Bible Verses On A Topic: Life: [Discernment]

Topics

Life: [Discernment]

Neɗɗo mo walaa Ruuhu Allah, o jaɓataa ko ƴiwoyi to Ruuhu Allah, ngam to maako ɗum haaŋoore. O waawataa o faamaɗum ngam o walaa Ruuhu Allah.

1 Korintu'en 12:10

goɗɗo kadin dokkal waɗuki fii kayɗiniiɗum, goɗɗo waɗuki annabaaku, goɗɗo boo mbawka feerootirki hakkunde Ruuhu Allah e ginni, goɗɗo boo mbawka waɗirki do'aare ɗemɗe ɗe ɓe andaa, goɗɗo boo mbawka hokkuki ma'ana ɗemɗe ɗen.

1 Korintu'en 14:29-33

[29] Gaɗooɓe annabaaku maa, to' ɓe ɓura ɗiɗo koo tato. E haani ɓe meta go'o‑go'o, nden kettindaniiɓeɓe poonda ko ɓe mbi'ata e hakkiilo. [30] To e woodi ko Allah wanginani goɗɗo nder kettindantooɓe ɓen, sey metoowo arandeejo on de''ita. [31] On fuu on mbaaway ngaɗon annabaaku go'oto‑go'oto ngam koo moye ekkitoo heɓa ko sembiɗintamo. [32] Gaɗooɓe annabaaku e haani ɓe mbaawana ko'e maɓɓe. [33] Ngam Allah naa' o Allah gaddoowo jiiɓaare, ammaa o gaddoowo jam. To tokkuɓe Yeesu kawritii nder kawtal maɓɓe,

1 Yuhanna 2:27

Ammaa onon, Almasiihu hokkii'on Ruuhu Allah, jooɗiiɗum nder ɓerɗe mooɗon. Naa' naa goɗɗo ekkitinoowo feere ekkitinii'on, ngam Ruuhu ɗum e ekkitina'on koo ɗume. Nden ko ɗum ekkitinta ɗum goonga, naa' ɗum fewre. Ngaɗee ka sumpootirki e Yeesu non no Ruuhu Allah ekkitiniri'on.

1 Yuhanna 4:1

Onon ɓe ngiɗumi, naa' koo moye biiɗo e woodi Ruuhu Allah koolotooɗon. Ammaa poondeeɓe ngi'on koo Ruuhu Allah e nder maɓɓe koo walaa nder maɓɓe, ngam annabo'en fewre ɗuɗɓe cankitake koo toye nder duuniyaaru.

1 Laamiiɓe 3:9

1 Samuyila 16:7

1 Tessaloniiki'en 5:21

ammaa poondee koo ɗume, njogooɗon ko wooɗi.

1 Timote 4:1

Ruuhu Allah tabbitinii wi'uki e balɗe re'uki duuniyaaru woɓɓe yimɓe alay hoolaaki Yeesu, ɓe tokka ekkitinooɓe fewre keɓuɓe andal mu''en to ginni.

Kolossi'en 2:8

To' on alu goɗɗo huutira faamu duuniyaaru ndu'u waɗa'on alon laawol goonga. Iri ɗu'um faamu walaa ko ɗum nafi ɗum majjinay'on. Naa' to Almasiihu ɗum ƴiwoyi, daga to yimɓe ɗum ƴiwoyi e ginni gooduɗi bawɗe nder duuniyaaru.

Ibraniŋke'en 4:12

Wolde Allah e woodi yonki e nde huwa, nde ɓurii koo kiye kaafahi welki. E nde taƴa haa nde senda yonki e ɓernde, nde senda jokkooɗe e mborɓoondi. E nde senda suunooji e nyumooji ɓernde boɗɗi e ɗi mbooɗaa.

Ibraniŋke'en 5:14

Ammaa nyamndu cembindu boo, ɗum ndu mawnuɓe. Kamɓe ngoni huutirɓe hakkiilo maɓɓe koo ndeye haa e ɓe mbaawi feerootirki hakkunde ko wooɗi e ko wooɗaa.

Hose'a 14:9

Yaakuba 1:5

To goɗɗo nder mooɗon dullii faamu, sey o toroo Allah kokkoowo koo moye ɓernde go'o metitataako, o hokkaymo.

Yuhanna 7:24

To' on ngaɗan yimɓe kiita dow ko gite ngi'ata tan, ammaa ngaɗee kiita goonga.”

Matta 10:16

“Raɗɗum, e mi lila'on bono mbaaloy caka caafaali. Ngam non, paamanee ko'e mooɗon no boole ngaɗata, ɗonmaa ngartee ɓe kallaa bo pooli.

Matta 24:24

Ngam Almasiihu'en fewre e annabo'en fewre mburtoyto, ɓe ngaɗa alaamaaji mawɗi e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

To' on njaɓu nyumo mooɗon warta iri ngo yimɓe ɓe tokkaayi Yeesu, ammaa alee Allah mo''ina jonde mooɗon e nyumol mooɗon, ngam paamon ko o yiɗi ngaɗon, waato ko wooɗi, e ko welnantamo ɓernde, e no njooɗortooɗon jonde kewnde.

Nelaaɓe 17:10-11

[10] Nde jemma waɗi, tokkuɓe Yeesu ngaɗi Bulus e Siila njaha gariiri Biiriya. Nde ɓe njottii gariiri ndin, ɓe njahi suudu do'aare Yahuudanko'en. [11] Yimɓe gariiri Biiriya ɓurii yimɓe Tasaloonika ngikku boɗɗum ngam ɓe njaɓii habaru ɗum Bulus waddaniɓe e juuɗe ɗiɗi. E ɓe lincita Deftere Ceniinde koo ndeye nyalnde, ngam ɓe ngi'a koo ko Bulus ekkitintaɓe ɗum goonga.

Filippi'en 1:9-10

[9] Do'aare am woni yidde mooɗon waɗa ka ɓeydaaki hawti e andal e fuu feerootirki hakkunde goonga e fewre, [10] ngam mbaawon suɓuki ko ɓuri wooɗuki, ngarton ɓe ɓerɗe laɓɗe, ngarton ɓe ngalaa ko ɗum huɗirta'on haa yaaki nyalnde gartol Yeesu Almasiihu,

1 Timote 6:3-5

[3] Fuu ekkitinɗo ekkitinol feere caliingol tokka boliiɗe goonga ɗe Yeesu Almasiihu Joomiraawo meeɗen, ɗonmaa o wanyi ekkitinol kollungol no tokkirten Allah, [4] o kewɗo mangu hoore, walaa ko o andi. O giɗɗo geddi e foɗfoɗtirki dow boliiɗe. Foɗfoɗtirki kin e wadda lawliiru, e yeddootirki, e huɗhuɗtirki, e nyumooji kalluɗi dow yimɓe. [5] O giɗɗo yeddootirki ki re'ataa e yimɓe ɓe nyumo baatungo, ɓe ngalaa goonga, nyumooɓe tokkol Allah ɗum ɗatal heɓuki ceede.

2 Korintu'en 11:13-15

[13] Iri ɓen ɗon yimɓe ɓe lilaaɓe fewre, ɓe kuutirooɓe fewre, e ɓe ngartira ko'e maɓɓe bo ɓe lilaaɓe Almasiihu. [14] Naa' ɗum kayɗiniiɗum! Koo Ceyɗan e wartira hoore muuɗum bo malaa'ikaajo gooduɗo jayngol. [15] Ngam non, naa' ɗum kayɗiniiɗum to maccuɓe maako ngartirii ko'e maɓɓe bo kuwooɓe kuuɗe aadilaaku. E re'irde maɓɓe ɓe keɓay ko fottidi e kuuɗe maɓɓe.

Balndi 2:1-5

Balndi 3:1-6

Fulfulde Caka Nigeria 2010