Bible Verses On A Topic: Bad Character: [Lazy]

Topics

Bad Character: [Lazy]

[17] Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke. [18] Warminaca, chachanacamaru ist'apjjam, uqham lurañanacamaraquiw Diosanquirjamajj wact'apjjtam. [19] Chachanacasti warminacamarojj munapjjaraquim, janiraqui jupanacataquejj khorüpjjamti. [20] Wawanaca, awquimar taycamarojj take cunansa ist'apjjapunim, uca lurañasti asquiw Dios nayrakatanjja. [21] Awquinaca, jan wawanacamampejj sinti khorüpjjamti jan jupanacan mayjt'asipjjañapataqui. [22] Esclavonacasti uywirinacamarojj ist'apjjaraquim aca orakenjja, janiw jupanacan uñjcataqui cunsa sum lurirjam tucupjjañamäquiti, jan ucasti take chuymaw Diosar ajjsartasa sirvipjjañamajja. [23] Cuntejj lurapjjät ucjja lurapjjam take chuymampi, Tatitutaquis lurapcasma uqhama, jan jakenacatacjamajja.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

1 Timoteo 5:8

Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa.

Génesis 2:15

Cunapachatejj Tatitu Diosajj jakerojj Edén huertoru usccatayna yapuchañapataqui, uqhamaraqui uñjañapataqui,

Lucas 16:10

“Qhititejj juc'a apnakañanacan chekapäqui ucajj, walja apnakañanjja chekaparaquïniwa; juc'ana jan chekapäcchi ucajja waljanjja janiraquiw chekapäcaspati.

Proverbios 10:4

Juc'a irnakeri jakesti, pobrequiw jaqui, wali irnakeri jakesti kamiriptaraquiwa.

Proverbios 10:5

Qhititejj waquisitaparu yapu apthapqui ucajja, amuyt'asiri jakewa, ucampis qhititejj yapu apthapiña horasana iquisqui ucajja p'enkachatäniwa.

Proverbios 12:11

Yapuchiri jakejj walja mank'añaniwa; jan amuyt'asiri jakesti inamaya luräwinacan sarnake.

Proverbios 12:24

Irnakeri jakejj apnakaniwa, ucampis jayra jakejja apnakatäniwa.

Proverbios 13:4

Jayra jakejj walwa cunsa muni, ucampis janiw jicjjatquiti; k'apha jakesti walja yänacwa jicjjati.

Proverbios 14:23

Take ch'ama tucutat jilpacha catokañajj utji, ucampis wali parlatatjja pobrernucstañaquiw utji.

Proverbios 19:15

Jayrasiñajj iquïcwa iquiyasqui, ucatsti jayra jakejja mank'atjamajja t'akhesiniwa.

Proverbios 20:4

Jayra jakejj kholliña horasajja janiw khollquiti, ucampis yapu apthapi horasajj thaktaniwa, ucatsti janiw jicjjatcaniti.

Proverbios 6:6

“Jayra jake, q'isimiranacar uñjam; cuntï lurapqui ucanaca uñjam, yatikasiraquim.

Proverbios 26:15

Jayra jakejj amparapamp plator lokantcasinsa, jayrasiwa lacapar mank'a apcatasiñjja.

Efesios 5:15-17

[15] Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja. [16] Jan tiempjja ina ch'usaru tucuyapjjamti, urunacajj jan walëjjatap laycu. [17] Jan lokhëpjjamti, jan ucasti cunäquitejj Tatitun munañapajja uc amuyañaru uscusipjjam.

Proverbios 6:9-12

[9] Jayra jake, ¿cunapachcamas iquiscäta? ¿Cunapachas iquit sartjjätajja? [10] Jumajj uqham iqui ch'utaliscäta, uqhamarac sum iquiñataquis amparanacama khomthapisiscäta ucqhawa, [11] jan cunan uñjasiñajj catuntätam, mä muyuycu jakjama. [12] Qhititejj ñankha, jan wali jakëqui ucajja, c'ari arunaca parlasaquiwa sarnake;

2 Tesalonicenses 3:6-10

[6] Jilatanaca, ewjjt'apjjsmawa Tatit Jesucristosan sutiparu, jithektapjjam cawquïr jilatatejj jan irnakañ munqui ucatjja, uqhamarac cuntejj nanacajj yatichapjjsma ucarjama jan sarnakañ munirinacatjja. [7] Jumanacajj yatipjjtawa cunjämtejj nanacar uñtasin jacapjjañamäqui uca, nanacajj janiw jan irnakasa jumanac taypinjja jacapcti. [8] Janiraquiw qhitin mank'apsa inaqui mank'apcti, jan ucasti uruy arumaw irnakapjjta, jan jumanacataqui mä llaquïscañapataqui. [9] Nanacan waquisïnwa chekpachansa jumanacat yanapa mayiña ucasa, uqhampachas nanacajj irnakasipcactwa, jumanacajj nanacar uñtasina arcapjjañamataqui. [10] Cunapachatejj jumanacampïpcäyäta ucqhajja, aca yatichäwjja churapjjäyäsmawa: “Qhititejj jan irnakañ munqui ucajja, janirac mank'cpati” sasa.

Proverbios 24:30-34

[30] Jayra jaken yapu jac'apwa pasawayta, pisi amuyt'an jaken uva yapup jac'a. [31] Ucatsti yapupwa uñjta ch'aphinacampi chhaktayata, kala uyupasa liju tucjataraqui. [32] Uqham uñjasinsti chuymajjanjja amthapistwa; uc uñjasinsti aca yatichäwi yatekta: [33] jumajj juc'ampis ict'ascactawa, amparanacamsa khomjjarusiscactawa sum iquiñataqui, [34] uccañcamasti pobrernucstañawa acatjamata catuntätam, mä muyuycu jakjama wali ch'amampi.

Mateo 25:24-29

[24] “Mä waranka catokeristi saraquiwa: ‘Nayajj yattwa jumajj wali khoru chuymanïtama, jumajj apthaptawa cawquirutejj jan phawctas uqhamaraqui jan satctas ucata. [25] Ucatwa nayajj ajjsaräyäsman, kollkemsti orakeruraquiw allintasin imjjaracta, jichhasti acajjay kollkemajja.’ [26] Patronasti juparojj siwa: ‘Ñankha jan wali sirviri, jayrätawa. Jumajj yatïyätawa jan satasaqui apthapirïtajja, uqhamarac jan phawasaqui apthapirïtajjsa. [27] Ucatpï kollkejj-jja bancorus uchañamänjja, nayasti cutt'anisinjja interesanwa apsusjjeriscäyäta.’ [28] Ucanquir jakenacarusti saraquiwa: ‘Aparapjjam uca warank kollke ucatsti churapjjaraquim tunca warankanïquis ucaru. [29] Qhititejj utjirinïqui ucarojj juc'ampiw churasini, jupansti jilarquiriw utjani. Ucampis qhitintejj jan utjqui ucatjja apakatäniwa mä juc'a utjiripasa.

Aymara Bible 1997