|
| “Cusisiñanïpjjew jachirinacajja, jupanacasti Diosampi chuymachatäpjjaniwa. |
|
|
| Tatitu pachpaw juman nayram sarani, jumampiraquïniwa, janiraquiw jaytcätamti ni antutcaraquïtamsa, uqhamasti jan ajjsaramti, janirac lajllasimsa.” |
|
|
| Nayar jutapjjam take karjatanaca jatjatanaca, nayaw samarayapjjäma. |
|
|
| Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma. |
|
|
| Take llaquisiñanacamsti Diosar jaytapjjaraquim, jupasti jumanacatjja llaquisiraquiwa. |
|
|
| Take yant'anactï jumanacajj t'akhesipcta ucanacajja, cunjämtï mayninacajj t'akhesipqui uqhamaraquiquiwa. Jumanacajj Diosaruw catuyasipjjañamajja, jupasti janiw jumanacarojj jach'a jan atipcaya yant'anacjja churapcätamti. Cunapachatï yant'ajj jutcani ucqhajja, Diosajj cunjämatsa uca yant'ar atipjañjja yanapapjjaraquïtamwa, uqhamatwa atipjapjjäta. |
|
|
| k'apisiñapajj mä juc'ataquiquiwa, munasiñapasti wiñayataquiwa; jayp'u tokerutejj jachañajj puristanejja, willjta tokerojj cusisiñaw utj- jjestani. |
|
|
| Tatitojj llaquimp aynacht'atanacan jac'apancasquiwa, jupanacar khespiyañataqui, aynacht'at chuymanacap waytañataqui. |
|
|
| Llaquejj jakerojj mayjt'ayiwa; suma arusti cusisiyiwa. |
|
|
| [6] Jisc'aruy tucupjjam Diosataquejja, uqhamat jupajj jumanacar horasaparu jach'ar aptañapataqui. [7] Take llaquisiñanacamsti Diosar jaytapjjaraquim, jupasti jumanacatjja llaquisiraquiwa. |
|
|
| Ajjsarcay lajja ch'amac chekawja sarcasasa, janiw cunarus ajjsarcäti, nayamp chic saratam laycu: lawamasa, thujrumasa, ch'am churitani. |
|
|
| Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa. |
|
|
| Tatitojjay, jumaw takpach amtatanacajjar uñt'tajja, janiw aykotanacajjajj jumatac imantasquiti; |
|
|
| Ucatjja nayajj sistwa: “larusiñajja lokhe cancañawa, cusisiñanacasa janiw cuna asquïcaraquisa.” |
|
|
| [3] Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa. [4] Diosajj take jachanacapwa nayranacapatjja picharani, janiraquiw jiwañas, jachañas utjcjjaniti, warariñasa ni usuyasiñasa. Take cunanacatï nayrajj utjcän ucanacajj tucusjjewa” sasa. |
|
|
| Chuymaman llaquisiñanacapjja apanucum, uqhamarac jan walt'añanacsa, waynanacana suma urunacapasa inamayaquïtapa laycu. |
|
|
| Cusisipjjaraquim qhitinacatejj cusisitäqui ucanacampejja, jachapjjaraquim jachirinacampejja. |
|
|
| “Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa. |
|
|
| [16] Janiw mank'ats umats t'akhescjjapjjaniti, janiraquiw intis naqhantcaniti, lupis jupanacarojj jan walt'aycaraquiniti. [17] Trono taypincquis uca Corderow jupanacarojj ovejanacarjama awatini, jacquir uma jalsunacaruw anaquiraquini. Diosasti take jachanacap nayranacapat phiscurjjani” sasa. |
|
|
| [20] Ucatsti Job chachajja sartasinjja wali llaquin phokt'ataw isinacapa ch'iyanokasïna, ñic'utapsa mururasisaw quillt'asisa yupaycharaquïna. [21] Jupasti sänwa: “Nayajj taycajjan puracapatjja k'alalaquiw nasta, k'alalaquiraquiw cuttjjaraquëjja. Tatitu Diosaw take cunsa churitu, ucatsti jupaw apakasjjaraquitu. Ucampis ¡Tatitun sutipajj jach'añchatäpan!” sasa. |
|
|
| Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama. |
|
|
| “Janiw munapayätati jake masimana utapsa, ni warmipsa, ni sirvirinacapsa, ni vacapsa, ni asnopsa, ni cunanacapatejj utjqui ucanacsa.” |
|
|
| Diosar cusisiyquir llaquisitanacasajj Tatituruw cutiquipstayistu, ucatsti khespiyaraquistuwa, janiw llaquisiñasäquiti. Ucampis jan Diosatacjama llaquisitasasti jiwañaruw aparaqui. |
|
|
| jakenacajj juparojj jisc'achapjjänwa, apanucupjjaraquïnwa. T'akhesiñan phokt'at jakënwa, t'akhesiris yatitaraqui. Jupajj janis qhitimpi uñjatäñapas waquiscaspa uqham jisc'achatänwa, uqhamäquipansa uñisnuctanwa, apanucuractanwa. |
|
|
| Uca quipca horasaraquiw Jesusajj wali jach'at art'äna: “Elí, Elí, ¿lama sabactani?” sasa. (Ucasti sañ muni: Diosajjay, Diosajjay, ¿cunats aqham nayar antutt'asista?) |
|
|
| [6] Ucatwa jumanacajj wali cusisita sarnakasipjjtajja, inas waquisiracchi mä juc'a pacha cunayman yant'anacan t'akhesipjjañama ucasa. [7] Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja. |
|
|
| Diosajj jumanacarojj churapjjaraquïtamwa samarañapa, ucasti take cuntejj jakejj amuyt'caspas ucat juc'amp jach'awa. Uca samarañasti jumanacan chuymanacamsa, amuyunacamsa imaniwa Cristomp mayaquïpjjatam laycu. |
|
|
| Jichhajj waliquiwa, amuyasctwa cunjämtejj jiwasanacajj acapachan t'akhesisctan ucjja, janiw mayachcsnati Diosan jach'a cancañapa uñjcañäni ucampejja. |
|
|
| [24] Thakañasaw maynit maynicama cunjäman yanapt'asiñasataqui munasiñanïñasataqui, uqhamarac suma luräwinac uñacht'ayasa. [25] Janiraquiw tantachasïwinacasar janejj sarañasäquiti cunjämtejj yakhepanacajj jan sarapquiti uqhama, jan ucasti maynit mayniruw waytt'asiñasa, Tatitun jutäwipa jac'ancjjatapa yatisinsti juc'ampïñapawa. |
|
|
| [3] Yupaychañäni Jesucristo Tatitusan Dios Awquiparu. Jupaw jiwasar qhuyapayasir Awquisajja, uqhamarac chuymachirisasa. [4] Take t'akhesiñanacasanwa Diosajj chuymachistu, jiwasajj t'akhesirinacar chuymachañasataqui, cunjämtï Diosajj jiwasar chuymachquistu uqhama. |
|
|
| [36] —Yatichiri, ¿cawquïr camachis taket sipansa wali jach'ajja? —sasa. [37] Jesusasti juparojj sänwa: —‘Tatit Diosamaruw munäta take chuymamampi, take almamampi, take amuyumampiraqui.’ [38] Acawa taket sipansa jach'a camachejja. [39] Payïri camachisti ucar uñtataraquiwa: ‘Jake masimarusti juma quipcarjam munaraquim.’ [40] Aca pä camachi arunacjjar utt'ayatawa Moisesan yatichäwipasa, uqhamaraqui profetanacan yatichäwinacapasa. |
|
|
| “Lunthatajj jutiwa lunthatasiñataqui, jiwayañataqui, tucjañataqui, ucampis nayajj juttwa jacañanïpjjañamataqui, uqhamarac jilarquir jacañanïpjjañamataquiraqui. |
|
|
| Diosajj take jachanacapwa nayranacapatjja picharani, janiraquiw jiwañas, jachañas utjcjjaniti, warariñasa ni usuyasiñasa. Take cunanacatï nayrajj utjcän ucanacajj tucusjjewa” sasa. |
|
|
| Janirac kollkerus munapjjamti; cunatejj utjapjjtam ucampejj cusisitaquïpjjam, Diosajj siwa: “Janiw cunapachas jaytcämati ni armt'ascämasa” sasa. |
|
|
| [6] Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim. [7] Diosajj jumanacarojj churapjjaraquïtamwa samarañapa, ucasti take cuntejj jakejj amuyt'caspas ucat juc'amp jach'awa. Uca samarañasti jumanacan chuymanacamsa, amuyunacamsa imaniwa Cristomp mayaquïpjjatam laycu. |
|