Bible Verses On A Topic: Good Character: [Patience]

Topics

Good Character: [Patience]

1 Korintu'en 13:4

Gooduɗo yidde e woodi munyal, e ngikku boɗɗum. O walaa lawliiru, o mantitataako, o walaa mangu hoore.

Filippi'en 4:6

To' on ngannu dow koo ɗume, ammaa nder koo ɗume mbi'ee Allah ko ngiɗɗon nder do'aare e toraaki e yettoore.

Gaazoowo 7:9

Roma'en 12:12

Nanee belɗum ngam kammunde nde gooduɗon, munyee nder torraaji ɗi njaroton, ngaɗee ka waɗuki do'aare koo ndeye.

Efesu'en 4:2

Koo ndeye ngartee gooduɓe hakkiilo, lestinon ko'e mooɗon, ngarton ɓe munyal, munymunytiron nder yidde.

Galaatiya'en 6:9

To' en comu waɗuki ko wooɗi, ngam to carel waɗii en keɓay barka, to en alaayi waɗuki ko wooɗi.

[11] Kadimaa o wi'i, “E woodi goɗɗo neɗɗo gooduɗo ɓiɓɓe ɗiɗo. [12] Pamaro on wi'i nyaako muuɗum, ‘Bappa, hokkam ndonu am.’ Sey nyaako on sendaniɓe jawdi muuɗum. [13] Gaɗa balɗe seɗɗa, pamaro on hawti ko woodi fuu, o yahi leydi ngoɗɗundi, ton o lallini jawdi maako nder jonde meere. [14] Gaɗa o lallinii jawdi ndin fuu, ɗum waɗi weelo kallungo nder leydi ndin, o warti mo walaa koo ɗume. [15] Ngam non o yahi o huwana goɗɗo neɗɗo leydi ndin, neɗɗo on yaarimo to aladeeji maako hokkimo kuugal nyamnukiɗi. [16] Kayeejo on e yiɗunoo to o heɓayno o nyaama nyamndu aladeeji, ammaa walaa kokkuɗomo goɗɗum. [17] Nde hakkiilo maako warti, o wi'i nder ɓernde maako, ‘Kuwanooɓe nyaako am e ngoodi nyamndu keƴaynduɓe haa ndu horoo, ammaa min boo e mi ɗo'o weelo ɓadake warkiyam. [18] Mi so''oto to nyaako am, mi wi'amo, “Bappa, mi waɗii hakke yeeso Allah e yeeso maaɗa. [19] Mi hewtaayi ɗum noddayam ɓiɗɗo maaɗa, e mi toromaa alam mi warta go'oto nder kuwanooɓema.” ’ [20] Sey o ummii o so''ii to nyaako maako. “Ko o yottoo wuro ngon, nyaako maako yi'imo yurminanimo, doggi wuundoyiimo jaɓɓiimo boɗɗum. [21] Ɓiɗɗo on wi'imo, ‘Bappa, mi waɗii hakke yeeso Allah e yeeso maaɗa, jooni mi hewtaayi ɗum noddayam ɓiɗɗo maaɗa.’ [22] Ammaa nyaako on wi'i maccuɓe muuɗum, ‘Njawnee ngaddon limce ɓurɗe wooɗuki, ɓornonmo. Ngaɗaneemo jabbaare e hoondu maako e paɗe e koyɗe maako. [23] Ngaddee ngaari payndi, kirsonndi, nyaamen nanen belɗum, [24] ngam ɓiɗɗo am o'o, o maayiino, ammaa o ummake, o majjiino, ammaa o heɓtaama!’ Sey ɓe puɗɗi nyaamuki, e ɓe nana belɗum.

Jabuura 37:7-9

Roma'en 8:24-30

[24] Daga carel ko ɗum hisni'en ngooduɗen kammunde nde'e. Ammaa to en ngi'a ko kammiiɗen, naa' ɗum kammunde won ɗon. Moye waɗata kammunde dow ko yaadi heɓi? [25] Ammaa to en ngaɗa kammunde dow goɗɗum ɗum en ngi'ataa, en keɗoɗum nder munyal. [26] Non maa, Ruuhu Allah e walla'en to tampuɗen. Ngam en andaa no haani ngaɗiren do'aare, ammaa Ruuhu Allah e hoore maajum e toroo Allah ngam meeɗen carel ngel ndulluɗen ko mbi'eten en otta. [27] Nden Allah anduɗo ko woni nder ɓerɗe meeɗen, e mo andi ko Ruuhu yiɗi, ngam Ruuhu e toroo Allah ngam yimɓe maako non no o yiɗiri. [28] En andi nder koo ɗume Allah e huwa ngam ɓeydaari yimɓe giɗɓemo, ɓe o suɓi non no o yiɗiri. [29] Allah e andiɓe daga arande o suɓiiɓe ko duuniyaaru tagee ngam ɓe ngarta bo Ɓiɗɗo maako, ngam Ɓiɗɗo on warta afo nder bandiraaɓe ɗuɗɓe. [30] Ɓen ɗon ɓe o suɓi, o noddiiɓe, o wartiriiɓe aadili'en, o nattiniiɓe teddungal maako.

2 Tessaloniiki'en 1:4-5

[4] Kanjum waɗi minon e ko'e amin e min mantoroo'on nder kawte tokkuɓe Allah. E min ɗiiwitanaɓe no munyirɗon e hoolaare mooɗon nder fuu torraaji e caɗeele ɗe njaroton. [5] Fuu ɗu'um tabbitinii kiita Allah e woodi goonga, ngam maajum ɗum wartiray'on kewtuɓe jooɗaaki nder laamu maako, ngam dow maajum njaroton torra.

Ibraniŋke'en 11:13-16

[13] Yimɓe ɓe'e fuu maayii e koolii Allah. Ɓe keɓaayi alkawal ngal, ammaa ɓe kaynakengal ɓe nanii belɗum maagal. Ɓe mbi'ii e njayri ɓe hoɓɓe ɓe garɓe nder duuniyaaru ndu'u. [14] Fuu biiɓe non, ɓe kollii e ɓe ɗaɓɓita leydi ndi ko'e maɓɓe. [15] Daa ɗum wi'a ɓe ngaɗii ka nyumuki dow leydi ndi ɓe aloyi, daa ɓe keɓii laawol so''aaki. [16] Ammaa ɓe ngaɗii ɓerɗe maɓɓe dow leydi ɓurndi wooɗuki, waato ndi ton dow. Ngam non, naa' ɗum cemtiniiɗum to Allah ɗum noddamo Allah maɓɓe, ngam o siryanakeɓe gariiri.

[2] Barka maako keɓuɗen laawol heɓuki ɗu'um caahu Allah ɗum gonɗen nder jooni. Ɗonmaa en mbelmbelta ngam en tabbitinii Allah hollay'en teddungal muuɗum. [3] Naa' non tan, haa maa en mbelmbelta nder torraaji ɗi njareten, ngam en andi yaruki torraaji e wadda munyal. [4] To en munyii nder torra, en keɓay ngikku ɗum Allah yiɗi, to o yiɗii ngikku meeɗen, non waɗay ngaɗen kammunde.

Wahayu Yuhanna 6:9-11

[9] Nde Karoori ndin takkiti haatimiire njowaɓre nden, mi yi'ii yonkiiji ɓe ɗum wari ngam ɓe nga'ajinii Wolde Allah e goonga. E ɓe ley to ɗum wulata urde. [10] Sey ɓe ƴefti hononde sembee ɓe mbi'i, “Yaa Joomiraawo Joomu koo ɗume, ceniiɗo, gooduɗo goonga, naa ndeye ngaɗantaa duuniyaaru kiita ngaatanoɗaamin ngam warki ki ɓe mbarimin?” [11] Sey ɗum hokki koo moye maɓɓe limcere raneere, ɗum wi'iɓe ɓe ciwtoo seɗɗa, naa ɗum hebbitii waruki horiiɓe nder higooɓe kuugal maɓɓe tokkuɓe Yeesu, ɓe ɗum warata non no ɗum wardiɓe.

Fulfulde Caka Nigeria 2010