́скирэ-Кхэрэ́скири бэ́рга явэ́ла чхуды́ упрэстыр, сыр яви́р бэ́рги, и явэ́ла ґаздыны вучэды́р, сыр яви́р набарэ́ бэ́ргицы и выджа́на кэ ёй сарэ́ народы.

3. И джа́на бут народэнгирэ мануша́ и пхэнэ́на: “Явэ́н, ґаздасапэ пэ Ра́скирэ-Дэвлэ́скири бэ́рга, дро Яково́скирэ-Дэвлэ́скиро Кхэр, Ёв высыклякирэла амэн, и амэ ява́са тэ псирас Лэ́скирэ дромэ́нца,” пал-дова́, со выджа́ла Зако́но Сионо́стыр, а лав Ра́скирэ-Дэвлэ́скиро – Ерусалимо́стыр.

4. Ёв явэ́ла тэ сэндякирэ́л бут народы, Ёв сыкавэ́ла сэндарискиро лав кэ бут ро́ды; пирикэрэна пэ́скирэ курталы (мечы) пэ плуги (пхарадя) и чхурдыпнытка бустя́ (коп΄и) пэ чхиндлэ́ (серпы), на явэ́на тэ сыклён сыр, тэ лыджа́н марибэ́н.

5. О, Яково́скиро кхэр! Явэ́н, ява́са тэ псирас дро Ра́скирэ-Дэвлэ́скиро дуд (свэ́то).

6. Нэ ту ячкирдян тыро́ народо, кхэр Яково́скиро, пал-дова́ со ёнэ бут пирилынэ вастоко́стыр: мануша́, савэ́ исын чораханэ-подпхэныбнаскирэ, исын лэ́ндэ, сыр кэ Филистимля́ни, чужонэ́ чхавэ́нца ёнэ кэрэ́на кхэтанэ́ рэ́нды.

7. Пхэрдия лэ́нгири пхув рупэ́са и сувнака́са; на пиригинэса лэ́нгиро барвалыпэ́н; пхэрдия лэ́нгири пхув грэнца и на пиригинэса лэ́нгирэ вурдэна́.

8. Пхэрдия лэ́нгири пхув идолэнца: ёнэ мангэ́нпэ долэ́скэ, со кэрдэ́ лэ́нгирэ васта́, долэ́скэ, со кэрдэ́ лэ́нгирэ ангушта.

9. Пыя́ ману́ш пэ чанга́, прилыя́ мурш ладж, и Ту на примангэса лэ́нгэ.

10. Джа́ кэ бэ́рга, гарадёв дрэ пхув Ра́скирэ-Дэвлэ́скирэ дара́тыр и Лэ́скирэ шарибнастыр.

11. Проджа́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дро дова́ дывэ́с.

12. Пал-дова́ со джа́ла дывэ́с Ра́скирэ-Дэвлэ́скиро, болыбна́скирэ-янголэ́нгиро пэ саро́ пхутькирдо и пэ саро́ ґаздыно́, саро́ ґаздыно́, саро́ дава́ явэ́ла ладжакирдо́.

13. Пэ сарэ́ кедры Ливаноскирэ, со исын вучэ́ и ґаздынэ́, пэ сарэ́ дэмбы Васаноскирэ, –

14. пэ сарэ́ вучэ́ бэ́рги, пэ сарэ́ набарэ́ бэ́ргицы, со исын ґаздынэ́.

15. Пэ кажно вучо́ кхэр, пэ кажно зоралы́ ва́нта.

16. Пэ сарэ́ па́рмы (корабли) Фарсисососкирэ, пэ сарэ́ лэ́нгирэ укэдыбэна.

17. Пэрэ́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дрэ дова́ дывэ́с.

18. А и́долы сарэ́са хасёна.

19. И ґаздэ́напэ мануша́, дрэ ґебара́ (пешчэры) машкира́л скалы тэ гаравэнпэ Ра́скирэ-Дэвлэ́скирэ дара́тыр и Лэ́скирэ шардэ барипнастыр, ко́ли ґаздэ́лапэ Ёв тэ хасякирэ́л пхув.

20. Дро дова́ дывэ́с ману́ш вычхурдэла пэ́скирэ и́долы, рупувэ́ и сувнакунэ́, савэ́ кэрдя́, соб (кай) тэ мангэ́лпэ лэ́нгэ,

21. соб (кай) тэ ґаздэлпэ (тэ заджа́л) пэ бэ́рги Ра́скирэ-Дэвлэ́скирэ дара́тыр и шардэ Лэ́скирэ барипнастыр, ко́ли Ёв ґаздэ́лапэ тэ хасякирэ́л пхув.

22. Пириячэн тэ думинэн, со подрикирла тумэн ману́ш, конэ́стэ ду́хо (фа́но) исын дрэ лэ́стэ кокорэстэ, со кэрэ́ла адава́ ману́ш?

1. Парикирэ́н, тумэ́, Ра́скэ-Дэвлэ́скэ! Кхарэ́н Лэ́скиро лав! Роспхэнэ́н манушэ́нгэ, со Ёв кэрдя́.

2. Бага́н Лэ́скэ, бага́н псалмы Лэ́скэ, розлэн сарэ́ Лэ́скирэ ди́вна бутя́.

3. Сла́ва Лэ́скирэ свэнтонэ́ лавэ́скэ; мэк тэ радынэ́лпэ ило́ до манушэ́нгиро, кон родэ́ла Рас-Дэвлэ́с.

4. Родэ́н Рас-Дэвлэ́с и Лэ́скири зор, родэ́н Лэс усады (сак):

5. рипирэ́н Лэ́скирэ ди́вы, со Ёв кэрдя́, Лэ́скирэ древа́н барэ́ ди́вы и лава́, савэ́нца Ёв сэндякирдя Пэ́скирэ мо́са.

6. О, тумэ́ сан Аврамоскиро ро́до, Лэ́скирэ-писхарискирэ, тумэ́, Яково́скирэ чхавэ́, савэ́с Ёв выкэдыя́.

23. Ѓа́да, исын годэ́-манушэ́нгирэ лава́: “Дава́ исын намишто тэ явэс пэ вари конэ́скири риг пэ сэ́ндо.”

24. Кон ракирэ́ла бангэ́ манушэ́скэ: “Ту ракирэ́са чачипэ́н”, одолэ́с манушыпнаскирэ на́цыи явэ́на тэ прокошэн; Наюды́тка мануша́ явэ́на фуес тэ ракирэ́н пал лэ́стэ;

25. пэ кодолэндэ, савэ́ бангякирэна фуе́ манушэ́н, явэ́на зоралэ́с тэ радынэ́нпэ и дро́го бахтякирибэ́н явэ́ла пэ лэ́ндэ.

21. Исын чхиндло́ дро Зако́но: “Мэ ява́ва тэ ракира́в адалэ́ манушэ́нца пэ яви́р чиба́ (чибья́) и явирэ уштэ́нца, нэ и тэды ёнэ на явэ́на тэ кандэ́н Ман, ракирэ́ла Рай Дэвэ́л.”

22. Палдава́, тала́но тэ ракирэ́н пэ явирэ чиба́ (чибья́) дава́ исын допхэныбэ́н на патяибнаскирэнгэ, а одолэ́нгэ, кон на патя́ла; нэ ангилпхэныбэ́н Дэвлэ́скиро исын на ваш напатяибнаскирэнгэ, а одолэ́нгэ, кон патя́ла.

23. Ко́ли тэды саро́ Кхангирья́киро скэдыибэ́н скэдэлапэ кхэтанэ́ пэ екх штэ́то и сарэ́ явэ́на тэ ракирэ́н наджиндлэ чибэнца (чибьенца), и заджа́на проста мануша́, напатяибнаскирэ, ци на пхэнэ́на ёнэ, со тумэ́ здылнандынэ.

24. Нэ ко́ли тумэ́ сарэ́ ангилпхэнэна Дэвлэ́скиро лав, и заджа́ла просто ману́ш ци напатяибнаскиро, тэды сарэ́ мануша́ сы́рбы сыкавэ́на и сэндинэна лэ́скиро грэ́хо;

25. и лэ́скирэ-илэ́скирэ гарадэ́ ду́мы откэрэнапэ пэ якха́, и ёв пэрэ́ла тэлэ́ мо́са, и пхэнэ́ла маму́й “Чачэс, исын Дэвэ́л тумэ́нца.”

26. Со ж тэды, пшала́лэ? Ке́ли тумэ́ могинэ́на тэ скэдэ́нпэ кхэтанэ́, кажнонэ́ манушэ́стэ исын, ци пэ́скиро пса́лмо, ци сыклякирибэ́н, ци сыкадыипэн (откэрибэн) Дэвлэ́стыр, ци тэ пирипхэнэл дова́, со исын пхэндло́ пэ наджиндлы чиб, мэк саро́ дава́ тэ явэ́л, соб (кай) тэ подрикирэн патяибнаскирэн дро патяибэ́н.

27. Ко́ли вари-кон ракирэ́ла пэ наджиндлы чиб, мэк дуйджинэ́ тэ ракирэ́н, а тринджинэ ужэ бут, нэ кажно ману́ш пир екх, а яви́р ману́ш тэ пирилыджал (тэ пиричхувэл);

28. а ко́ли нанэ пирилыджаибнаскиро, то тэ бэшэ́л одова́ ману́ш штыл пэ Кхангирья́киро скэдыибэ́н, и тэ ракирэ́л пэ́скэ и Дэвлэ́скэ.

29. Мэк проро́ки тэ ракирэ́н дуй ци трин, а мэк яви́р мануша́ тэ роскэдэнпэ, со ёнэ ракирэ́на.

30. А ко́ли явирэ манушэ́стэ, кон исын бэшто́ пэ скэдыибэ́н, явэ́ла сыкадыипэн тэ пхэнэ́л лав Дэвлэ́стыр, тэды одова́, саво́ ракирэ́ла, мэк ёв тэ бэшэ́л штыл.

31. Палдава́ тумэ́ сарэ́ могинэ́на тэ ангилпхэнэн ваш дова́, соб (кай) тумэ́ сарэ́ тэ сыклён и тэ дорэсэн подрикирибэ́н дро патяибэ́н.

32. И пророкэ́нгирэ ду́хи кандэ́на пророкэ́н.

33. Пал-дова́ со Дэвэ́л на прилэ́ла бизладо, а прилэ́ла рама́нё (миро), сыр дава́ исын пир сарэ́ Кхангирья́кирэ скэдыибэна.

34. Мэк тумарэ́ джувля́ тэ явэ́н штыл пэ Кхангирья́киро скэдыибэ́н, пал-дова́ со нашты́ тэ ракирэ́н лэ́нгэ, пал-дова́ со лэ́нгэ трэй тэ кандэ́н пэ́скирэ ромэн, адя́кэ сыр исын пхэндло́ дро Зако́но.

35. А ко́ли ёнэ камэ́на тэ сыклён, тэды мэк ёнэ тэ пхучэ́н пэ́скирэ ромэндыр кхэрэ́; пал-дова́ со дава́ ладжаипэ́н ваш джувля́кэ тэ ракирэ́л пэ Кхангирья́киро скэдыибэ́н.

36. Ци выгия́ тумэ́ндыр Дэвлэ́скиро лав, ци ёв догия́ фэ́ни (то́ка) кэ тумэ́?

37. Ко́ли вари-кон гинэ́ла пэс пал пророкостэ, ци лэ́стэ исын вари-саво́ Духоскиро тала́но, мэк ёв тэ ґалёл, со дова́, со мэ чхина́ва тумэ́нгэ, исын Ра́скирэ-Дэвлэ́скирэ припхэныбэна́.

38. А ко́ли вари-кон лэн на прилэ́ла, мэк ёв тэ на ґалёл.

39. Палдава́, пшала́лэ, отдэ́н пэ́скиро ило́ ваш дова́, соб (кай) тэ ангилпхэнэн Дэвлэ́скиро лав, нэ на запхэнэн тэ ракирэ́н наджиндлэ чибэнца (чибьенца).

40. Нэ мэк саро́ тэ явэ́л патывалэс и адя́кэ-паць сыр исын прилыно, тэ явэ́л пэ Кхангирья́киро скэдыибэ́н.

Romani Bible Baltic 2019

United Bible Societies for the Baltic Romani Mission