Bible Verses On A Topic: Good Character: [Grateful]

Topics

Good Character: [Grateful]

Oracionjj lurapjjapunim, suyt'apjjaraquim Diosar yuspagarasa.

[14] Yuspagaratäpan Diosajja. Jupasti atipañarupuniw irpistu Cristomp chica, jiwas tokeraquiw arunacapsa yatiyi mä suma k'apquir kolläcaspas uqham take chekar puriyasina. [15] Jiwasajj mä suma incienso k'apjamätanwa, cuntejj Cristojj Diosar loktqui ucana. Ucasti take tokeruw purt'i, khespiyatanac taypiru uqhamarac jan khespiyatanac taypirusa.

Jonás 2:9

Ucampis nayajja, yuspagarañ arumpiwa jumar sacrificionac loktämajja; cuntejj nayajj arscta ucsti phokharaquïmawa. ¡Jumaquiw khespiyasirïtajja!” sasa.

1 Tesalonicenses 5:18

Take cunatsa Diosar yuspagarapjjam, Diosasti jumanacatjja uqhamwa muni, Cristo Jesusan iyawsirinacapjamajja.

Colosenses 3:15-17

[15] Diosan sumancañapay chuymanacamanjja jumanacarojj apnakpan, Diosasti uca amtäwimpiraquiw jawsapjjtam mä cuerpo tucupjjañamataqui. Ucatsti yuspagarapjjaraquim. [16] Tatitun arunacapajj chuymanacamarojj phokhantpan, jumanaccamaraqui yaticht'asipjjam, waytt'asipjjaraquim take amuyt'a chuymampi, Tatitur k'ochuñäqui ucanacsa k'ochupjjaraquim, Diosar yuspagarasa. [17] Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke.

1 Corintios 15:57

Ucampis yuspagaratäpan Diosajja, jupaw Jesucristo toke atipjayistu.

Salmos 100:4

Puncunacapar jac'achasipjjam, kollan utapar mantapjjam, yuspagar churapjjam, sutip jach'añchapjjaraquim.

1 Crónicas 16:34

“Tatitur yuspagarapjjam, jupasti sumawa, munasiñapasa wiñayataquiwa.

Romanos 1:21

Uqham Diosan ch'amanïtapa uñt'apcchisa, jakenacajj janiw Diosarjam yupaychapquiti ni yuspagarapcaraquisa, jan ucasti juc'amp jan cunatac ina lup'ïwinacar chhaktatäpjjewa, jan walinac amtir chuymapasti ch'amact'ataraquiwa.

Filipenses 4:6

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

Salmos 69:30

K'ochunacampiw Diosan sutiparojj jach'añchä, yuspagarasaw jach'a cancañap yatiyä;

2 Corintios 9:15

Uqhamajj jilatanaca, achict'apjjsmawa jumanacaru, cunapachatï jutcä ucqhajj jan colerayapjjestati jumanac taypin yakhepanac tokjja. Ucanacasti nanacatjja jan walinacwa parlapjje, munañanacajjaruquis sarnakapquirista uqhama. Ucanacampi catjasiñataquisti janc'aquiraquïtwa.

1 Tesalonicenses 5:16-18

[16] Cusisitäpjjapunim. [17] Jan inact'as orapjjam. [18] Take cunatsa Diosar yuspagarapjjam, Diosasti jumanacatjja uqhamwa muni, Cristo Jesusan iyawsirinacapjamajja.

Filipenses 4:6-7

[6] Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim. [7] Diosajj jumanacarojj churapjjaraquïtamwa samarañapa, ucasti take cuntejj jakejj amuyt'caspas ucat juc'amp jach'awa. Uca samarañasti jumanacan chuymanacamsa, amuyunacamsa imaniwa Cristomp mayaquïpjjatam laycu.

Colosenses 1:12

uqhamata Dios Awquiru yuspagarapjjañamataqui. Juparaquiw jiwasarojj waquichistu ucjja khanan catokañasataqui, cuntï Diosajj jupanquirinacar churcän ucjja.

Santiago 1:17

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

Efesios 5:4

Jan mä p'enka arunacjja parlapjjamti, ni lokhe arunacsa, ni ina ch'usa sawcasiñ arunacsa. Aca casta arunacajj janiw waquisquit arsuñajja, jan ucasti, Diosaruw yuspagarañasajja.

Levítico 22:29

“Cunapachatejj Tatituru mä ofrenda yuspagarasa churäta ucapachasti, wali sumpuni loktam, uqhamata uca ofrenda loktäwejja suma catokatäñapataqui.

Salmos 103:2

Takpach chuymajjampiw Tatitur jach'añchä, janiw qhuyapayasiñapat armascäti.

Daniel 6:10

Daniel chachasti, uca arsüwi uqham luratätap yatïn ucapachasti, utaparuw saräna, uta ventananacapa jist'arasïna, uca ventananacasti Jerusalén marca toker uñtanitänwa, quillt'asisinwa Diosat mayisïna, uqhamaraqui yupaycharaquïna. Ucsti Daniel chachajj quimsa cutiw ucjja urunjja luräna, cunjämatejj luriricän uqhamarjama.

Salmos 107:1

Tatitur yuspagarapjjam, munasiñanïtap laycu, qhuyapayasiñapajj wiñayawa.

Efesios 5:20

Dios Awquirojj take cunatsa yuspagarapjjapunim, Tatit Jesucristosan sutiparu.

Salmos 9:1

Tatay, takpach chuymajjampiw yuspagarsma muspharcañ luratanacamat yatiyasa.

Juan 3:16

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Colosenses 3:2

Alajjpach yänacat lup'ipjjam, jan acapach yänacatjja.

Colosenses 3:16

Tatitun arunacapajj chuymanacamarojj phokhantpan, jumanaccamaraqui yaticht'asipjjam, waytt'asipjjaraquim take amuyt'a chuymampi, Tatitur k'ochuñäqui ucanacsa k'ochupjjaraquim, Diosar yuspagarasa.

Salmos 107:8

Tatiturojj qhuyapayasiñapat yuspagarapjjam, jakenacatac muspharcañanac luratapata.

Salmos 119:62

Chica arumaw jumar yuspagarañatac uñatatta, arunacamat jumar yuspagarañataqui.

Apocalipsis 11:17

aqham sasa: “Yuspagarapjjsmawa, Tata, jumajj jach'a ch'amani Diosätawa, utjascapunïyätawa, utjascactawa, jichhas utjascaquipunïtawa. Jichhajj jach'a ch'amamwa uñacht'aytajja, aca orake apnakañsti kalltaractawa.

Colosenses 3:15-17

Salmos 106:1

¡Tatitojj jach'añchatäpan! Tatitur yuspagarapjjam, munasiñanïtap laycu, qhuyapayasiñapajj wiñayawa.

Hebreos 12:28

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

Salmos 107:1-2

[1] Tatitur yuspagarapjjam, munasiñanïtap laycu, qhuyapayasiñapajj wiñayawa. [2] Tatitun khespiyatanacajj arsupjjpan, timasirin amparapat antutayatanaca,

2 Samuel 22:49

jupaw timanacajjan k'apisiñapat khespiyitu, nayar kallcatir jakenacat antutayitu. ¡Tatay, jumaw khoru jakenacat khespiyistajja!

1 Tesalonicenses 1:2

Take jumanacatjja Diosarojj yuspagarapjjapuntwa, oracionanacajjanjja jumanacat amtasipjjapuntwa.

1 Timoteo 2:1-2

[1] Nayrakatajj ewjjt'apjjsmawa Diosat mayipjjam, oración lurapjjam, Diosarus yuspagarapjjam take jaketa. [2] Diosat mayiñasaraquiw marca apnakerinacataquisa, uqhamarac take autoridadanacataquisa, uqhamat samarañana jan llaquini jacasiñasataqui, Diosar catuyata, uqhamarac takerus suman uñjasaraqui.

Juan 11:41

Ucatwa kaljja nuqhokapjjäna. Jesusasti alajjpacha uñtasinwa arsu: —Awquiy, yuspagarsmawa nayar ist'atamata.

Salmos 118:1-18

[1] Tatitur yuspagarapjjam, jupajj munasiñaniwa, qhuyapayasiñapajj wiñayawa. [2] Israel marcajj sispan: “Tatitun qhuyapayasiñapajj wiñayawa.” [3] Aarón sacerdoten wawanacapajj sapjjpan: “Tatitun qhuyapayasiñapajj wiñayawa.” [4] Tatitur iyawsirinacajj sapjjpan: “Tatitun qhuyapayasiñapajj wiñayawa.” [5] Llaquisiñajjan Tatitur art'asta, jupasti ist'ituwa, khespiyaraquituwa. [6] Tatitojj nayampïsquiwa: janiw ajjsarayascäti; ¿camächaraquitan jakesti? [7] Tatitojj nayampïsquiwa, jupaw yanapasquitu, nayar uñisirinacan aynacht'añap uñjä. [8] Jaker alcatañat sipanjja, Tatitur alcatañaw juc'amp sumajja. [9] Jilïr jakenacar alcatañat sipanjja, Tatitur alcatañaw juc'amp sumajja. [10] Take marcanacaw muyuntapjjetäna, ucanacarusti Tatitun ch'amapampiw atipjta. [11] Take toket muyuntapjjetäna, Tatitun ch'amapampisti atipjtwa; [12] tamurayanacar uñtataw muyuntapjjetäna, jupanacasti ch'aphinac taypin naqhir ninjamaw tucusipjjäna. Tatitun sutiparuw jupanacarojj atipjta. [13] Wali ch'amampiw tincuñajjatac nuct'apjjetäna, Tatitusti yanapt'iriw jutitu. [14] Tatituruw nayajj jach'añchta, jupaw ch'am churirejjajja. ¡Jupaw khespiyirejjajja! [15] Ist'apjjam: asqui jakenacan utanacapanjja, atipjäwi k'ochunacaw jayllisi: ¡Tatitun ch'aman amparapaw atipjayi! [16] Tatitun amparapajj jan atipjcayawa, ¡Tatitun ch'aman amparapaw atipjayi! [17] Janiw jiwcäti, Tatitun luratanacap yatiyañataquejj jacascaquïwa. [18] Tatitojj t'akhesiyituwa, mutuyaraquituwa, ucampis janiw jiwañar catjjaruyquituti.

Salmos 20:4

chuymaman munataparjam phokpan, take amtäwinacam phokhasiypan.

Salmos 30:12

Dios Tatay, ucat ajayojjajj jan amuct'as jach'añchañ k'ochunac k'ochuni, jumarusti wiñayaw yuspagaräma.

Salmos 95:2

yuspagarañ chuymamp nayrakatapar mantapjjañäni, phust'añanacamp chic jupar jallallapjjañäni.

2 Corintios 9:11

Aca yanapasti jupanacarojj Tatitun arunacaparjam sarnakapjjatamwa uñacht'ayani, ucatsti jupanacajj Diosaruw yupaychapjjani. Diosarusti jach'aruraquiw aptapjjani, jumanacajj uqham cusisit chuymampi jupanacataquis, takenitaquis apthapt'apjjatamatjja.

2 Corintios 2:14

Yuspagaratäpan Diosajja. Jupasti atipañarupuniw irpistu Cristomp chica, jiwas tokeraquiw arunacapsa yatiyi mä suma k'apquir kolläcaspas uqham take chekar puriyasina.

Filipenses 4:19

Nayan Diosajjawa take cunatejj jumanacan jan utjquisa ucjja churapjjätam Cristo Jesusan walja c'ajquiri kamir cancañaparjama.

Romanos 11:36

Take cunasa Diosat juti, jupan lurataraquiwa, jupataquiraquiwa. Uqhamajj Diosajj wiñayataqui jach'achatäpan. Uqhamäpan.”

Salmos 105:1

Tatitur yuspagarapjjam, sutip aytapjjam, muspharcañ luratanacapat marcanacar yatiyapjjam;

Hechos 16:40

Carcelat mistjjasinsti jupanacajj Lidian utaparuw sarapjjäna. Jilatanacar tumpt'asin, uqhamarac ch'amañcht'awayasinsti sarjjapjjänwa.

Aymara Bible 1997