Beblia

Bible Verses On A Topic

Topics

Life: [Birthday]

Elabena eyama ƒe nuwɔwɔ míenye, wowɔ mí le Kristo Yesu me hena dɔ nyui wɔwɔ, siwo Mawu dzra ɖo ɖi, bene miazɔ le wo me la.

Yeremya 29:11

Yehowa be: Elabena menya tame, si meɖo ɖe mia ŋu la, ŋutifafa ƒe tamee, eye menye dzɔgbevɔ̃e ƒe tame o, ne mana nuwuwu, si miele mo kpɔm na la mi.

Yohanes 16:21

Nyɔnu la, ne fu le eɖum la, exaa nu, elabena eƒe gaƒoƒo la ɖo; ke ne edzi vi la vo la, emegaɖoa ŋku eƒe nuxaxa dzi o, le dzidzɔ ta bena, yedzi ame ɖe xexeame.

Salomo ƒe Lododowo 9:11

Elabena wò ŋkekewo asɔ gbɔ to dzinye, eye agbenɔƒewo adzi ɖe edzi na wò.

Psalmowo 16:11

Àna menya agbemɔ la, dzidzɔ bɔ ɖe ŋkuwò me, eye vivisese le wò nuɖusi me tegbee.

Psalmowo 20:4

Aɖo ŋku wò nuɖuvɔsawo katã dzi, eye wò numevɔsa ada ami le eŋku me. Sela.

Psalmowo 27:4-7

[4] Nu ɖeka mebia Yehowa, esi le dzroyem, be manɔ Yehowa ƒe me le nye agbe me ŋkekewo katã me, eye makpa Yehowa ƒe vivisesewo katã kple ŋku, eye mayi tame le eƒe gbeɖoxɔ me. [5] Elabena etsyɔ nu dzinye ɖe eƒe agbadɔ me le dzɔgbevɔ̃egbe, eye wòɣlam ɖe eƒe agbadɔ ƒe bebeƒe; ekɔm ɖo agakpe dzi. [6] Azɔ nye ta kɔ dzi ɖe nye futɔ, siwo ƒo xlãm godoo la ŋuti mase aseyetsovɔ le eƒe agbadɔ me, madzi ha, eye maƒo saŋku na Yehowa. [7] Yehowa, mele yɔwòm kple ɣli, see, ve nunye, eye natɔ nam!

Psalmowo 90:12

Fia alesi míaxlẽ míaƒe ŋkekewoe la mí, ne dzi nyanu nado mía si!

Psalmowo 91:11

Elabena adɔ eƒe dɔlawo ɖe ŋuwò, ne woakpɔ tawò le wò mawo katã dzi.

Psalmowo 91:16

Matsɔ agbe didi aɖi ƒo nɛ, eye mana wòakpɔ nye xɔname.

Psalmowo 118:24

Esia nye ŋkeke, si Yehowa wɔ, mina míatso aseye, eye míakpɔ dzidzɔ ɖe eŋu!

Zefanya 3:17

Yehowa, wò Mawu la, le dowòme, kalẽtɔ, si ate ŋu axɔ na ame la wònye. Akpɔ dzidzɔ le ŋuwò vevie, azi ɖoɖoe le lɔlɔ̃ me, eye wòakpɔ dzldzɔ atso aseye ɖe ŋuwò!

Psalmowo 37:4-5

[4] Yehowa ƒe nu nenyo ŋuwò, eye wòana nusi wò dzi di la wò. [5] Tsɔ wò mɔwo gblẽ ɖe Yehowa dzi, eye naɖo ŋu ɖe eŋu, ekema awɔe ade goe.

Nyagblɔla Salomo 3:22-23

[22] Yehowa ƒe amenuveve nu metso o, eye eƒe nubianuikpɔkpɔ mese ɖo o; [23] ke boŋ ete yeye ŋɖi sia ŋɖi, eye wò amenuveve tri akɔ!

4 Mose 6:24-26

[24] Yehowa ayra wò, eye wòakpɔ dziwò! [25] Yehowa akɔ ŋku me ɖe wò, eye wòave nuwo! [26] Yehowa atrɔ mo ɖe gbɔwò, eye wòana ŋutifafa wò!

Psalmowo 139:1-24

[1] Dawid ƒe ha na henɔ la. Yehowa, èdzro menye, eye nèdze sim. [2] Enya nye anyinɔnɔ kple nye tsitretsitsi, eye nèdze si nye susuwo tso adzɔgedzɔgee ke. [3] Edo nye azɔlizɔzɔ kple nye anyimɔmlɔ kpɔ, eye nye mɔwo katã le nyanya na wò. [4] Elabena nyaa ɖeke mele nye aɖe dzi o, kpɔ ɖa, Yehowa, ènya wo keŋ. [5] Etsɔm ɖe to me le megbe kple ŋgɔ, eye nèɖo wò asi dzinye. [6] Nunya sia nye nuku nam akpa, ekɔ, nyemate ŋn anya ta le enu o. [7] Afika madzo le wò gbɔgbɔ la gbɔ ayi, eye afika masi atso wò ŋku me ayi? [8] Ne melia yi dziƒo la, èle afima, eye ne metsɔ tsiẽƒe wɔ mlɔnyeƒee ta, èle gama; [9] ne metsɔ agudzedze ƒe aʋalawo dzoe, eye meɖanɔ atsiaƒu ƒe mlɔenu la, [10] kpɔ ɖa, wò asi aɖakplɔm tso gama hã, eye wò nuɖusi além. [11] Ne mebe, viviti netsyɔm hã la, ekema zã azu kekeli anɔ ŋunye; [12] viviti ke hã meɖo tsizi le ŋkuwò me o, eye zã me kɔ abe ŋkeke ene; viviti kple kekeli la ɖeka wole. [13] Elabena wòe wɔ nye ayikuwo, eye nèkpɔ tanye le danye ƒe dɔme. [14] Meda akpe na wò le alesi wowɔm nukutɔe la ta; wò dɔwɔwɔwo nye nukunu, eye nye luʋɔ dze si esia keŋ. [15] Nye ƒuwo meɣla ɖe wò, esime wowɔm le ɣaɣlaƒe, eye wolɔ̃m ɖe wo nɔewo me le anyigba ƒe gogloƒe o. [16] Esi menye ʋukɔe la, wò ŋkuwo kpɔm, eye woŋlɔ ŋkeke, siwo katã ava emegbe, siwo dometɔa ɖeke meli haɖe o la, ɖe wò agbalẽ me. [17] Ke nye la, Mawu, wò susuwo xɔ asi nam ŋutɔ! Aleke woƒe xexlẽme mehesɔ gbɔe o! [18] Ne mebe, maxlẽ wo la, wosɔ gbɔ wu ke! Ne menyo la, megale gbɔwò ko. [19] Oo Mawu, ne nahawu ame vɔ̃ɖi la ɖe! Mi ŋutsu hlɔ̃dolawo, mite ɖa le gbɔnye! [20] Wo, amesiwo le nu ƒom le ŋuwò ɖe nu vlo wɔwɔ ŋu, eye wole ŋkɔwò yɔm ɖe aʋatsokaka ŋu, wo, amesiwo nye wò futɔwo. [21] Yehowa, ɖe nyemalé fu amesiwo léa fu wò, eye nyemanyɔ ŋu amesiwo tsona ɖe ŋuwò la oa? [22] Mele fu wo gbidigbidi, futɔwo wozu nam. [23] Mawu, dzro menye, eye nadze si nye dzi, dom kpɔ, eye nadze si nye susuwo! [24] Eye ne èkpɔ be, fukpekpemɔ le ŋkunye me la, kplɔm to mɔ tegbeetɔ la dzi!

Ewe Bible 1913