Beblia

Versos bíblicos sobre o tema

Temas

Adicional: [Escravitude]

Si lə nə kě o, o pɑ ŋkwɔ, a kɑ paknyə o; lɑ nthə́ pa' o kɑ́ bɑ gɔ cəŋ nə təm ŋkwɔ a shəŋ m gɑ yu nə pɑ ŋkwɔ kwitə́.

[16] Po vɔk pa' pɔ pyə wap tə́ bɑ mkwɔ a pɑ, da' gɑ́ ka po lɑ yɔ nə́ cyətə́ pɑ ŋkwɔ nə gə ywə nə hwyətə tʉm shɔkcɔk tsɔ. Po vɔk pa' mghɛ fa' Si a. [17] Po hɑ́ mku' bi guŋ pɔ awɛ, po kúŋ mfɑ́ pɔ́, po pwɔk Si, po hɑ mku' bi fo. [18] Wɔ mkwɔ, po yu'nyə mtá pɔ nthʉm nə sə́ŋ, po lə yu'nyə da' pyə pɑpuŋ pu a pyə byanyə pyǎnyə pɑ́, po yu'nyə ba pyə́ shɔk cɔk.

1 TIMOTIO 1:10

Pɑ ghə ghap, pɑ lɑ mbɛ pa' mjwǐ a, pɑ tɛ mkwɔ, pɑ cwanwə̀, pɑ kɔ́mkɔ kheŋnyə pu a guŋ ywə awɛ yə a ŋkhəŋnyə zhi' nwə dɔlɔ̌.

1 TIMOTIO 6:1

Guŋ pɔ pyə wap wə bɑ mkwɔ a yɔ mtá pap pa' pɔ pyə pɑ́ pu lɑ msə́m jɔ wap a, po'o gɑ tsǒ Si pu a ywə ji'tə mcap kɑ pɑ̌ nə́.

KOLOSAI 3:22

Mkwɔ, po pɑ ju'nyə́ bi mtá pɔ nə bap nɑ́. Po kɑ fa' bi pu m pa' pu wə dé wɔ a kə m pa' po shəŋ nə puŋ pɔmnəŋ a lə, po fa' bi pu m pa' pɔ pyə wap bwɔk Cyəpɔ a.

KOLOSAI 4:1

Mtǎ, po wim mkwɔ pɔ pɑ nə dəŋdəŋ ba nyənyɔ po zhyə gɑ́ ba wɔ yɔ́ bɑ pǒ ghə ta' Tá thə́ kɛbəŋ.

Deuteronômio 23:15

Deuteronômio 24:7

EFESO 6:5-9

[5] Wɔ mkwɔ́, po yu'nyə bi mtá pɔ pyə dəmcǎ', nə yu'nyə bɑ bwɔk biŋ bɑ sə́ŋ, gə tʉ́m pɑpuŋ m̀ pa' bi Kristo a. [6] Po kɑ ghə m pa' pu wə dé wɔ a, gə po'o m gɑ po puŋ mo a; po ghə m pa' mkwɔ Kristo pyə wap səŋnyə́ nə ghə ywə yə Si shəŋ a. [7] Po fa' nə tʉm pɑpuŋ pa' cwə yə po fa' m bi Cyəpɔ a, po kɑ ghə m pa' po fa' m bi monəŋ a. [8] Pǒ zhyə: Ywə pɑpuŋ yə mo ghə a, e gɔ la' kwyatə ya bəŋ Cyəpɔ, kɑ e bɑ pɑ ŋkwɔ kɑ e tə bɑ ŋkwɔ a lə. [9] Ba wɔ yɔ mtá mkwɔ, po ghə yɔ pɑ́ po'o nə pú. Po tak paptə nəŋ pǒ zhyə́ gɑ nə pú ba nə po Tá bɑ kɛbəŋ, nə ghə kyə́ lə nə́ŋ bɑ dzə e nə sɔm mò.

Êxodo 21:2

Êxodo 21:7-32

GALATA 3:28

A pɑ po'o yə Yudea lə yɑwə́ kə yə Grikia lə; ŋkwɔ lə yɑwə́ kə tə́ pɑ ŋkwɔ lə; mbɛ lə yɑwə́ kɑ mjwǐ lə; nə pa' guŋ yɔ awɛ bɑ pɑ̀ yɑmu' m nə́ Yeso Kristo.

GALATA 5:1

Kristo lə nthé wɔk pɑ nə ŋkwɔ po'o gɑ pɑ kɑ́ piŋ bɑ ŋkwɔ. Po tɔm pɑpúŋ, po kɑ piŋ bíŋ nə zhwə́ kəlo' ŋkwɔ.

Êxodo 21:16

Levítico 25:39

LUKASI 4:18

Zhwenyə Cyəpɔ bɑ nə m. A bɑ e cwɔ' a gɑ gɔ shwi ŋkhʉɔ pɑpuŋ bi mpə̌ŋ. E nthəm a gɑ siŋ mkwɔ̀ gɑ wap tə yɑ mkwɔ́ pɑ́. Mfʉ yɔ tsʉ', pɔ pyə pu hya wap a, wap lusi,

FILEMON 1:16

pu lə piŋ hɑ e bu pa' ŋkwɔ a pɑ́, pu hɑ e m pa' mo yə é cyə ŋkwɔ a: ta' fɑ yə pú shəŋtə ŋkhúŋ e a; e shəŋtə bɑ bi mʉə po'o, biŋ bɑ gɔ pɑ bu tə́ cyə po'o, wə yə o bɑ monəŋ biŋ bɑ mo Cyəpɔ a.

Provérbios 22:16

TITO 2:9-10

[9] Mkwɔ yu'nyə bi mtá pap nə guŋ ywə awɛ, wap kɑ pɑ̌ nthe nwə bi pú, [10] wap kɑ tsǎmnyə sɔmywə. Wap pɑ nyənyɔ bi mtá pap nə guŋ mcwə awɛ; a pɑ po'o a mku' cyə m nə pu bɑ nə zhi'nwə Si gɛvɔk wɔk pɑ̀.

LUKASI 12:47-48

[47] Gɛfa' yɑ yə a bɑ e zhyə ywə yə tap e shəŋ a, la' e nəŋ nyaptə sɔmywə, la' e ghə pá' tap e shəŋ a, mgwa mshɔm myə́ gɔ sɔ' yɔm te' o. [48] Tə mo yə e ka zhyə a, la' e nəŋ gə a, pu tə́ gɔ sɔ' ghyɛ' cwɔ e pɑ. Pu gɔ sɔ' kwi a yɔm bi mo yə pu le hɑ bi e a yɔm a, həŋtə a yɔm bi mo yə pu le dwɔ' bi e tə a yɔm a!

Êxodo 21:20-27

Deuteronômio 23:15-16

1 TIMOTIO 6:1-2

[1] Guŋ pɔ pyə wap wə bɑ mkwɔ a yɔ mtá pap pa' pɔ pyə pɑ́ pu lɑ msə́m jɔ wap a, po'o gɑ tsǒ Si pu a ywə ji'tə mcap kɑ pɑ̌ nə́. [2] Pɔ pyə mta pap wə bɑ wap ghə piŋnthʉm a pɔm tə cyətə pwɔk wap, bɑ gɔm m gɑ pu a pú mfɑ̌. Wap gɔ cəŋtə́ fa' bi pu nə ghɔ pɑ́ m dzə̀, nə pa' wap bɑ pɑ pìŋ, biŋ bɑ́ mfɑ́ ŋkhùŋnyə̀ pyə mta pap gə pɑpuŋ nə pú a. Yə̌ŋ bɑ ywə yə o gɔ zhi'tə piŋ ghɔm gɑ́ pu ghiŋ nə a.

Levítico 25:44-46

Êxodo 21:2-11

EFESO 6:5-9

Deuteronômio 15:12-18

Êxodo 21:1-36

Levítico 25:1-55

Galacian Bible 2002