Bible Verses On A Topic: Additional: [Police Officers]

Topics

Additional: [Police Officers]

2 Timote 1:7

Ngam Joomiraawo hokkaayi'en ngikku kulol, ammaa o hokkii'en ngikku yidde e bawɗe e suruki ko'e meeɗen.

Walaa yidde ɓurnde nde'e, waato neɗɗo hokka yonki muuɗum ngam higooɓe muuɗum.

Yosuwa 1:9

Luka 1:79

ngam o yeynanoo wonɓe nder nyiwre e nder kulol mayde, ɗum tokkinay koyɗe meeɗen dow laawol jam.”

Luka 10:19

Raa, mi hokkii'on laamu yaaɓuki dow boole e jahe e heɓuki jaalorgal dow bawɗe Ganyo, walaa ko heɓata'on.

Luka 5:9

Siiman wi'i non ngam kanko e gonduɓe e maako ɓe kayɗinii e liƴƴi ɗuɗɗi ɗi ɓe nangi.

[1] Ciftoranaa tokkuɓe Yeesu ɓe tokka laamiiɓe e ardiiɓe ɓe ngaɗa ko ɓe mbi'i, ɓe ciryoo ngam huwuki koo iri ngale kuugal bongal. [2] Wi'uɓe to' ɓe meta haala kalluka dow goɗɗo, to' ɓe ngarta ɗaɓɓitooɓe hawre, to' ɓe ngarta ɓe ɓerɗe caɗɗe. Sey ni ɓe kolla koo moye ngikku boɗɗum.

1 Piyer 2:13-17

[13] Koo ɗume laamu laamotooɗum yimɓe, tokkee ko ɗum wi'i, ngam non Joomiraawo yiɗi. Tokkee mawɗo laamiiɓe, ardiiɗo dow koo moye, [14] haa e gomna'en, ngam laamiiɗo on liliɓe ɓe kokka gaɗooɓe ko wooɗaa bone, ɓe manta gaɗooɓe ko wooɗi. [15] Ngam Allah e yiɗi ngaɗon ko wooɗi yeeso yimɓe ɓe ngalaa andal, ngam ngaɗon ɓe ala metemeteeji ɗi ngalaa faamu. [16] Naa' on maccuɓe, on rimɗinaaɓe, ammaa to' on ngartir rimɗinki mooɗon warta laawol waɗuki ko halli, ammaa ngaɗee jonde bo maccuɓe Allah. [17] Kokkee koo moye mangu, ngiɗee tokkuɓe Yeesu. Kulee Allah, mawninee laamiiɗo.

Jabuura 18:37-43

Roma'en 13:1-14

[1] Doole koo moye tokka laamotooɓe, ngam walaa goɗɗum laamu laamotooɗum sey to Allah jaɓii. Fuu ardiiɓe ɓe ngooduɗen, Allah resiɓe dow laamu ɗum. [2] Ngam non, koo moye ganyuɗo laamu wanyii ko Allah waɗi. Koo moye gaɗuɗo non fooɗanay hoore muuɗum kiita Allah. [3] Laamotooɓe lamnaa naa' ngam ɓe kulna gaɗooɓe ko wooɗi, ammaa ngam ɓe kulna gaɗooɓe ko halli. A yiɗi alaa huluki neɗɗo laamotooɗo? Too, sey ngaɗaa ko haani, kanko boo o mantete, [4] ngam kanko o maccuɗo Allah kuwoowo ngam ɓeydaari maaɗa. Ammaa taa waɗii ko wooɗaa, hulu, ngam naa' e meere o jogii bawɗe maako. O maccuɗo Allah ngam o taƴana gaɗooɓe ko wooɗaa kiita. [5] Ngam non, doole tokkaa laamu naa' ngam daɗuki monnere Allah tan, ammaa ngam a andi e haani tokkaaɗum. [6] Kanjum waɗi on njoɓa ceede leydi kadin, ngam laamotooɓe ɓe maccuɓe Allah kokkuɓe carel maɓɓe fuu ngam laamaaki. [7] Njoɓee koo moye nyamaande nde tokkata'on, tokkooɓe'on nyamaande ceede leydi, njoɓeeɓe. Kokkee mangu haanuɓe kokkon mangu. [8] To goɗɗo hokkii'on nyamaande, njoɓeemo. Nyamaande nde on mbaawataa yoɓuduki nde warta yiɗindirki. Ngam koo moye giɗɗo bandiraawo muuɗum hebbinii ko Attawra wi'i. [9] Raa goɗɗi dookaaji Allah, “Taa' waɗu njeenu, taa' waɗu warhoore, taa' wujju, taa' yiɗu ko goɗɗo jeyi.” Ɗi'i dookaaji e fuu koriiɗi ɗi kawtaama dow wolde biinde, “Yiɗu bandiraawo maaɗa no ngiɗirɗaa hoore maaɗa.” [10] Taa yiɗi bandiraawo maaɗa, a waɗantaamo ko halli. Ngam maajum, yidde woni ko hebbini ko dooka Allah yiɗi. [11] Ngaɗee ɗu'um, ngam on andi iri jaamanu ɗum ngonɗen nder. Carel waɗii ngel ummotooɗon daga ɗeyngol. Ngam nyalnde nde Allah hisnata'en e ɓeyda ɓaddoyaaki koo ndeye nyalnde daga nyalnde nde kooliiɗen Yeesu. [12] Jooni ɗum jemma, subaka ɓadake. Ngam non, en alu huwuki kuuɗe nyiwre, en ngaɗu jonde meeɗen nder jayngol. [13] En ngaɗu jonde meeɗen no haani bo yimɓe jooɗotooɓe nder jayngol. To' en njaru yareyareeji pooɗooji jonde meere, to' en ngaɗu njeenu, to' en ngaɗu halleende, to' en kaɓdu e yimɓe koo nanen lawliiru maɓɓe. [14] Ammaa, ngikku mooɗon warta iri ngikku Yeesu Almasiihu Joomiraawo, nden to' on ngaɗu hakkiilo mooɗon dow no mbelnanton suunooji ɓalli mooɗon.

Balndi 28:1-28

Luka 11:21

“To neɗɗo cembiɗɗo jogake kaafahi reenii wuro muuɗum, walaa ko heɓata ko o woodi fuu.

Matta 5:9

“Ɓe barkiɗinaaɓe ciryootirooɓe yimɓe, ngam ɗum noddirayɓe ɓiɓɓe Allah.

Fulfulde Caka Nigeria 2010