Bible Verses On A Topic: Life: [Exercise]

Topics

Life: [Exercise]

Jesusasti jupanacarojj sänwa: —Marcanacan reyinacapaw patronanacjamajj apnakapjjejja, uqhamarac jupanacan jilïrinacaparusti ‘suma lurir jakenacaw’ sapjjaraquiwa.

Apocalipsis 13:12

Nayrïri jach'a ajjsarcañ animaljam munañaniraquiquïnwa jupan nayrakatapana. Aca oraken utjirinacarusti uca nayrïri jach'a ajjsarcañ animalaruraquiw yupaychayänjja, cawquïri animalatï uca jach'a chhojjripat waliptcataynas ucaru.

Mateo 20:25

Jesusasti jupanacar jawsasinjja sänwa: —Jumanacajj yatipjjtawa, take marcanacan jach'a marca apnakerinacajj munañampiw jupanacarojj apnake, uqhamarac jach'a jilïr jakenacasti jupanacjjaruw take ch'amampi apnakapjje.

Marcos 10:42

Ucampis Jesusajj jupanacar jawsasinjja sänwa: —Jumanacajj yatipjjtawa, marca apnaker jilïrinacajj jupanacanccaspas uqham marcanacarojj tucuyapjjäna. Ucanac taypinquir jilïrinacasti munañaparuw jakenacarojj apnakapjjäna.

Jeremías 9:24

Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”

Colosenses 2:23

Mä toketjja uca yatichäwinacajj sumjamäspawa, jakerus Diosarus sum arccaspa uqham tucuyaspa, alt'at chuymanïñapa mayiraqui, uqhamarac janchir t'akhesiyañsa mayiraqui, ucampis inamayaquiw take jañchin munañapar atipjañataquejja.

Hebreos 5:14

Ucampis waña mank'ajj jach'a jakenacataquiwa, ucanacajj amuyt'asiñjj yatjjapjjewa. Cunatejj walïqui, jan walïcaraqui uc uñt'añsa yatjjapjjaraquiwa.

1 Pedro 5:2

Tatitun ovejanacapsti sum awatipjjam, ucanacasti jumanacar catuyatawa. Take munasiñampi ucjja lurapjjam, cunjämtejj Diosajj munqui uqhamarjama, janiw phokhayam sat laycuquiti, ni kollke munañ laycuquisa, jan ucasti take chuyma ucjja lurapjjam,

Ezequiel 22:29

Aca marcanquiri jakenacasti nuwasiñanacaru, lunthatasiñanacaru catuyatawa; pobrenacarusa, pist'ata sarnakerinacarusa jan pago churasaquiw irnakayapjjaraqui, yakha marcat jutiri jakenacarusa nuwjapjjaraquiwa, janiw chekaparu uñjapcaraquiti.

Mateo 8:9

Nayasti jilïrinacan arsutaparuw sarnakta, uqhamarac soldadonacas nayan munañajjancaraquiwa. Cunapachatejj nayajj sistjja ‘Saram’ sasa, ucspachaw sari, maynirutejj ‘Jutam’ sistjja ucspacharaquiw juti, uywatajjarutejj cuna lurañarus qhitta ucqhajja, luriwa —sasa.

1 Timoteo 4:8

Janchin ejercicio lurañajj cunataquis asquiwa, ucampis Dios chuymäñawa juc'ampi take cunataquis asquejja, acapachan jacañataquisa uqhamarac jutiri urun jacañataquisa.

1 Corintios 6:19-20

[19] Jichhajj cuna jisct'anactï apayanipquistas ucanacaruw arusjjataña munaracta. Chekpachansa mä jaketaquejj asquiw jan casarasiñapajja. [20] Ucampis sinti wachoka jucha luraña utjatap laycojja, sapa mayniw warminïñapa uqhamaraqui sapa mayni warmiraquiw chachanïñapa.

Filipenses 4:13

Criston ch'amapampejj take cunaruw saycatirista.

1 Corintios 10:31

Uqhamajj mank'apjjamsa, umapjjamsa jan ucajj cunsa lurapjjam, ucampis take cunsa Diosar jach'añchañataquiqui lurapjjam.

2 Timoteo 2:5

Uca pachparaqui, qhititejj anatañaru uscusqui ucajja, janiw premio catokcaspati camachinacarjama jan phokhasajja.

1 Timoteo 2:12

Nayasti sistwa, warminjja janiw waquisquiti yatichañapa ni chacharu apnakañapasa, jan ucasti amuquïscañapawa.

Proverbios 31:17

Jupajj ch'amañchasiwa, ucatsti take chuymampiwa irnakañatac waquichasi.

Romanos 12:1

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Salmos 131:1

Tatay chuymajjajj janiw inampst'irïquiti, janiraquiw nayranacajjas jach'a jach'a tucurïquiti, janiw muspharcañ jach'a yänacan khepap sarcti, ucanacan jan nayatacjamätap laycu.

Hechos 24:16

Ucatwa ch'amañchasipunta Diosan nayrakatapansa, jakenacan nayrakatapansa, k'oma chuymanïñpuni jacasiña.

1 Timoteo 4:7

Ucampis jan yäkamti aca oraken lokhe arunacaparojja. Sapürus Dios chuymaqui jacam.

Hebreos 12:2-11

[2] Jesusaruy uñtañäni, jupatwa iyawsañasajj juti, juparaquiw uca iyawsañasjja phokhachani. Jesusasti crusanwa t'akhesi, jan uca casta jiwañaru p'enkasisa. Jupajj yatisïnwa uca t'akhesitapatjja khepürunjja cusisiñ jicjjatañapata; ucatsti Diosan tronopan cupëjjaparuw kont'asi. [3] Jumanacajj amuyapjjam Jesusana uñacht'äwipatjja, juchararanacan amparanacapanwa jupajj wal t'akhesïna. Uca laycu, janipun karjasipjjamti ni pächasipjjamsa. [4] Jumanacajj janïrapï jiwapctatejj juchampi nuwasiñanjja. [5] ¿Armt'asjjapjjtati cuntejj Diosajj wawanacaparjam ewjjt'apctam ucjja? Aqham siw Kellkatanjja: “Nayan wawajja, jan jisc'achamti Tatitun chekañchäwipjja. Janiraqui mayjt'asimti cunapachatejj chekachcätam ucqhasa. [6] Tatitojj qhitirutejj munqui ucarojj chekachiwa. Qhitinacarutejj wawapatjam catokqui ucarojj mutuyaraquiwa” sasa. [7] Mutupjjamay Diosan chekañchäwipjja, jumanacarojj wawaparjamaw uñjasipctam. ¿Utjaspati awquipan jan chekachat wawajja? [8] Diosatejj jumanacaru jan chekachapcätamjja, cunjämatejj awquejj wawanacaparu chekachqui uqhamjja, janiw cheka wawanacapäpctati, jan ucasti k'ajjatanacaquïpjjtawa. [9] Cunapachatejj wawanacäcäyätan ucqhajja, janchi awquinacasajj chekachistänwa, jiwasanacasti ist'äyätanwa. ¿Cunatarac jichhasti alajjpach Awquisarusti jan jaysañänisti uqhamat jacañasataquisti? [10] Janchi awquinacasajj juc'a tiempotaquiquiw chekachawayistu cunjämtejj amuyupanjj walïquejj uqhamaru, ucampis Diosajj jiwasan asquisataqui, kollan tucuñasataqui, cunjämatejj jupajj kollanäqui uqhamaruw chekachistu. [11] Chekpachansa janipuniraquiw cuna mutuyäwi catokasas —Walic mutuyitojj —sisctanti, jan ucasti usustuwa, qhitinacatejj uca mutuyäwi toke yatekapjje ucanacajj mä suma asquin samarañanracwa jacapjje.

1 Pedro 2:14

jan ucajj qhitinacarutejj reyejj qhitqui jan wali lurir jakenacaru mutuyañapataqui, suma luririnacarusti jach'ar aptañapataquiraqui ucanacarusa.

1 Pedro 2:1

Ucatpï jilatanaca, jumanacajj apanucupjjam take jan wali luräwinaca, take sallkjasiñanaca, k'oma k'oma tucuñanaca, envidiasiñanaca, arunac apnakasa jakjjat parlasiñanaca.

Eclesiastés 1:13

¡C'umüqui ucasa janiw chekaptayañjamäquiti, jan phokhatäqui ucasa janiw jacthapiñjamäquiti!

Eclesiastés 3:10

Nayajj amuytwa Diosaw uca ch'ama tucuñanaca jakenacar churi, uca lurañanacan sarnakapjjañapataqui.

1 Corintios 6:19

Jichhajj cuna jisct'anactï apayanipquistas ucanacaruw arusjjataña munaracta. Chekpachansa mä jaketaquejj asquiw jan casarasiñapajja.

3 Juan 1:2

Munat jilata, Diosarojj maytwa juman take cunas suman sarañapataqui, uqhamarac jan usuntañamataqui cunjämatejj ajayunjja waliquïsctajja uqhama.

1 Corintios 9:24-27

[24] Jumanacajj yatipjjtawa, mä atipasiñanjja takeniw jalapjje, ucampis mayniquiw premio catokejja. Jumanacasti jalapjjamaya premio catokañcama. [25] Qhitinacatejj mä anatañan anatapqui ucanacajj chekpachansa cunanacatejj jan walt'aycaspan ucanacjja k'al apanucupjje. Ucampis jupanacajj ch'am tucupjje mä laurel corona catokañataqui cawquïritejj mäqui pharsuwayjje; jiwasasti wiñayataqui jan pharsur corona catokañataquiw jaltanjja. [26] Nayajj janiw ina pampaqui jalcti, janiraquiw nuwasiñansa aleka ina ch'usaru ch'acquiristsa uqham nuwascti. [27] Jan ucasti, nayajj janchejjan munañaparojj t'akhesiytwa jaysayasiractwa uqhamata yakhanacar yatichcasina jan apanucutäñajjataqui.

1 Samuel 16:7

Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”

Salmos 104:9

cawqhancañapäcäntejj ucawjaruw purjjäna, oraker jan mayamp chhaktayañataqui.

Génesis 6:12

take jakenacasti jan walëjjapjjapunïnwa. Diosasti uca take ñankha lurañanacajj aca oraker phokhantatäp uñjasinsti,

Génesis 7:20

Take jach'a kollunac chhaktayatatsa, umajj maqhatascaquïnwa uca kollunacatjja mä pakallko metrompjama.

Génesis 8:5

Umasti wañantascaquïnwa, tunca phajjsina, mä uru sarakatarusti, kollu puntanacajj uñstjjaraquïnwa.

Génesis 9:11

Nayan jumanacampi amtäwiru mantatajjasti janiw tucuscaniti. Janipuniw jakenacarusa ni animalanacarusa mayampsa uma juiciompi tucjcäti. Janiw yakha uma juiciojj utjcjjaniti aca orake tucjañataquejja.

1 Pedro 3:3-4

[3] Jumanacan c'achachasiñanacamasti jan patjjataquïcpati ñic'utanaca c'achachasiñanacampi, kori yänacampi, ni wali jila alani isinacampisa, [4] jan ucasti suma chuymanïpjjam, ucaw jan tucusquiri, suma muncañajja, llamp'u chuymani. Dios nayrakatansti ucajj wali asquiwa.

2 Timoteo 4:7

Nayajj suma nuwasïwjja nuwastwa, tucuyäwcamaw jalaracta, iyawsañsti janiraquiw chhakaycti.

1 Corintios 9:26-27

[26] Nayajj janiw ina pampaqui jalcti, janiraquiw nuwasiñansa aleka ina ch'usaru ch'acquiristsa uqham nuwascti. [27] Jan ucasti, nayajj janchejjan munañaparojj t'akhesiytwa jaysayasiractwa uqhamata yakhanacar yatichcasina jan apanucutäñajjataqui.

Isaías 40:31

ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.

Aymara Bible 1997