Bybelverse oor die onderwerp: God: [Seën]

Onderwerpe

God: [Seën]

As julle gee, sal julle ontvang. Julle gawe sal na julle terugkom in volle maat, ingestamp, geskud om plek vir meer te maak, tot oorlopens toe vol. Met watter maat julle ook al meet — klein of groot — dit sal gebruik word om te meet wat julle sal terugontvang.”

Matt 5:4

Gelukkig is die treurendes, want God sal self hulle trane afvee.

Filippense 4:19

Omdat Christus Jesus dit verdien het, sal my God uit sy heerlike rykdom vir julle voorsien in elke behoefte wat julle het.

Psalms 67:7

Die aarde het oeste gelewer. God, ons God, sal ons seën.

Getalle 6:24-25

[24] ‘Die Here sal vir jou goed wees en vir jou sorg. [25] Die Here sal jou raaksien en vir jou sy liefde gee.

Filippense 4:6-7

[6] Moet oor niks bekommerd wees nie, maar bid oor alles. Vra alles wat julle nodig het van God, terwyl julle Hom ook dank vir alles wat Hy doen. [7] En God se vrede, wat meer is as wat ’n mens dink, sal oor julle harte en gedagtes die wag hou omdat julle aan Christus Jesus verbonde is.

Jakobus 1:17

Van Bo af kom net goeie, ja, volmaakte gawes. Hulle kom van die Vader wat die hemelligte geskep het. Anders as die hemelligte, staan Hy onbeweeglik vas. Selfs sy skaduwee verskuif nie soos hulle s’n nie.

Jeremia 17:7-8

[7] “Maar gelukkig is dié mense wat op die Here vertrou en hulle verwagting in Hom stel. [8] Hulle is soos bome wat langs ’n rivier staan. Hulle wortels reik diep tot by die water. Hitte bedreig hulle nie, en hulle blare bly groen. Lang maande van droogte pla hulle ook nie. Hulle hou nie op om vrugte te dra nie.

Jesaja 41:10

Moenie bang wees nie, want Ek is by jou. Moenie ontsteld word nie, want Ek is jou God. Ek maak jou sterk en wil jou help. Ek laat jou oorwin met my regterhand wat mense red.

Johannes 1:16

Uit sy volheid het ons almal ’n oorvloed genade ontvang.

Genese 22:16-17

[16] “Die Here sê: ‘Omdat jy My gehoorsaam het en nie eens jou geliefde seun van My weerhou het nie, neem Ek ’n eed [17] dat Ek jou oorvloedig sal seën. Ek sal jou nageslag vermenigvuldig tot ’n ontelbare menigte, soos die sterre aan die hemel en die sand aan die see en hulle sal hulle vyande oorwin.

Genese 27:28-29

[28] Mag God vir jou die dou van die hemel en die vrugbaarheid van die aarde gee sodat jy goeie oeste van graan en wyn sal hê. [29] Mag baie nasies jou dien. Jy sal heers oor jou familie en jou broers sal voor jou buig. Almal wat jou vervloek, sal self vervloek wees, en almal wat jou seën, sal ook geseën word.”

Psalms 1:1-3

[1] Gelukkig is die mens wat nie loop volgens die raad van goddeloses, of staan op die pad van sondaars, of sit in die vergadering van spotters nie. [2] Hy vind egter vreugde in die gebooie van die Here en oordink sy voorskrifte dag en nag. [3] Hy is soos ’n boom geplant langs waterstrome, wat vrugte dra op die regte tyd. Sy blare verwelk nie; in alles wat hy doen, is hy voorspoedig.

Psalms 23:1-4

[1] Die Here is my herder; daar is niks wat my ontbreek nie. [2] Hy laat my lê in groen weivelde; na water waar rus is, lei Hy my. [3] Hy gee my nuwe krag. Hy lei my op die pad van geregtigheid tot eer van sy Naam. [4] Wanneer ek loop in ’n baie donker kloof, sal ek nie bang wees nie, want U is naby my. U stok en u staf beskerm en ondersteun my.

2 Samuel 22:3-4

[3] my God is my rots, by wie ek skuil. Hy is my skild, die krag van my redding, my vesting, my toevlug, my verlosser wat my red van geweld. [4] Ek sal roep tot die Here, Hy wat lofwaardig is, want Hy red my van my vyande.

1 Johannes 5:18

Ons leef egter met die wete dat elkeen wat deur God verwek is, nie aanhou sonde doen nie. God bewaar dié een wat uit Hom gebore is en die bose kry nie vatplek aan hom nie.

Psalms 138:7

As ellende op my toesak, sal U my bewaar van die woede van my vyande. U steek u hand uit en red my deur u krag.

2 Korintiërs 9:8

En God is in staat om aan julle elke gawe in oorvloed te gee sodat julle in elke opsig altyd van alles genoeg kan hê én ook nog oorvloedig kan wees in elke goeie werk.

Filippense 4:7

En God se vrede, wat meer is as wat ’n mens dink, sal oor julle harte en gedagtes die wag hou omdat julle aan Christus Jesus verbonde is.

Afrikaans Bible NLV 2011

2006 Christlike Uitgewersmaatskappy, Posbus 1599, Vereeniging, 1930, Eerste uitgawe 2006, Tweede uitgawe 2011