Bible Verses On A Topic: Church: [Pentecost]

Topics

Church: [Pentecost]

[1] Nde Humto Ɓendol Alkamaari waɗi, tokkuɓe Yeesu fuu kawriti wigeere go'o. [2] Ɗon e ɗon ɓe nani iido ƴiwoyii daga dow bo hendu cembindu. Iido ngon heewi wuro ngo ɓe ngoni nder. [3] Sey goɗɗum nanduɗum e ɗemɗe hiite wangi. Ɗe cankitii, ɗe koɗi dow hoore koo moye maɓɓe. [4] Sey ɓe fuu ɓe keewi Ruuhu Allah, ɓe puɗɗi metuki nder ɗemɗe feere‑feere no Ruuhu hokkiriɓe bawɗe metuki. [5] E woodi Yahuudanko'en jooɗiiɓe nder Urucaliima ƴiwoyɓe daga koo ɗeye leyɗe duuniyaaru kulooɓe Joomiraawo. [6] Nde ɓe nani iido ngon, ɓe fuu ɓe kawriti. Fii ɗum hulniiɓe, ɓe ndulli ko ɓe ngaɗata, ngam ɓe nanii lilaaɓe e meta nder ɗemngal koo moye maɓɓe. [7] Fii ɗum hayɗiniɓe naa' seɗɗa, ɓe mbi'i, “Ɓe'e metooɓe naa' ɓe Galilanko'en? [8] Nden no ɗum waɗi koo moye nder meeɗen e nana ko ɓe mbi'ata nder ɗemngal muuɗum? [9] Raa nder meeɗen e woodi Fartiyanko'en e Madiyanko'en e Elaamiyanko'en, e yimɓe Mesofotaamiya, e woɓɓe daga nder leyɗe Yahuudiya e Kafadookiya e Fantus e Aasiya, [10] e yimɓe Firiijiya e Bamfiiliya e leydi Masar e leydi Libiya haade Saayirin e ƴiwoyɓe Rooma, [11] Yahuudanko'en e woɓɓe jaɓuɓe diina Yahuudanko'en, e woɓɓe daga Kiriti, e Laarabanko'en. Ammaa fuu e non, en fuu en nana yimɓe ɓe'e e meta nder ɗemɗe meeɗen dow kuuɗe mawɗe ɗe Allah waɗi!” [12] Ɓe fuu fii ɗum hayɗiniɓe, ɓe njiiɓootiri, ɓe ngaɗi ka ƴamƴamtirki, e ɓe mbi'a, “Ɗume woni ma'ana fii ɗu'um?” [13] Ammaa woɓɓe njali tokkuɓe Yeesu mbi'i, “Ndiyam inabojam ɓe njari, ɓe ngiltii!”

Fulfulde Caka Nigeria 2010