Bible Verses On A Topic: Church: [Church Persecution]

Topics

Church: [Church Persecution]

Caawulu boo jaɓii ɗum wari Istifaanus. Daga nyalnde nden, torra mawka warani kawtal tokkuɓe Yeesu wonɓe Urucaliima. Ɓe fuu ɓe cankitii nder leyɗe Yahuudiya e Samaariya, sey lilaaɓe tan korii nder Urucaliima.

Matta 5:44

Ammaa e mi wi'a'on, ngiɗee ganyooɓe mooɗon, ngaɗanee torrooɓe'on do'aare,

2 Timote 3:12

Goonga koo moye giɗɗo waɗa jonde iri nde Allah yiɗi nder tokkuki Yeesu Almasiihu, o yaray bone.

Yuhanna 15:20

Nyumee ko mbiinoomi'on, ‘Walaa maccuɗo ɓurɗo jeyɗomo.’ To yimɓe duuniyaaru torriiyam, onon maa ɓe torray'on. To ɓe tokkii ekkitinol am, onon maa ɓe tokkay ekkitinol mooɗon.

Wahayu Yuhanna 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

Roma'en 8:35

Ɗume waawata senda'en e yidde nde Almasiihu yiɗi'en? Ɗum torra kalluka, koo bone, koo halleende yimɓe, koo weelo, koo ciya kolte, koo nganyaandi yimɓe, koo mayde?

Matta 5:11

“On barkiɗinaaɓe to yimɓe kuɗii'on, torrii'on, pewanii'on mbi'ii haalaaji kalluɗi feere‑feere dow mooɗon ngam am.

Roma'en 12:14

Mbarkiɗinee torrooɓe'on, mbarkiɗineeɓe, to' on laanuɓe.

Yuhanna 5:16

Ka'a haala waɗi ardiiɓe Yahuudanko'en ɓeydi ɗaɓɓutuki laawol no mbardatamo. Ngam naa' dooka Nyalnde Siwtaare tan o yewi, ammaa haa maa o wi'ii Allah ɗum Nyaako maako, waato o wartirii hoore maako go'o e Allah won ɗon.

Matta 5:10-12

[10] “Ɓe barkiɗinaaɓe torreteeɓe ngam waɗuki aadilaaku, ngam kamɓe njeyi Laamu Allah. [11] “On barkiɗinaaɓe to yimɓe kuɗii'on, torrii'on, pewanii'on mbi'ii haalaaji kalluɗi feere‑feere dow mooɗon ngam am. [12] Nanee belɗum, mbelmbeltee, ngam barka mooɗon ɗum ɗuɗɗum e dow, ngam non ɓe ngaɗannoo annabo'en arande'en.

2 Korintu'en 12:10

Kanjum waɗi ngam Almasiihu e mi nana belɗum ciya sembe am, e huɗeeki ki kuɗeteemi, e torraaji ɗi njaraymi, e torraaji ɗi torreteemi, e caɗeele ɗe nattumi. Ngam carel ngel ndullumi sembe, carel ngel ngoodumi sembe.

Nelaaɓe 13:50

Ammaa ardiiɓe Yahuudanko'en ngaɗi rewɓe kulooɓe Allah ɓe ɗum mawninta, e ardiiɓe gariiri ndin nganya Bulus e Barnaba, sey ɓe ngaɗi ɗum fuɗɗi torruki Bulus e Barnaba, ɓe ndiiwiɓe daga nder gariiri maɓɓe.

Nelaaɓe 7:52

Moye annabiijo woni mo maama'en mooɗon torraayi? Haa maa ɓe mbarii wi'unooɓe Aadiliijo on waray. Jooni onon e ko'e mooɗon on nyaamii amaana maako, on mbariimo.

Markus 4:17

Ammaa nde ɓe ngalaa ɗaɗi, ɓe munyay carel seɗɗa tan. To caɗeele koo torra warii ngam wolde nden, ɗon e ɗon ɓe njoofande.

Galaatiya'en 4:29

E ngel ton carel ɓiɗɗo mo ɗum danyi no ɗum danyiri koo moye, o hallanii ɓiɗɗo mo ɗum danyi nder bawɗe Ruuhu Allah. Jooni maa non e waɗee.

Markus 10:30

o heɓay ko ɓuri non nder ɗu'um jaamanu. O heɓay gureeje, e sakiraaɓe worɓe e rewɓe, e danyooɓe, e ɓiɓɓe, e gese nde 100. Ɗonmaa yimɓe torraymo, ammaa Nyalnde Jaango o heɓay yonki ki re'ataa.

Matta 13:21

Ammaa nde wolde nden walaa ɗaɗi nder ɓernde maako, o munyay carel seɗɗa tan. To caɗeele koo torra warii ngam wolde nden, ɗon e ɗon o yoofande.

Nelaaɓe 22:4

Mi torriino tokkuɓe Laawol Yeesu haa mi warii woɓɓe. Mi nangii worɓe haa e rewɓe, mi maɓɓiiɓe nder suudu cural.

Matta 5:10

“Ɓe barkiɗinaaɓe torreteeɓe ngam waɗuki aadilaaku, ngam kamɓe njeyi Laamu Allah.

Galaatiya'en 6:12

Ɓen ɗon yimɓe mawninooɓe ko'e maɓɓe ngam ko ɗum waɗaniɓe e ɓandu, kamɓe ngiɗi doole ɗum naada'on. E ɓe ngaɗa non ngam to' ɓe torree ngam gaafaangal Almasiihu.

Luka 21:12

Ammaa ko fii ɗu'um fuu waɗa, yimɓe nangay'on, torray'on, ɓe ngaɗay'on nder juuɗe mawɓe cuuɗi do'aare, ɓe ngaɗa'on nder cuuɗi cural, ɗum yaaray'on yeeso laamiiɓe e mawɓe leydi, ngam on tokkuɓeyam.

Markus 10:29-30

[29] Yeesu wi'i, “E mi wi'a'on goonga, fuu aluɗo wuro muuɗum, koo sakiraaɓe muuɗum worɓe koo rewɓe, koo maduujo muuɗum, koo nyaako muuɗum, koo ɓiɓɓe muuɗum, koo gese muuɗum ngam am e Habaru Belɗum, [30] o heɓay ko ɓuri non nder ɗu'um jaamanu. O heɓay gureeje, e sakiraaɓe worɓe e rewɓe, e danyooɓe, e ɓiɓɓe, e gese nde 100. Ɗonmaa yimɓe torraymo, ammaa Nyalnde Jaango o heɓay yonki ki re'ataa.

Roma'en 8:35-37

[35] Ɗume waawata senda'en e yidde nde Almasiihu yiɗi'en? Ɗum torra kalluka, koo bone, koo halleende yimɓe, koo weelo, koo ciya kolte, koo nganyaandi yimɓe, koo mayde? [36] Non no ɗum windiraa, “Ngam maaɗa koo ndeye nyalnde e ɗum ɗaɓɓita warkimin; ɗum hocciimin bo baali ɗi ɗum hirsata.” [37] Naa' non, nder fuu fii ɗu'um en keɓii jaalorgal barka Almasiihu giɗɗo'en.

Nelaaɓe 11:19-21

[19] Woɓɓe tokkuɓe Yeesu cankitaama ngam torraaji ɗi ɓe torraa gaɗa ɗum warii Istifaanus. Woɓɓe njahi Finiikiya, woɓɓe njahi Sayiifurus, woɓɓe boo njahi Antaakiya. E ɓe nga'ajina nder Yahuudanko'en tan. [20] Ammaa woɓɓe nder maɓɓe ƴiwoyɓe Sayiifurus e Saayirin natti gariiri Antaakiya, e ɓe nga'ajina Habaru Belɗum ɗum Yeesu Joomiraawo nder yimɓe naa' Yahuudanko'en. [21] Joomiraawo boo e wondi e maɓɓe; yimɓe ɗuɗɓe tuubi ngaylitii to Joomiraawo.

Nelaaɓe 9:4-5

[4] O yani e leydi, o nani hononde e wi'amo, “Caawulu, Caawulu, ngam ɗume torrataayam?” [5] Caawulu wi'i, “Mawɗo, an ɗum moye?” Hononde nden wi'imo, “Min woni Yeesu mo torrataa.

Galaatiya'en 5:11

Onon bandiraaɓe am, to haa jooni e mi wa'ajina wiiki doole yimɓe naadee, ngam ɗume haa jooni e ɗum torrayam? Daa e mi wa'ajina dow ɗum naada, daa wa'ajinki am dow mayde Almasiihu dow gaafaangal fooɗataa caɗɗum.

Matta 10:23

To yimɓe torrii'on nder wondi gariiri, ndoggee njahon wondi gariiri. E mi wi'a'on goonga, ko njahidon gariije Israa'iila fuu, Ɓii Neɗɗo wartoyay.

Matta 5:12

Nanee belɗum, mbelmbeltee, ngam barka mooɗon ɗum ɗuɗɗum e dow, ngam non ɓe ngaɗannoo annabo'en arande'en.

1 Timote 1:13

Koo nde ndenno mi metii haalaaji kalluɗi dow maako, mi torrii tokkuɓemo, mi huɗiimo, ammaa Allah yurminaniiyam, ngam e carel ngel, mi andaa ko ngaɗaymi, mi hoolaaki Yeesu Almasiihu.

Matta 5:11-12

[11] “On barkiɗinaaɓe to yimɓe kuɗii'on, torrii'on, pewanii'on mbi'ii haalaaji kalluɗi feere‑feere dow mooɗon ngam am. [12] Nanee belɗum, mbelmbeltee, ngam barka mooɗon ɗum ɗuɗɗum e dow, ngam non ɓe ngaɗannoo annabo'en arande'en.

Luka 11:49

Kanjum waɗi Allah wi'i nder andal muuɗum, ‘Mi lilanayɓe annabo'en e lilaaɓe, ɓe mbara woɓɓe ɓe torra woɓɓe.’

1 Tessaloniiki'en 3:3-4

[3] ngam to' torra ka njarɗon waɗa goɗɗo mooɗon yewra ala hoolaaki Yeesu. Onon e ko'e mooɗon on andi doole njaren torra iri ka'a. [4] Ngam carel ko min ngondunoo e mooɗon, min ngaɗii ka wiiki'on daga ilaa en njaray torra. Ɗum boo waɗii non, no anduɗon.

Ibraniŋke'en 11:36-38

[36] Woɓɓe njukkitaama piyaama, haa ɓe kaɓɓiraa ɓoggi njamndi ɓe maɓɓaa nder suudu cural. [37] Woɓɓe mbariraa kaaƴe, woɓɓe taƴaa cendaa ɗiɗi, woɓɓe mbariraa kaafaaje. Woɓɓe e ngiiloo e ɓornii lare baali e ɗe be'i, koo ko ɓe ngoodi, ɓe torraama, ɓe ngaɗanaama ko halli. [38] E ɓe ngiiloo nder ladde e nder kocceeje, e ɓe njooɗoo nder luurooji kaaƴe e nder gayɗe. Duuniyaaru hewtaayi ɓe njooɗoo nder mayru.

Yuhanna 15:20-21

[20] Nyumee ko mbiinoomi'on, ‘Walaa maccuɗo ɓurɗo jeyɗomo.’ To yimɓe duuniyaaru torriiyam, onon maa ɓe torray'on. To ɓe tokkii ekkitinol am, onon maa ɓe tokkay ekkitinol mooɗon. [21] Ammaa ɓe ngaɗanay'on fuu fii ɗu'um ngam onon ɗum ɓe am, ngam ɓe andaa on ɗon liloyɗoyam.

Matta 10:21-23

[21] “Neɗɗo hokkitiray sakiraawo muuɗum ɗum waramo, nyaako maa hokkitiray ɓiɗɗo muuɗum. Ɓiɓɓe ummanto danyooɓe maɓɓe, ɓe ngaɗa ɗum waraɓe. [22] Koo moye wanyay'on ngam on tokkuɓeyam. Ammaa munyuɗo haa re'irde hisay. [23] To yimɓe torrii'on nder wondi gariiri, ndoggee njahon wondi gariiri. E mi wi'a'on goonga, ko njahidon gariije Israa'iila fuu, Ɓii Neɗɗo wartoyay.

Matta 24:8-10

[8] Ammaa ɗu'um fuu ɗum fuɗɗoode torraaji garayɗi. [9] “Nden ɓe ngaɗay'on nder juuɗe yimɓe torrayɓe'on, ɗum wara'on. Fuu lenyi duuniyaaru nganyay'on ngam on tokkuɓeyam. [10] E carel ngel yimɓe ɗuɗɓe alay hoolaakiyam, e ɓe ngullootira, e ɓe nganyindira.

Luka 21:12-19

[12] Ammaa ko fii ɗu'um fuu waɗa, yimɓe nangay'on, torray'on, ɓe ngaɗay'on nder juuɗe mawɓe cuuɗi do'aare, ɓe ngaɗa'on nder cuuɗi cural, ɗum yaaray'on yeeso laamiiɓe e mawɓe leydi, ngam on tokkuɓeyam. [13] Ɗum wartay laawol no kokkirtonɓe habaru am. [14] Ammaa pukkinee ɓerɗe mooɗon, to' on ngannu ko carel ngel waɗa no mburtinirton ko'e mooɗon. [15] Ngam mi hokkay'on boliiɗe e andal, haa walaa goɗɗo nder ganyooɓe mooɗon baawayɗo do''uki'on koo yedduki ko mbiiɗon. [16] Danyooɓe mooɗon e minyiraaɓe mooɗon e mawniraaɓe mooɗon e bandiraaɓe mooɗon e higooɓe mooɗon, ɓe kokkitiray'on, nden ɓe mbara woɓɓe mooɗon. [17] Koo moye wanyay'on ngam on tokkuɓeyam. [18] Ammaa walaa laasol ko'e mooɗon go'otol kalkayngol. [19] To on munyii, on keɓay yonki ki re'ataa.

1 Korintu'en 4:8-13

[8] On ngi'a bo on njaadake on keɓii ko ngiɗɗon! On ngi'a bo on njaadake on ngartii diskuɓe! On ngi'a bo on ngartii laamiiɓe, koo nde minon naa' min laamiiɓe. Daa on ngartii laamiiɓe daa wooɗii, sey laamodooɗen! [9] Ngam e yiiki am minon lilaaɓe, Allah wartiriimin yimɓe koccaaɓe naa' ɓe goɗɗum, bo yimɓe ɓe ɗum taƴani kiita mayde bareteeɓe yeeso koo moye. Mi wi'u non ngam min ngartii ko malaa'ika'en e yimɓe fuu ngaɗani gite. [10] Too, minon min haaŋaaɓe ngam e min tokki Almasiihu, ammaa onon on tokkuɓe Almasiihu gooduɓe faamu. Minon min ngalaa bawɗe Allah, ammaa onon on ngi'a bo on ngoodi bawɗe Allah naa' seɗɗa! Yimɓe e kokka'on mangu, ammaa minon yimɓe e njawanamin. [11] Haa jooni e min piida e weelo e ɗonka. Min ngalaa kolte boɗɗe. Yimɓe e kallanamin, nden min ngalaa wuro. [12] E min kuwa e juuɗe amin naa' seɗɗa. To yimɓe kuɗiimin, sey min mbarkiɗinaɓe. To ɓe torriimin, sey min munya. [13] To yimɓe metii haala kalluka dow amin, sey min metanaɓe haala mbelka. Min ngartii mbuuri duuniyaaru, min ngartii ko nefnii. Haa jooni non ɗum woni.

Ibraniŋke'en 10:32-34

[32] Ammaa ciftoree balɗe arandeeje ɗe ɗum famtini'on dow Almasiihu. On munyii nder yarki torra kalluka. [33] Bannye e ɗum semtina'on yeeso yimɓe, e ɗum huɗa'on, bannye ɗum torra'on, nden bannye on mballa jarooɓe torra iri ka mooɗon. [34] On njurminanii curaaɓe, nden nde ɗum teetani'on ko ngooduɗon, on njaɓii ko ɗum waɗani'on e welwelo. Ngam on andi on ngoodi goɗɗum ɓurɗum wooɗuki tabitayɗum haa abadaa.

Ibraniŋke'en 11:33-38

[33] ngam e ɓe koolii Allah waɗi ɓe koni leyɗe ɗuɗɗe ɓe nyaamiɗe. Ɓe laamorake aadilaaku, ɓe keɓi ko Allah waɗi alkawal. Ɓe maɓɓii konduɗe cembiɗɗi. [34] Ɓe nyifii hiite kallunge, ɓe ndaɗii wardeeki e kaafaaje. Ɓe tampuɓe, ammaa ɓe ngartii cembiɗɓe. Ɓe ngartii wawɓe konu, ɓe ndiiwii sooji'en goɗɗe leyɗe. [35] Ngam woɓɓe rewɓe maayanaaɓe e koolii Allah waɗi mayɓe ɓen umminaa daga mayde. Woɓɓe yimɓe boo ɓe torraa haa ɓe maayi, ɓe nganyii ɗum yoofaɓe ngam ɓe keɓa ɓe umminee daga mayde nder jonde ɓurnde wooɗuki. [36] Woɓɓe njukkitaama piyaama, haa ɓe kaɓɓiraa ɓoggi njamndi ɓe maɓɓaa nder suudu cural. [37] Woɓɓe mbariraa kaaƴe, woɓɓe taƴaa cendaa ɗiɗi, woɓɓe mbariraa kaafaaje. Woɓɓe e ngiiloo e ɓornii lare baali e ɗe be'i, koo ko ɓe ngoodi, ɓe torraama, ɓe ngaɗanaama ko halli. [38] E ɓe ngiiloo nder ladde e nder kocceeje, e ɓe njooɗoo nder luurooji kaaƴe e nder gayɗe. Duuniyaaru hewtaayi ɓe njooɗoo nder mayru.

Nelaaɓe 12:1-19

[1] Nder carel ngel, Hirudus laamiiɗo fuɗɗi torruki woɓɓe nder tokkuɓe Yeesu. [2] O nangi Yaakubu minyiraawo Yahaya, o waɗi ɗum wardimo kaafahi. [3] Nde o yi'i ko o waɗi welii Yahuudanko'en, o nangi Biiturus. Nanguki kin boo wari dey‑dey e carel Humto Buroodi Ɗum Walaa Ƴuufinirɗum. [4] Gaɗa o nangiimo, o maɓɓimo nder suudu cural, o waɗi moɓɗe sooji'en nayi ɗe sooji'en nayo‑nayo ɓe ndeenamo. E mo yiɗi waddukimo yeeso yimɓe gaɗa humto ngon o waɗanamo kiita. [5] Biiturus maɓɓaa nder suudu cural, ammaa kawtal tokkuɓe Yeesu ngaɗi ka waɗankimo do'aare. [6] Nder jemmaare nde Hirudus nyumi wurtinki Biiturus, waɗanamo ko yiɗi to weeti, Biiturus e ɗaanii hakkunde sooji'en ɗiɗo, e mo haɓɓorii ɓoggi njamndi. Reenooɓe boo e ndeeni dammuɗe suudu cural ndun. [7] Ɗon e ɗon malaa'ikaajo Joomiraawo wanganimo, jayngol yeynii nder suudu ndun fuu. O dimbi Biiturus, o findinimo, o wi'i, “Yawnu, umma!” Sey ɓoggi njamndi ɗiɗum haɓɓiri juuɗe maako taƴi, ɗi njani. [8] Malaa'ikaajo on wi'imo, “Taada taadorde maaɗa, faɗa paɗe maaɗa.” Nde Biiturus waɗi non, malaa'ikaajo on wi'imo, “Waana cuddaari maaɗa, tokkam.” [9] Biiturus wurtii, tokkimo. O andaa ko malaa'ikaajo on waɗata ɗum goonga; o kammi ɗum wahayu. [10] Nde ɓe ƴaɓɓii reenooɓe arande'en e cakitiiɓe, ɓe ngari dammugal njamndi daarayngal gariiri. Ngal maɓɓitii e hoore maagal yeeso maɓɓe, sey ɓe mburtii, ɓe nangi laawol. E ɓe njaha, sey ɗon e ɗon malaa'ikaajo on majjitanimo. [11] Nden hakkiilo Biiturus warti, o wi'i, “Jooni mi tabbitinii Joomiraawo liloyii malaa'ikaajo muuɗum ngam hisnayam daga jungo Hirudus e nyumooji Yahuudanko'en kalluɗi.” [12] Nde o anditi non, o yahi wuro Maryaama, maduujo Yahaya bi'eteeɗo Markus, ton to yimɓe ɗuɗɓe kawriti e ngaɗa do'aare. [13] Nde Biiturus fiyi dammugal wuro ngon, korɗo bi'eteeɗo Rooda wari dammugal ngal ngam yi'a ɗum moye. [14] Nde o anditi hononde Biiturus, o nani belɗum haa o yejjiti maɓɓitankimo dammugal. O haɓtii o so''ii nder, o wi'iɓe ɗum Biiturus darii yaasi dammugal. [15] Ɓe mbi'imo, “A kaaŋaaɗo!” Ammaa o ɓeydi wi'uki ɗum Biiturus. Ɗonmaa ɓe mbi'imo, “Ɗum malaa'ikaajo maako.” [16] Ammaa Biiturus darii e fiya dammugal. Nde ɓe maɓɓitanimo ɓe ngi'imo, ɗum hayɗiniiɓe naa' seɗɗa. [17] O ƴeftaniɓe jungo ngam ɓe nde''ita, o wi'iɓe no Joomiraawo wurtinirimo nder suudu cural, o wi'i, “Kokkee Yaakubu habaru ɗu'um, e tokkuɓe Yeesu horiiɓe fuu.” Gaɗa maajum o wurtii, o yahi wonde wigeere. [18] Nde weeti, wembere mawnde nangi sooji'en ɓen ngam ɓe andaa to Biiturus woni. [19] Nde Hirudus ɗaɓɓiti Biiturus heɓtaayimo, waɗi ɗum ƴama sooji'en reenooɓe ɓen ɗum waraɓe. Gaɗa maajum Hirudus ali leydi Yahuudiya, o yahi gariiri Kaysaariya, o neeɓi ton.

Nelaaɓe 9:1-14

[1] Nder carel ngel boo, Caawulu e ɓeyda torruki tokkuɓe Yeesu, e mo yiɗi warkiɓe. Sey o yahi to Mawɗo Mawɓe Ardiiɓe Diina. [2] O toriimo o windanamo ɗerewol ngol o hollata mawɓe cuuɗi do'aare gonɗi gariiri Dimasku, wiiki to o tawii tokkuɓe Laawol Yeesu ton, worɓe koo rewɓe, o nangaɓe, o haɓɓaɓe, o yaaraɓe gariiri Urucaliima. [3] E mo dow laawol o ɓadake yottaaki gariiri Dimasku, o andaa o anditaa sey raa jayngol daga dow yeynaniimo filiimo. [4] O yani e leydi, o nani hononde e wi'amo, “Caawulu, Caawulu, ngam ɗume torrataayam?” [5] Caawulu wi'i, “Mawɗo, an ɗum moye?” Hononde nden wi'imo, “Min woni Yeesu mo torrataa. [6] Umma nattu nder gariiri. Ɗum wi'ete ko haani ngaɗaa.” [7] Higooɓe yaadu maako nanii hononde nden, ammaa ɓe ngi'aayi koo moye. Ɓe ndarii, ɓe ndulli ko ɓe mbi'ata. [8] Caawulu ummii darii feeri gite muuɗum, ammaa yi'ataa. Nden o joganaa jungo, o nattinaa gariiri Dimasku. [9] O waɗi balɗe tati e mo wumi, o yaraayi o nyaamaayi. [10] E woodi goɗɗo tokkuɗo Yeesu nder gariiri ndin bi'eteeɗo Hanaaniya. Joomiraawo noddimo nder koyɗol, wi'imo, “Hanaaniya!” O wi'i, “Na'am, Joomiraawo.” [11] Joomiraawo wi'imo, “Umma tokkaa laawol bi'eteengol Laawol Portiingol, njahaa wuro Yahuuda, ngeynaa goɗɗo bi'eteeɗo Caawulu ƴiwoyɗo gariiri Tarsus. Ngam e mo ɗon waɗa do'aare, [12] haa maa nder koyɗol o yi'ii neɗɗo bi'eteeɗo Hanaaniya nattoyii, yowii juuɗe muuɗum dow maako ngam o wumta.” [13] Ammaa Hanaaniya wi'imo, “Joomiraawo, mi nanii yimɓe ɗuɗɓe kokkii habaru neɗɗo on, e torraaji ɗuɗɗi ɗi o torri yimɓe maaɗa wonɓe Urucaliima. [14] O wardii e ɗerewol ɗo'o daga to mawɓe ardiiɓe diina, ngam o nanga noddiraaɓe inde maaɗa fuu.”

Galaatiya'en 1:13

On nanii no njooɗoriimi ndenno nder diina Yahuudanko'en, no torrirmi yimɓe Allah tokkuɓe Yeesu, yurmeende walaa, mi waɗii ko mbaawaymi waɗuki ngam mi halkaɓe.

Wahayu Yuhanna 2:8-10

[8] “Nden windan malaa'ikaajo kawtal tokkuɓe Yeesu wonɓe Samirna wi'uki: “Min woni arandeejo e cakitiiɗo, maayunooɗo jooni e mo woodi yonki. [9] E mi andi torra ka njaroton, e mi andi on ngalanaa, ammaa on diskuɓe. E mi andi haala kalluka ka yimɓe metata dow mooɗon, wi'ooɓe ɓe yimɓe Allah, ammaa naa' ɗum non, ɓe yimɓe Ceyɗan. [10] To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

Nelaaɓe 26:9-11

[9] “Min e hoore am, ndenno mi kammake e haani mi waɗa ko mbaawaymi waɗuki ngam mi wonna inde Yeesu Najarankeejo. [10] Kanjum ngaɗumi nder Urucaliima. Mawɓe ardiiɓe diina kokkiiyam laamu mi maɓɓa tokkuɓe Yeesu. Mi maɓɓi ɗuɗɓe nder suudu cural. Nde ɓe taƴanaa kiita wareeki, mi jaɓiiɗum. [11] Mi torriiɓe nde ɗuɗɗum nder cuuɗi do'aare fuu. E mi waɗaɓe ɓe nganya tokkuki Yeesu. Mi hallaniiɓe naa' seɗɗa haa e mi ɗaɓɓitaɓe nder gariije goɗɗe leyɗe, e mi torraɓe.

1 Korintu'en 4:12

E min kuwa e juuɗe amin naa' seɗɗa. To yimɓe kuɗiimin, sey min mbarkiɗinaɓe. To ɓe torriimin, sey min munya.

Nelaaɓe 12:1

Nder carel ngel, Hirudus laamiiɗo fuɗɗi torruki woɓɓe nder tokkuɓe Yeesu.

Filippi'en 3:6

Mi tokkii diina am haa mi torrii tokkuɓe Yeesu. Dow waɗuki aadilaaku nder tokkuki Attawra, ɗum tawraayiyam goɗɗum ko wooɗaa.

Fulfulde Caka Nigeria 2010