Bible Verses On A Topic: Life: [Infertility]

Topics

Life: [Infertility]

Ngam Ibraahim e hoolii Allah waɗi o heɓi ɓiɗɗo, koo nde o nawyi. Saaratu debbo maako boo danyataa. O heɓii ɓiɗɗo on ngam o hoolake Allah hebbinay alkawal muuɗum.

1 Korintu'en 3:16

On andaa ɓalli mooɗon ɗum wuro to Allah jooɗotoo, nden Ruuhu Allah e jooɗoo nder ɓerɗe mooɗon?

Yaakuba 1:17

Koo ngale dokkal bongal e koo ɗume caahu jamum fuu daga to Allah Nyaako Mo Dow ɗum ƴiwoyta, taguɗo naange e lewru e koode. Kanko o waylitataako, o nandaa e ɗowdi goosotoondi.

Yuhanna 16:33

Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

Ngam non e mi wi'a'on, fuu ko toriiɗon nder do'aare, koolee on keɓiiɗum, nden ɗum wartay ɗum mooɗon.

Filippi'en 4:13

Mi waaway waɗuki koo ɗume barka on ɗon cembiɗinɗoyam.

Roma'en 12:12

Nanee belɗum ngam kammunde nde gooduɗon, munyee nder torraaji ɗi njaroton, ngaɗee ka waɗuki do'aare koo ndeye.

Luka 1:36-37

[36] Raa, Alisabatu bandiraawo maaɗa heɓii reedu nder nayewu muuɗum, o danyay ɓiɗɗo gorko. Kanko mo yimɓe mbi'ata o danyataa, jooni e mo woodi reedu ndu lebbi joweego'o. [37] Ngam walaa ko salorta Allah.”

Roma'en 5:3-5

[3] Naa' non tan, haa maa en mbelmbelta nder torraaji ɗi njareten, ngam en andi yaruki torraaji e wadda munyal. [4] To en munyii nder torra, en keɓay ngikku ɗum Allah yiɗi, to o yiɗii ngikku meeɗen, non waɗay ngaɗen kammunde. [5] Kammunde nden semtintaa'en, ngam Allah holli'en e mo yiɗi'en nder ɓerɗe meeɗen barka Ruuhu maako, ɗum o hokki'en.

Luka 1:13-21

[13] Ammaa malaa'ikaajo on wi'imo, “Taa' hulu Jakaariya, Joomiraawo nanii do'aare maaɗa. Debbo maaɗa Alisabatu danyante ɓiɗɗo gorko, nden a hokkaymo inde Yahaya. [14] Ɓiɗɗo on waɗete nanaa belɗum ɗuɗɗum, ɗuɗɓe maa nanay belɗum ngam danyeeki maako, [15] ngam o wartay mawɗo yeeso Joomiraawo. O yarataa ndiyam inabojam koo njaru gaylitayngu hoore, nden o heeway Ruuhu Allah daga e mo nder reedu maduujo maako. [16] O wartiray ɓiɓɓe Israa'iila ɗuɗɓe to Allah Joomiraawo maɓɓe. [17] O artay Almasiihu warki nder bawɗe Ruuhu Allah ɗe Annabi Iliya heɓunoo, o siryootiray danyooɓe e ɓiɓɓe maɓɓe. O waylitay caliiɓe ɗatal Joomiraawo to ɗatal gooduɓe goonga. O waɗay yimɓe ciryoo ngam garol Joomiraawo.” [18] Jakaariya ƴami malaa'ikaajo on wi'i, “Noye andiraymi ko mbiiɗaa ɗum goonga? Min, mi nawyii, debbo am boo duuɓi muuɗum ɗuuɗii.” [19] Malaa'ikaajo on wi'imo, “Min woni Jibiriilu darotooɗo yeeso Allah, mi liloyaa to maaɗa ngam mi hokkumaa Habaru Belɗum ɗu'um. [20] Ammaa jooni a waawataa metuki naa nyalnde nde fii ɗu'um waɗi, ngam a jaɓaayi haala am tabbitayka to carel maaka warii.” [21] E carel ngel yimɓe e keɗii Jakaariya yaasi, ɓe kayɗinii ko waɗi o neeɓiri non nder Suudu Joomiraawo.

Jabuura 112:1-10

Esaaya 54:1-17

1 Samuyila 1:1-28

Fulfulde Caka Nigeria 2010