Bible Verses On A Topic: Mysteries: [Flat / Round Earth]

Topics

Mysteries: [Flat / Round Earth]

¡Aca orakpachanquir take jakenacajj jupan nayrakatapan qhatatipjjpan! Tatituwa aca orakjja sum sayt'ayi jan onjjtañapataqui.

1 Samuel 2:8

Diosajj oraket pobrerojj wayti, limosna mayjasirirusti k'añunac taypit waysuraqui, jilïri jakenac taypiru kont'ayañataqui, mä jach'a jilïrinacan konuñapar kont'ayañataqui; Tatitunquiw take cunasa, aca oraken utt'äwinacapatsa, ucanacjjaruraquiw aca oraksa utt'ayaraqui.

Isaías 11:12

Marcanacataquisti mä unañchäwi ucharaquini, jaya marcar apayat israelitanacarusti tantachthapjjaraquiniwa; amstata, aynachata, inti jalsu toketa, uqhamaraqui inti jalanta toketsa mayjaruw tantacht'jjaraquini, qhitinacatejj Judá marcatjja jayancapcän take ucanacarojja.

Isaías 40:22

Diosan utjäwipajj cunatejj aca orakerojj imjjatqui ucanquiwa, jakenacarusti t'ijut'ijunacäcaspas uqhamwa uñjaraqui. Jupasti alajjpachjja mä carpäcaspas uqhamwa janatati, mä guerran nuwasiñ carpäcaspas uqhamwa janatati.

Job 26:7

phajjsina ajanupsa ch'amact'ayiwa, mä kenayampiw imantaraqui.

Job 26:10

Ch'amapampiwa jach'a kotjja apnake, Rahab sat jach'a animalarusa ch'amapampiwa atipji.

Job 28:24

Jupajj acapachjja mä thiyata mä thiycama uñji, uqhamaraqui alajjpachat aynacharu utjqui ucanacsa.

Job 37:3

Jupaw llijullijunacjja alajjpachan uñstayi, aca orakensti mä thiyat mä thiycamaw ucanacjja puriyaraqui.

Job 37:18

¿Jumajj Diosar yanapt'asmati alajjpacha janatatañanjja, ucatsti mä hierrot lurat espejöcaspas uqhama jaytañsa?

Mateo 4:8

Supayasti mayampiw Jesusarojj irparaquïna mä jach'a kollu patjjaru, ucatsti uñacht'ayaraquïnwa take marcanaca, cunja sumäcäntejj ucanaca, cunja jach'äcaraquïntejj ucanacsa.

Proverbios 8:27

Cunapachatï Diosajj alajjpacha lurqui jach'a kota patjjaru ucqhajja, nayajj qhayancascäyätwa.

Salmos 75:3

Aca orakejj jakenacapamppachas qhathatiscpan, nayaw saphitpach thuruñchiripätjja” sasa.

Salmos 93:1

Tatitojj reyiwa, reyi isimp isintatawa, Tatitojj ch'aman cancañamp isthapitawa: Jupaw acapach sum thurt'ayi, jan onjjtquir utt'ayaraqui.

Salmos 104:5

Oraken saphiparojj sumpun thurt'asiytajja, utt'ayatäcän ucawjat janipun onjjtañapataqui.

Apocalipsis 7:1

Ucatsti uñjaractwa pusi angelanacaru. Jupanacasti aca orakena pusi esquinapjjaru sayt'atäsipcänwa, uqhamarac uca pusi esquinat thayanaca jarc'asipcäna jan cuna thayas aca orakjjaru thayt'aniñapataqui, ni jach'a kotanacjjarusa ni kokanacjjarusa.

Aymara Bible 1997 Qullan Arunaca