Bible Verses On A Topic: God: [Being Saved]

Topics

God: [Being Saved]

Ɓe nootii ɓe mbi'i, “Hoola Yeesu Joomiraawo, an e wuro maaɗa fuu, on kisay.”

[8] On kisii ngam yidde Allah barka hoolaaki Yeesu. Naa' on kisu ngam goɗɗum ɗum ngaɗɗon, ammaa ɗum caahu Allah, [9] naa' ngam kuuɗe mooɗon, ngam to' goɗɗo mawnina hoore muuɗum.

Roma'en 10:9-10

[9] Ngam taa wi'ii e honduko maaɗa, “Yeesu o Joomiraawo,” nden taa hoolake nder ɓernde maaɗa wiiki Allah umminiimo daga mayde, a hisay. [10] Ngam nder ɓernde neɗɗo hoolotoo Almasiihu nden Allah wartiramo aadiliijo, nden e honduko neɗɗo wi'ata e njayri Yeesu woni Joomiraawo hisa.

Markus 16:16

Koo moye kooliiɗoyam waɗanaa baptisma o hisay, ammaa fuu mo hoolaakiyam ɗum taƴanaymo kiita.

Efesu'en 2:8-10

[8] On kisii ngam yidde Allah barka hoolaaki Yeesu. Naa' on kisu ngam goɗɗum ɗum ngaɗɗon, ammaa ɗum caahu Allah, [9] naa' ngam kuuɗe mooɗon, ngam to' goɗɗo mawnina hoore muuɗum. [10] Allah wartirii'en ko ngonɗen jooni, barka Yeesu Almasiihu o tagitake'en ngam kuwen kuuɗe boɗɗe ɗe o yiɗi ngaɗen daga arande.

Roma'en 10:13

No aayaare wi'i, “Koo moye toriiɗo Joomiraawo hisnamo, Joomiraawo hisnaymo.”

Matta 10:22

Koo moye wanyay'on ngam on tokkuɓeyam. Ammaa munyuɗo haa re'irde hisay.

Nelaaɓe 2:38

Biiturus wi'i, “Koo moye mooɗon tuuba waɗanee baptisma nder inde Yeesu Almasiihu ngam keɓon yaafaneeki hakke mooɗon. Nden Allah hokkay'on Ruuhu muuɗum caahu.

Yuhanna 3:16

Ngam yidde nde Allah yiɗi duuniyaaru haa o hokkii Ɓiɗɗo maako bajjo, ngam koo moye kooliiɗomo to' halka ammaa heɓa yonki ki re'ataa.

Matta 25:31-46

[31] “To Ɓii Neɗɗo warii nder teddungal muuɗum e malaa'ika'en fuu, o jooɗoto dow jooɗorgal laamu maako ɗum teddungal. [32] Ɗum hawritay yimɓe duuniyaaru fuu yeeso maako, o hakkitaɓe feere‑feere non no gaynaako hakkitirta baali e be'i. [33] O waɗa baali e jungo nyaamo maako, be'i e nano maako. [34] Sey Laamiiɗo on wi'a wonɓe nyaamo muuɗum, ‘Ngaree, onon ɓe Nyaako am barkiɗini, ndonee Laamu ɗum um siryanii'on daga fuɗɗoode duuniyaaru. [35] Ngam mi nanii weelo on kokkiiyam nyamndu. Mi nanii ɗonka on kokkiiyam ko njaraymi. Mi waɗii koɗaaku on njippiniiyam. [36] Mi walaa ko ɓornotoomi on kokkiiyam kolte. Mi waɗii ciya njamu on paamaniiyam. E mi suri nder suudu cural on kowniiyam.’ [37] E carel ngel aadili'en noototo, mbi'amo, ‘Moodibbo, ndeye min ngiidumaa e weelo min kokkumaa nyamndu, koo min ngiidumaa e ɗonka min kokkumaa ko njarataa? [38] Ndeye min ngiimaa a koɗo min njippinmaa, koo a walaa ko ɓornotoɗaa min kokkumaa kolte? [39] Ndeye min ngiimaa a yamɗaa koo a surii nder suudu cural min kownumaa?’ [40] Sey Laamiiɗo on nootoo, wi'aɓe, ‘E mi wi'a'on goonga, nde on ngaɗani go'oto nder ɓe'e bandiraaɓe am ɓurɓe famɗuki, min ngaɗanɗon.’ [41] “Nden o wi'ay wonɓe nano maako, ‘Cendiree e am, onon laanaaɓe! Nattee hiite nge nyifataa haa abadaa nge ɗum siryanii Ceyɗan e malaa'ika'en muuɗum! [42] Ngam mi nanii weelo on kokkaayiyam nyamndu. Mi nanii ɗonka on kokkaayiyam ko njaraymi. [43] Mi waɗii koɗaaku on njippinaayiyam. Mi walaa ko ɓornotoomi on kokkaayiyam kolte. Mi waɗii ciya njamu on paamanaayiyam. Mi suraama nder suudu cural on kownaayiyam.’ [44] Nden kamɓe maa ɓe nootoo, ɓe mbi'amo, ‘Moodibbo, ndeye min ngiidumaa e weelo, koo e ɗonka, koo e ciya kolte, koo e ciya njamu, ndeye min ngiimaa a koɗo, koo a nder suudu cural, min mballaayima?’ [45] Sey o nootoo, o wi'aɓe, ‘E mi wi'a'on goonga, nde on ngaɗanaayi koo go'oto nder ɓe'e ɓurɓe famɗuki, min woni on ngaɗanaayi.’ [46] Ɓe'e ngoni nattayɓe bone ɗum re'ataa, aadili'en boo keɓa yonki ki re'ataa.”

Matta 7:21-23

[21] “Naa' fuu bi'ayɗoyam, ‘Moodibbo, Moodibbo,’ nattata Laamu Allah, sey ni gaɗuɗo ko Nyaako am Mo Dow yiɗi. [22] E Nyalnde Jaango yimɓe ɗuɗɓe mbi'ayyam, ‘Moodibbo, Moodibbo! Naa' min nga'ajinii nder inde maaɗa? Naa' min mburtinii ginni nder inde maaɗa? Naa' min ngaɗii kayɗiniiɗum ɗuɗɗum nder inde maaɗa?’ [23] Ammaa mi wi'ayɓe, ‘Mi andaa'on. Cendiree e am, onon kalluɓe.’

Yuhanna 3:3

Yeesu wi'imo, “E mi wi'umaa goonga, walaa baawayɗo natta Laamu Allah sey to ɗum fuɗɗitii ɗum danyiimo.”

Roma'en 3:23

Koo moye neɗɗo waɗi hakke woɗɗitake ko Allah yiɗi o waɗa.

Yaakuba 2:24

Too, on ngi'ii Allah e jaɓa neɗɗo o aadiliijo ngam ko o waɗi, naa' ngam hoolaare tan.

Nelaaɓe 22:16

Jooni, ɗume ndentuɗaa? Umma ɗum waɗanmaa baptisma, toroɗaa Allah yaafanomaa hakke maaɗa.’

Roma'en 6:23

Ngam njoɓaari hakke ɗum mayde, ammaa caahu Allah woni yonki ki re'ataa keɓeteeki barka sumpootirki e Yeesu Almasiihu Joomiraawo meeɗen.

2 Korintu'en 5:17

Ngam non, fuu gartuɗo mo Almasiihu o wartii neɗɗo keso. Koo ɗume ɗum ndenno ƴaɓɓake, koo ɗume wartii kesum.

Galaatiya'en 3:27

On fuu on ngaɗanaama baptisma kolluɗum Almasiihu jeyi'on on ɓornake ngikku Almasiihu won ɗon no ɓornortooɗon kolte.

Luka 10:25-28

[25] Sey goɗɗo moodibbo dooka ummii darii ngam foonda Yeesu, o wi'i, “Moodibbo, ko haani mi waɗa ngam mi heɓa yonki ki re'ataa?” [26] Sey Yeesu wi'imo, “Ko windaa nder Attawra? Noye njangirtaa?” [27] O nootii, o wi'i, “ ‘Yiɗu Joomiraawo Allah maaɗa e ɓernde maaɗa fuu, e yonki maaɗa fuu, e sembe maaɗa fuu, e hakkiilo maaɗa fuu,’ nden, ‘Yiɗu bandiraawo maaɗa no ngiɗirɗaa hoore maaɗa.’ ” [28] Yeesu wi'imo, “A nootake boɗɗum. Waɗu non, nden a heɓay yonki ki re'ataa.”

Yuhanna 3:16-18

[16] Ngam yidde nde Allah yiɗi duuniyaaru haa o hokkii Ɓiɗɗo maako bajjo, ngam koo moye kooliiɗomo to' halka ammaa heɓa yonki ki re'ataa. [17] Ngam Allah liloyaayi Ɓiɗɗo muuɗum nder duuniyaaru ngam o taƴanandu kiita. Ammaa o liloyiimo ngam o hisna duuniyaaru e laawol maako. [18] “Koo moye kooliiɗomo taƴantaake kiita, ammaa mo hoolaakimo o yaadake o taƴanaama kiita, ngam o hoolaaki Ɓiɗɗo Allah bajjo.

Efesu'en 2:10

Allah wartirii'en ko ngonɗen jooni, barka Yeesu Almasiihu o tagitake'en ngam kuwen kuuɗe boɗɗe ɗe o yiɗi ngaɗen daga arande.

1 Korintu'en 12:13

Yahuudanko'en, e leƴƴi feere, e maccuɓe, e naa' maccuɓe, en fuu en ngaɗanaama baptisma nder Ruuhu go'otum ngam ngarten bo ɓandu go'o, nden en fuu Allah hokkii'en Ruuhu ɗum.

2 Piyer 3:9

Woɓɓe e mbi'a Joomiraawo neeɓay ko hebbina alkawal muuɗum. Naa' ɗum non, ammaa munyal o waadata e mooɗon, ngam o yiɗaa koo moye halka, sey ni koo moye ala waɗuki hakke, tuuba.

Nelaaɓe 17:30

Allah munyanii yimɓe ko ɓe ngonnoo nder ciya andal. Ammaa jooni, e mo wi'a yimɓe fuu koo toye ɓe tuuba,

Yaakuba 2:18

Ammaa goɗɗo wi'ay, “An a woodi hoolaare, min e mi woodi kuuɗe.” Too, hollam hoolaare maaɗa nde walaa kuuɗe. Min boo, mi hollete hoolaare am nder kuuɗe am.

Yuhanna 8:24

Mi wi'ii'on on maayay nder hakke mooɗon, goonga on maayay nder hakke mooɗon sey ni to on njaɓii min woni mo mbiimi'on.”

Luka 13:3

E mi wi'a'on, naa' non! Ammaa to naa' on tuubu, onon maa on fuu on kalketeeɓe.

Yaakuba 2:14-17

[14] Onon bandiraaɓe am, ko ɗum nafi to neɗɗo wi'ii e hoolii Yeesu, ammaa kuuɗe maako kollaayi hoolaare nden? Nden ɗon hoolaare maako nde waaway hisnukimo? [15] Misaalu, to goɗɗo tokkuɗo Yeesu gorko koo debbo mo walaa ko ɓornotoo koo ko nyaamata, [16] goɗɗo mooɗon wi'iimo, “Jippa jam! Allah hokkumaa ko ɓornotoɗaa e ko nyaamataa,” ammaa o hokkaayimo kolte koo nyamndu, ɗume ɗum nafi? [17] Non maa hoolaare, to nde walaa kuuɗe kollayɗende, nde wartii waatunde.

Yuhanna 6:47

E mi wi'a'on goonga, koo moye kooliiɗoyam e woodi yonki ki re'ataa.

Yuhanna 11:25-26

[25] Yeesu wi'imo, “Min woni umminayɗo mayɓe, min woni kokkayɗo yonki. Koo moye kooliiɗoyam, koo o maayii, o fuɗɗitay o waɗa yonki. [26] Koo moye gooduɗo yonki kooliiɗoyam, to o maayii o halkataa. A jaɓii ko mbiimi?”

Ibraniŋke'en 6:4-6

[4] Ngam ɗum waɗataako aluɓe jayngol Allah co''ee tuuba kadin, meemuɓe dokkal maako, keɓuɓe Ruuhu maako. [5] Nden ɓe meemii belɗum Wolde Allah ɓe nanii, nden ɓe meemii bawɗe gaɗeteeɗe to Yeesu wartii, ɓe nanii. [6] To ɓe ngaylitanii Allah ɓaawo, ɗum waɗataako ɓe co''ee ɓe tuuba, ngam ko ɓe ngaɗi bo ɓe puɗɗutu fiyanki Ɓiɗɗo Allah kuusaaje dow gaafaangal, e ɓe cemtinamo yeeso yimɓe.

1 Yuhanna 5:13

Mi windan'on ɗu'um, onon kooliiɓe inde Ɓiɗɗo Allah, ngam andon on ngoodi yonki ki re'ataa.

Yuhanna 3:17

Ngam Allah liloyaayi Ɓiɗɗo muuɗum nder duuniyaaru ngam o taƴanandu kiita. Ammaa o liloyiimo ngam o hisna duuniyaaru e laawol maako.

Yuhanna 14:6

Yeesu wi'imo, “Min woni laawol, min woni goonga, min woni yonki. Walaa jahayɗo to Nyaako Mo Dow sey to tokkiiyam.”

Esaaya 64:6

2 Timote 2:10

Ngam maajum mi munyii nder koo ɗume ngam yimɓe ɓe Allah suɓi, ngam kamɓe maa ɓe keɓa kisndam to Yeesu Almasiihu, hawti e mangu tabbitayɗum.

Roma'en 8:29-30

[29] Allah e andiɓe daga arande o suɓiiɓe ko duuniyaaru tagee ngam ɓe ngarta bo Ɓiɗɗo maako, ngam Ɓiɗɗo on warta afo nder bandiraaɓe ɗuɗɓe. [30] Ɓen ɗon ɓe o suɓi, o noddiiɓe, o wartiriiɓe aadili'en, o nattiniiɓe teddungal maako.

Matta 3:11

Min, e mi waɗirana'on baptisma e ndiyam ngam holluki on tuubi. Ammaa ɓurɗoyam mangu e wara gaɗa am. Mi fotaayi mi jogoo paɗe maako. O waɗiranay'on baptisma e Ruuhu Allah e hiite.

Fulfulde Caka Nigeria 2010