Bible Verses On A Topic: God: [God's Grace]

Topics

God: [God's Grace]

[8] On kisii ngam yidde Allah barka hoolaaki Yeesu. Naa' on kisu ngam goɗɗum ɗum ngaɗɗon, ammaa ɗum caahu Allah, [9] naa' ngam kuuɗe mooɗon, ngam to' goɗɗo mawnina hoore muuɗum.

Titus 2:11

Ngam Allah hollii yidde mawnde nde o waɗi laawol kisndam ngam yimɓe fuu.

Roma'en 11:6

To e mo suɓira yimɓe laawol yidde maako, o suɓuɓe naa' ngam kuuɗe boɗɗe ɗe ɓe ngaɗi. Ngam to e mo suɓa yimɓe ngam kuuɗe ɗe ɓe ngaɗi, suɓuki kin naa' ɗum caahu, ɗum njoɓaari yidde maako naa' nde goonga.

Nelaaɓe 15:11

Aa'a! Non no tokkirɗen Yeesu Joomiraawo keɓɗen kisndam barka yidde maako, non kamɓe maa ɓe kisrata.”

Ibraniŋke'en 4:16

Ngam non, en ngaɗu sembe ɓernde ɓaddooɗen jooɗorgal laamu Allah Joomu Yidde, ngam keɓen yurmeende e yidde ballaynde'en e carel ngel ngiɗɗennde.

Nelaaɓe 20:32

“Jooni, mi waɗii'on nder jungo Allah e wolde maako, baawaynde sembiɗinki'on hokka'on ndonu ngu o resani ceniiɓe maako fuu.

Yaakuba 4:6

Ammaa Allah e ɓeyda walluki'en. Kanjum waɗi aayaare wi'i, “Allah wanyii gooduɓe mangu hoore, ammaa e mo walla lesnuɓe ko'e.”

Efesu'en 1:7

Nder faamu maako e andal maako, o hollii'en sirru ko o yiɗi o waɗa barka Almasiihu.

Roma'en 5:1-2

[1] Ngam non, nde Allah wartiri'en aadili'en ngam en koolake Yeesu Almasiihu, en ciryootirii e Allah barka Joomiraawo meeɗen Yeesu Almasiihu. [2] Barka maako keɓuɗen laawol heɓuki ɗu'um caahu Allah ɗum gonɗen nder jooni. Ɗonmaa en mbelmbelta ngam en tabbitinii Allah hollay'en teddungal muuɗum.

Titus 3:7

Too, nde yidde maako wartirii'en ɓe ngalaa hakke yeeso maako, jooni e mo yiɗi ngarten donooɓe yonki ki re'ataa ki ngaɗɗen ɓerɗe en keɓay.

Roma'en 3:20-24

[20] Ngam walaa neɗɗo noddeteeɗo aadiliijo yeeso Allah ngam tokkuki Attawra, ngam ko Attawra waɗata woni ɗum holla neɗɗo hakke muuɗum. [21] Ammaa jooni Allah wurtinii laawol ngol ɗum tokkata ɗum warta aadiliijo yeeso maako. Ɗum heɓataa aadilaaku ɗum ngam tokkuki Attawra. Attawra e annabo'en kokkii ceyda dow maajum. [22] Ɗu'um aadilaaku Allah e ɗum heɓee barka hoolaaki Yeesu Almasiihu. Fuu kooliiɗo Yeesu, Allah wartiraymo aadiliijo, ngam o hollataa feerootirol. [23] Koo moye neɗɗo waɗi hakke woɗɗitake ko Allah yiɗi o waɗa. [24] Ammaa jooni Allah wartirii'en aadili'en. O waɗanii'en non caahu ngam yidde maako barka rimɗinki keɓeteeki laawol Yeesu Almasiihu.

Yuhanna 1:17

Allah hokkii Attawra e laawol Muusa, ammaa e laawol Yeesu Almasiihu o hollii yidde e goonga.

2 Timote 2:1

An, ɓiɗɗo am Timooti, sembuɗu nder barka gonɗum nder sumpootirki e Yeesu Almasiihu.

2 Timote 1:9

Kanko hisni'en, noddi'en ngam ngarten yimɓe maako kuwen kuugal maako. O waɗu non naa' ngam goɗɗum boɗɗum ɗum ngaɗɗen, ammaa non o yiɗiri fii ɗum waɗoroo e yidde nde o holli'en nder Yeesu Almasiihu ko duuniyaaru tagee.

2 Korintu'en 12:9

ammaa e mo wi'ayam, “Yidde am heƴiima, ngam carel ngel ndulluɗaa sembe, sey bawɗe am kewɗe mbanga.” Ngam non, nder belɗum ɓernde mi ɓeyday mantoraaki ciya sembe am, ngam bawɗe Almasiihu njooɗoo nder am.

Roma'en 3:24

Ammaa jooni Allah wartirii'en aadili'en. O waɗanii'en non caahu ngam yidde maako barka rimɗinki keɓeteeki laawol Yeesu Almasiihu.

Nelaaɓe 20:24

Ammaa mi hoccaayi yonki am bono goɗɗum geetum, to ni mi heɓii mi heenyii kuugal ngal Yeesu Joomiraawo hokkiyam, waato wa'ajinki Habaru Belɗum ɗum yidde Allah.

1 Piyer 5:10

Nden gaɗa on njarii torra carel seɗɗa, Allah gooduɗo yidde fuu, nodduɗo'on ngam keɓon geɗal nder teddungal maako tabotoongal barka Almasiihu, kanko e hoore maako o wartiray'on keewuɓe, o joɗɗina'on, o sembiɗina'on bo tafaare.

Efesu'en 2:4-9

[4] Ammaa Allah o kewɗo yurmeende. Yidde nde o yiɗi'en nde mawnde. [5] Koo nde en nandi e mayɓe ngam hakke meeɗen, o hokkii'en yonki nder Almasiihu. Yidde maako waɗi kisuɗen. [6] O ummidinii'en e Yeesu Almasiihu daga mayde, o jooɗidini'en e maako ton dow. [7] Allah waɗii ɗu'um ngam e jaamanuuji garayɗi o holla yidde maako nde walaa keerol ngam ko Yeesu Almasiihu waɗi. [8] On kisii ngam yidde Allah barka hoolaaki Yeesu. Naa' on kisu ngam goɗɗum ɗum ngaɗɗon, ammaa ɗum caahu Allah, [9] naa' ngam kuuɗe mooɗon, ngam to' goɗɗo mawnina hoore muuɗum.

Roma'en 2:8-10

[8] Ammaa yimɓe giɗanɓe ko'e maɓɓe tan ganyuɓe goonga tokki ko wooɗaa, ɓe kawray e monnere Allah e halkere maako. [9] Koo moye gaɗoowo ko halli yaray torra e bone, koo moye, Yahuudanko'en e yimɓe naa' Yahuudanko'en. [10] Ammaa fuu yimɓe gaɗooɓe boɗɗum, Allah waɗay ɓe keɓa teddungal, e mangu, e jam; arande Yahuudanko'en, nden sey yimɓe naa' Yahuudanko'en,

1 Korintu'en 15:10

Ammaa ngam yidde nde Allah holliyam mi wartii ko ngonmi hande, nden yidde nde o holliyam wartaayi meere. Mi ɓurii koo moye lilaaɗo huwuki, koo nde naa' ɗum min huwata, ɗum yidde Allah gondunde e am huwata.

Efesu'en 2:5

Koo nde en nandi e mayɓe ngam hakke meeɗen, o hokkii'en yonki nder Almasiihu. Yidde maako waɗi kisuɗen.

Titus 2:11-12

2 Korintu'en 12:8-9

[8] Nde tati e mi toroo Joomiraawo ittanayamɗum, [9] ammaa e mo wi'ayam, “Yidde am heƴiima, ngam carel ngel ndulluɗaa sembe, sey bawɗe am kewɗe mbanga.” Ngam non, nder belɗum ɓernde mi ɓeyday mantoraaki ciya sembe am, ngam bawɗe Almasiihu njooɗoo nder am.

Yuhanna 1:14

Bi'eteeɗo Wolde on, o wartii neɗɗo, o jooɗii nder meeɗen, o kewɗo yidde e goonga. En ngi'ii teddungal maako, teddungal ɓiɗɗo bajjo ƴiwoyɗo to Nyaako Mo Dow.

Efesu'en 4:7

Ɗum hokkii koo moye meeɗen dokkal non no Almasiihu suɓiri.

2 Piyer 1:2

Allah ɓeyda barkiɗinki'on hokka'on jam laawol andukimo, kanko e Yeesu Joomiraawo meeɗen.

Roma'en 1:7

E mi howna'on on fuu mooɗon gonɓe gariiri Rooma, onon ɓe Allah yiɗi noddi ngam ɓe ngarta yimɓe muuɗum. Allah Nyaako meeɗen e Joomiraawo meeɗen Yeesu Almasiihu barkiɗina'on hokka'on jam.

Roma'en 5:17

Ngam hakke ɗum neɗɗo go'oto waɗi, mayde fuɗɗi laamaaki dow koo moye. Ammaa laamu ɗum, ɗum hewtaayi koo ɗume to ɗum hawtaama e laamu ɗum neɗɗo go'oto waddi, waato Yeesu Almasiihu. Koo moye mo Allah holli yidde mawnde wartiriimo aadiliijo caahu, o heɓay jaalorgal dow hakke barka Almasiihu.

Yuhanna 1:16

Ngam yidde mawnde nde o yiɗi'en, o barkiɗinii'en en fuu, barka dow barka.

Titus 2:11-14

[11] Ngam Allah hollii yidde mawnde nde o waɗi laawol kisndam ngam yimɓe fuu. [12] Yidde nden ekkitinii'en alen jonde nde Allah yiɗaa e suuno fii duuniyaaru, njooɗooɗen nder duuniyaaru en cura ko'e meeɗen, en ngaɗa ko haani, en tokka Allah e ɓernde go'o. [13] En keɗoo nyalnde barkiɗinaande nde kaaɓuɗen, nyalnde nde teddungal Allah meeɗen mawɗo Yeesu Almasiihu Kisnoowo wangata. [14] Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

Roma'en 5:2

Barka maako keɓuɗen laawol heɓuki ɗu'um caahu Allah ɗum gonɗen nder jooni. Ɗonmaa en mbelmbelta ngam en tabbitinii Allah hollay'en teddungal muuɗum.

2 Korintu'en 6:1

Minon, min kuudooɓe e Allah. Ngam maajum e min toroo'on to' on alu caahu Allah ɗum keɓuɗon warta meere.

2 Tessaloniiki'en 1:12

E min ngaɗa do'aare nde'e ngam inde Joomiraawo meeɗen Yeesu mawninee nder mooɗon, kanko boo o mawnina'on barka yidde Allah meeɗen e Yeesu Almasiihu Joomiraawo.

1 Timote 1:13-16

[13] Koo nde ndenno mi metii haalaaji kalluɗi dow maako, mi torrii tokkuɓemo, mi huɗiimo, ammaa Allah yurminaniiyam, ngam e carel ngel, mi andaa ko ngaɗaymi, mi hoolaaki Yeesu Almasiihu. [14] Joomiraawo meeɗen yaafanakeyam hakke caahu, nden o hokkiiyam hoolaare e yidde gonde nder Yeesu Almasiihu. [15] Yeesu Almasiihu warii nder duuniyaaru ngam hisna gaɗooɓe hakke. Haala ka'a ka tabbutuka ka hewtii ɗum jaɓaka. Min boo, mi ɓurii koo moye waɗuki hakke. [16] Ammaa Allah yurminaniiyam ngam Yeesu Almasiihu holliiyam munyal ngal walaa keerol, min ɓurɗo koo moye hakke, ngam ɗum warta misaalu to koo moye tokkayɗomo yeeso ɗo'o ngam heɓa yonki ki re'ataa.

Roma'en 6:23

Ngam njoɓaari hakke ɗum mayde, ammaa caahu Allah woni yonki ki re'ataa keɓeteeki barka sumpootirki e Yeesu Almasiihu Joomiraawo meeɗen.

Roma'en 3:23

Koo moye neɗɗo waɗi hakke woɗɗitake ko Allah yiɗi o waɗa.

2 Korintu'en 9:8

Allah e waawa hokkuki'on koo iri ɗume barka ɓurɗum ko ngiɗɗon, ngam koo ndeye keɓon koo ɗume ko heƴata'on e ko mballirton woɓɓe.

Yaakuba 2:8

On ngaɗii ko wooɗi to on tokkii dooka ɗum Laamu Allah bindaaɗum nder aayaare biinde, “Yiɗu bandiraawo maaɗa no ngiɗirɗaa hoore maaɗa.”

1 Yuhanna 5:3

Ngam yidde Allah woni ngaɗen ko o wi'i ngaɗen. Ko o wi'i ngaɗen boo salortaa'en waɗuki.

2 Piyer 3:9

Woɓɓe e mbi'a Joomiraawo neeɓay ko hebbina alkawal muuɗum. Naa' ɗum non, ammaa munyal o waadata e mooɗon, ngam o yiɗaa koo moye halka, sey ni koo moye ala waɗuki hakke, tuuba.

Nelaaɓe 2:38

Biiturus wi'i, “Koo moye mooɗon tuuba waɗanee baptisma nder inde Yeesu Almasiihu ngam keɓon yaafaneeki hakke mooɗon. Nden Allah hokkay'on Ruuhu muuɗum caahu.

Roma'en 3:27

Ngam non, walaa goɗɗum ɗum goɗɗo mantortoo. Ngam ɗume? Ngam en ngartaayi aadili'en ngam kuuɗe meeɗen, sey ni ngam en koolake Yeesu.

Yaakuba 2:12

Alee meto mooɗon e kuuɗe mooɗon warta bo ɗum yimɓe ɓe ɗum waɗanta kiita dow dooka rimɗinoojum.

Roma'en 7:12

Ngam non, Attawra daga to Allah ɗum ƴiwoyi, non maa dooka daga to Allah ɗum ƴiwoyi, e ɗum wi'a ko haani, e ɗum wooɗi.

Roma'en 1:16

Mi nanataa cemtuɗum wa'ajinki Habaru Belɗum, ngam ɗum bawɗe Allah baawayɗe hisna koo moye kooliiɗomo. Arande ɗum andiniiɗum Yahuudanko'en, nden sey yimɓe naa' Yahuudanko'en.

Fulfulde Caka Nigeria 2010