Bible Verses On A Topic: Life: [Verse For Men]

Topics

Life: [Verse For Men]

Ngam non, bandiraaɓe am ɓe ngiɗumi, ndaree boɗɗum, to' goɗɗum dimba'on. Koo ndeye ngaɗee ko mbaawoton waɗuki kuwon kuugal Joomiraawo, ngam on andi kuugal ngal kuwantonmo naa' e meere ngal woni.

1 Korintu'en 16:13

Njooɗee on paama, ndaree boɗɗum dow hoolaare mooɗon, ngaɗon ngorgu, cembiɗee.

1 Piyer 5:5

Onon sukaaɓe, ngaɗee ko mawɓe kawtal tokkuɓe Yeesu gonɓe nder mooɗon mbi'i. On fuu ngartee leynooɓe ko'e, mballindiree hakkunde mooɗon. Ngam aayaare wi'ii, “Allah wanyii gooduɓe mangu hoore, ammaa e mo walla lesnuɓe ko'e.”

1 Timote 4:8

Koo nde ekkitinki ɓandu nafante seɗɗa, tokkuki Allah nafante keerol walaa. Ngam taa waɗii non, ɗum nafante jooni, nden ɗum nafante nder yonki ki keɓataa gaɗa mayde.

1 Timote 4:12

Taa' jaɓu koo moye yawana sukaaku maaɗa, ammaa wartu misaalu to tokkuɓe Yeesu nder meto maaɗa, e ngikku maaɗa, e yidde maaɗa, e hoolaare maaɗa, e jonde maaɗa lamnde.

2 Korintu'en 4:16

Ngam non, min ittataa kammunde. Koo nde ɓalli amin e ɓeyda tampuki, fuu e non ɓerɗe amin e cembiɗinee koo ndeye.

Tooktaaki 8:3

Galaatiya'en 1:10

Too, jooni yidde yimɓe ɗaɓɓitaymi, koo yidde Allah? Koo boo e mi ɗaɓɓita welnanki yimɓe ɓerɗe? Naa' non! Daa haa jooni yimɓe ɗaɓɓitaymi welnanki ɓerɗe, daa mi wartaayi maccuɗo Almasiihu.

Ibraniŋke'en 4:12

Wolde Allah e woodi yonki e nde huwa, nde ɓurii koo kiye kaafahi welki. E nde taƴa haa nde senda yonki e ɓernde, nde senda jokkooɗe e mborɓoondi. E nde senda suunooji e nyumooji ɓernde boɗɗi e ɗi mbooɗaa.

Yaakuba 5:16

Ngam non, mbi'indiree hakke ɗum ngaɗɗon, nden ngaɗindiree do'aare ngam ɗum yamɗitina'on. Do'aare aadiliijo e nde woodi bawɗe e nde huwa.

Yosuwa 1:9

Luka 10:27

O nootii, o wi'i, “ ‘Yiɗu Joomiraawo Allah maaɗa e ɓernde maaɗa fuu, e yonki maaɗa fuu, e sembe maaɗa fuu, e hakkiilo maaɗa fuu,’ nden, ‘Yiɗu bandiraawo maaɗa no ngiɗirɗaa hoore maaɗa.’ ”

1 Korintu'en 10:12-13

[12] Ngam non, taa nyuma a darii boɗɗum, waɗu hakkiilo to' njanaa. [13] Walaa poondol ngol ɗum foondata'on ngol ɗum meeɗaayi foonduki neɗɗo. Allah boo o kebbinoowo alkawal, o alataa ɗum foonda'on poondol ɓurngol sembe mooɗon. Ammaa nder poondol ngol, o waɗanay'on laawol no mburtortooɗon ngam mbaawon munyon nder maggol.

Matta 6:19-20

[19] “To' on ndesan ko'e mooɗon jawdi e duuniyaaru to mooƴu wonnatandi, koo ndi nyola, koo to wuyɓe pusata natta ngujjandi. [20] Ammaa ndesanee ko'e mooɗon jawdi ton dow to mooƴu wonnataandi, koo ndi nyola, to wuyɓe mbaawataa pusa natta ngujjandi.

Roma'en 12:1-2

[1] Ngam maajum bandiraaɓe am, ngam yurmeende mawnde nde Allah holli'en, e mi toroo'on, kokkee Allah ko'e mooɗon bo cakkiri ciryaandi ngam kuugal maako, mbelnanayndimo ɓernde. Non woni no haani mawniniron Allah. [2] To' on njaɓu nyumo mooɗon warta iri ngo yimɓe ɓe tokkaayi Yeesu, ammaa alee Allah mo''ina jonde mooɗon e nyumol mooɗon, ngam paamon ko o yiɗi ngaɗon, waato ko wooɗi, e ko welnantamo ɓernde, e no njooɗortooɗon jonde kewnde.

Ibraniŋke'en 10:24-25

[24] En ngaɗu hakkiilo meeɗen dow no mballindirten ngam kollen yidde e waɗuki kuuɗe boɗɗe. [25] To' en alu hawrutuki no woɓɓe mboowi waɗuki. Ammaa en cembiɗindir, en ɓeydu waɗuki non nde on andi nyalnde nde Yeesu wartoyta e ɓaddoyoo.

Yaakuba 1:19-20

[19] Onon bandiraaɓe am ɓe ngiɗumi, andee ɗu'um: koo moye yaawa nanuki, ammaa to' yaawa metuki, to' yaawa monnuki. [20] Ngam monnere neɗɗo waddataa jonde aadilaaku nde Allah yiɗi.

2 Timote 3:16-17

[16] Fuu aayaaje gonɗe nder Deftere Ceniinde ɗum foofaango Allah. Ɗum huutirayɗe ngam ekkitinki, e wagginki, e holluki yimɓe goonga to ɓe mboofii, e ekkitinki ko Allah yiɗi. [17] Ɗe mballay kuwanoowo Allah warta kuwoowo boɗɗo ciryiiɗo ngam huwuki koo iri ngale kuugal bongal.

1 Timote 6:11-12

[11] Ammaa an, nde a hoolake Allah, woɗɗita fuu fii ɗu'um. Waɗu hoore maaɗa dow waɗuki ko wooɗi, e tokkuki Allah, e hoolaakimo, e yidde, e munyal, e hakkiilo. [12] Waɗu keerol ko mbaawataa waɗuki nder hoolaaki Yeesu Almasiihu. Keɓanaa hoore maaɗa yonki ki re'ataa, ngam kanjum waɗi ɗum noddumaa carel ko njaɓuɗaa Yeesu yeeso yimɓe ɗuɗɓe.

1 Piyer 5:8-9

[8] Curee ko'e mooɗon, njooɗooɗon on ciryii. Ganyo mooɗon Ceyɗan e mo woosoo bo sembindu ɓernundu e mo ɗaɓɓita mo o halkata. [9] Nganyeemo, ndarooɗon dow hoolaaki Yeesu e sembe. On andi bandiraaɓe mooɗon fuu nder duuniyaaru e njara iri kan ɗon torra.

Markus 10:43-45

[43] Ammaa onon, to' on ngaɗu non hakkunde mooɗon. Fuu giɗɗo warta mawɗo nder mooɗon, doole warta jaggantooɗo'on. [44] Kadin fuu giɗɗo warta ardiiɗo, doole o warta maccuɗo koo moye. [45] Ngam Ɓii Neɗɗo warii naa' ngam o jagganee, ammaa ngam o jagganoo yimɓe, o hokka yonki maako ngam rimɗinki ɗuɗɓe.”

Jabuura 1:1-3

Jabuura 118:6-8

Jabuura 119:9-11

Fulfulde Caka Nigeria 2010