Bible Verses On A Topic: Good Character: [Boldness]

Topics

Good Character: [Boldness]

[29] Jichhasti Tatay, uñtamay jupanacan ajjsarayañanacapa. Arquirinacamarusti ch'amamay churapjjeta, juman arunacam jan ajjsaras parlapjjañajjataqui. [30] Yanapt'apjjaraquitaya, jach'a ch'amamampi usutanacar kollañataqui, uqhamarac uñacht'äwinacsa, milagronacsa kollan Jesús Yokaman sutiparu lurapjjañajjataqui.” [31] Oración lurañ tucuyatatsti, cawqhantejj oración lurapcäna ucawjajj qhathatïnwa. Ucatsti takeniw Kollan Ajayumpi phokt'atäpjjäna, Diosan arupsti jan ajjsarasaraquiw parlapjjäna.

2 Corintios 3:12

Nanacansti uca suyt'añaw utjapjjetu, ucataracwa take iyawsañampi parlapjjtjja.

Hechos 14:3

Ucatwa Pablompi Bernabeampejj uca marcanjja jaypach urunac kamarapjjäna. Jan ajjsarasaraquiw parlapjjäna Tatitur catuyasisina, Tatituw jupanacarojj ch'am churaraquïna uñacht'äwinacampi milagronacampi lurapjjañapataqui. Uqhamatwa Tatitojj cuntejj jupanacajj Diosan munasiñapat parlapcäna uca arunacan chekätapjja khansuyi.

Hechos 13:46

Ucapachasti Pablompi Bernabeampejj jan ajjsarasaw sapjje: —Waquisipunïnwa nayrakata jumanac judionacar Diosan arunacapa parlañajja. Ucampis jumanacajj janiw catokañ munapctati. Janiraquiw wiñay jacañatacjam amuyasipctasa. Ucatpï jichhajj nanacajj jan judionacäpquis ucanac taypirojj sarjjapjjäjja.

Hechos 19:8

Ucatsti quimsa phajjsiw Pablojj sinagogar saräna. Ucansti jan ajjsarasaw Diosan arunacap jakenacar parläna, Diosan reinopat amuyt'ayasa.

Filemón 1:8

Nayasti Criston apostolopjamajj arunirïstwa cunatejj lurañamäqui uc jumar lurayañataquejja,

Hechos 18:26

Sinagogansti jupajj jan ajjsarasaw parlañ kallti. Ucampis Priscilamp Aquilampejj jupar parlir ist'asinjja, utaparuw irpapjje. Ucatwa Diosan thaquipjjatjja juc'amp suma khana amuyt'ayapjjaraquïna.

Marcos 15:43

Ucjjarusti Arimateanquir Joseaw jutäna, jupasti jach'a jilïrinac taypinjja mä jilïriraquïnwa, Diosan reinopsti suyascaraquïnwa. Jan ajjsarasaraquiw Pilaton ucarojj mantäna, ucatsti Jesusan jiwat janchip mayiraquïna.

Hechos 28:31

Ucansti jan ajjsartasaraquiw jupajj Diosan reinopatjja yaticharaquïna, uqhamarac Tatit Jesucristjjatsa. Janiraquiw qhitis juparojj jarc'cänti uqham parlatapatjja.

Hechos 4:29-30

Proverbios 28:1

Ñankha lurir jakejja jan qhitin arcnakcataw jaltjje, ucampis asqui jakenacajja janiw cunarus ajjsarquiti, mä leonjamawa ch'aman sayt'asi.

Génesis 18:23-32

[23] Juparu mä juc'ampi jac'achasisinsti jisct'änwa: —¿Jan juchani jakenacarojj juchaninacampi chicti t'unjaraquïta? [24] Inampisa pheska tuncani jan juchan jakenacajj utjascaspa uca marcanjja. Uqhamäquipansa, ¿t'unjascaquïtati uca marcarojja, janiraquiti perdoncasma uca pheska tuncani jan juchan jakenac laycojja? [25] ¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa. [26] Ucatsti Tatitojj saraquïnwa: —Pheska tunca asqui jakenactejj uca Sodoma marcan jicjjäta ucqhajj, uca jan juchani jakenac laycojj perdonäw take uca marcan jaquir jakenacarojja —sasa. [27] Ucampis Abrahamajj sascaquïnwa: —Perdonit nayan uqham jumar parlatajjata, jumasti Diosätawa, nayasti mä jisc'a jakequïtwa; [28] ucampisa inas faltchini pheskani uca pheska tuncani jan juchan jakenacar phokhachañataquejja, ¿uca pheskani faltquipansa t'unjascaquïtati uca marcarojja? —sasa. Tatitusti saraquïnwa: —Pusi tunca pheskani jan juchan jakenactejj jicjjatäjja, janiw uca marcarojj t'unjcäti —sasa. [29] —Inas pusi tunca jan juchan jakenacac utjchini —sasa, Abrahamajj sascaquïnwa. —Uca pusi tuncani laycojj janiw uca marcarojj t'unjcäti —sasaw Tatitojj saraquïna. [30] Ucampis Abrahamajj Tatiturojj achict'ascaquïnwa: —Tata, janiy colerasimti nayan uca toket jumar parlascaquitajjata. Inas quimsa tunca jan juchan jakenacaqui jicjjatchïta —sasa. Tatitusti saraquïnwa: —Uca quimsa tuncani jan juchan jakenac laycojj marcarojj perdonäwa —sasa. [31] Abrahamasti wasitat sascaquïnwa: —Tata, nayajj sintiw p'eke usuysma parlatajjampejja, ucampisa, ¿cunsa lurasma pä tunca jan juchan jakenacaqui jicjjatasma ucqhajja? —sasa. Tatitusti saraquïnwa: —Uca pä tuncani laycojj janiw marcarojj t'unjcäti —sasa. [32] Abrahamajj sascaquïnwa: —Tata, jan nayatac colerasimti, aca maya cutimpi arst'ä, ucatsti janiw mayampsa parlcjjäti, ¿tunca jan juchani jakenacaqui jicjjatasma ucqhajj cunsa lurasma? —sasa. Tatitusti saraquïnwa: —Uca tuncani laycojj janiw marcarojj t'unjcäti —sasa.

Salmos 138:3

Art'asinsma ucapachajj ist'istawa, almajjarusti ch'am yapjjatarapista.

Efesios 3:12

Cristo tokewa Diosar jan ajjsarasina jac'achasiñasajj utji, jupar iyawsctansa uca iyawsañampi.

Juan 4:17

Warmisti saraquïnwa: —Janiw chachanïcti —sasa. Jesusasti ucjjarojj saraquïnwa: —Chekacwa sasctajja: ‘Janiw chachanïcti’ sasajja.

Hebreos 10:19

Ucatpï jichhajj jilatanaca, Sinti Kollan Chekawjarojj jan ajjsarañampi mantjjsnajja Jesucriston wilap laycu,

Hebreos 4:16

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

Hebreos 13:6

Uqhamajj jichhajja, take iyawsañampiw arssnajja: “Tatituw yanapt'irejjajja; janiw cuntejj jakejj lurquitaspa ucjj ajjsarcäti” sasa.

Efesios 6:19-20

[19] Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa. [20] Diosajj nayarojj aca arunacatjja mä uñt'ayiritjamwa qhititu, ucataracwa jichhas preso catuntatäsctjja. Diosat mayipjjam, nayajj cunjämtejj take ch'amampi aca arunac parlañajjäqui uqham parlañajjataqui.

Hechos 4:13

Ucapachajj jilïrinacajj Pedrompir Juanampir wali ch'amampi parlir uñjasinjja muspharataw uñjasipjje, jan suma yatichata jakenacäpjjatap yatisina. Ucatsti amuyapjjaraquïnwa chekpachapuni Jesusamp chica sarnakerïpjjatapa.

1 Timoteo 3:13

Luräwinacap sum phokheri diaconojja asquit uñt'atawa, Tatit Jesucristoru iyawsatapatsa takpach iyawsañampiraquiw parli.

1 Tesalonicenses 2:2

Nayrajj Filipos marcanjj jisc'achatäpjjchïyätsa, uqhamarac chhojjriñchjatäpjjchïyätsa, jumanacajj ucjj yatjjapjjtawa, Diosaw nanacaru yanapapjjetu jupan khespiyasiñ arunacap take iyawsañampi jumanacar yatiyañataqui, jach'a t'akhesïw taypina.

Filipenses 1:20

Cuntejj muncta, suycaracta ucajja jan nayan p'enkasiñajj utjañapataquiwa; ucat sipana take iyawsañampi Diosan arunacapat parlt'añajjataquiwa, uqhamat jichhajj nayan Cristojj juc'ampi jach'ar aptatäñapataqui, jiwatäcasasa jan ucajj jacascasasa.

2 Timoteo 1:7

Diosajj janiw ajjsarañ ajayu churquistuti, jan ucasti ch'amani, munasiñani, chekapar amuyt'aña ajaywa churistu.

1 Corintios 16:13

Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

Proverbios 14:26

Tatituru jach'añchiri jakensti take chuyma jupar suyt'añaw utji, uqhamarac wawanacapas Tatitun imatäniwa.

Salmos 27:14

Tatitur takpach chuymamp iyawsam, ch'amañchasim, jan ajjsaramti, ¡Tatitur takpach chuymamp iyawsam!

Romanos 1:16

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

1 Crónicas 28:20

Ucatsti Davidajj Salomonarojj sänwa: “¡Ch'amañchasim, janirac mayjt'asimti, uqhamarac jichhajj lurañaru uscusim! ¡Janipun ch'am thayjtayasimti, ni ajjsaramsa, Tatitu Diosajjasti jumampïscatap laycu! Jupasti janiw jaytanuccätamti, ni apanuccätamsa, take lurañanacajj Tatitur sirviñataqui templona tucusiñapcama.

1 Corintios 15:58

Uqhamasti munat jilatanaca, jumanacajj Tatitumpejj sum sayt'asipjjam, janirac sarakapjjamti. Irnakasipcaquim juc'ampi juc'ampi Tatitun luräwipanjja; jumanacajj yatipjjaractawa Tatitumpi mayaqui irnakapjjatamajj janiw inamayäquiti.

Efesios 6:10

Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

Isaías 54:4

Jan ajjsaramti, janiw mä p'enka uñjascätati, janiw cuna jan wali arunacsa sapcätamti, janiraquiw cunatsa p'enkascätati. Tawako cancañaman p'enkachatäcäyät ucjja armasjjätawa, janiraquiw mayampsa ijma cancañam jisc'achapcäyätam ucsa amtascjjätati.

Juan 14:27

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Marcos 5:36

Jesusasti uqham parlir ist'asajja, sinagoganquir jilïrirojj sänwa: —Jan ajjsaramti, iyawsaquim —sasa.

Filipenses 1:28

uñisirinacamampis jan sustjayasisa. Ucasti jupanacataquejj mä khanañchäwiwa chhakañaru sarascatanacapajja, ucampis jumanacataquejj khespiyasiñajj Diosat jutatapa uñacht'ayi.

Juan 7:26

Acajjay jakenacan uñjcataw parlasqui, janiraquiw qhitis cuns sisquiti; jan ucajj ¿autoridadanacajj chekacha aca jakerojj Cristötapa iyawsapjjpachajja?

Hechos 5:29

Ucjjarusti Pedrompi apostolonacampejj arsupjjänwa: —Nanacanjja Diosar nayrakat ist'apjjañajjaw waquisi, jakenacar sipansa

Josué 1:7

Nayasti sismawa: Ch'amani sayt'asim, ucatsti phokharaquim Moisés sirvirejjajj ley jaytawayctam take ucanacaru. Cuntï sisqui ucanacatjja janipuni maysar saranucumti, uqhamat take luräwinacamajj sumaqui sarañapataqui.

Ezequiel 3:9

Diamantet sipansa juc'ampi ch'ollkhe tucuyäma, kalat sipansa juc'ampi kalarayaraquïma. Jan jupanacarojj ajjsaramti, cunjämtejj uñnakapcani ucarusa jani ajjsaramti, kawkha khoru jakenacäsipcpansa” sasa.

Hechos 9:29

Jupasti jan ajjsarasaraquiw Tatitjjat parläna. Griego parlir judionacampisti cunayman toketaracwa jisct'asipjjaraquïna. Ucatsti jupanacajj Saulor jiwayañwa munapjjäna.

Filipenses 1:1

Naya Pablompi, Timoteompi Jesucriston sirvirinacapaw aca carta Filipos marcanquir jilatanacar kellkanipjjsma, uqhamarac obisponacarusa, diacononacarusa. Jumanacasti Diosatac ajllitäpjjtawa, Jesucristompisti mayaquïpjjaractawa.

1 Timoteo 3:1

Acajj chekawa: “Maynitejj iglesian mä jilirïña munchi ucajja, uca luräwejj wali sumawa.”

1 Corintios 3:12

Ucampis maynejj uca cimientjjarojja perka sarayaspawa: korimpi, kollkempi, suma kalanacampi, jan ucajj maderampisa, jichhumpisa, jan ucajj sokosampisa.

Hebreos 10:1

Moisesan leyinacapajj mä ch'iwjamaquïnwa, take cunanacatejj utjañapäcatayna ucanacatjja, janiw cunjämäñapäcäntejj uqhamäcataynati. Uqhamajj uca leyejj janipï k'omachcaspatejja Diosar jac'achasirinacarojja, sapa mara uca sacrificionac churasquipansa.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

Aymara Bible 1997