Bible Verses On A Topic: Life: [Guilt]

Topics

Life: [Guilt]

Ngam non en njahu haade Allah e ɓernde go'o, e hoolaare tabbutunde, e ɓerɗe meeɗen laaɓinaaɗe daga nyumo kallungo, e ɓalli lootiraaɗi ndiyam laɓɗam.

Yaakuba 2:10

Ngam fuu tokkuɗo dookaaji ɗi fuu, ammaa o yewi go'o, too, o yewiiɗi ɗi fuu.

Ibraniŋke'en 10:2

Daa e ki waawi wartirkiɓe keewuɓe, daa ɓe alaayi sakkanki Allah? Daa mawninooɓe Allah ɓen laaɓinaama daga hakke maɓɓe fuu, daa ɓerɗe maɓɓe ngannataaɓe mbi'aɓe ɓe ngaɗii hakke.

Ammaa to en mbi'ii Allah hakke ɗum ngaɗuɗen, o yaafanto'en hakke meeɗen, o loota'en daga ko wooɗaa ɗum ngaɗuɗen, ngam kanko o kebbinoowo alkawal, e mo woodi aadilaaku.

Roma'en 8:1

Ngam non, jooni ɗum taƴantaa ɓen ɗon cumpootirooɓe e Yeesu Almasiihu kiita halkere.

Ibraniŋke'en 9:14

Hakko ƴiiƴam Almasiihu ɗam waɗay ko ɓuri non. Barka Ruuhu Allah gonɗum haa abadaa, o hokkii hoore maako o wartii cakkiri ndi walaa goɗɗum ko haanaa. Ƴiiƴam maako boo laaɓinay ɓerɗe meeɗen daga kuuɗe jaarayɗe mayde, ngam kuwanen Allah mo yonki.

Jabuura 103:12

2 Korintu'en 5:17

Ngam non, fuu gartuɗo mo Almasiihu o wartii neɗɗo keso. Koo ɗume ɗum ndenno ƴaɓɓake, koo ɗume wartii kesum.

Roma'en 3:21-23

[21] Ammaa jooni Allah wurtinii laawol ngol ɗum tokkata ɗum warta aadiliijo yeeso maako. Ɗum heɓataa aadilaaku ɗum ngam tokkuki Attawra. Attawra e annabo'en kokkii ceyda dow maajum. [22] Ɗu'um aadilaaku Allah e ɗum heɓee barka hoolaaki Yeesu Almasiihu. Fuu kooliiɗo Yeesu, Allah wartiraymo aadiliijo, ngam o hollataa feerootirol. [23] Koo moye neɗɗo waɗi hakke woɗɗitake ko Allah yiɗi o waɗa.

2 Korintu'en 5:21

Almasiihu meeɗaayi waɗuki hakke, ammaa Allah yowii fuu hakkeeji meeɗen dow maako, ngam laawol maako ngarten aadili'en yeeso Allah.

Mika 7:19

1 Yuhanna 3:19-20

[19] To en ngiɗindirii non, en andi en ngoodi goonga won ɗon. Nden en mbaaway daraaki yeeso Allah e ɓernde go'o, [20] koo to ɓerɗe meeɗen kollii'en en ngaɗii ko wooɗaa. Ngam Allah ɓurii ɓerɗe meeɗen, e mo andi koo ɗume.

Roma'en 6:23

Ngam njoɓaari hakke ɗum mayde, ammaa caahu Allah woni yonki ki re'ataa keɓeteeki barka sumpootirki e Yeesu Almasiihu Joomiraawo meeɗen.

Esaaya 43:25

Wahayu Yuhanna 12:10

Sey nanmi wonde hononde cembinde daga dow e wi'a, “Jooni kisndam, e laamu, e bawɗe Allah meeɗen, e laamu Almasiihu maako warii. Ngam on ɗon gullotooɗo bandiraaɓe meeɗen yeeso Allah jemma e nyalawma riiwaama daga dow.

2 Korintu'en 7:10

Ngam ciya nanki belɗum iri ki Allah yiɗi e waɗa neɗɗo tuuba heɓa kisndam. Ki waɗataa o wi'a, “Daa e mi andunoo,” ammaa ciya nanki belɗum iri ki duuniyaaru e fooɗa mayde.

Ibraniŋke'en 4:16

Ngam non, en ngaɗu sembe ɓernde ɓaddooɗen jooɗorgal laamu Allah Joomu Yidde, ngam keɓen yurmeende e yidde ballaynde'en e carel ngel ngiɗɗennde.

Roma'en 8:31-39

[31] Ɗume mbi'eten dow fii ɗu'um? To Allah e wondi e meeɗen, moye waawata heɓa jaalorgal dow meeɗen? [32] Allah haɗaayi Ɓiɗɗo muuɗum yarki torra, ammaa o hokkiimo ngam o sakkee ngam meeɗen en fuu. Nde o waɗii non, o hokkataa'en koo ɗume caahu? [33] Moye waawata wullaaki yimɓe ɓe Allah suɓi? Ɗum Allah e hoore muuɗum wartiriɓe aadili'en. [34] Moye waawata taƴankiɓe kiita? Walaa! Yeesu Almasiihu maayii, ko ɓuri woni o umminaama daga mayde, e mo ton jooɗii to jungo nyaamo ngo Allah, kadin e mo toroo Allah ngam meeɗen. [35] Ɗume waawata senda'en e yidde nde Almasiihu yiɗi'en? Ɗum torra kalluka, koo bone, koo halleende yimɓe, koo weelo, koo ciya kolte, koo nganyaandi yimɓe, koo mayde? [36] Non no ɗum windiraa, “Ngam maaɗa koo ndeye nyalnde e ɗum ɗaɓɓita warkimin; ɗum hocciimin bo baali ɗi ɗum hirsata.” [37] Naa' non, nder fuu fii ɗu'um en keɓii jaalorgal barka Almasiihu giɗɗo'en. [38] Ngam mi tabbitinii walaa ko waawata haɗa Almasiihu yiɗuki'en, koo mayde, koo yonki, koo malaa'ika'en, koo ko laamotoo dow, koo jaamanu ɗu'um, koo jaamanu garayɗum, koo bawɗe, [39] koo ko woni e dow, koo ko woni e ley, walaa goɗɗum nder fuu ko tagaa baawayɗum haɗa Allah yiɗuki'en yidde nde o hollata'en barka Yeesu Almasiihu Joomiraawo meeɗen.

Roma'en 3:26

O waɗu non ngam e carel ngel o holla kanko e hoore maako o aadiliijo, nden e mo waɗa koo moye kooliiɗo Yeesu warta aadiliijo.

Roma'en 14:23

Ammaa neɗɗo gooduɗo seko dow ko nyaamata, to o nyaamiiɗum, Allah hoccay ko o waɗi ɗum wooɗaa, ngam o tabbitinaayi ko o waɗi ɗum boɗɗum. Koo ɗume ko neɗɗo waɗi, to o tabbitinaayi ɗum boɗɗum yeeso Allah, too, o waɗii hakke.

Yuhanna 3:17

Ngam Allah liloyaayi Ɓiɗɗo muuɗum nder duuniyaaru ngam o taƴanandu kiita. Ammaa o liloyiimo ngam o hisna duuniyaaru e laawol maako.

Balndi 16:4

Nelaaɓe 3:19

Ngam non, tuubee, co''ooɗon to Joomiraawo ngam o yaafanoo'on hakke mooɗon, o sembiɗina'on nder tokkukimo,

1 Yuhanna 2:1

Onon ɓiɓɓe am, e mi windana'on ɗu'um ngam to' ngaɗon hakke. Ammaa to goɗɗo waɗii hakke, en ngoodi torotooɗo Nyaako Mo Dow ngam meeɗen. Kanko woni Yeesu Almasiihu aadiliijo.

Laataanooji 20:6-16

Esaaya 53:10

Luka 15:18-19

[18] Mi so''oto to nyaako am, mi wi'amo, “Bappa, mi waɗii hakke yeeso Allah e yeeso maaɗa. [19] Mi hewtaayi ɗum noddayam ɓiɗɗo maaɗa, e mi toromaa alam mi warta go'oto nder kuwanooɓema.” ’

Matta 18:21-35

[21] Sey Biiturus ɓaddoyii wi'i Yeesu, “Moodibbo, nde noye bandiraawo am e waɗanayam ko wooɗaa e mi yaafanoomo? Nde joweeɗiɗi?” [22] Yeesu nootii wi'imo, “Naa' nde joweeɗiɗi tan, ammaa joweeɗiɗi nde cappanɗe joweeɗiɗi. [23] Ngam non, ɗum nandinay Laamu Allah e goɗɗo laamiiɗo giɗɗo lima jawdi muuɗum ngondi jungo kuwanooɓemo. [24] Nde o fuɗɗi limukindi, sey ɗum waddanimo goɗɗo mo o tokkata nyamaande ceede ɗe o waawataa yoɓuki haa keerol jonde maako e duuniyaaru. [25] Nde o tampi yoɓuki, sey laamiiɗo on waɗi ɗum sooramo e debbo maako e ɓiɓɓe maako e koo ɗume ko o woodi ngam ɗum yoɓa ceede ɗen. [26] Sey maccuɗo on diccii yeeso maako, toriimo, wi'i, ‘Waɗu munyal. Mi yoɓete koo ɗume.’ [27] Sey laamiiɗo on nani jurumɗum maccuɗo on yaafaniimo nyamaande nden yoofimo. [28] “Ammaa maccuɗo on e wurtaaki maako o tawi goɗɗo mo o huudata mo o tokkata nyamaande ceede ɗe ɗum yoɓata kuwoowo to ngesa lebbi jowi. O ɗeɗɗanimo daande, o wi'imo, ‘Yoɓam ko tokkaymaami!’ [29] Sey mo o huudata on dicci toriimo, wi'i, ‘Waɗanam munyal mi yoɓete.’ [30] Ammaa o wanyi, o waɗi ɗum maɓɓimo nder suudu cural sey nde o yoɓimo ko o tokkatamo. [31] Nde higooɓe kuugal maako ngi'i non, ɓe nganni naa' seɗɗa. Sey ɓe njahi ɓe mbi'ika laamiiɗo on fuu ko waɗi. [32] “Sey laamiiɗo on noddi maccuɗo on, wi'imo, ‘An a maccuɗo kalluɗo! Mi yaafanakema fuu nyamaande nde tokkaymaami ngam a torakeyam. [33] Too, haanaayi njurminanaa mo kuudataa non no njurminiranmaami?’ [34] Laamiiɗo on nani monnere naa' seɗɗa, o waɗi ɗum nangimo ɗum waɗa ka torrukimo naa o yoɓii koo ɗume ko ɗum tokkatamo. [35] “Non Nyaako am Mo Dow waɗanta koo moye mooɗon mo yaafanaaki bandiraawo muuɗum e ɓernde go'o.”

Fulfulde Caka Nigeria 2010