Beblia

Bible Verses On A Topic

Topics

God: [Curse]

Ne amea ɖe ƒo fi de fofoa alo dada la, woawui, elabena fofoa alo dadae wòƒo fi de; eya ŋutɔe ɖe hlɔ̃fe.

Ke ne mèɖo to Yehowa, wò Mawu ƒe gbe o, eye melé se kple ɖoɖo, siwo katã megblɔ na wò egbe la me ɖe asi hewɔ wo dzi o la, ekema fiƒode siawo katã ava dziwò, eye woaɖi ŋuwò.

2 Mose 21:17

Amesi ke aƒo fi ade fofoa alo dada la, woawui.

Yeremya 15:10

Danye, baba nam be, nèdzi nye, amesi ŋu xexeame blibo la le avu kple dzre wɔm ɖo! Nyemedo nugbana o, eye amea ɖeke medo agbana nam o tso, hafi wo katã wole ɖiŋu dom nam.

Galatiatɔwo 3:13

Kristo xe fe ɖe mia ta heɖe mí tso se la ƒe fiƒode la me, esi wòva zu fiƒode le mía ta; elabena woŋlɔ ɖi bena: „Woƒo fi de amesiame, si wohe ɖe ati ŋu la,“

2 Mose 34:7

amesi dzia amenuveve ɖo na ame akpe nanewo, eye wotsɔa vodada, dzidada kple nuvɔ̃ kena; ke megbea tohehe o, boŋ etua fofowo ƒe vodadawo ŋuti le na viwo kple wo viwo ƒe viwo, vaseɖe dzidzime etɔ̃lia kple enelia dzi.

Luka 6:28

miyra amesiwo ƒo fi ɖe mi, miɖo gbe ɖa ɖe amesiwo ƒo ɖi mi la ta.

4 Mose 14:18

Yehowa gbɔa dzi blewu, eye eƒe amenuveve sɔ gbɔ, etsɔa vodada kple dzidada kena, ke megbea tohehe o, boŋ etua fofowo ƒe vodadawo ŋuti fe na viwo vaseɖe dzidzime etɔ̃lia kple enelia dzi.

1 Mose 3:17

Eye wògblɔ na Adam bena: Esi nèse srɔ̃wo ƒe gbe, eye nèɖu ati, si ŋuti mede se na wò be, megaɖu eƒe ɖekeɖeke o la ƒe ɖe la, eyata woaƒo fi ade anyigba le tawò, àkpe fu hafi akpɔ nu àɖu tso me le wò agbe me ŋkekewo katã me.

Salomo ƒe Lododowo 26:2

Alesi atsutsure dzena, eye sagbadre saa agbae la, nenema nye tiƒoƒo de ame naneke mawɔmawɔ.

5 Mose 5:9

Megade ta agu na wo o, eye megasubɔ wo o, elabena nye Yehowa, wò Mawu la, Mawu ʋãŋu menye, amesi ɖoa fofowo ƒe vodada teƒe na vi, siwo léa fum la, vaseɖe dzidzime etɔ̃lia kple enelia dzi;

Galatiatɔwo 5:1

Ablɔɖenyenye ŋuti Kristo wɔ mí ablɔɖeviwo ɖo. Eyaŋuti minɔ tsitre sesĩe, eye migana woade kluvinyenye ƒe kɔkuti ko na mi o!

2 Mose 20:5

Megade ta agu na wo o, eye megasubɔ wo o, elabena nye Yehowa, wò Mawu la, Mawu ʋãŋu menye, amesi ɖoa fofowo ƒe vodada teƒe na ɖevi, siwo léa tum la, vaseɖe dzidzime etɔ̃lia kple enelia dzi;

2 Korintotɔwo 5:17

Eyata ne amea ɖe le Kristo me la, eya nye nuwɔwɔ yeye: Xoxotɔ la nu va yi, kpɔ ɖa, nuwo katã zu yeye!

1 Yohanes 4:4

Viwo, miawo la Mawu me mietso, eye mieɖu wo dzi; elabena amesi le mia me la, etri akɔ wu amesi le xexeame.

2 Samuel 16:5-8

[5] Esi fia Dawid va Baxurim la, kpɔ ɖa, ŋutsua ɖe, si tso Saul ƒe aƒe ƒe ƒome la me, si ŋkɔ nye Simei, Gera vi la, do tso afima va le ɖiŋu dom. [6] Eye wòfɔ kpe le Dawid kple fia Dawid ƒe dɔlawo katã kple ameha blibo la kpakple kalẽtɔ, siwo katã le eƒe ɖusi kple mia me la dam. [7] Eye Simei le ɖiŋu dom le gbɔgblɔm be: Dzo, dzo, wò hlɔ̃me kple ame vɔ̃ɖi! [8] Yehowa gbugbɔ Saul, amesi teƒe nèzu fia ɖo la, ƒe aƒe ƒe ʋu katã va dziwò, eye Yehowa tsɔ fiaɖuƒe la de asi na viwò Absalom; kpɔ ɖa, azɔ ège ɖe dzɔgbevɔ̃e me, elabena hlɔme nènye!

5 Mose 21:23

ekema megagblẽ eƒe kukua ɖi ŋu nake ɖe edzi o, ke boŋ naɖu gbemagbe ke, elabena Mawu ƒo fi ɖe amesi wode kae ɖe ati ŋu la, eye megagblẽ ko ɖo na anyigba, si Yehowa, wò Mawu, le na wò ge wòanye wò domenyinu la o.

2 Mose 20:5-6

[5] Megade ta agu na wo o, eye megasubɔ wo o, elabena nye Yehowa, wò Mawu la, Mawu ʋãŋu menye, amesi ɖoa fofowo ƒe vodada teƒe na ɖevi, siwo léa tum la, vaseɖe dzidzime etɔ̃lia kple enelia dzi; [6] ke mevea ame akpe nane, siwo lɔ̃am, eye wowɔa nye seawo dzi la nu.

1 Samuel 17:43

Tete Filistitɔ la gblɔ na Dawid bena: Avũe menye, hafi nèfɔ kpowo gbɔna gbɔnyea? Eye Filistitɔ la yɔ eƒe mawuwo ƒo fi de Dawid.

Xezekiel 18:20

Amesi wɔa nuvɔ̃ la, eyae aku; fofo ƒe vodada manɔ via dzi o, eye vi ƒe vodada manɔ fofo dzi o; ame dzɔdzɔe ƒe dzɔdzɔenyenye ava eya ŋutɔ dzi, eye ame vɔ̃ɖi ƒe nu vɔ̃ɖi wowɔ ava eya ŋutɔ dzi.

Yeremya 31:29-30

[29] Le ŋkeke mawo me la womagagblɔ azɔ be: „Fofowo ɖu weintsetse hɔhlɔ̃e, eye aɖu nyɔ viwo“ o; [30] ke boŋ amesiame aku ɖe eya ŋutɔ ƒe vodada ta, eye amesi ɖu weintsetse hɔhlɔ̃e la, eyae aɖu anyɔ.

2 Mose 20:6

ke mevea ame akpe nane, siwo lɔ̃am, eye wowɔa nye seawo dzi la nu.

5 Mose 18:10-12

[10] Amea ɖeke megana dowòme, si ana woatɔ dzo viaŋutsu alo vianyɔnu o, eye bokɔnɔ, goloɖola, zidoedola kple dzotɔ, [11] busudoamela, adzetɔ, nukata kple ŋɔliyɔlaa ɖeke meganɔ dowòme o [12] Amesiame, si le nusia wɔm la, ŋunyɔnu wònye na Yehowa, elabena ŋunyɔnu siawo la Yehowa, wò Mawu, le wo nyã ge le ŋgɔwò ɖo.

Romatɔwo 8:37-39

[37] Gake le nusiawo katã me míeɖua dzi glo le amesi lɔ̃ mi la ŋuti. [38] Elabena menyae keŋ bena, eɖanye ku o, eɖanye agbe o; eɖanye mawudɔlawo o, eɖanye dziɖulawo o; eɖanye ŋusẽwo o; eɖanye nusi le fifi o, eɖanye nusi le vava ge o; [39] eɖanye kɔkɔƒe o, eɖanye gogloƒe o, alo nuwɔwɔ bubua ɖe o, mate ŋu amã mí atso Mawu ƒe lɔlɔ̃, si le Kristo Yesu, mía Aƒetɔ me la gbɔ o.

1 Petro 5:8-9

[8] Minɔ mo xexi, minɔ ŋudzɔ; elabena miaƒe adikãtɔ, Abosam, le tsatsam abe dzata, si le gbe ɖem hele ame dim, be yeavuvu ami ene; [9] minɔ tsitre sesĩe ɖe eyama ŋuti le xɔse me, esi mienyae bena, fukpekpe mawo ke va mia nɔvi, siwo le xexeame la dzi.

1 Mose 3:17-19

[17] Eye wògblɔ na Adam bena: Esi nèse srɔ̃wo ƒe gbe, eye nèɖu ati, si ŋuti mede se na wò be, megaɖu eƒe ɖekeɖeke o la ƒe ɖe la, eyata woaƒo fi ade anyigba le tawò, àkpe fu hafi akpɔ nu àɖu tso me le wò agbe me ŋkekewo katã me. [18] Ŋu kple aŋɔka amie na wò, eye naɖu anyigba dzi amagbewo! [19] Fifia ate wò, hafi nakpɔ abolo aɖu, vaseɖe esime nagatrɔ azu anyi, elabena eya mee woɖe wò tsoe. Anyi nènye, eye anyi ke nagatrɔ azu!

1 Mose 4:10-12

[10] Eye wògblɔ nɛ bena: Nuka enye esi nèwɔ? Kpɔ ɖa, nɔviwò ƒe ʋu, si nèkɔ ɖe anyi la ƒe gbe le ɖiɖim tso anyigba dzi mese! [11] Azã la woaƒo fi ade wò, adzo le anyigba, si ke eƒe nu xɔ nɔviwò ƒe ʋu le asiwò no la dzi. [12] Ne eŋlɔ anyigba la, megale nu ʋẽ ge na wò o; tsatsala kple godzela nanye le anyigba dzi!

1 Mose 9:18-27

[18] Noa ƒe viŋutsu, siwo do go le aɖakaʋua me la, woawo nye: Sem, Xam kple Yafet; Xam sia enye Kanaan fofo. [19] Noa viŋutsu etɔ̃ siawo me amegbetɔwo katã dzo tso hekaka ɖe anyigba blibo la katã dzi. [20] Eye Noa de asi agbledede me, eye wòde weingblea ɖe. [21] Ke esi wòno wein mu la, eɖe ama ɖe eƒe agbadɔ me. [22] Eye Xam, Kanaan fofo, kpɔ fofoa ƒe ama, eye wòɖagblɔe na nɔvia eveawo le xexe. [23] Tete Sem kple Yafet tsɔ avɔ lé ɖe abɔta hezɔ megbemegbee, eye wotsyɔe na wo fofo, eye wometrɔ kɔ kpɔ wo fofo ƒe ama o. [24] Ke esi aha la kɔ le mo na Noa, eye wòse nusi via ɖevitɔ wɔ ɖe eŋu la, [25] egblɔ bena: Woaƒo fi ade Kanaan, kluviwo ƒe kluvi wòanye na nɔviawo! [26] Eye wògagblɔbena: Woakafu Yehowa, Sem ƒe Mawu; eye Kanaan anye kluvi na wo! [27] Mawu ana be, Yafet ƒe nɔƒe nakeke ɖe nu, eye wòano Sem ƒe agbadɔwo me; eye Kanaan anye kluvi na wo!

1 Fiawo 2:32-46

[32] Yehowa agbugbɔ eƒe nu ava eƒe ta dzi, elabena eda nu ŋutsu eve, siwo nye ame dzɔdzɔewo, eye wonyo wui, amesiwo nye Israel ƒe aʋafia Abner, Ner vi, kple Yuda ƒe aʋafia Amasa, Yeter vi, eye wowu wo kple yi fofonye Dawid ƒe manyamanyae. [33] Eye woƒe ʋu agbugbɔ ava Yoab kple eƒe dzidzimeviwo ƒe ta dzi tegbee; ke ŋutifafa atso Yehowa gbɔ ava Dawid kple eƒe dzidzimeviwo kple eƒe aƒe kpakple eƒe fiazikpui la dzi tegbee. [34] Tete Benaya, Yehoyada vi la, yi ɖada nui ƒu anyi hewui, eye wòɖu ɖe eƒe xɔ me le gbedzi. [35] Eye fia la tso Benaya, Yehoyada vi, ɖo aʋakɔ la nu ɖe eteƒe; eye fia la tsɔ nunɔla Zadok ɖo Abyatar teƒe. [36] Eye fia la do ame ɖo da, be woayɔ Simei vɛ, eye wògblɔ nɛ bena: Tu xɔ na ɖokuiwò ɖe Yerusalem nanɔ afima, ke megado tso afima yi afi alo afime o. [37] Gbesigbe nado atso Kidron-toʋua la nyae be, àku; wò ʋu ava wò ta dzi [38] Simei ɖo ŋu na fia la bena: Enyo, alesi nye aƒetɔ fia la gblɔ la, nenema eƒe ɖɔla awɔ. Eye Simei nɔ Yerusalem eteƒe didi [39] Ke eva me le ƒe elɔ̃ megbe bena, dɔlaŋutsu eve si le Simei gbɔ yi Gat-fia Axis, Maaxa vi gbɔ. Eye wova gblɔ na Simei bena: Kpɔ ɖa, wò dɔlawo le Gat. [40] Tete Simei tso, bia akpa na eƒe tedzi, eye wòyi Axis gbɔ le Gat, be yeadi yeƒe dɔlawo. Eye Simei yi ɖakplɔ eƒe dɔlawo tso Gat gbɔe. [41] Eye wova gblɔ na Salomo bena: Simei dzo tso Yerusalem yi Gat, eye wògatrɔ gbɔ. [42] Tete fia la dɔ woɖayɔ Simei ve, eye wògblɔ nɛ bena: Ɖe nyemena wota Yehowa na wò, eye mexlɔ̃ nu wò gblɔ bena, gbesigbe nado ayi afi alo afime la, nyae be, àku, eye nèɖo ŋu nam be, enyo yesee oa? [43] Nukaŋuti mèwɔ Yehowa ƒe atam kple se, si mede na wò la dzi oa? [44] Eye fia la gblɔ na Simei be: Wò ŋutɔ ènya vɔ, siwo katã nèwɔ ɖe fofonye Dawid ŋu, eye wò dzi nyae. Yehowa agbugbɔ wò vɔ̃ɖivɔ̃ɖi la ava wò ta dzi. [45] Ke woayra Salomo va, eye Dawid ƒe fiazikpui la ali ke le Yehowa ŋku me tegbee. [46] Tete fia la de se na Benaya, Yehoyada vi la, wòɖada nui ƒu anyi woku.

Hiob 2:9

Tete srɔ̃a gblɔ nɛ bena: Egale wo blibonyenye me ɖe asi koa? Gbe Mawu, ne naku!

Hiob 19:17

Nye nume le ʋeʋẽm ɖe srɔ̃nye, eye mele ya ɖem ɖe nye alimeviwo.

Hiob 1:10

Ɖe menye wòe tɔ kpɔ ɖe eya ŋutɔ kple eƒe nuwo katã ŋu godoo oa? Eyra eƒe aƒe kpakple eƒe asinudɔwɔwɔwo, eye eƒe lãhawo gbagba ɖe anyigba dzi.

Efesotɔwo 6:10-17

[10] Mlɔeba la, nɔvinyewo, mise ŋu le Aƒetɔ kple eƒe ŋusẽ ƒe ŋutete la me! [11] Mido Mawu ƒe aʋawɔnu blibo la katã, bene míate ŋu ano te ɖe Abosam ƒe aɖaŋu vɔ̃wo nu; [12] elabena míele kame tem kple ʋu kpakple ŋutilã o, ke boŋ mía kple dziɖulanyenye kple ŋusẽ kple xexe sia me fia, siwo le fifi viviti sia me kpakple vɔɖinyenye ƒe gbɔgbɔ, siwo le dziƒonutowo me lae le kame tem. [13] Eyata mikpla Mawu ƒe aʋawɔnu blibo la katã, bene míate ŋu anɔ te le ŋkeke vɔ̃ la dzi, eye ne miewu wo katã nu vɔ la, miakpɔ tsitrenɔnɔ. [14] Azɔ la mitsi tre, eye mitsɔ nyateƒe bla miaƒe aliwo dzi, eye mido dzɔdzɔenyenye ƒe akɔtakpoxɔnu, [15] eye mitso dzadzraɖoɖi na ŋutifafa nyanyuie la bla miaƒe afɔ gɔme. [16] Hekpe ɖe nusiawo katã ŋuti la milé xɔse ƒe akpoxɔnu, si miate ŋu atsɔ atsi vɔ̃ɖitɔ la ƒe atsurɔ bibiawo la me ɖe asi. [17] Eye miɖo xoxo ƒe gakuku la, eye mihe Gbɔgbɔ ƒe yi, si nye mawunya la, ɖe asi.

Mateo 5:22

Ke nye la mele egblɔm na mi bena: Amesiame, si le dɔmedzoe dom ɖe nɔvia ŋuti la, adze ʋɔnudɔdrɔ̃; eye amesi ke agblɔ na nɔvia bena takukutɔ la, adze daŋudede gã, eye amesi ke agblɔ bena lã la, adze dzomavɔʋemeyiyi.

Romatɔwo 3:23

elabena wo katã wɔ nuvɔ̃, eye Mawu ƒe ŋutikɔkɔe hiã wo tim,

Romatɔwo 6:23

Elabena nuvɔ̃ la ƒe fetue nye ku; ke Mawu ƒe amenuvevenunana la enye agbe mavɔ le Kristo Yesu, mia Aƒetɔ me.

1 Mose 9:25

egblɔ bena: Woaƒo fi ade Kanaan, kluviwo ƒe kluvi wòanye na nɔviawo!

Psalmowo 104:9

Eɖo liƒo na wo, womagbɔ edzi o, eye womagbugbɔ atsyɔ anyigba dzi o.

1 Mose 6:12

Eye Mawu kpɔ bena, xexeame gblẽ keŋ; elabena amegbetɔwo katã ƒe zɔzɔme gblẽ le anyigba dzi.

1 Mose 7:20

Eye tsia dɔ gbɔ to kɔkɔwo ta me abɔklugui wuiatɔ̃; ale wɔ, eye towo katã bu de tsia me.

1 Mose 8:5-9

[5] Eye tsia le miemiem ʋeʋeʋe vaseɖe ɣleti ewolia dzi; le ɣleti ewolia ƒe ŋkeke gbãtɔ dzi towo ƒe tagbɔ dze. [6] Le ŋkeke blane megbe la Noa ʋu aɖakaʋua ƒe fesre, si wòwɔ la. [7] Eye wòʋu nu le akpaviãa ɖe nu ɖo ɖa, eye wòle dzodzom tso afi yi afi, vaseɖe esime tsia mie le anyigba dzi vo. [8] Tete wòʋu nu le ahɔnea ɖe nu ɖo ɖa, ne yeakpɔ bena, tsia mie vo le anyigba blibo la katã dzi hã? [9] Ke esi ahɔne la mekpɔ afisi wòadze ɖo o la, egatrɔ va egbɔ le aɖakaʋu la me, elabena tsi le anyigba blibo la katã dzi, eye wòdo asi ɖa lée de aɖakaʋu la me.

1 Mose 9:11

Mebia nu kpli mi bena, nyemagatsrɔ̃ ŋutilã sia ŋutilã kple tsiɖɔɖɔ o; tsi magaɖe anyigba agblẽ nu le edzi akpɔ o.

Romatɔwo 12:14

Miyra amesiwo ɖa mia yome la, miyra, eye migaƒo fi de o!

Ewe Bible 1913