Bible Verses On A Topic: Bad Character: [Pride]

Topics

Bad Character: [Pride]

Sapa mayniwa luräwinacapa uñjasiñapa, ucatsti waliquïscchejja, jupa pachpataquïniwa, janiw mayninacataquïquiti.

Cunürutejj take ch'amani Tatitojj sartcani, jach'a jach'a, uqhamaraqui ñankha tucur jakenac toke, uca jach'a jach'a tucur jakenacaru alt'ayañataqui;

Isaías 23:9

Take ch'amani Tatituw uqham lurayi, take jach'a ch'amaninacsti, munañani jakenacarusti orakercam liwinucuñataqui.

Santiago 4:6

Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.

Santiago 4:10

Dios nayrakatan jisc'ar tucupjjam, jupasti jach'aruw aptapjjätam.

Jeremías 9:23

Tatitusti siwa: “Yatiñan jakejj jani jach'a jach'a tucpati yatiñapampejja, munañanisa, janiraqui munañanïtap laycojja, ni kamiris jach'a jach'a tucpati yänacap laycojja.

Mateo 2:3

Uqham yatisinjja, rey Herodesajj mayjt'asïnwa, uqhamarac Jerusalenan take jaquir jakenacasa.

Proverbios 8:13

Tatitur ajjsarañajj, jan waliru uñisiñawa. Nayasti uñistwa jach'a jach'a tucuñaru, jan walina sarnakañaru, uqhamarac c'arisiñaru.

Proverbios 11:2

Jach'a jach'a tucuñajja jan walt'añanacwa apani; yatiñ cancañasti llamp'u chuymaninacamp chicawa.

Proverbios 13:10

Jach'a jach'a tucuñajj nuwasiñanacacwa apani, ucampis yatiñ cancañajja llamp'u chuymaninacampiwa.

Proverbios 16:5

Jach'a jach'a tucur jakenacarojj uñisiwa; jupanacasti mutuyatäpjjaniwa.

Proverbios 16:18-19

[18] Jach'a jach'a tucuñanjja aynacht'añawa utji; pek'e waytat sarnakañansti tincuñaw utji. [19] Asquiwa pobrenacampi jisc'ar tucuñajja, jach'a jach'a tucuñampi kamirïñat sipansa.

Proverbios 18:12

Jach'a jach'a tucuñanjja, aynacht'añawa utji; llamp'u chuyma tucuñansti, jach'ar aptatäñawa utjaraqui.

Proverbios 21:4

Jach'a jach'a tucuñasa, amtañasa, jan walinac lup'iñasa, juchawa.

Proverbios 21:24

Jach'a amtañani, jach'a jach'a tucuri, jan amuyt'ani, ucaw sutipajja; qhititejj wali jach'a amtañanacampi lurqui ucajja.

Proverbios 25:27

Walja misq'i mank'añajja janiw walïquiti, ucampis wali asquiraquiwa, cunatï ch'amäqui uca yatjjatañajja.

Proverbios 26:12

Yakhep jakejj wali yatiñanïcaspasa uqhamaw tucu, ucampis jan amuyt'an jakewa jupat sipana chekachasispa.

Proverbios 27:2

Janiw asquïquiti juma pachpa jach'achasiñamajja, jan ucasti mayninacan jach'añchatäña munam.

Proverbios 29:23

Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.

Salmos 10:4

Ñankha lurir jakejj, jan p'enkanpachaw arsu: “Janiw Diosajj utjquiti, janiw qhitis luratajjat camsquitaniti” sasa. Uqhamac jupajj amuyi.

Salmos 138:6

Tatitojj alajjpachancchi ucasa, llamp'u chuyman jakerojj uñtaniwa, jach'a jach'a tucur jakerusti jayat uñt'i.

Romanos 12:3

Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama.

Romanos 12:16

Jumanac taypinjja mä amtaniqui jacasipjjam. Janiraqui jach'a jach'a tucupjjamti, jan ucasti alt'at chuymani tucupjjam. Janiraqui wali yatiñanjamas tucupjjaraquimti.

1 Corintios 13:4

Qhitintejj munasiñajj utjqui ucajj llamp'u chuymaniwa, suma jakewa, janiw envidiasirïquiti, janiw jach'a jach'a tucurïquiti.

Daniel 5:20

Ucampisa cunapachatejj sinti munañani tucjjäna, uqhamaraqui jach'a jach'a tucuñampi phokhantayasïna, ucapachaw Diosajj apakjjäna, take ch'amapsa uqhamaraqui jach'a cancañapsa reyïtap laycu.

Gálatas 6:1-3

[1] Jilatanaca, jumanacatejj mayniru jucharu tincut jicjjatapjjsta ucajja, jumanacajj Diosanquirinacjamajj yanapt'apjjañamaw jupan sayt'asiñapataquejja. Ucsti llamp'u chuymampi lurapjjañamawa, take amuyumpi, jan jumapachpa juchar jalantañamataqui. [2] Yanapt'asipjjam maynit maynicama take cuna apañanacanjja, uqhamanwa Criston leyip phokhapjjäta. [3] Maynitejj jach'ar tucuñ munchejja, ucat janirac cunäcchisa ucajja, jupa pachpawa sallkjasi.

Aymara Bible 1997