Beblia

Bible Verses On A Topic

Topics

Sins: [Adultery]

A: tehn-dih: 'tmeor:⧾: korn-eh bo dih. Deh⧾-zon⧾-a' klehkpeh nyor⧾-a no-a,: en: sie:-a 'o, en se 'o yau 'bhun: ne. Jorwor:: mor eh 'dhu: on: taa 'tmeor⧾: korn,: yee': an-a' 'jeh 'yor-eh-a' yau: oo': an no deh-zon 'bhun.

20:14

Hébreu 13:4

:Gwlor-nyor⧾-a' klehkpeh: korn on 'ye 'bli 'ti-dih-eh deh-' 'ye. 'Nynor-: yibeor-: an-a' nyor-a': korn-' 'tmeor⧾. Deh no-eh, Nyorsoa-a mu nyor⧾: an korn-a 'tmeor⧾-: 'dekorn:: yuh: an no-a 'nyne: zaan'-: an-a' zabe 'i: chehn.

Jacques 4:17

'Do eh-a' dha, nyor-beh-nyor-beh:: or yubo:-a deh 'jeh or: bleh-dih:-a 'i or 'ye-a' no, 'de or 'ye: ao', or se-eh no,: yee' deh-zon: 'o, or no.

13:27

1 Jean 1:9

:Mor eh 'dhu: a 'worn-dih:: a-a' deh⧾-zon⧾-a' dhih,: yee' Nyorsoa: or no-a: dhehehn-nyor, 'de: or 'sleh-a 'i, or-: mu: a-a' deh⧾-zon⧾-a' dhih bo 'ma-dih:, 'de or 'ye: a-a' noo-deh⧾-a' klehkpeh: en se-a 'i 'sleh, 'do: gwie 'i po.

Luc 16:18

:Yee': Yusu': wlu-': neheh', or 'dae:, Nyor-beh-nyor-beh:: or mu-a or-a'a: 'nynor 'kwla: za, 'de: or 'ye-a' 'nynor: noror': korn,: yee' or no 'nyne: zaan'. 'De mor nyor: or mu-a 'nynor: or: za-eh 'kwla: korn,: yee' or no 'nyne: zaan': ke.

Matthieu 19:9

:Yee' 'an zela a: gwluhuh', nyor-beh-nyor-beh:: or mu-a or-a'a: 'nynor 'kwla: za,: mor eh 'dhu 'nynor se 'nyne: zaan' no 'do or bo, 'de or 'ye 'nynor: noror': korn,: yee' or no 'nyne: zaan'.

6:32

Romefue 7:2-3

[2] Eh gweh: ka 'nynor: or 'ti-a nyina, 'de: or: ne-a 'o nyina: 'ti-tele' 'zorn, 'do or-a'a: yibeor bo, ti or-a'a: yibeor: ne-a 'kmo. Jorwor:: mor or-a'a: yibeor 'meh,: yee' or se 'o 'tele': dao': eh san-or dih: dee', 'do or 'zorn: ne: neheh': dele' ka. [3] :Yee': mor eh 'dhu, or 'ti nyor: noror' 'bli, 'de or-a'a: yibeor 'ye 'kmo: ne 'gboror:,: yee' an mu-or 'nyne: zaan': no-nynor 'da-dih:. Jorwor:: mor or-a'a: yibeor 'meh,: yee' or se 'o 'tele': dao' 'zorn: ne: neheh' klehkpeh klehkpeh. Or: se 'nyne: zaan': no-nynor:, keen': mloror' or 'ti nyor-kpalu: 'sluh 'bli.

Marc 10:11-12

[11] 'De or: wlu 'de on bo, or 'dae:, Nyor-beh-nyor-beh:: or mu-a or-a'a: 'nynor 'kwla: za, 'de: or 'ye-a' 'nynor: noror': korn,: yee' or no 'nyne: zaan' 'do 'nynor or: za-a 'kwla bo. [12] :Yee': mor 'nynor tba son, 'de or 'ye nyor: noror' 'bli 'ti,: yee' or no 'nyne: zaan': ke.

Matthieu 5:27-32

[27] :Yee' a 'worn-eh': mloror': ka on no-a eh-a': za-a', Nyor-a': no-' 'nyne: zaan'. [28] Jorwor: 'an zela a: gwluhuh',: ka nyor-beh:: or pobo:-a 'nynor ken dih: kao', 'de 'bhorn-a' ka 'di,: yee' or 'bhorn-or' klehkpeh 'do or-a': porluh ken: weh. [29] :Yee': mor eh 'dhu,: an-a': dila-yli-eh no-eh, 'de: on 'ye deh-zon no,: yee' za-eh 'de,: on 'ye-eh' 'kwla po. Eh: nmor-: 'yi: on 'ye deh: due' 'ma-dih: 'do: on 'bhun,: eh: zi 'o: an-a' yau-a' klehkpeh 'ye 'i gba, 'de: on 'ye 'de 'ku 'bli: po-eh:. [30] :Yee': mor eh 'dhu,: an-a': dila-son no-eh, 'de: on 'ye deh-zon no,: yee' chehn-uh 'o,: on 'ye-uh' 'kwla po. Eh: nmor-: 'yi: on 'ye deh: due' 'ma-dih: 'do: on 'bhun,: eh: zi 'o: an-a' yau-a' klehkpeh 'ye 'i gba, 'de on 'ye 'de 'ku 'bli mu. [31] :Yee' eh: za-eh:-' 'weh see,: ka: mor nyor-beh: taa or-a'a: 'nynor 'kwla za,: yee' or: korn or 'ye-or' 'kwla: za-chlee-deh 'nyi. [32] Jorwor: 'an zela a: gwluhuh', nyor-beh-nyor-beh:: or mu-a or-a'a: 'nynor 'kwla: za,: mor eh 'dhu, 'nynor se 'nyne: zaan' no 'do or bo,: yee' or no-eh', 'de 'nynor no 'nyne: zaan',: mor or 'ti nyor: noror' 'bli.: Yee' nyor-beh:: or mu-a 'nynor: or: za-eh 'kwla: korn,: yee' or no 'nyne: zaan': ke.

1 Corinthefue 6:9-16

[9] A se-eh yubo:: ka nyor⧾: an no-a deh⧾-zon⧾, on se-a 'beh-dih: on 'ye-a 'de Nyorsoa-a' nyor⧾ wlu 'ken: korn-eh 'zorn pa: e? A 'bor, a-a': bo-dih:-' a-a' 'jeh dih. Nyor⧾: an korn-a 'tmeor⧾-:: yuh: an za zuu⧾-a': weheh'-:: yuh: an no-a 'nyne: zaan'-: nyor⧾-kpalu:⧾: an no-dih-a an-a' 'jeh 'nynor⧾-' 'wlii-dhih-: 'dekorn: nyor⧾-kpalu:⧾: an po-a on 'bei'-nyor⧾-kpalu⧾ 'nynor⧾-: eh-a' nyor⧾-tu:: dao', on: se 'de Nyorsoa-a' nyor⧾ wlu 'ken: korn-eh 'zorn: pa i. [10] 'De mor 'ylii'-nyor⧾-: deh⧾-a' 'klan: korn-nyor⧾-: nomor 'na-nyor⧾-: nyor⧾: an wlu-dih-a on 'bei' 'bhun dih-: 'dekorn: nyor⧾: an 'yli-a on 'bei' ken-:. An-a' nyor-beh:, or-:: se 'de Nyorsoa-a' nyor⧾ wlu 'ken: korn-eh 'zorn: pa i: ke. [11] A-a' nyor⧾: noo': noo', mo-:: ne: ao': zai'. Jorwor:: Gwlor: baa': Yusu' 'Klae-: 'dekorn:: a-a' Nyorsoa-a': Zulu-: mo-: worlor: a-a' deh⧾-zon⧾-a' klehkpeh, 'de a: dhe-dih-eh 'for 'i 'do Nyorsoa bo, 'de or 'da-dih a 'yi 'sleh-nyor⧾. [12] A-a' nyor⧾: noo'-a mu: ao', 'on: bleh-dih-eh: 'i, 'on 'ye deh⧾-a' klehkpeh no. Keen': mloror', jorwor: eh: se deh⧾-a' klehkpeh, me-:: nmor 'yi dih 'do a bo: deh. 'De 'on: se-eh' ken dih 'worn-dih: i deh 'ye 'on 'ge-yu-' no. [13] Nyor⧾: noo'-a mu: ao', Dii-deh: korn 'de 'kwli 'di, 'de 'kwli: korn 'de dii-deh bo: ke. Keen'. Jorwor: Nyorsoa-a mu en-' klehkpeh: daa 'borboa' 'i: po. Nyorsoa: se-': a yau:: daa 'nyi,: a 'ye-uh 'tmeor:⧾: korn-dih:. Jorwor: or 'nyi-uh': a 'weh,: a 'ye: Gwlor: baa': weheh': za-dih:. 'De mor: Gwlor: baa'-a' 'jeh: dao', or-:: korn 'de: a-a' yau-a' deh bo. [14] Nyorsoa: or: za-a: 'de: Gwlor: baa' 'de nma-dih-deh 'di, or mu or-a' 'kpih: due': dao': no, or 'ye 'de: a nma-dih-deh 'di: za: ke. [15] A se-eh yubo:: ka a-a' yau 'dhu-a 'Klae-a' yau-a' 'for-' ke: e? 'On 'beh-dih: 'on 'ye 'Klae-a' 'for 'duo:, 'on 'ye-uh: bhaa'-nynor 'nyi: e? 'Kei:. Eh se-eh 'beh-dih:. [16] A se-eh yubo:: ka nyor-kpalu:: or: ne: bhaa'-nynor:: dao' 'tmo-a,: yee' or: ne or 'gba-a yau: due': e? 'Ka: wor Nyorsoa-a' 'chlee-deh no eh-a': za-a', eh 'da, Mo-:: on: ne-a 'sororn', an mu nyor: due': no.

Luc 18:18-20

[18] Eh: korn 'we-eh: due',: yee': Jueh'-nyor⧾-a' nyor⧾: na-dih-nyor: due', or-: dhele:: Yusu' dih,: or 'da, Nyor⧾ deh: torne-nyor: 'jeh: nor, deh 'on 'ye no 'de 'on 'ye 'kmo: sie:: febeh' 'ble: eh? [19] 'De: Yusu' dhele-or dih, or 'da,: Eh: korn dhih: an 'da-dih 'on nyor 'jeh: eh? Nyorsoa: due', or-: 'dhu nyor 'jeh-' 'klein'. [20] :On yubo:: Mose'-a' 'tele' 'weh,: eh no-a, Nyor-a': no-' 'nyne: zaan', nyor-a' 'dba-:-' nyor, nyor-a' 'yli-:-', nyor-a' 'dhu-dih:-' nyor⧾ dhih ken dih,: yee' 'ye: on 'de-: 'dekorn:: on: baa'-: deh-'.

1 Thessaloniquefue 4:3-5

[3] Deh Nyorsoa 'bhorn-a a 'ye-a' no, eh-: 'dhu a 'ye: vlehehn'-': gweh, 'de a 'ye 'tmeor:⧾: korn-eh dih 'tali:: ke. [4] A-a' klehkpeh, a: korn a 'ye a-a' yau-a' wlu 'ken: korn-eh 'chean': due': due' 'de: vlehehn'-': gweh ka 'di-: 'dekorn: a-a' yau-a' deh-' 'ye-eh-:: ke. [5] A-a': porluh⧾-a': sin-' 'do 'tmeor:⧾: korn-eh-a' dha,: ka 'kmo bo-nyor:⧾: on se-a Nyorsoa yubo:, an no-a.

Marc 7:20-23

[20] 'De or 'da, Deh⧾: en 'wluh-a 'o nyor-a': porluh ken, me-: 'kor-dih-or 'do Nyorsoa ybei'. [21] Deh no-eh, 'do nyor⧾-a': porluh⧾ ken, 'do: wor deh⧾-zon⧾-a': gwluhuh' dih: na-dih-eh 'wluh. Eh-: no-eh, 'de an korn 'tmeor⧾, an 'yli, an 'dba nyor⧾, 'de an no 'nyne: zaan', [22] on: korn deh⧾-a' 'klan, on: korn 'galo:, 'de an bo-dih nyor⧾ dih, an 'kpa 'pebe' 'i, 'de on: korn: gwlehehn', an za-dih nyor⧾ deh⧾-zon⧾ 'bhun dih, 'de an 'beh-dih an-a' 'jeh 'i, an no: bobo-deh⧾. [23] Deh⧾-a' klehkpeh: daa, me-: 'o,: en 'dhu deh⧾-zon⧾-', me-: 'wluh 'o: gwlor-nyor⧾: porluh⧾ ken, me-: 'kor-dih nyor⧾ 'do Nyorsoa ybei'.

Matthieu 15:17-20

[17] A se-eh yubo: ke: e,: ka dii-deh: nyor di-a, eh mu-a 'de or 'di, 'de eh 'si-a 'zorn: e? [18] Jorwor: deh⧾: en 'wluh-a 'de nyor 'worn, en 'wluh 'o or-a': porluh ken, me-: 'kor-dih-or 'do Nyorsoa ybei'. [19] Deh no-eh, 'do nyor⧾-a': porluh⧾ ken, 'do: wor deh⧾-zon⧾-a': gwluhuh' dih: na-dih-eh 'wluh, eh-: no-eh 'de nyor⧾-a 'dba nyor⧾, an no 'nyne: zaan', 'de an korn 'tmeor⧾, an 'yli, an 'dhu-dih nyor⧾ dhih ken dih, 'de an za-dih nyor⧾ deh⧾-zon⧾ 'bhun dih. [20] Deh⧾: daa, me-: 'kor-dih nyor⧾ 'do Nyorsoa ybei'. Jorwor:: mor nyor di deh, 'de or 'ye: ao', or se kwa: dle,: yee' eh: se-or' 'kor-dih: i 'do Nyorsoa ybei'.

5:18-23

Jean 8:4-11

[4] 'De on: wlu 'de: Yusu' bo, on 'dae:, Nyor⧾ deh: torne-nyor:, 'nynor: daa, or 'si 'o 'nyne: zaan': no 'da, 'de: a kpon-or. [5] :Mose'-a' 'tele' za-eh' 'weh 'de or-a' 'chlee-deh 'di,: eh: mor 'nynor: or no-a deh: ne: ao',: yee': a: tba-dih-or sobu'⧾ dih,: a 'ye-or' 'dba.: Yee': kaa: on 'da: ke: eh? [6] Deh: korn-a dhih, 'de an dhele-a deh: daa dih, pluh: oo', an gba. An 'bhorn: ka on 'ye-a' no, 'de on 'ye-or' dhih: kpon-dih:. Jorwor:: Yusu' 'jli-: dih 'do 'bluhbor, 'de or no or-a': jii-eh, or 'chle 'o 'bluhbor dih. [7] :Yeh on dhele-or dih: dhelee:,: yee' or kpa 'dlu yai', or: nyna dih, or 'dae:, Nyor: or 'see-a deh-zon no: zai', 'de a 'klu-',: yee' nyor: dao', or-: 'ye: zai'-nyor no,: or 'ye-or sobu' tba. [8] :Yeh or 'da: ao',: yee' or 'jli-: dih: neheh', 'de or 'chle 'bluhbor dih. [9] :Yee' nyor: yor: or 'worn-a deh: Yusu': za-a-',: yee' or mu-', on 'slo-eh:: due': due', on 'wluh 'o.: Yuh 'beh-a 'i, mo-: no: zai',: on mu. Eh-: on 'ble: blee:, 'de: Yusu': due': sie: 'o.: Yee' 'nynor: nyna dih 'do or ybei' 'gboror:. [10] 'De: Yusu' kpa 'dlu yai', or: nyna dih, or dhele-or dih, or 'dae:, 'Nynor, dha nyor⧾: on: ya-a: 'de: on, on: ne: eh? Nyor: se-': an-a' zabe 'i chehn: e? [11] 'De 'nynor 'da, Nyor: klaba'. Nyor-beh-nyor-beh: se-' 'an zabe 'i chehn. 'De: Yusu' 'dae: 'de or bo, 'On: se-': an-a' zabe 'i: chehn i: ke. 'Kpa 'o,: on 'ye mu. Jorwor:: an-a': no-' deh-zon: neheh' o.]

6:20-35

5:3-22

1 Corinthefue 7:1-40

[1] :Yee': kana: naa, deh a 'chle-a 'on bo, eh-:: korn dhih 'an mu ken dih: wlu-dih:. Eh mu 'yi dih: nmor: dee',: mor nyor-kpalu se 'nynor: korn. [2] Jorwor: deh no-eh, 'tmeor:⧾: korn-eh: ne-a 'de eh 'di, eh-:: korn dhih: oo', nyor-kpalu: korn or 'ye or-a' 'jeh 'yor-eh-a' 'nynor 'i: glehn, 'de mor 'nynor-kpao': korn or 'ye or-a' 'jeh 'yor-eh-a' yibeor 'i: glehn: ke. [3] :Yee' nyor-kpalu se: korn or 'ye 'o or-a'a: 'nynor dih dhe. 'De mor: ke 'nynor-kpao' se: korn or 'ye 'o or-a'a: yibeor dih dhe. 'Nyi mo-:: ne-a 'sororn', on 'pehn-dih: on 'bei'-a': porluh dih. [4] Deh no-eh, 'nynor-kpao' se or-a' 'jeh-a' 'yor-eh-a' yau wlu 'ken: korn. Jorwor: or-a'a: yibeor: 'o, or-:: korn yau:: dao' wlu 'ken. 'De: ka: ne-a: due' 'di: ke, nyor-kpalu se or-a' 'jeh-a' 'yor-eh-a' yau wlu 'ken: korn. Jorwor: or-a'a: 'nynor: oo', or-:: korn yau:: dao' wlu 'ken. [5] 'Nynor-a' 'tonor:-' or-a' 'jeh ken 'do or-a'a: yibeor bo. 'De mor yibeor-a' 'tonor:-' or-a' 'jeh ken 'do or-a'a: 'nynor bo.: Mor eh 'dhu a: mor: ne-a 'sororn', a 'worn-dih-eh ken dih, 'de a 'ye-eh' no,: yee' a no-eh 'do ti-kpor-bei 'di, 'de a 'ye a-a' ti-a' klehkpeh-' 'duo: 'do Nyorsoa bo: wlu 'da.: Yee': mor eh: jla 'dlu-',: yee' a 'kpa: dha: due': dele' ka, 'de 'ku: ne-' a dih 'dhen,: mor a se a-a' 'jeh wlu 'ken: korn-eh 'beh-dih:. [6] 'An po 'o Nyorsoa bo: wlu-deh:: daa 'do a ybei'-: dih, 'de deh a 'ye-a' no, 'de a 'ye-eh' yubo:. Jorwor: eh: se 'tele', 'on: se-' po. [7] :Mor 'on: ne: due': dee',: yee' 'on 'da: ka 'on: ne-a, 'on se-a 'nynor 'ble, 'ka-:: gwlor-nyor⧾-a' klehkpeh 'ye: ne: dee'. Jorwor:: a: mor Nyorsoa no-a: a se goor-dih:, 'de or 'nyi: a 'nyii'-deh:⧾ 'doror: 'dor. [8] A: mor: yuh se-a nyina 'ti-:: yuh se-a 'nynor⧾: korn-: 'dekorn:: dhoba: 'nynor⧾-: deh 'an 'bhorn-a, a 'ye-a' no, eh-:: dhe dih. Eh mu 'yi dih: nmor: mor a se 'bli 'ti-dih:. 'De: ka 'on: ne-a, a 'ye: ao': ne. [9] Jorwor:: mor nyor-kpalu-deh-: 'dekorn: 'nynor-deh-: eh 'yi 'o 'do a: porluh⧾ ken 'gabaa, 'de a 'ye: ao', a se a-a' 'jeh-a' wlu 'ken: korn-eh 'beh-dih:,: yee' 'nyi nyor-kpalu 'ble or-a' 'jeh-a'a: 'nynor, 'de 'nynor 'ye or-a' 'jeh-a'a: yibeor 'ble: ke. Deh no-eh, eh mu 'yi dih: nmor a 'ye 'bli 'ti-dih:,: eh: zi 'o a-a': porluh⧾ 'ye sin,: dha: due' 'pehn-dih-dhih. [10] Nyor⧾: on 'ti-dih:-a 'bli, an-a'a: 'tele': wor: dhe dih. Eh: se 'mor-:: or: se-eh' po. Jorwor:: Gwlor: baa': oo', or-: po-eh. 'Nynor se: korn or 'ye or-a'a: yibeor dih 'tali:. [11] Jorwor:: mor eh 'dhu or no-eh,: yee' or 'bor nyina: 'ti-eh 'klein'.: Mor or se-eh 'worn 'i 'beh-dih:,: yee' or mu 'de or-a'a: yibeor bo de, on 'ye wlu-' dih 'woorn-dih:, or 'ye de 'gbu mu. 'De: ka: ne-a: due' 'di, nyor-kpalu se: korn or 'ye or-a'a: 'nynor 'kwla: za. [12] :Yee' deh: neheh', 'an yi-a: za 'da, 'de: yuh: sie:-a 'o bo, eh-:: dhe dih. Eh se: Gwlor: baa' zela: 'on: gwluhuh': deh. Jorwor: eh 'wluh 'o 'an 'jeh: porluh ken.: Mor eh 'dhu 'Klae-a' dhih 'jeh-': po-nyor 'ble 'nynor: or se-a 'Klae-a' dhih dhih 'jeh-' po, 'de 'nynor-a' 'jeh: dao' or 'ye-eh ken dih 'worn-dih: 'gboror: or: ne or 'ye 'bli 'ti-dih:,: yee' or 'bor 'nynor: dao' 'kwla: za-eh. [13] 'De: ka: ne-a: due' 'di: ke,: mor 'Klae-a' dhih 'jeh-': po-nynor 'ti nyor-kpalu:: or se-a 'Klae-a' dhih dhih 'jeh-' po 'bli: dee' see, 'de nyor-kpalu-a' 'jeh: dao', or 'ye-eh ken dih 'worn-dih: 'gboror: or: ne 'nynor: dao' 'ye 'bli 'ti-dih:,: yee' or 'bor nyor-kpalu:: dao', or-a' dih 'tali-eh:. [14] Deh no-eh, nyor-kpalu:: or se-a 'Klae-a' dhih dhih 'jeh-' po, or-a'a: 'nynor-a' dhih 'jeh-': po-dhih: 'o, eh-: no-eh, 'de or gweh nyor: or: korn-a dhih Nyorsoa 'worn-dih:-a ken dih. 'De: ka: ne-a: due' 'di, 'nynor: or se-a 'Klae-a' dhih dhih 'jeh-' po, or-a'a: yibeor-a' dhih 'jeh-': po-dhih: 'o, eh-: no-eh, 'de or gweh 'nynor: or: korn-a dhih Nyorsoa 'worn-dih:-a ken dih: ke.: Mor eh se-eh: mor: dee',: yee' a-a'a: 'nynuu: se-' Nyorsoa-nyor⧾: gweh i: dee'. Jorwor:: yeh eh: ne-a: naa, Nyorsoa 'worn-dih: a-a'a: 'nynuu-a' dhih 'weh: naa. [15] Jorwor: nyor: or se-a 'Klae-a' dhih dhih 'jeh-' po,: mor or 'bhorn or 'ye nyor: or po-a 'Klae-a' dhih dhih 'jeh-' dih 'tali:,: yee' 'nyi or no-eh. 'Klae-a' dhih dhih 'jeh-': po-nyor-kpalu-: 'dekorn: 'nynor-kpao'-: nyor: se-uh': san-dih: 'do: yeh: dao': mleheh' bo. Deh no-eh, Nyorsoa 'da: a 'weh, wlu-' dih 'worn-eh: 'ye 'o 'nynor-: 'dekorn: yibeor-: 'nyne bo: ne. [16] :Mor: or 'dhu-a 'nynor-',: kaa: on no eh-a' yubo-eh,: eh: mor: an mu: an-a'a: yibeor-' dih 'bili: 'noror 'Klae bo: eh? 'De mor: mor 'dhu-a yibeor-': ke,: kaa: on no eh-a' yubo-eh,: eh: mor: an mu: an-a'a: 'nynor-' dih 'bili: 'noror 'Klae bo: eh? [17] :Yee' deh: korn-a dhih: Gwlor: baa' 'da-a nyor⧾-a' klehkpeh on 'ye-a' 'kmo-': ne-dih:, ti or 'da-uh'-a, on 'ye-a or-a' klei': zi-nyor⧾ no,: yee' 'nyi on: ne-dih-eh 'kmo. Eh-: no 'tele' 'an torne 'chore-nyor⧾-a' klehkpeh. [18] :Mor nyor-kpalu 'meh: bhlororn' 'de Nyorsoa 'ye-or 'da,: yee' 'ka-: eh 'ye: sie:. 'De mor: mor nyor-kpalu se: bhlororn' 'meh, 'de Nyorsoa 'ye-or 'da,: yee' 'ka-: or 'ye: ne, or 'ye 'de yi. [19] Deh no-eh,: bhlororn' 'meh-eh-: 'dekorn: se: bhlororn' 'meh-:: mlee' se: kma. Deh: due': eh 'dhu-a: kmaa-deh-', eh-: 'dhu Nyorsoa-a' 'tele' dih: dhe-eh-'. [20] :Ka nyor: ne-a 'de Nyorsoa 'ye-or 'da, 'ka-: or 'ye: ne: chio'lo:. [21] :Mor eh 'dhu: on no 'ge-yu, 'de Nyorsoa 'ye: on 'da,: mleheh' 'beh-dih:-': an-a': porluh 'worn dih.: Dhe 'de eh 'di dih. Jorwor:: mor eh 'dhu,: on 'ye ti: on 'ye 'ge-deh 'wluh,: yee' no-eh. [22] :Mor eh 'dhu nyor no 'ge-yu, 'de: Gwlor: baa' 'ye-or 'da,: yee' or 'wluh 'de 'gegeye 'weh 'do: Gwlor: baa' bo ka. 'De deh: ne-a: due' 'di, nyor: or se-a 'ge-yu no, 'de or 'ye-a' 'da,: yee' or-: 'Klae-a' 'ge-yu: 'o. [23] Nyorsoa no 'Klae-a' nyomor, 'de or po a-a' 'pehluh', or dhen a-uh.: Yee' eh-a' dhih, nyor-a' 'worn-:-', nyor-a': no-dih:-' a 'ge-yu 'do deh⧾-zon:⧾: gwlor-nyor⧾-a 'bhorn-a a 'ye-a' no bo. [24] :Yee' 'an 'Klae: de-di'-boi'-a:, 'nyi a: za Nyorsoa-a': weheh': ka a: ne-a: chio'lo: 'de or mu-a a-a': due': due' 'da-:. [25] :Yee' 'nynor-kpao'-: 'dekorn: nyor-kpalu-:: on 'see-a 'bli 'ti-dih,: on 'see-eh 'ye, 'on: se-' 'tele' 'ye, eh: se 'de: Gwlor: baa' bo 'wluh, 'do an-a' dhih bo. Jorwor: deh: daa, 'an mu-a-': za, eh 'wluh 'o 'an 'jeh: porluh ken, 'mor: or: Gwlor: baa'-a': wehlih:: korn-eh no-eh, 'de nyor⧾ 'beh-dih:-a on 'ye-a: gwlii' dhe. [26] 'Kle 'ye-eh:: daa: a: ne-a ken: naa, eh-a' dhih, eh-:: korn dhih 'on 'da eh: nmor-: 'yi, a 'ye 'o: dha a: ne-a dih kpon. [27] :Mor: korn 'nynor,: yee' 'bor or-a' 'kwla: za-eh-a': gwie⧾-a': za-a'.: Mor se 'nynor: korn,: yee' 'bor 'nynor: korn-eh-a': gwie:⧾: za-eh. [28] Jorwor:: mor: on 'da: an mu 'nynor: korn: gbor: gbor, eh se deh-zon:. 'De mor: mor 'nynor-kpao'-yu 'ti nyina, eh: se deh-zon: or: se-' no: ke. Jorwor: deh: due' 'an 'ye-a 'de eh 'di, eh-: 'dhu, nyor⧾: on 'ti-dih:-a 'bli, an mu 'kle 'ye-eh:: dhulu' 'ye-: 'de an-a' 'kmo: ne-eh 'di. 'De 'an 'bhorn 'on 'ye a zelie: 'do eh 'zorn. [29] :Yee' 'an 'Klae: de-di'-boi'-a:, deh 'an za-dih-a dhih-' 'de a bo, eh-:: dhe dih. Ti: en: sie:-a 'o, 'de ti 'ye-a' 'dlu-': jla, en se 'i: tehn.: Yee' 'do eh-a' dha,: eh 'wluh-a dha: dha: daa: naa, 'de: eh mu-a 'dlu bo, nyor⧾-kpalu:⧾: on: korn-a 'nynor⧾, 'nyi an-a' 'kmo: ne-eh gweh: ka nyor⧾ se-a 'nynor⧾: korn, an-a': dhe-' 'nynor⧾: korn-deh: due'-a' 'dlu yai' 'suh. [30] :Yee' nyor⧾: an 'vin-a, an-a': dhe-' 'viin'-deh-a' 'dlu yai', nyor⧾ 'mona-a no-a: naa, an-a': dhe-' 'mona:: no-eh-a' 'dlu yai'. Nyor⧾: an dhen-a deh⧾, an-a': dhe-' en-': kororn-deh-a' 'dlu yai'. [31] Nyor⧾: an 'ye-a 'kmo bo-deh⧾ deh 'i, an-a': dhe-' eh-a' 'dlu yai'. Deh no-eh, 'kmo-a gweh 'de: a 'kwa-: dih,: yeh on: ne-a ken: naa. [32] 'On: se-' 'bhorn: porluh-a' 'worn dih 'beh-eh 'ye 'o a bo yi. Deh no-eh, nyor-kpalu:: or se-a 'nynor: korn, deh: due' or na-dih-a: gwluhuh' dih, eh-: 'dhu,: Gwlor: baa'-a' dhih-',: ka or 'ye-a no, 'de or 'ye-a or-a': porluh dih 'pehn-dih:. [33] Jorwor: nyor-kpalu:: or: korn-a 'nynor, deh: due' or na-dih-a: gwluhuh' dih, eh-: 'dhu, 'kmo bo-deh⧾-': ka or 'ye-a' no, 'de or 'ye-a or-a'a: 'nynor-a': porluh dih 'pehn-dih:. [34] :Yee' nyor-kpalu:: dao', or-a': gwluhuh': gble-eh:-' 'weh, 'do deh⧾ 'sororn' 'nyne bo.: Yee' 'nynor: or se-a nyina 'ti-:: eh mor 'nynor-kpao'-yu:: or se-a nyor-kpalu-dhih yubo:-: deh: due' or na-dih-a: gwluhuh' dih, eh-: 'dhu,: Gwlor: baa'-a' dhih-'. Deh: due' or 'bhorn or 'ye-a' no, eh-: 'dhu, or-a' yau-: 'dekorn: or-a': porluh⧾-a' klehkpeh-: en 'ye 'de: Gwlor: baa' bo: korn. Jorwor: 'nynor: or 'ti-a nyina, deh: due' or na-dih-a: gwluhuh' dih, eh-: 'dhu 'kmo bo-deh⧾-',: ka or 'ye-a' no, 'de or 'ye-a or-a'a: yibeor-a': porluh dih 'pehn-dih:. [35] A-a' 'jeh 'yor-eh-a' dhih: oo', 'an za dhih: daa-'. Eh: se 'tele': oo', 'an vorn 'on 'ye po 'do a bo: deh. Jorwor: 'an 'bhorn a 'ye 'kmo 'jeh no 'kmo-': ne-dih:, 'de a-a': porluh⧾: ne-': gble-eh:, 'de a 'ye a-a' ti-a' klehkpeh zi 'de: Gwlor: baa' bo. [36] :Mor nyor yubo-eh 'i 'do or-a' 'jeh bo,: eh: mor deh⧾ or no-a 'do 'nynor-kpao'-yu: or 'dhu-a 'sehn 'dlu bo, 'de en 'ye: ao', en se 'o: gwie 'i: ne, 'de mor or-a': porluh 'ye sin, or: ne or 'ye dih 'pehn, 'de noo: ka: noror' 'ye: ao', or se: ne, 'de or 'bhorn or: ne or mor-: on 'ye 'bli 'ti-dih:,: yee' a: ya or-a'a: 'nynor nyina, or 'ye-or': korn. Deh-zon se 'de eh 'di: ne. [37] Jorwor: nyor-kpalu:: or polo-eh 'do or-a' 'jeh 'yor-eh: gwlii', 'de nyor se-a 'dlu 'tun-dih:, 'de or: korn-a or-a' 'jeh 'yor-eh-a' wlu 'ken, 'de or polo-eh 'do or-a' 'jeh: gwlii': eh: mor or: se-a' 'nynor-kpao'-yu:: dao' or 'dhu-a 'sehn 'dlu: korn i, nyor-kpalu-a' 'jeh: dao', or no deh 'jeh: neh: ke. [38] :Yee' 'do eh-a' dha,: mor nyor-kpalu 'da, or mu 'nynor or-a' 'jeh 'yor-eh 'dhu-a 'sehn 'dlu,: korn, or no deh 'jeh: neh. Jorwor:: mor or 'da, or: se-or': korn i,: yee' or no deh 'jeh: neh,: eh: zi 'o or 'ye-or': korn. [39] 'Nynor: or 'ti-a nyina, or se: korn or 'ye or-a'a: yibeor dih 'tali:: ka eh mu-a 'dlu-': tehn, or: ne-a 'kmo. Jorwor:: mor eh 'dhu or-a'a: yibeor 'meh,: yee' or: florn ken dih, or 'ye nyor or 'bhorn-a 'bli 'ti. Jorwor: nyor or mu-a 'bli 'ti-:, 'nyi or no: Gwlor: baa'-a' dhih 'jeh-': po-nyor: gbor. [40] Jorwor:: ka 'on no-a eh-a' 'ye-a', or mu 'mona dih 'yi-dih:: mor or se nyina 'ti: neheh'. Eh gweh Nyorsoa-a': Zulu: 'o, on po 'o 'on deh: daa: gwlii' 'bla.

Baoule Bible 1996