Baroma 1:1
Lengwalo le le tšwago go nna, Paulose, mohlanka wa Jesu Kriste, yo ke bileditšwego go ba moapostola, ke kgethetšwego go bega Taba ye Botse ya Modimo.
Baroma 1:4
ge e le ka tlhago ya gagwe ya bomodimo o bontšhitšwe ka maatla a magolo gore ke Morwa wa Modimo ka go tsošwa bahung, yena Jesu Kriste, Morena wa rena.
Baroma 1:5
Ka yena Modimo o mpontšhitše go ntokela ga gagwe, a ntira moapostola, gore batho ba ditšhaba tšohle ba tle ba dumele go Modimo ka nna mme ba mo theeletše, e be gona go tumiša Jesu.
Baroma 1:6
Seo se ama le lena le lego fao Roma, bao Modimo a le bileditšego go ba ba Jesu Kriste.
Baroma 1:7
Go lena bohle ba motse wa Roma, ba le ratwago ke Modimo mme a le bileditšego go ba ba gagwe, ke re: Nke Modimo, Tatagorena, le Morena Jesu Kriste ba le gaugele, ba le fe khutšo.
Baroma 1:8
Ke thoma ka go le lebogela bohle go Modimo wa ka ka Jesu Kriste, gobane tumelo ya lena e kwagala gohle lefaseng.
Baroma 2:16
Bjale ge, go ya ka Taba ye Botse ye ke e begago ye, dilo tše di tla bonagala ka Letšatši la Kahlolo, mohla Modimo a tlago ahlola batho ka Jesu Kriste go ya ka dikhupamarama tša bona.
Baroma 3:22
Modimo o lokafatša batho ka tumelo ya bona go Jesu Kriste. Seo Modimo o se direla bohle ba ba dumelago go Kriste, ka gobane ga go kgethollo.
Baroma 3:24
Eupša Modimo, ka kgaugelo ya gagwe ye e sego ya swanela batho, o ba lokafatša ka Kriste Jesu yo a ba lokollago.
Baroma 3:25
Modimo o ba neetše yena, gore ka go bolawa ga gagwe e tle e be mmoelanyi wa batho le Modimo ka go dumela ga bona go Kriste. Seo Modimo o be a se direla go bontšha go loka ga gagwe. Mehleng ya kgale o be a le pelotelele mme a hlokomologile dibe tša batho; eupša mehleng yeno o a ba kgala, gore a bontšhe go loka ga gagwe. Ke wona mokgwa wo ka wona Modimo a bontšhago go loka ga gagwe, mme a lokafatšago yo a dumelago go Jesu.
Baroma 4:24
A ngwaletšwe le rena re tlago bonwa re le baloki, rena re dumelago go yo a tsošitšego Jesu, Morena wa rena, bahung.
Baroma 5:1
Ka ge bjale re lokafaditšwe ka tumelo, re boelantšwe le Modimo ke Jesu Kriste, Morena wa rena.
Baroma 5:11
Gomme ga se moo fela; re bile re thabela tše Modimo a di dirilego ka Jesu Kriste, Morena wa rena, yo bjale a re boelantšego le yena Modimo.
Baroma 5:15
Eupša mpho ya Modimo e ka se swane le sebe sa Adamo. Ka baka la sebe sa motho o tee yola go hwile batho ba bantši. Eupša kgaugelo ya Modimo ke ye kgolo le go feta, kganthe le yona mpho ya gagwe ye a e filego batho ba bantši ka kgaugelo ya motho o tee yoo, Jesu Kriste, ke ye kgolo kudu le go feta.
Baroma 5:17
Ka baka la sebe sa motho o tee yola batho ba ile ba lebanwa ke go hwa. Se se phethilwego ke motho o tee yo, Jesu Kriste, sona ke se segolo kudu go feta se se sentšwego ke motho o tee yola. Ke go re ba ba gaugelwago kudu ke Modimo, ba ba fiwago ke yena mpho ya go lokafatšwa, ba tla tia moyeng ka yena Jesu Kriste.
Baroma 5:21
gore bjalo ka ge sebe se ile sa dira gore batho ba lebanwe ke go hwa, bjale kgaugelo ya Modimo e dire gore batho ba lebanwe ke go lokafatšwa, ba tle ba phelele sa ruri ka Jesu Kriste, Morena wa rena.
Baroma 6:11
Ka yona tsela yeo le lena, mabapi le sebe le itsheme ba ba hwilego, eupša ba ba phelelago Modimo ka Kriste Jesu.
Baroma 6:23
Gobane moputso wa sebe ke lehu, eupša mpho ya kgaugelo ya Modimo yona ke go phelela sa ruri ka Kriste Jesu, Morena wa rena.
Baroma 7:25
Modimo ke yena a ntlhakodišago, gomme ke mo leboga ka Jesu Kriste, Morena wa rena! Bjale ge, taba ya ka e ka mokgwa wo: melao ya Modimo ke e phetha ka pelo fela, eupša ka nama ya ka gona ke phetha molao wa sebe.
Baroma 8:1
Ge go le bjalo, bao ba phelago ba le ba tee le Kriste Jesu ba ka se lahlwe.
Baroma 8:2
Gobane molao wa Moya, Moya wo o re dirago gore re phele re le ba tee le Kriste Jesu, o ntokolotše molaong wa sebe le lehu.
Baroma 8:11
Gomme ge Moya wa Modimo yo a tsošitšego Jesu bahung o phela ka gare ga lena, gona Modimo yo a tsošitšego Kriste bahung, le mebele ya lena ye e hwago o tla e phediša ka Moya wa gagwe wo o phelago ka gare ga lena.
Baroma 8:34
Bjale ke mang yo a ka ba bonago molato? Gape Kriste Jesu o hwile a ba a tsošwa, a yo dula madulong a bogoši kgauswi le Modimo, gomme o re rapelela go yena.
Baroma 8:39
ga se sa kua godimo sebakabakeng, goba sa kua fase bodulabahu – gare ga tšohle tše di hlodilwego ga go se se kago re aroganya le Modimo yo a re ratago ka Kriste Jesu, Morena wa rena.
Baroma 10:9
Ge o bega gore Jesu ke Morena mme o dumela gore Modimo o mo tsošitše bahung, o tla phološwa.
Baroma 13:14
Le upše le phele bjalo ka balatedi ba Morena Jesu Kriste, mme le lese go beakanyetša dilo pele ka mokgwa wa go kgotsofatša ditumo tša lena tša nama.
Baroma 14:14
Ka ge ke le molatedi wa Morena Jesu, ke a tseba ebile ke a kgolwa gore ga go selo se ka bosona se tšhilafetšego, fela ge motho a kgolwa gore selo se tšhilafetše, ka nnete go yena e ba se se tšhilafetšego.
Baroma 15:5
A Modimo yo a re kgontšhago go se fele pelo, gape a re tiišago a dire gore le phedišane ka kwano go ya ka moo go kgahlago Kriste Jesu,
Baroma 15:6
gore le tle le tumiše Modimo, TatagoMorena wa rena, Jesu Kriste, mmogo ka molomo o tee.
Baroma 15:16
ka go ntira mohlanka wa Kriste Jesu wa go begela baditšhaba Taba ye Botse ya Modimo. Ge ke dira bjalo ke dira modiro wa boprista, gore baditšhaba e tle e be sehlabelo se se kgahlago Modimo, se a se abetšwego ke Moya wo Mokgethwa.
Baroma 15:17
Ke ka baka leo ke nago le lebaka la go ikgantšha ge ke šomela Modimo, ke le wa Kriste Jesu.
Baroma 15:30
Bjale ge, banabešo, ke le kgothatša ka Morena wa rena Jesu Kriste le ka lerato le Moya o re fago lona, gore le nthapediše Modimo ka phišego.
Baroma 16:3
Le dumediše Prisila le Akhwila, bona ba šomilego le nna mola re le modirong wa Kriste Jesu;
Baroma 16:20
Gomme Modimo, yena Moretlišetšakhutšo, o kgauswi le go gataka Sathane. Morena wa rena, Jesu Kriste, a le gaugele.
Baroma 16:25
A re tumišeng Modimo yo a kgonago go le tiiša tumelong ya lena, go ya ka Taba ye Botse ye ke e begago mabapi le Jesu Kriste, le go ya ka kutollo ya sephiri se e sa lego se utwa go tloga le go tloga.
Baroma 16:27
A Modimo, yena Rabohlale a nnoši, a tumišwe go ya go ile ka Jesu Kriste. Amene.