Bible Verses On A Topic: Good Character: [Abstinence]

Topics

Good Character: [Abstinence]

E mi hula to mi fuɗɗitii mi so''oyake to mooɗon, Allah am semtinayyam yeeso mooɗon, nden ɓernde am naaway, ngam ɗuɗɓe gaɗunooɓe hakke ɓe tuubaayi ɓe ali kuuɗe ɗe ɓe ngaɗata, waato kuuɗe nefniiɗe, e njeenu, e fuu kuuɗe kalluɗe ɗe ɓerɗe maɓɓe ngiɗi.

2 Timote 2:22

Doggu suuno ngo wooɗaa ngo sukaaku, waɗu ko mbaawataa waɗuki tokkaa aadilaaku, e hoolaaki Yeesu, e yidde, e jonde jam, hawti e yimɓe tokkooɓe Joomiraawo e ɓernde lamnde.

Nelaaɓe 15:20

En mbindanɓe ɗerewol to' ɓe nyaama nyamndu harminiindu ndu ɗum hirsani allaaji, to' ɓe ngaɗa njeenu, to' ɓe nyaama ko moylanaa daande koo ko saaɗi koo ƴiiƴam.

Kolossi'en 3:5

Ngam non, cendiree e suunooji duuniyaaru gonɗi nder mooɗon, waato njeenu, e kuuɗe nefniiɗe, e tokkiranki ko ɓandu yiɗi, e suunooji kalluɗi, e yiɗuki ko goɗɗo jeyi. (Ngam yiɗuki ko goɗɗo jeyi ɗum go'o e mawninki gunkiiji).

Efesu'en 5:3

Nde onon on yimɓe Allah, haanaa ɗum inna goɗɗum ngikku kalluɗum nder mooɗon bo njeenu, koo suuno fii ɗum on njeyaayi.

Galaatiya'en 5:19

Ko ɓandu neɗɗo yiɗi waɗuki, e njayri ɗum woni: e woodi waɗuki njeenu, e waɗuki kuuɗe nefniiɗe, e waɗuki ko semtinii,

1 Korintu'en 6:18-19

[18] Ngoɗɗitee waɗuki njeenu! Koo ɗume hakke ɗum neɗɗo waɗata, ɗum meemataa ɓandu maako, ammaa gaɗoowo njeenu e wonna ɓandu muuɗum. [19] On andaa ɓalli mooɗon ɗum wuro to Ruuhu Allah jooɗotoo? Allah hokkii'onɗum ɗum jooɗoo nder mooɗon. Naa' onon njeyi ko'e mooɗon.

1 Korintu'en 7:2

Ammaa nde e woodi njeenu naa' seɗɗa hakkunde yimɓe, e haani koo moye neɗɗo te'a, nden koo moye debbo waɗa teegal.

1 Korintu'en 10:13

Walaa poondol ngol ɗum foondata'on ngol ɗum meeɗaayi foonduki neɗɗo. Allah boo o kebbinoowo alkawal, o alataa ɗum foonda'on poondol ɓurngol sembe mooɗon. Ammaa nder poondol ngol, o waɗanay'on laawol no mburtortooɗon ngam mbaawon munyon nder maggol.

1 Piyer 2:11

Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

Ibraniŋke'en 13:4

Koo moye mawnina teegal, nden to' goɗɗo walda e goɗɗo mo walaa teegal hakkunde maɓɓe. Balduɗo e goɗɗo mo walaa teegal hakkunde maɓɓe, Allah waɗanayɓe kiita.

Yahuuda 1:7

Non maa, yimɓe gariije Sodom e Gomoora e gariije gonɗe haade maaje ɓe nattini ko'e maɓɓe waɗuki kuuɗe nefniiɗe bo luuɗu e njeenu. Ngam non ɓe kalkiraama hiite nge nyifataa haa abadaa ngam ɗum warta misaalu to koo moye.

Matta 5:8

“Ɓe barkiɗinaaɓe ɓe ɓerɗe laɓɗe, ngam ɓe ngi'ay Allah.

Balndi 31:30

Roma'en 12:1

Ngam maajum bandiraaɓe am, ngam yurmeende mawnde nde Allah holli'en, e mi toroo'on, kokkee Allah ko'e mooɗon bo cakkiri ciryaandi ngam kuugal maako, mbelnanayndimo ɓernde. Non woni no haani mawniniron Allah.

Roma'en 13:13

En ngaɗu jonde meeɗen no haani bo yimɓe jooɗotooɓe nder jayngol. To' en njaru yareyareeji pooɗooji jonde meere, to' en ngaɗu njeenu, to' en ngaɗu halleende, to' en kaɓdu e yimɓe koo nanen lawliiru maɓɓe.

1 Tessaloniiki'en 4:3-4

[3] Ngam Allah e yiɗi ngarton ceniiɓe, ngoɗɗitooɗon waɗuki njeenu. [4] Koo moye mooɗon ekkitoo no surirta ɓandu muuɗum nder senaaki e mangu,

Galaatiya'en 5:19-21

[19] Ko ɓandu neɗɗo yiɗi waɗuki, e njayri ɗum woni: e woodi waɗuki njeenu, e waɗuki kuuɗe nefniiɗe, e waɗuki ko semtinii, [20] e mawninki gunkiiji, e huutirki bawɗe ginni, e wanywanytirki, e hawre, e yiɗuki ko jeyaayi, e monnuki, e yidde hoore, e yeddootirki, e wadduki sendirki, [21] e lawliiru, e yiltaaki, e yarki njaru yiltoo haa waɗa ko halli, e waɗuki goɗɗe kuuɗe iri ɗe'e. E mi wi'a'on non no mbiimi'on ndenno, kuwooɓe iri kuuɗe ɗe'e ɓe keɓataa nattuki Laamu Allah.

Laataanooji 39:7-10

Fulfulde Caka Nigeria 2010