[24] En ngaɗu hakkiilo meeɗen dow no mballindirten ngam kollen yidde e waɗuki kuuɗe boɗɗe. [25] To' en alu hawrutuki no woɓɓe mboowi waɗuki. Ammaa en cembiɗindir, en ɓeydu waɗuki non nde on andi nyalnde nde Yeesu wartoyta e ɓaddoyoo.
Ngam to yimɓe ɗiɗo koo tato kawriti nder inde am, e mi wondi e maɓɓe.”
Alee boliiɗe Almasiihu njooɗoo nder ɓerɗe mooɗon naa' seɗɗa. Ekkitindiree, waggindiree nder fuu faamu. Ngimee gimi Jabuura, e gimi mantuki Joomiraawo, e gimi ɗi Allah hokki'on nder ɓerɗe, on ngettamo nder ɓerɗe mooɗon.
[11] O suɓii woɓɓe ngarta lilaaɓe, woɓɓe gaɗooɓe annabaaku, woɓɓe wa'ajinooɓe, woɓɓe pasto'en e ekkitinooɓe. [12] O waɗu non ngam o siryoo yimɓe maako ngam ɓe kuwa kuugal maako, ngam tokkuɓemo mawna, cembiɗa nder tokkukimo. [13] Ɗum waɗay non haa ngarten go'o nder hoolaaki Yeesu e nder andal Ɓiɗɗo Allah, mawnen nder tokkuki Yeesu, ngarten yimɓe keewuɓe bo Almasiihu.
Ɓe ngaɗi ka tokkuki ekkitinol lilaaɓe, e ɓe cumpootira, e ɓe nyamda, e ɓe ngaada do'aare.
Ngam non, hoolaaki Allah e heɓee laawol nanki habaru Almasiihu, nden habaru Almasiihu e nanee laawol wa'ajinki dow maako.
E mi wi'imaa, an woni Biiturus, waato Tafaare. Dow tafaare nden njooɗinaymi tokkuɓeyam. Mayde fuu e bawɗe mayre waawataa jaalooɓe.
[31] Gaɗa maajum kawtal tokkuɓe Yeesu nder leyɗe Yahuudiya e Galiili e Samaariya fuu keɓi jonde jam. Ruuhu Allah walliɓe, ɓe cembiɗi, ɓe ɓeydi kulol Joomiraawo, ɓe ɗuuɗi. [32] Too, nde Biiturus yiilii nder leydi ndin fuu, sey jippii to tokkuɓe Yeesu wonɓe gariiri Lidda.
Ammaa arande ɗaɓɓitee Laamu Allah e aadilaaku maako, nden ɗum ɓeydanay'on fuu fii ɗu'um.
To' on majjin ko'e mooɗon. Ngaɗee ko Wolde Allah wi'i, to' on ngartu nanooɓende tan.
wa'ajin Wolde Allah, waɗu ka wa'ajinkinde e carel ngel ngiɗɗaa e carel ngel a yiɗaa. To yimɓe ngaɗii ko wooɗaa, wi'uɓeka, wagginɓe, sembiɗinɓe, waadu munyal e maɓɓe, ngaɗaa ka ekkitinkiɓe.
[19] Ngam non, njahee ngartiron fuu lenyi duuniyaaru tokkuɓeyam, ngaɗanonɓe baptisma nder inde Allah Nyaako Mo Dow, e Ɓiɗɗo, e Ruuhu Allah, [20] on ekkitinaɓe ɓe tokka koo ɗume ko mbiimi'on ngaɗon. Raɗɗum, e mi wondi e mooɗon koo ndeye haa re'uki duuniyaaru.”