Bible Verses On A Topic: Mysteries: [Destiny]

Topics

Mysteries: [Destiny]

6:10

2:3

'An zela a deh⧾ :daa :gwluhuh' 'weh, 'de a 'ye :porluh-a' dih 'pehn-eh 'ye, 'an dhih. A mu 'kle 'ye-: dha yao 'zorn. Jorwor: a ku 'di dih. 'On du 'kmo-a' 'kpih 'weh.

'De 'on 'ye nyor⧾ :on 'meh-a, :on 'dhu-a, 'nyne :korn-nyor⧾-: 'dekorn: :yuh nyor⧾ se-a yubo:-: mo-: :nyna 'o 'keen :kpala' :dao' ybei' dih. 'De nyor kan-dih: 'chlee-deh⧾ 'i. :Yee' 'chlee-deh: :neheh' :ne 'o, eh-: nyor kan-dih: 'i, :eh 'dhu-a 'kmo :sie: :febeh'-chlee-deh-'. 'De Nyorsoa-a zi 'meheh'-nyor⧾-a' zabe, :ka on no-a deh⧾-a' no-a', :en 'chle-eh 'de 'chlee-deh:⧾ :dao' 'di.

Romefue 12:2

:Yee' deh⧾ 'kmo bo-nyor⧾-a ne-dih-a 'kmo, a-a' :ne-dih:-' 'kmo :ke. Jorwor: a 'nyi Nyorsoa 'nyi a 'dlu 'di dih :na-dih-deh: :dele', :eh mu-a a-a' :gwlor-nyor-tu-a' klehkpeh-' dih 'bili: 'de a 'di. :Yee' :mor eh no :ao', :yee' a mu deh :eh :korn-a Nyorsoa 'ton yubo:, :eh 'dhu-a deh 'jeh-: deh :eh 'pehn-dih:-a or-a' :porluh dih-: 'dekorn: deh :eh gweh-a 'kwla-:.

Romefue 8:28-29

[28] :Yee' :a yubo-eh', 'de deh⧾-a' klehkpeh 'di, Nyorsoa-a 'kpa :a :mor ybeh-or' bo 'weh, 'de deh⧾ 'jeh ne 'ye 'de en 'di 'wluh, :a :mor or 'da-a, :ka or no-a eh-a' 'dhu-a'. [29] :Yee' :yuh Nyorsoa gan-a see, mo-: or :dhe-dih: 'for 'i, on :ne or-a'a: 'Yu 'ye goor-dih:, 'de or-a'a: 'Yu 'ye :zai'-nyor no, 'de 'de-di'-boi' :dhulu' 'klu-'.

ÉphÈsefue 2:8-9

[8] :Yee' Nyorsoa-a' mla :oo' :or no-eh, 'de a 'puh, :eh :yi-dih:-a dhih 'jeh-' :po-eh-'. Eh se 'de a-a' 'yor-eh bo 'wluh, jorwor: Nyorsoa-a' 'nyii'-deh: 'o. [9] 'Puh-a' :daa or :se 'de a-a' 'yor-eh-a' :koan bo 'wluh, 'de nyor-beh-nyor-beh :ne-' or-a' 'jeh 'i 'beh-dih:.

1 Pierre 2:8-9

[8] 'De Nyorsoa-a' 'chlee-deh 'da :neheh', Tu :an mu-eh :no, 'de nyor⧾ 'ye-a' 'gbele:, 'de on 'ye-a dih 'ga, mo-: :dhe dih. Deh no-eh 'de on 'gbele-uh-a, eh-: 'dhu, on :se 'o Nyorsoa-a' tubo-wlu⧾-a' 'tele' dih dhe. 'Ka-: Nyorsoa no eh-a' 'dhu-a' 'do on bo. [9] Jorwor: a :mor :mloror', a no nyor⧾ :yuh Nyorsoa gan-a 'do or-a' 'jeh bo. A no Nyorsoa :or no-a 'keen, or-a' 'slaa: :za-nyor:⧾. 'De a no 'dawor'-dlu: :yuh :dhe-dih-eh 'for 'i 'do or bo. A no nyor⧾ :on 'dhu-a or-a' 'jeh-a'a: nyor⧾-'. Or-: 'o, :or :za 'de a :kule-', 'de :or 'da-a a-uh 'noror or 'bli zorn-pli-' :en no-a zorn-pli: :kolu'⧾, 'de a 'ye deh⧾ :kolu'⧾ or no-a, a 'ye-ih' :za.

1 Corinthefue 2:7-9

[7] :Toror' :or :korn-a dhih 'an za-a-', or no Nyorsoa-a' 'slan :or 'zile-eh :gwlor-nyor⧾ dih. Jorwor: :toror'-a' 'jeh :dao', or :dhe-dih-or 'for 'i :dee' see, 'do :a-a' dhih-a' 'i 'beh-a' bo, 'de jorwor: 'bluhba-a mu :no-eh. [8] Eh se nyor :korn :or 'ye-a 'kmo-a' nyor⧾ wlu 'ken :korn-nyor⧾ no, :or 'ye-a :toror' :daa dih 'worn. Deh no-eh, :mor eh 'dhu, on 'worn-eh dih :dee', :yee' on :se-' :Gwlor :baa' :or :korn-a dhih 'beh-a' 'i 'do tu 'i :kor-dih: i :dee'. [9] :Ka Nyorsoa-a' 'chlee-deh no-a eh-a' :za-a', eh no-a, Deh Nyorsoa-a dhe-a dih, 'do nyor⧾ :on ybeh-or' bo, 'yli-eh 'see-eh 'ye, 'de :dou'⧾ 'see-eh 'worn, 'de nyor-beh 'see-eh :gwluhuh' dih na-dih :eh :mor eh mu :no-eh:.

29:11-14

Baoule Bible 1996