Mövzundakı Müqəddəs Kitab ayələri: Allah: [Nemət]

Mövzular

Allah: [Nemət]

Verin, sizə də veriləcək: silkələnib basa-basa dolan bol bir ölçü ilə sizə qucaq-qucaq veriləcək. Çünki hansı ölçü ilə ölçsəniz, sizin üçün də eyni ölçü ilə ölçüləcək».

Matta 5:4

Nə bəxtiyardır yaslı olanlar!Çünki onlar təsəlli tapacaq.

Filipililərə 4:19

Sizin hər ehtiyacınızı isə Allahım Məsih İsada olan Öz izzətli zənginliyinə görə ödəyəcək.

Zəbur 67:7

Allah bizə xeyir-dua verib.Qoy yer üzünün qurtaracağınadək hər yerdə olanlar Ondan qorxsun!

Saylar 6:24-25

[24] “Qoy Rəbb sənə xeyir-dua verib səni qorusun; [25] Rəbb Öz nurlu üzünü sənə göstərərək lütf versin.

Filipililərə 4:6-7

[6] Heç nəyin qayğısını çəkməyin, amma hər barədə xahişlərinizi Allaha dualarla, yalvarışlarla, şükür edə-edə bildirin. [7] Onda Allahın ağlagəlməz sülhü ürəklərinizi və düşüncələrinizi Məsih İsada qoruyacaq.

Yaqubun 1:17

hər yaxşı bəxşiş və hər kamil hədiyyə yuxarıdan, Özündə heç bir dəyişiklik ya dönüklük kölgəsi olmayan nurlar Atasından gəlir.

Yeremya 17:7-8

[7] Nə xoşbəxtdir o adam kiRəbbə güvənir,Rəbbi özünə arxa sayır. [8] O, sular kənarındaƏkilmiş ağac kimi olacaq.Elə ağac ki çay kənarında kök salar,İsti gələndə qorxmaz,Yarpağı həmişə yaşıl qalar,Quraqlıq olan il qayğı çəkməz,Bəhər verməkdən qalmaz».

Yeşaya 41:10

Qorxma, çünki Mən səninləyəm,Dəhşətə gəlmə, çünki Allahın Mənəm.Səni qüvvətləndirəcəyəm,Sənə kömək edəcəyəm.Sadiq sağ əlimlə sənə dayaq olacağam.

Yəhya 1:16

Hamımız Onun bütövlüyündən lütf üstünə lütf aldıq.

Yaradılış 22:16-17

[16] «Rəbb bəyan edir: “Öz varlığıma and içirəm ki, sən bu işi etdiyinə və yeganə oğlunu əsirgəmədiyinə görə [17] Mən sənə böyük xeyir-dua verəcəyəm, nəslini göydəki ulduzlar və dəniz kənarındakı qum qədər artırıb çoxaldacağam. Sənin nəslin öz düşmənlərinin şəhərlərinə sahib olacaq.

Yaradılış 27:28-29

[28] Allah sənə göylərin şehini,Torpağın şirəsini,Bol buğda və çoxlu təzə şərab versin. [29] Xalqlar sənə qulluq etsin,Ümmətlər sənə baş əysin.Öz qardaşlarına ağa ol,Ananın oğulları sənə baş əysin.Sənə lənət edənlərə lənət gəlsin,Sənə xeyir-dua verənlər xeyir-dua alsın».

Zəbur 1:1-3

[1] Pislərin məsləhəti ilə getməyən,Günahkarların yolunda dayanmayan,Rişxəndçilərin arasında oturmayan insan nə bəxtiyardır! [2] O ancaq Rəbbin Qanunundan zövq alar,Gecə-gündüz bu təlimatı dərin düşünər. [3] Axar sular kənarında əkilən ağac kimiBarını mövsümündə verər,Yarpağı solmaz,Etdiyi hər işdə uğur qazanar.

Zəbur 23:1-4

[1] Rəbb mənim çobanımdır, möhtac olmaram. [2] O, məni yaşıl çəmənlərdə dincəldir,Sakit axan sular kənarında gəzdirir. [3] Məni yenə də canlandırır,İsmi şərəfinə salehlik yolları ilə aparır. [4] Ölüm kölgəsinin dərəsində gəzsəm belə,Şərdən qorxmaram, çünki Sən mənimləsən,Sənin əsan, Sənin dəyənəyin mənə təsəlli verir.

2 Şamuel 22:3-4

[3] Allahım qayamdır, Ona pənah gətirəcəyəm,Odur qalxanım, qüvvətli qurtarıcım, qülləm,Sığınacaq yerim, xilaskarım!Sən məni zalımların əlindən qurtarırsan! [4] Həmdə layiq olan Rəbbi çağıracağam,Düşmənlərimin əlindən qurtulacağam.

1 Yəhyanın 5:18

Bilirik ki, Allahdan doğulan hər kəs günahını davam etdirməz. Əksinə, Allahdan doğulan Oğul onu qoruyur və şər olan ona toxuna bilmir.

Zəbur 138:7

Sıxıntı içində gəzsəm də,Mənə həyat verirsən.Düşmənin qəzəbinə qarşı əl qaldırırsan,Məni sağ əlinlə qurtarırsan.

2 Korinflilərə 9:8

Allah sizə hər bir neməti bol-bol verə bilər. Belə ki hər bir şeyə həmişə, hərtərəfli, kifayət qədər sahib olmaqla hər yaxşı əməl üçün bol-bol imkanınız olsun.

Filipililərə 4:7

Onda Allahın ağlagəlməz sülhü ürəklərinizi və düşüncələrinizi Məsih İsada qoruyacaq.

Azerbaijan Bible 1878

Public Domain: 1878