Bible Verses On A Topic: Good Character: [Faith]

Topics

Good Character: [Faith]

Take cuntejj oracionan mayipjjasma, ucat iyawsapjjaraquisma ucajja catokapjjasmawa.

Iyawsañajja ist'apjjatap laycuw utji, cunatejj ist'asqui ucasti Criston yatiyäwipawa.

[1] Iyawsañajja: “Catokäwa” sas take chuymampi suyt'ctans ucawa, uqhamarac chekpachapuni iyawsañasa cuntejj jan uñjtan ucajj chekätapa. [2] Nayra awquinacasajj sumaru uñt'atänwa iyawsañanïpjjatap laycu. [3] Iyawsäwi laycuraquiw yattan Diosajj arupampi acapach luratapa, cuntejj jichhajj uñjtan ucajj jan uñjcayat luratätapa. [4] Iyawsäwi laycuw Abel chachajj Caín jilapat sipansa suma sacrificio Diosarojj loktäna, ucatwa Diosajj catokäna jupan ofrendapjja. Abel satäcäns ucajj jiwatäcchisa, parlascaquiwa iyawsäwip utjatap laycojja. [5] Enoc chachas iyawsäwi laycuw mä jacañarojj jan jiwasina aptatäjjäna, janiw mayamps jicjjatcjjapjjänti, Diosaw juparojj apasiwayjjatayna. Kellkatanjja saraquiwa: “Janïra apatäcasinjja, Enoc chachajj Diosaruw cusisiyatayna” sasa. [6] Janiw Diosarojj jan iyawsañampejj cunapachas cusisiycsnati, jupar jac'achasiñataquejja maynejj iyawsañapawa Diosajj utjatapa, uqhamaraqui jupar thakerinacarojj bendicirïtapa.

Marcos 11:22-24

[22] Jesusasti jupanacarojj saraquïnwa: —Diosar iyawsirïpjjam. [23] Khanacwa sapjjsma, qhititejj chuymapan jan pächasisa aca kollur saspajja: ‘Onjjtam, jach'a kotar mantaraquim’ sasa; arsutapajj phokhasispawa, jupatejj iyawsañampi arsuspa ucqhajja. [24] Ucatpï sapjjsmajja, take cuntejj Diosat iyawsañampi mayipjjätajja catokapcasma uqhamjja, ucajj uqhamäniwa.

Santiago 2:19

Jumajj iyawstawa mä sapa Diosan utjatapjja, ucsti walic lurasctajja, uqhamjja supayanacas iyawsasipcaraquiwa, ajjsarañatsa qhathatipjjaraquiwa.

Efesios 2:8-9

[8] Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam. [9] Janiraquiw cuna luräw tokëquisa, uqhamat jan qhitis jach'achasiscañapataqui.

Lucas 1:37

Diosataquejj janiw cunas ch'amäquiti —sasa.

Proverbios 3:5-6

[5] “Tatitur take chuymamampi catuyasim; juman ch'iqhi cancañamaruquejj jan alcatasimti. [6] Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

2 Corintios 5:7

Iyawsäwi laycuraquiw sarnakasctanjja, janiw uñjatas laycuti.

Efesios 2:8

Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam.

1 Corintios 2:5

uqhamata jumanacan iyawsañanacamajja pachpa Diosat jutañapataqui, jan jaken amuyt'apatacjja.

Santiago 1:5-8

[5] Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui. [6] Ucampis take iyawsañampiw mayiñapa, jan acch'as pächasisa. Pächasiri jakesti kota mathapimpi sasiwa thayampis ucsar acsar apata. [7] Uqhamajj qhititejj pächasisqui ucajj janiw cunsa Tatitut catokañataquejj suyt'añapäquiti, [8] jupatejj jichhürojj may munani, khepürusti yakha munaraquini ucajja. Uqham may may amtiri jakejja janiw cuns sum lurcaspati.

Filipenses 4:13

Criston ch'amapampejj take cunaruw saycatirista.

Santiago 1:5-8

Filipenses 4:13

Criston ch'amapampejj take cunaruw saycatirista.

Santiago 2:24

Jumanacajj uñjapjjtawa, Diosajj jakerojj catokewa luräwinacap tokeraqui, janiw iyawsatap laycuquiti.

Lucas 17:5

Apostolonacapasti Jesusarojj mayipjjänwa: —Juc'ampi iyawsañ yapt'apjjeta —sasa.

Aymara Bible 1997