Bible Verses On A Topic: God: [God's Grace]

Topics

God: [God's Grace]

[8] Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam. [9] Janiraquiw cuna luräw tokëquisa, uqhamat jan qhitis jach'achasiscañapataqui.

Tito 2:11

Diosasti uñachayistuwa qhuyapayasiñapjja khespiyasiñap apanisa take jaketaqui.

Romanos 11:6

Diosan munañap laycuquïchi ucajja, janiw maynin lurataparjamäcjjeti; [uqhamäspa ucqhajja Diosan qhuyapayasiñapajja janiw qhuyapayasiñäcaspati].

Hechos 15:11

Ucatsipana jiwasanacajj yatipjjtanwa: Tatit Jesusan qhuyapayasiñapat khespiyatätasjja, jupanacjamaraqui —sasa.

Hebreos 4:16

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

Hechos 20:32

“Jichhasti jilatanaca, Diosaruw catuyapjjsma, uqhamarac jupan munasiñ arunacaparu. Jupasti wali ch'amaniw jumanacar ch'amañchañataqui, uqhamarac mä herencia jumanacar churañataqui, take ajllitanacapamp chica.

Santiago 4:6

Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.

Efesios 1:7

Diosajj jach'a munasiñapatwa Yokapan jiwäwipa toke khespiyistu, juchanacassa perdonasaraqui.

Romanos 5:1-2

[1] Iyawsäwi laycu Dios nayrakatan asquit uñt'atäjjatasatwa Diosampi sumancañajj utjistu Jesucristo Tatitusana. [2] Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

Tito 3:7

uqhamat qhuyapayasiñapan jiwasar catokañapataqui, uqhamarac wiñay jacañ suyt'ctansa uc catokañasataqui.

Romanos 3:20-24

[20] Chekpachansa janiw qhitis uca leyirjam sarnakatap laycojj Diosan nayrakatapanjja catokatäcaniti. Uca leyisti jiwasanacan juchanïtas uñt'ayañataquiquiwa. [21] Ucampis jichhajj ley maysar apanucusajj yattanwa cunjämatejj Diosajj jiwasanacarojj asqui jaket catokquistu ucjja, ucasti yatisiwa leyin yatichäwip toke, uqhamarac profetanac toke. [22] Diosajj cunjämattejj jiwasanacarojj asqui jaket catokquistaspan ucajja Jesucristor iyawsatas laycuquiwa, janiraquiw yakha yakhäñajj utjquiti; [23] ucatsti takeni jucha lurapjjatap laycusti Diosampejj janiw catokatäpquiti. [24] Ucampis Diosajj jupan jach'a munasiñapanjja ina ch'usatacwa catokestu, Jesucristo tokwa jiwasanacarojj khespiyaraquistu.

Juan 1:17

Moisés tokew leyejj churatäna, ucampis munasiñajj uqhamarac cheka arunacas Jesucristo tokew juti.

2 Timoteo 2:1

Jumasti wawajja, Cristo Jesusampi mayaru tucutas laycu bendicionas utjquistu ucampi ch'amañchasim.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

2 Corintios 12:9

ucampis Tatitojj situwa: “Munasiñajjaquiw jumataquejj waquichatajja, nayan ch'amajjasti juc'ampi sumaw uñsti cunapachatï jakejj t'uqha jicjjatasqui ucqha” sasa. Uqhamajj nayajj cusistwa, Criston ch'amapajj nayan t'uqhasiñajjan uñstañapataqui.

Romanos 3:24

Ucampis Diosajj jupan jach'a munasiñapanjja ina ch'usatacwa catokestu, Jesucristo tokwa jiwasanacarojj khespiyaraquistu.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

Efesios 2:4-9

[4] Ucampis Diosajj jach'a qhuyapayasiñaniwa, walrac munasiraquistu. [5] Ucatwa Cristomp chica jacañ churistu, juchanacasan jiwatascchïyätan ucasa. Uqhamajj jumanacajj Diosan qhuyapayasiñapatwa khespiyatäpjjtajja. [6] Diosajj Cristo Jesusamp chicaw jactayaraquistu, jupamp chicaw alajjpachanacan kont'ayaraquistu. [7] Acsti luriwa khepa pachanacan uñacht'ayañataqui, cunja jach'a munasiñapampis munistu ucata, uqhamarac qhuyapayasiñapas jiwasatac utjatapata Cristo Jesús laycu. [8] Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam. [9] Janiraquiw cuna luräw tokëquisa, uqhamat jan qhitis jach'achasiscañapataqui.

Romanos 2:8-10

[8] Ucampis jan ist'asis ch'ajjwirinacarojja mutuyaniwa, chekat sipana jan walïquis ucar jaysatap laycu. [9] Take jan wali luririnacataquejj wali t'akhesiñanaca llaquisiñanacampiw utjani, nayrakatajj judionacataqui, uqhamarac jan judiöpquis ucanacataquisa. [10] Ucampis Diosajj sumancaña, samaraña, jach'achatäñampi take jupar iyawsirinacarojj churani, nayrakatajja judionacaru, uqhamarac jan judiöpquis ucanacarusa.

1 Corintios 15:10

Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

Efesios 2:5

Ucatwa Cristomp chica jacañ churistu, juchanacasan jiwatascchïyätan ucasa. Uqhamajj jumanacajj Diosan qhuyapayasiñapatwa khespiyatäpjjtajja.

Tito 2:11-12

2 Corintios 12:8-9

[8] Quimsa cutiraquiw Tatiturojj achict'asta nayar uca t'akhesiñ apakañapataqui; [9] ucampis Tatitojj situwa: “Munasiñajjaquiw jumataquejj waquichatajja, nayan ch'amajjasti juc'ampi sumaw uñsti cunapachatï jakejj t'uqha jicjjatasqui ucqha” sasa. Uqhamajj nayajj cusistwa, Criston ch'amapajj nayan t'uqhasiñajjan uñstañapataqui.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Efesios 4:7

Ucampis sapakat mayniruw yakha yakha amuyu churistu, cunjämtejj Cristojj churañ munqui uqhamarjama.

2 Pedro 1:2

Jilarquir bendicionanac catokapjjam, uqhamarac suma sarnakasipjjam, Diosaru uqhamarac Jesucristo Tatitusar uñt'apjjatam laycu.

Romanos 1:7

Jichhajja take jumanacaruw kellkanipjjsma Roma marcan jaquirinacaru, qhitinacarutejj Diosajj wal munapctamjja, uqhamarac jupatac yakhachatäñataqui jawsatäpjjtawa. Uqhamajj jumanacajj catokapjjamay Dios Awquisana Jesucristo Tatitusampina bendicionapa, uqhamarac sumancañapa.

Romanos 5:17

Jiwañatejj mä sapa jaken jucha luratap laycu mantanchïnjja, ucat juc'ampiwa machak jacañanjja munañanïpjjani, qhitinacarutejj Diosajj ina ch'usataqui catokqui Jesucristo laycu ucanacajja.

Juan 1:16

Takeniw jach'a kamir cancañapatjja catoktanjja, bendicionat bendicionjjaru.

Tito 2:11-14

[11] Diosasti uñachayistuwa qhuyapayasiñapjja khespiyasiñap apanisa take jaketaqui. [12] Uca qhuyapayasiñaparaquiw yaticharaquistu juchampi, acapachar munañampi apanucjjañasa. Ucatsti aca orakenjja mä suma amuyumpi, chekapana Dios chuymaraqui sarnakañasa. [13] Yaticharaquistuwa mä cusiscañ suyt'äwimpi jacañasa, jach'a Khespiyiri Jesucristo Diosajj uñstancani uc suyasina. [14] Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Romanos 5:2

Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

2 Tesalonicenses 1:12

Uqhamatwa Tatit Jesucristosan sutipajj jumanacan jacäwinacamampejj jach'añchatäni, jupasti jumanacarojj jach'añchapjjaraquïtamwa, Diosasana, uqhamarac Tatit Jesucristosan qhuyapayasiñapata.

1 Timoteo 1:13-16

[13] Nayrajj jan wali arunacampiw jupa toke parlasa jisc'achäyäta, uñisisaw arcnakaraquïyäta. Uqham lurctsa ucasa, Diosajj nayarojj qhuyapayasituwa, ucapachajj nayajj janïraw iyawsirïcäyätti, janiraquiw cuntejj lurcäyäta ucjja yatcäyätti. [14] Ucatwa nayataquejj Tatitun bendicionapajj wali jach'änjja, uqhamarac iyawsañasa munasiñasa jiwasan utji Tatit Jesucristoncatas laycu. [15] Acajj chekawa, takeniw acjj iyawsapjjañapa: Cristo Jesusajj aca orakerojj juchararanacar khespiyiriw juti, ucanacatsti nayaw nayrïrïtjja. [16] Ucatwa Diosajj nayatjja qhuyapayasitänjja, Jesucristojj nayjjaru take munasiñapa uñacht'ayañapataqui. Uqhamatwa nayajj nayrakat iyawstjja, nayar uñtasina mayninacajj jupar iyawsapjjañapataqui, uqhamat wiñay jacañanïpjjañapataqui.

Romanos 6:23

Juchan wajjt'asiñapasti jiwañawa, ucampis Diosan wajjt'äwipajj wiñay jacañawa Cristo Jesús Tatitusana.

Romanos 3:23

ucatsti takeni jucha lurapjjatap laycusti Diosampejj janiw catokatäpquiti.

2 Corintios 9:8

Qhititejj jatha churi yapuchañataqui, uqhamaraqui mank'a mank'asiñataqui uca Diosasti jumanacarojj take cunwa churapjjätam yapuchapjjañamataqui. Uca yapuchäwinacamsti jiltayaraquiniwa, ucatsti suma luräwinacamsti wali jach'a cosechäcaspas uqhamaracwa apthapiyapjjätamjja.

Santiago 2:8

Jumanacatejj Diosan jach'a leyipa phokhapjjäta cunjämatejj Kellkatanjja sisqui: “Jake masimarojj juma quicparjam munam” sasajja, ucapachajj waliqui lurasipctajja.

1 Juan 5:3

Diosar munañajja camachinacar phokhañawa; camachinacapasti janiraquiw jan phokhañjamäquiti,

2 Pedro 3:9

Tatitojj janiw armt'asquiti arunacapar phokhañjja, cunjämtï mayninacajj amuyapqui uqhama, jan ucasti jupajj suma chuymampiw suyt'asquistu; jupasti janiw munquiti qhitin chhakañapsa, jan ucasti muniwa takeninsa Diosar cutcatañapa.

Hechos 2:38

Ucjjarusti Pedrojj jupanacarojj sänwa: —Sapa mayni jumanacajja cutiquipstapjjam, uqhamarac bautisasipjjam Jesucriston sutiparu, juchanacamata perdonatäpjjañamataqui. Ucatwa Diosajj Kollan Ajayu churapjjätam.

Romanos 3:27

Uqhamasti, ¿cawquinquisa jach'a jach'a tucutasajja? Tucusjjewa. ¿Cunatsa? Janiwa uca leyirjam saratas laycuti, jan ucasti iyawsatas laycuwa.

Santiago 2:12

Jumanacajj parlapjjañama, sarnakapjjañamaraquiwa cuna leyitejj khespiyat sarnakasiñ churquistu uca leyimpi juchañchatäñas laycu.

Romanos 7:12

Ucampis uca leyejj chekpachansa kollanawa, camachisti kollanaraquiwa ucatsti asquiraqui sumaraquiwa.

Romanos 1:16

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

Aymara Bible 1997