Versos bíblicos sobre o tema: Adicional: [Ciencia]

Temas

Adicional: [Ciencia]

Wə Timotio tɔm ywə yə pú dwɔ' bu a, kɑ cyə nə zhwya mghɔm tɑ pǐŋ Si pu fəŋnyə̀ yə a hwə zhyənwə tə pɑ̌ ya a.

Ghəghʉɔ yɔ, wɔ mtadyə nə mcò'. Po bɑ po pe ki nə shwɔ' jyədyə̌ zhyənwə: po lə nəŋ ŋkho dyə po lə nəŋ biŋ gɑ pyə shɑ pɔ kodyə pɑ́.

ROMA 2:20

bɑ gɛ zhi'tə pɑ tə zhyənwə, ba gɛ zhi'tə pɑkhʉ̌, nə pa' a bɑ ǒ zhyə́ ywə yə a shəŋ nə zhyə nthʉm mco', biŋ jyə́ nwə nyənyɔ...

2:4-25

APOKALIPSƏ 11:15-18

[15] Aŋgəle batə sɔmbʉə lə tuŋ nthɛ e: Pu yu' mgi gwyəgwyə kɛbəŋ a pɑ́ gɔm gɑ: Nəfo dzʉ́ wə́ cwəlɔ bɑ bi Cyəpɔ yɔk ba m bi Kristo e; e gɔ sa' nə mgu' nəgu'. [16] Mghətso shwɔppfʉə mghambʉə pyə wap bɑ́ dəm leŋfo dzə Si a lə vʉ̌tə pfɔppfɔp gamtə Si [17] bɑ gɔm gɑ: Gho' bi Cyəpɔ Si nthʉɔtʉɔ yə e bɑwə, bɑ e lə pɑwə fɑ tə̀ tyɛ' a, nə pa' a bɑ ǒ la'tə tʉɔ o yə gwyə́, biŋ nthʉ́ yu nə sa'. [18] Mguŋguŋ lə yɛ̌lúŋ, da' gɑ lúŋ o nə sɔ'. Yəŋ bɑ̀ cwə nə fyɛ' mpfə́ pɔ, cwə nə hɑ mcwɔ'fa' bi mghɛ fa', mghɔm ghɔm Si, pɔ dɔlɔ̌, ba pɔ pyə wap bwɔk tso tsǔ a, pɔ ŋkho'ŋkho' ba pɔ gwyə́gwyə́, cwə nə sa'tə pɔ pyə wap sa'tə́ dəmcǎ' a.

KOLOSAI 1:15-16

[15] E bɑ fo' Si yə pu tə́ jɔ e a pɑ, thəsə mu nə guŋ ywə awɛ yə Si lə ghə a. [16] Nə pa' Si lə nyaptə guŋ ywə awɛ m nə é kɛbəŋ ba m̀ dəmcǎ', tsə́ tsyə pu jɔ a ba tsyə pu tə́ jɔ a pɑ́. Guŋ mtʉɔ zhwenyə, pɑ sa' dzʉ̌ pu a gʉ' nə sa'dzʉ́. Yʉ́ nə́ nyaptə guŋ ywə awɛ, guŋ ywə awɛ pɑ yə́,

APOKALIPSƏ 1:5

ba m bi Yeso Kristo, ŋkwinthɛ̌ nyənyɔ, thə́sə mú nə pɔ vʉ́, mú mfo dəmcǎ'. Ghu'tə pu tʉɔ pɑ̀ bi mo yə e ŋkhuŋ wɔk pɑ, dɑ mcyə́ myə ŋkwi wɔk pɑ bi mhɔ a,

APOKALIPSƏ 5:6

A lə́ pɑ̌ po'o jɔ mú jʉ̀jʉ̀ pa' yə pu wa e a tuŋ leŋfo pu a mnɔm papfʉ̀ə, cəcɑ̌ mghətsó. A lə́ bɑ ě ghə nthu' sɔmbʉə ba mnyə sɔmbʉə myə a bɑ mzhwenyə Si bɑ pu təm nə́ guŋ dəmca' awɛ.

APOKALIPSƏ 13:14

E dɑ msya bɔ myə a bɑ̀ pu piŋ gɑ́ e ghə dzə nɔm a, nə nwɔ'mnyə bi pɑ dəmcǎ', wap yap jʉ̀m e: E nthənyə wap, wap kə́m ywə́ a hwə́ nɔm bɔ yə fiŋ nyədwɔp bɑ nə e tə e yɑ pɑwə tə wuŋ pfʉ́ a bɑ nə hɑ mku' bi e.

APOKALIPSƏ 17:18

Mjwǐ yə o jɔ e a, a pɑ tisuŋ gwyə yə a sa' mfomfo dəmcǎ' a.

A nəŋ nə pɑ̌ po'o, bɑ ba Tadyə̌ pɑ aŋgəle, Mikaɛl cwə yə pu Sata lə pɑ fə́ŋnyə́, bɑ ntwɔ'nyə́ nwə nə pfə Mosɛ á, Sata le fo' ba nə yəmtə e, e ghɔm pɑ́ gɑ: A Cyəpɔ nyəŋ shɛ thə o!

KOLOSAI 1:15

E bɑ fo' Si yə pu tə́ jɔ e a pɑ, thəsə mu nə guŋ ywə awɛ yə Si lə ghə a.

1 TESALONIKA 4:16

Nə pa' cwə yə tadyə̌ aŋgəle gɔ sɔ' ghə mtiŋ, hɑ gi e thə́ pu piŋ nthuŋ nthɛ Si a, kwa' yʉ́ Cyəpɔ fi' fɑ́ kɛbəŋ: a pɔ pyə wap lě pfʉ́ m̀ nə Kristo a ləŋdzə jám,

APOKALIPSƏ 3:14

Və bi aŋgəle cu'tə pɔ Kristo yə ǎ Laodikia á gɑ: Amɛn, ŋkwinthɛ̌ yə nyənyɔ, yə dəŋdəŋ, ywə yə Si lə́ nə nyap dzə a ghɔm gɑ:

Sɔm mó la m jɔ Si; ŋkwi Mu Si yə e bɑ nə Tá a lě gə pɑ zhyə́ e.

1:6-8

Galacian Bible 2002