Bible Verses On A Topic: Angels and Demons: [Angels]

Topics

Angels and Demons: [Angels]

Uqhamaw alajjpachasa, acapachasa uqhamaraqui ucanacan take cunanacatejj utjqui ucanacasa tucuyatäjjäna.

Jupa tokeracwa Diosajj luri take cunatejj alajjpachansa acapachansa utjqui ucanacjja, jan uñjatäqui ucsa, uñjatäqui ucsa. Take ajayunacan ch'amanïtapsa, munañan apnakerïtapsa, jupa tokew luri, jupataquiraqui.

Job 38:1-7

[1] Uqhamasti Tatitojj Job chacharojj mä jach'a thaya taypitwa parläna: [2] “¿Qhitïtas jumajj nayan apnakatajjat pächasiñataquejja, uqhamaraqui pachpa arunacamampi jan yatitamsa uñacht'ayañataquejja? [3] Jichhajj jan ajjsarirïtam uñacht'ayita, ucatsti aca jisct'anacaru arusjjataraquita. [4] ¿Cawquincäyätas jumajja cunapachatejj nayajj aca orake utt'aycäyät ucapachajja? ¡Jumatejj chekpacha suma yatsta ucapachajj uca jisct'aru arusjjatita! [5] ¿Yattati aca oraken kawkch'äñapäcäntejj ucjja? ¿Qhitisa aca orakjja uqhama lurejja? [6] ¿Cunjjaru utt'ayatas cimientonacapajja? ¿Qhitisa jach'a kala uscuraquejja ucjjaru utt'añapataqui, [7] uccañcamasti khanjtaniri warawaranacan k'ochupjjañapcama, uqhamaraqui alajjpacha sirvirinacan cusisiñapcamajja?

Lucas 20:35-36

[35] Ucampis qhitinacatejj qhä yakha jacañar puriñapajj waquischi jiwatanac taypit jacatatasina ucanacajja, chachäpasa warmïpasa, janiw qhayanjja casarasipcaniti. [36] Janiw juc'amp jiwcjjapjjaniti uca laycu. Angelanacjamäjjapjjewa, uqhamarac Diosan wawanacapäjjapjjewa jacatatapjjatap laycu.

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”

Mateo 22:30

Cunapachatejj jiwatanacajj jactcan ucapachajja, janiw casarasiñajj utjcaniti ni casarasïwirus churascaraquiniti phuchanacapjja, alajjpachanquir Diosan angelanacapjamäniwa.

2 Samuel 14:17

Aca sirvirimasti suyt'ascaraquiwa juma jach'a reyin arunacapampi chuymachatäña, juma jach'a reyisti take cunsa chekaparupuniw uñjtajja, yatiractawa cunatejj walïqui ucsa uqhamaraqui cunatejj jan walïqui ucsa, mä Diosan angelapjama. ¡Tatitu Diosay juma jach'a reyimpi kheparpan! —sasaw warmejj säna.

Lucas 15:10

Sapjjsmawa, uqhamaraquipï cusisiñajj Diosan angelanacap taypinjj utjejja mä juchararan arrepientisitapatjja.”

Apocalipsis 14:6

Ucatsti yakha angelaracwa alajjpachan jalanakasquir uñjta. Jupasti wiñay khespiyasiñ arunacanïnwa take jakenacaru yatiyañataqui, take marcanacaru, take casta jakenacaru, cunayman parlani jakenacarusa.

Job 4:15-18

[15] ‘¿Jakejj asquïspati Dios nayrakatanjja? ¿K'omati jicjjatasispa juparu uscusiri Diosapa nayrakatanjja? [16] Janiw pachpa alajjpachanquiri sirvirinacaparus take chuyma uñjquiti, Diosajj angelanacapan pantjasitanacapsa jicjjatiwa, [17] ¡ucatsa juc'ampiwa jakejj jan asquïcaniti, jupajj pisi ch'amätap laycu, uqhamaraqui lak'a patjjaru utachata ñek'e utäcaspa uqhamaraquiwa, ucanacasti thuthar uñtat pallalljatäspawa! [18] Jakejj alwajj sartasisquiwa, jayp'urusti t'unjataraquiwa, wiñayataquiw jiwawayjje, janiraquiw qhitis jupan jiwatapatjja llacquiti.

Isaías 14:12-14

[12] “¡Cunjämaraqui uca altot jalaktantasti khantati warawara! Juma, marcanacar atipjiristi, jichhajj pampar jakokatätawa. [13] Chuymamansti amtaraquïyätawa: ‘Jichhajj alajjpachcamaw maqhatä; konuñajjsti Diosan warawaranacapjjaruraquiw usct'asï, qhaya jaya alayanwa kont'asiraquï, cawquïri kolluntejj diosanacajj tantachasipqui ucana. [14] Kenayanacatsa juc'ampi altoruw maqhatä, jach'a Diosjamaraquiw tucü’ sasa.

Judas 1:6

Uqhamaraqui cawquïr angelanacatejj jan sum imapcäna lurañanacapjja, jan ucasti utjäwinacapjja jaytanucupjjän ucanacarojj Diosajj preso catjjäsisqui jach'a taripäwi urutaqui, ch'amacanacan jan tucusquir wiñay cadenanacamp ñach'antata.

1 Pedro 3:21-22

[21] Uca umasti bautismo umaruw uñtasejja, uca tokeraquiw jichhajj khespitätanjja. Uca bautismosti janiw janchi k'omachañataqui asquïquiti, jan ucasti Diosat mä k'oma chuyma mayiñanquiwa; Jesucriston jactäwip tokeraquiw khespitätanjja, [22] jupasti alajjpacharuw maqhatjje ucatsti Diosan cupëjjaparuw kont'asjje, uqhamarac jichhajj angelanacasa, munañaninacasa, ch'amasa jupar catuyatawa.

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

Hebreos 12:22

Ucatsipan jumanacajj Diosar yupaychañataquejj Sión kolluru, jacquiri Diosan marcaparu, alajjpach Jerusalén marcaru, walja warank tantacht'at angelanacaruw jac'achasipjjtajja,

Apocalipsis 5:11-12

[11] Ucatsti mäquiw uñtta, walja angelanacan arunacapracwa ist'ta. Uca angelanacasti tronoru, uca jacasquirinacaru, uca jilïrinacaru muyuntatänwa. Waranka, warankanacäpjjaraquïnwa. [12] Wali jach'ataracwa art'apjjäna, aqham sasa: “¡Cawquïri Corderotejj jiwayatäcäna ucajja, asquiwa munañanïñataqui, kamir cancaña, yatiñ cancaña, ch'amanïña, wali aytatäña, jach'achatäña, yupaychatäña catokañataquisa” sasa.

Salmos 78:25-49

[25] jakesti angelanacan t'ant'ap mank'äna, Diosajj jilarquir mank'añ apayanïna. [26] Alajjpachatpach inti jalsu thayamp phust'ayäna, ch'amapampiw aynach thayarojj irptäna: [27] lak'a tutucar uñtat aycha jalluyäna, lamar kota ch'allar uñtat jamach'inac jalluntayäna; [28] Diosajj chhujllanac taypiruw ucanac puriyäna, chhujllanacap jac'aruw puriyaraquïna. [29] Jupanacasti sist'asiñcamaw mank'apjjäna, uqhamat Diosajj jupanacan munataparjam phokhäna. [30] Ucampis, mank'at awtjayasiñap janïr apaktayascasa, lacapas mank'amp phokhantatäscän ucapachaw [31] Diosan k'apisiñapajj jupanacatac wallakëna; wali ch'aman jakenacaruw jiwarayäna, Israelanquir wali chachanacaruw tucusiyäna. [32] Ucanac uñjcasasa, juch lurasipcaquïnwa; janiw Diosan muspharcañ luratanacaparojj iyawsapcänti. [33] Ucat Diosajj jacañ urunacap mä phust'arjamac tucuyäna, wali t'akhesiñ taypina. [34] Diosajj jiwaraycän ucapachaquiw juparojj thakapjjäna, janc'aquiw Diosar maqhatjjañataquejj thakapjjäna; [35] ucapachaquiw alajjpachanquir Diosat amtasipjjäna, ucapachaquiw jupanacar imascatapa, khespiyatap amuyasipjjäna. [36] Lacaquiw juparojj parlapjjäna, lajjrampisti c'arintapjjänwa, [37] janiw chuymanacapajj khan arsupcänti, janiraquiw arust'äwiparjamas phokhapcänti. [38] Diosasti jupanacat qhuyapayasïnwa, ñankha luratanacap pampachäna, janiw jupanacarojj tucjcänti: walja cutiw k'apisiñap t'acurayasïna, janiw tipusiñapamp atipjayascänti; [39] Diosajj jupanacan janchïpjjatap amtasïna, jan cutjtir samanar uñtatäpjjatap amuyaraquïna. [40] ¡Walja cutiw Diosarojj jan jaysapcänti, wasarancasaw chuym usuyapjjäna! [41] Wasitatsa, yant'asipcaquïnwa; Israelan Kollanaparuw llaquisiyapjjäna. [42] Janiw jupanacajj amtasipcänti, Diosajj uñisiripan amparapat ch'amapamp khespiycän uca urutjja; [43] Egipto oraken muspharcañanac lurcän ucanacata, Zoán oraken jach'a luräwinac uñachaycän ucanacata, [44] jawiranacar wilar tucuycän ucata, Egiptonquirinacajj jawiranacat jan umt'irjamäpcän ucata. [45] Mich'isir chhichhillanqhanacamp jamp'atunacamp apayanïna, ucanacasti take cun mank'antapjjäna, tucjapjjaraquïna, [46] jump'ipamp achuyat yapunacsti, t'ijut'ijunacaruw catuyäna, [47] higo yapunacarojj chhijchhimpiw t'unjäna, uva yapunacarusti juyphimpiw tucjaraquïna. [48] Vaca tamanacapajj chhijchhimpiw jiwarapjjäna, ovej tamanacapasti khejjokhejjompiw tucusipjjäna. [49] Diosaw jach'a k'apisiñap jupanacatac nactayäna, k'apisiña, juchañchaña, llaquisiñ apayanïna, ucanacajj t'unjir qhitanacar uñtatäpjjänwa.

Salmos 91:11

Diosajj angelanacaparuw qhitanini, sarnakäwim imañataqui.

Salmos 103:20

Tatitur jach'añchapjjam: angelanacapa, arsutanacap phokherinaca, arupar janc'ac jaysirinaca.

Mateo 4:6-11

[6] Saraquïnwa: —Jumatejj Diosan yokapästa ucajja, aca patatpacha jakoktam, Diosan arupansti siwa: ‘Diosasti angelanacaparuw qhitanini jumaru uñjañataqui, amparapampisti catokaraquïtamwa, cayunacamajj jan uca kalanacampi usuchjasiñapataqui’ sasa. [7] Jesusasti ucjjarojj sänwa: —Diosan arupanjja kellkataraquiwa: ‘Janiw Tatitu Diosamarojj yant'ätati’ —sasa. [8] Supayasti mayampiw Jesusarojj irparaquïna mä jach'a kollu patjjaru, ucatsti uñacht'ayaraquïnwa take marcanaca, cunja sumäcäntejj ucanaca, cunja jach'äcaraquïntejj ucanacsa. [9] Ucatsti sänwa: —Take acanac nayajj churäma, jumatejj quillt'asisin nayar yupaychitäta ucajja —sasa. [10] Ucapachasti Jesusajj sänwa: —Saraket nayat, supaya, Diosan arupansti kellkatawa: ‘Tatitu Diosamaruquiw yupaychäta, jupa saparuquiraquiw sirvïta’ —sasa. [11] Supayasti uca pasatatjja sarawayjjänwa. Ucatsti angelanacaraquiw jutasinjja Jesusarojj sirvipjjäna.

Mateo 16:27

Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Mateo 18:10

“Jan jisc'achapjjamti aca jisc'anacarojja. Nayasti sapjjsmawa, jupanacan angelanacapajj alajjpach marcanjja Awquejjan nayrakatapancasipcapuniwa.

Mateo 24:31-35

[31] Angelanacaparusti qhitaniraquiniw wali jach'at trompetanac phust'aniñapataqui, ucampiraquiw ajllitanacaparojj pusi toketpacha jawsthapini aca orakena, maysa thiyat maysacama. [32] “Yatekasipjjam higo kokata: Cunapachatejj uca alin layminacapajj ch'ojjñatati, uqhamarac laphinacapas uñstaraquejja, yatipjjtawa jallupachajj jac'ancjjatapa. [33] Uca quipcaraqui jumanacajj ucanac uñjasajj, yatipjjam acapachan tucusiñapajj jac'ancatapa, puncuncataparaqui. [34] Khanacwa sapjjsma, take acanacasti pasaniwa janïr jichha pacha jakenacajj jiwarquipana. [35] Alajjpachampi acapachampejj tucusiniwa, ucampis arunacajjajj janiw tucuscaniti.

Lucas 4:10

Kellkatanjja saraquiwa: ‘Diosajj angelanacaparuw jumar uñjir qhitanini.

Juan 20:11-12

[11] Mariajj sepulturat ankäjjanwa jachascäna. Uqham jachcasinjja alt'asïnwa sepultura mankha uñantañataqui. [12] Mankhansti uñjänwa pä angelanaca jank'ot ist'atcamaqui, Jesusan janchipajj cawqhanccäntejj ucawjan paninpach kont'ata, maynejj ch'ijmäñapana, maynisti cayöjjanaraqui.

Colosenses 2:18

Jan chhakañaru apayasipjjamti qhitinacatejj wali suma chuymanit uñt'ayasipqui, uqhamarac angelanacar yupaychiri tucupqui ucanacampejja. Jupanacajj uñanchäwinacs uñjapcaspa uqhamäpjjewa, ucatsti amuyt'anïpjjatap laycuraquiw wali jach'a jach'a tucupjje.

Hebreos 1:14

Take angelanacaw ajayüpjje Diosar sirviñanjja, ucanacasti qhitinacatejj khespiyasiñ catokapcani ucanacar yanapt'añatac qhitanitäpjjewa.

Hebreos 2:6-13

[6] Ucampis, mä chek kellkatanjja mayniw aqham khanañchi: “¿Cunarac jakesti jupat amtasiñamataquisti? ¿Cunarac jiwir jakesti, ch'am churañamataquisti? [7] Jakerojj angelanacat mä juc'a sullcac lurtajja, aytat cancañampi, jake cancañampiw juparojj pillunttajja. [8] Take luratanacam apnakañapataquiw catuytajja.” Uqhamasti take cun jaken munañapar uchasinjja, Diosajj janiw cuns jaytcänti jan jupan catuyatjja. Uqhamäcchi ucampis janiw jichhacamajj uñjctanti take cunas jupar jaysapjjatapjja. [9] Ucampis Jesusarojj uñjtanwa, juparusti Diosajj angelanacat sipansa menosaruw tucuyi mä juc'a tiempotaqui. Diosajj munasiñapatwa munäna taketac jiwañapa, jichhasti jach'a cancañapampi uqhamarac jach'añchäwimpi coront'atawa jiwañan t'akhesitap laycu. [10] Jupïpanaracwa take cunas Diosataquejj utjasqui, Diosasti muniwa take wawanacapanjj utjañapa jupan jach'a khapak marcapana. Ucatwa Diosajj t'akhesiña toke sum tucuyäna jupanacan Jesucristo khespiyiriparojja. [11] Qhitinacatejj catuyatäqui uqhamarac catuyqui ucasa, takew pachpa Awquinqui. Ucatwa Diosan Wawapajj jan p'enkasquiti: “Jilatanaca” sañjja. [12] Kellkatanjja aqham siwa: “Jumatjja jilanacajjaruw parlä, tantachasïwi taypina jumarojj k'ochunacampi yupaychäma” sasa. [13] Saraquiwa: “Nayajj Diosaruw catuyasï.” Wasitampiw saraqui: “Acancasctwa, Diosajj churquistu uca wawanacampi” sasa.

Hebreos 13:2

Jan armt'asipjjamti utanacamar visitanac catokañjja, uqham lurasajj yakhepanacajj jan yatisaquiw angelanacs catokapjjäna.

2 Pedro 2:4

Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.

Aymara Bible 1997