Beblia

Temas ukanaka

Tata: [Pacha]

Arunacapansti saraquiwa: “Mä suma asqui horasanwa ist'sma, khespiyasiñ urunwa yanapt'aracsma” sasa. Jichhapï uca asqui horasajja; jichharaquipï uca khespiyasiñ urojja.

Acapachajj tucusiriquiwa jan wali luräwinacapamppacha, ucampis cawquïritejj Diosan munañap lurqui ucajj wiñayataquiw jaqui.

Diosasti horasaparuwa take cunsa suma luri; uqhamaraquiw jupajj jaken chuymaparu amuyt'ayi cunatï wiñayäqui uca, janisay jakejj takpacha amuyt'cpan Diosan luratanacapa, uqhamaraqui cuntï lurcani ucanacata.

Ucapachaw jumanacajj nayaru art'asipjjetäta, ucatsti nayan ucaruw jutapjjaraquïta, nayaru mayisisa, nayasti mayisitanacamjja ist'apjjaraquïmawa.

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Urüquïpanjja lurañajjawa qhititejj qhitanquitu ucan lurañanacapa. Arumajj jutasquiwa, ucansti janiw qhitis irnakcaspati.

Jakejj chuymapanjja sarnakañapatwa lup'isqui, ucampis sarnakäwipjja Tatituw irpasqui.

Suma amuyt'ampi cuna amtäwinaca waquichatasa sumaquiwa phokhasi, ucampis mäqui waquichata amtäwinacajja aynacht'añaruwa puriyi.

Kharürutjja jan jach'a jach'a tuccamti; janiw yatctati kharürojj cunatejj pascani ucjja.

Jacañajjajj amparamanquiwa: nayar arcnaker timanacajjat khespiyita;

Jacañ urunacajjay jaqhuñ yatichapjjeta, amuyunacajjan yatiñ cancañ jicjjatañapataqui.

Take acanacjja amuyasipjjam, cuna urunacantejj jacctan uca, iquit sartasiñajja horasäjjewa. Jiwasan khespiyasiñasasti sinti jac'anquiwa cunapachatejj suma arunacar iyawscäyätan ucqhat sipansa.

Jichhasti jumatejj amuct'asïta, janitejj cunsa camscäta ucajja judionacan khespiyasiñapajja yakha toketwa jutani. Ucampis jumasa, uqhamarac awquiman familianacapasa jiwarayatäsipcaquïtawa. ¡Inasa jumajja reinaru puriscsta jiwasanacaru aqham llaquisiña horasana yanapt'añataqui!” sasa.

[32] “Ucampis uca urumpita horasampitjja, janiw qhitis yatquiti, ni quicpa alajjpachanquir angelanacas yatquiti, ni Diosan Yokapasa, jan ucasti Dios Awqui sapaquiw yati. [33] “Uqhamasti jumanacajj suyapjjam, amuyasipjjam, [Diosat mayisipjjaraquim] janiraquiw yatipctati cuna horasar puriniñapsa.

[8] Ucampis jilatanaca, jan jumanacajj armasipjjamti, Tatitutaquejj mä urojja waranka marampi sasiwa, waranka marasti mä urumpi sasiquiraquiwa. [9] Tatitojj janiw armt'asquiti arunacapar phokhañjja, cunjämtï mayninacajj amuyapqui uqhama, jan ucasti jupajj suma chuymampiw suyt'asquistu; jupasti janiw munquiti qhitin chhakañapsa, jan ucasti muniwa takeninsa Diosar cutcatañapa.

[5] Qhitinacatejj jan iyawsirïpqui ucanacampejj suma amuyt'ampi sarnakapjjam, take horasanacansa asquinac lurapjjam. [6] Parlatanacamasti sumäñapapuniwa jan qhitirus coler churirjama, sapa mayniru cunjäm arusjjatañsa yatipjjañamaraquiwa.

[15] Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja. [16] Jan tiempjja ina ch'usaru tucuyapjjamti, urunacajj jan walëjjatap laycu. [17] Jan lokhëpjjamti, jan ucasti cunäquitejj Tatitun munañapajja uc amuyañaru uscusipjjam.

[1] Ucampis janiw waquisquiti jumanacaru kellkaniñajjajja cunürutejj jutcani ni cuna horasarusa uca toketjja. [2] Jumanacajj asquiw yatipjjta, Tatitojj purininiwa cunürutejj jan suycañäni ucüru, cunjämatejj mä lunthatajj arum jutqui uqhama. [3] Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.

[6] “Jayra jake, q'isimiranacar uñjam; cuntï lurapqui ucanaca uñjam, yatikasiraquim. [7] Jupanacajj janis jilïrinïpcchi ucasa, [8] ucampis jupanacajj mank'añjja imcatasipjjewa, yapu apthapi pachana.

[13] Qhitinacatejj aqham sapjjta: “Jichhürojj jan ucajj kharürusa uca marcaruw sarañäni, ucansti maraw utjañäni, alaquipa lurañäni, kollke jicjjatañäni” uc sirinacajj ist'apjjam: [14] janiw yatipctati cunatejj kharürojj pascani ucjja. ¿Cunaraqui maynin jacañapasti? Mä urpjamaquiw uñstani ucatsti chhaktawayjjaquiwa. [15] Ucampis aqhama sapjjañamawa: “Dios munani ucqhajja, jaccasinjja uc ac lurañäni” sasa. [16] Ucampis jumanacajj jach'achasiñanacaman mantatajja cuns parlañ munapjjactawa, take uca jach'achasiñ chuymasti janiw walïquiti. [17] Qhititejj asqui lurañ yatqui ucatsti janirac lurquiti ucajja, juch lurasqui.

[1] Aca orakenjja take cunas horasaniquiwa; take luräwinacataquisa mä horasaw utji: [2] Naciña horasa, jiwjjaña horasa. Ayrunac ayruñ horasa, uca ayrutanac jiq'iraña horasa. [3] Jiwayañ horasa, kollañ horasa. Tucjañ horasa, utachañ horasa. [4] Jachañ horasa, laruñ horasa. Llaquisiñ horasa, cusisincaña horasa. [5] Kalanac willtañ horasa, kalanac apthapiñ horasa. Khomantasiñ horasa, jaljtañ horasa. [6] Thakañ horasa, chhakayañ horasa. Imañ horasa, jaktañ horasa. [7] Ch'iyanokañ horasa, ch'ucthapiñ horasa. Amuct'añ horasa, parlañ horasa. [8] Munasiña horasa, uñisiñ horasa. Nuwasiña horasa, sumancañ horasa.

Aymara Bible 1997 Qullan Arunaca

Biblia Aymara Sociedad Bíblica Boliviana 1997