Beblia

Bible Verses On A Topic

Topics

Life: [Temptation]

[13] Cunapachatejj maynejj cuna jan wal lurañataquis yant'ata uñjaschi ucajja, janiw amuyañapäquiti Diosas yant'caspa uqhamjja. Diosasti janiw cuna jan walimpis yant'quiti, ni qhitirus yant'ar puriycaraquiti. [14] Ucampis cunapachatejj maynejj uca jan wali amtatanacapampi atipjayasisquejja, ucqhaw tentacionarojj purejja. [15] Uca jan wali amtäwinacatwa juchajj sarti, ucatsti cunapachatejj uca juchajj jach'äjje ucqhajja, jiwañaquiw purinjjaraqui. [16] Munat jilatanaca, jan pantjasipjjamti. [17] Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti. [18] Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.

Lucas 22:40

Uca chekar purisinsti Jesusajj jupanacarojj sänwa: —Mayisipjjam jan yant'äwir mantapjjañamataqui —sasa.

Juan 8:6

Jupanacajj acjja sapjjänwa Jesusar yant'añataqui, ucat jupar juchañchañataqui. Jesusasti ucapachajj orakeru alt'asin luc'anampi kellkañwa kalltäna.

Mateo 6:13

Janirac yant'äwiru puriyapjjestati, jan ucasti ñankhatjja khespiyapjjeta.’ [Jumanquiwa jakenacaru apnakañajja jach'achatäñamasa wiñayan wiñayapataqui. Uqhamäpan.]

Lucas 11:4

Juchanacajjatjja perdonapjjeta, cunjämatejj nanacajj jan wali lurapquitus ucanacarojj perdonapjjta uqhama. Jan yant'äwir puriyapjjestati, [jan ucasti ñankhata khespiyapjjeta]” —sasa.

Lucas 4:13

Uqhamaw Supayajj jan cunjämat Jesusar yant'ar puriyirjamäsajja sarawayjjänwa mä kawkha urunacataqui.

1 Corintios 7:2

Ucampis sinti wachoka jucha luraña utjatap laycojja, sapa mayniw warminïñapa uqhamaraqui sapa mayni warmiraquiw chachanïñapa.

1 Corintios 10:13

Take yant'anactï jumanacajj t'akhesipcta ucanacajja, cunjämtï mayninacajj t'akhesipqui uqhamaraquiquiwa. Jumanacajj Diosaruw catuyasipjjañamajja, jupasti janiw jumanacarojj jach'a jan atipcaya yant'anacjja churapcätamti. Cunapachatï yant'ajj jutcani ucqhajja, Diosajj cunjämatsa uca yant'ar atipjañjja yanapapjjaraquïtamwa, uqhamatwa atipjapjjäta.

Mateo 4:7

Jesusasti ucjjarojj sänwa: —Diosan arupanjja kellkataraquiwa: ‘Janiw Tatitu Diosamarojj yant'ätati’ —sasa.

Marcos 8:11

Fariseonacasti Jesusan ucar jutasinjja jupampiw ch'ajjwapjjäna. Jesusar yant'añataquisti alajjpachat mä unañcha uñacht'ayañapataquiw mayipjjaraquïna.

Mateo 22:18

Jesusasti amuyänwa jupanacan ñankha amtäwipjja, ucatwa jupanacarojj sï: —C'ari chuyman jakenaca, ¿cunatsa jumanacajj nayar aynacht'ayir jutapjjesta?

Proverbios 7:25-26

[25] Uca warmi laycu jan maysaru amuyunacam saranucuyamti; jan jupan khepap saras chhakamti. [26] Jupasti waljaninacaruw jiwañar puriyi, ¡jiwayatanacapasti waljaniraquiwa!

Santiago 4:1-4

[1] ¿Cawquitsa juti jumanac taypin jan walt'añanacajja, uqhamarac guerranacasa? Jan wali amtatanacamajj chuymanacaman nuwasisqui, ucatwa juti. [2] Jumanacajj cunsa jicjjatañpun munapjjtajja, jan jicjjatirjamäsinsti jiwayapjjtawa. Cunatsa envidiasipjjapuntawa, jan jicjjatirjamäsinsti ch'ajjwañanacaru, nuwasiñanacaruraquiw uscusipjjtajja. Janiw cuntejj munapcta ucjja jicjjatapctati Diosat jan mayipjjatam laycu. [3] Mayipcta ucas janiw catokapctati jan wali mayipjjatam laycu. Jumanacan munañanacaman tucjañataquiquiw mayipjjtajja. [4] ¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.

1 Pedro 4:12

Munat jilatanaca, jan mayjt'asipjjamti uca jach'a yant'anaca jumanacjjaru jutatapatjja, mä cuna jan walis jutcaspa uqhama.

2 Pedro 2:9

Uqhampï Tatitojj wawanacapar jan walinacat khespiyañ yatejja, uqhamarac jan wali jakenacar taripäwi urutac imañsa, mutuyatäpjjañapataqui.

Gálatas 4:14

Uca ususti nayataquejj mä yant'änwa, ucampis janiw uca laycuti jumanacajj nayarojj apanucupquista, janiraquiw jisc'achapcaraquistasa. Antisas, Diosan angelapäquiristsa uqhamwa catokapjjesta, pachpa Jesucristöquiristsa uqhama.

1 Tesalonicenses 3:5

Ucatpï nayajj jan juc'amp suyaña munasina, qhitantjja cunjämas iyawsäwinjja sarnakasipcta uc yatiñataqui. Llaquisiscäyätwa: “Supayajj jan wali thaquiruch pantjayqui ucat nanacan luräwinacajjajj ina ch'usaruch tuccani” sasa.

1 Timoteo 5:8

Maynitejj jupanquirinacatjja jan llaquiscchejja, uqhamarac pachpa familiapar yanapt'añatsa jan llaquiscchi uquïrejja, iyawsäwjja jan uñt'iriwa tucu, mä jan iyawsirits juc'ampiwa.

1 Timoteo 6:9

Qhitinacatejj kamir cancaña thakapjje ucanacajja, janiw yant'anacarojj atipjapquiti, ucatsti take casta lokhe amtäwinacan sipitaparuw jalantapjje, ucatsti jan waliruw puripjje, jakenacarusti jiwañaru t'unjañaruw puriyaraqui.

Aymara Bible 1997 Qullan Arunaca