Bible Verses On A Topic: Sins: [Masturbation]

Topics

Sins: [Masturbation]

Ammaa e mi torra ɓandu am, e mi wartirandu maccuɗo am, ngam to' gaɗa mi wa'ajinanii woɓɓe, min e hoore am mi dulla heɓuki dokkal ngal.

1 Korintu'en 10:13

Walaa poondol ngol ɗum foondata'on ngol ɗum meeɗaayi foonduki neɗɗo. Allah boo o kebbinoowo alkawal, o alataa ɗum foonda'on poondol ɓurngol sembe mooɗon. Ammaa nder poondol ngol, o waɗanay'on laawol no mburtortooɗon ngam mbaawon munyon nder maggol.

1 Yuhanna 2:16

Ngam koo ɗume ko woni nder duuniyaaru, bo suuno ɓandu, e suuno gite, e mawninki hoore ngam jawdi, naa' daga to Allah ɗum ƴiwoyi. Daga to duuniyaaru ɗum ƴiwoyi.

1 Piyer 2:11

Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

1 Korintu'en 6:18

Ngoɗɗitee waɗuki njeenu! Koo ɗume hakke ɗum neɗɗo waɗata, ɗum meemataa ɓandu maako, ammaa gaɗoowo njeenu e wonna ɓandu muuɗum.

2 Timote 2:22

Doggu suuno ngo wooɗaa ngo sukaaku, waɗu ko mbaawataa waɗuki tokkaa aadilaaku, e hoolaaki Yeesu, e yidde, e jonde jam, hawti e yimɓe tokkooɓe Joomiraawo e ɓernde lamnde.

Galaatiya'en 5:16

Ko mbi'aymi woni, ngaɗee jonde mooɗon no Ruuhu Allah holliri'on, nden on ngaɗataa ko suunooji ɓalli mooɗon ngiɗi.

Roma'en 8:6

Yowuki ɓernde dow ko ɓandu yiɗi e ɗum fooɗa halkere, ammaa yowuki ɓernde dow ko Ruuhu Allah yiɗi e ɗum wadda yonki e jam.

Roma'en 13:14

Ammaa, ngikku mooɗon warta iri ngikku Yeesu Almasiihu Joomiraawo, nden to' on ngaɗu hakkiilo mooɗon dow no mbelnanton suunooji ɓalli mooɗon.

Yaakuba 1:13-14

[13] To neɗɗo foondaama, to' o wi'a, “Allah foondiyam.” Ngam Allah foondirtaake halleende, kadimaa boo Allah foondataa koo moye. [14] Ammaa e ɗum foonda neɗɗo to suuno maako hoccii hakkiilo maako.

Galaatiya'en 5:19-21

[19] Ko ɓandu neɗɗo yiɗi waɗuki, e njayri ɗum woni: e woodi waɗuki njeenu, e waɗuki kuuɗe nefniiɗe, e waɗuki ko semtinii, [20] e mawninki gunkiiji, e huutirki bawɗe ginni, e wanywanytirki, e hawre, e yiɗuki ko jeyaayi, e monnuki, e yidde hoore, e yeddootirki, e wadduki sendirki, [21] e lawliiru, e yiltaaki, e yarki njaru yiltoo haa waɗa ko halli, e waɗuki goɗɗe kuuɗe iri ɗe'e. E mi wi'a'on non no mbiimi'on ndenno, kuwooɓe iri kuuɗe ɗe'e ɓe keɓataa nattuki Laamu Allah.

1 Korintu'en 7:3-5

[3] Gorko hokka debbo muuɗum ɓandu muuɗum no dooka teegal wi'i. Non maa debbo on hokka gorko muuɗum ɓandu muuɗum no dooka teegal wi'i. [4] Ngam debbo jeyaayi ɓandu muuɗum; gorko maako jeyindu. Non maa gorko jeyaayi ɓandu muuɗum, debbo maako jeyindu. [5] To' on nganyu walduki to naa' non ciryiiɗon hakkunde mooɗon ngam carel seɗɗa, ngam ngaɗon hakkiilo mooɗon dow do'aare. Gaɗa maajum nyamron yeeso e walduki ngam to' Ceyɗan fooɗa'on ngaɗon ko wooɗaa ngam ciya suruki ko'e mooɗon.

1 Tessaloniiki'en 4:3-5

[3] Ngam Allah e yiɗi ngarton ceniiɓe, ngoɗɗitooɗon waɗuki njeenu. [4] Koo moye mooɗon ekkitoo no surirta ɓandu muuɗum nder senaaki e mangu, [5] naa' nder suuno ngo wooɗaa non no heeferɓe ɓe andaa Allah ngaɗata.

Matta 5:27-30

[27] “On nani ɗum wi'ii, ‘Taa' waɗu njeenu.’ [28] Ammaa min, e mi wi'a'on koo moye raari debbo darɗe suuno yaadake waadii njeenu e maako nder ɓernde. [29] To hitere maaɗa nde nyaamo e waɗumaa ngaɗaa hakke, ittunde, paɗɗaande. Ɗum ɓuraniima ndullaa jokkoode go'o nder jokkooɗe ɓandu maaɗa e dow ɗum hubina fuu ɓandu maaɗa nder wuro hiite. [30] To jungo maaɗa nyaamo e waɗumaa ngaɗaa hakke, ittungo, paɗɗaango. Ɗum ɓuraniima ndullaa jokkoode go'o nder jokkooɗe ɓandu maaɗa e dow fuu ɓandu maaɗa natta nder wuro hiite.

Fulfulde Caka Nigeria 2010