Beblia

Versos bíblicos sobre o tema

Temas

Adicional: [Talento]

Nə pa' yʉ́ nə lə́ bəm wɔk pɑ̀; e lě bəm wɔk pɑ̀, shyə m̀ nə Yeso Kristo, po'o m nə́ mfa' pɑpuŋ myə́ Si lə la' nyaptə́ tə tyɛ', po'o gɑ pɑ pɑ́ fa' a.

Êxodo 35:10

YAKOP 1:17

Guŋ ywə pɑpuŋ yə a sɔ' bi mo a, guŋ mcwɔ'fa' pɑpuŋ fɑ m̀ thə́ kɛbə̀ŋ, bi Si, Tá ŋkha' yə e tə́ fɛnyə pɑ́, e lə pɑ gnaknyə, nə kwyəpnyə lə nəŋ bɑ nə e a.

Provérbios 22:29

Jeremias 4:4-5

1 KORINTO 12:5-6

[5] Mfa' bɑ́ nthinthi da' gɑ Cyəpɔ pɑ́ pɑ yɑmu', [6] nə ghə pɑ́ nthinthi da' gɑ́ pɑ da' ta' Si nə pɑ́ gə guŋ ywə awɛ nə guŋ pɔ awɛ.

1 PƐTRƆ 4:10-11

[10] Bǎ ya mo lə́ nə po yap yə́ dəŋ fʉ' yə Si hɑ a, bɑ nə ŋkwi'tə pyə shɑ́ pɔ cəcɑ̌ wɔwɔ pa' mghɛ fa' nə gho' yə a fɑ bi Si a, mfa' myə pɑ̀ nthi nthi a. [11] Mo pɑ gɔ ghɔmnwə cəcɑ̌ po, a pɑ́ pɑ nə ghɔm Ghɔm Si; mo ghə thə́ fa', e pɑ dɑ pɑ́ gʉ̌' yə a fɑ́ bi Si a nə fǎ', po'o gɑ á cyə́ m̀ nə Yeso Kristo Si cəŋtə́ bɑ gu'tə ghu'tə, yʉ́ yə guŋ ghǔ'tə ba nə sa' bɑ pɑ́ bi e nə mgu' nə gu' a, Amɛn!

Êxodo 31:3-5

MATIO 5:14-16

[14] Pǒ bɑ ŋkha' dzʉ́, bi a pɑ tisuŋ dəm ŋkhuŋ lə tʉmnyə. [15] Pú tə́ sumɔk nə lambu nyəŋ cəŋ pɑ́, pu nthʉ dəm kwɔ' lambu, po'o gɑ a kyɛ' guŋ pɔ pyə wap dyə a awɛ. [16] Dəŋdəŋ po'o, ŋkha' yɔ́ pɑ́ ŋkhyɛ' nə mnyə́ pɔmnəŋ po'o gɑ́, wap nə yɔ mfa' pɑpuŋ mɔ bɑ gu'tə Tá yɔ yə e bɑ kɛbəŋ a.

MATIO 6:1-4

[1] Po pɔmtə gɑ po kɑ pɑ fa' tsɔ fà' nə biŋ Si pɑ dəm sim dzə̌ pɔmnəŋ gɑ wap yɔ́ wɔ́. Po ghə po'o bɑ po tə gɔ sɔ' ghə sɔm mcwɔ'fa' dzə Tá yɔ kɛbəŋ pɑ̀. [2] O pɑ gɔ hɑ ywə nə ŋkwitə́ mpə́ŋ, o kɑ tǔŋ lwɔ́p pa' pɑ tsɛbǔ gə dyə sinagogə ba m məjyə gɑ́ pɔmnəŋ nə gu'tə wap a. Kwa' nyənyɔ gɑ siŋ wɔ gɑ a bɑ wap é da' ŋkwi màp mcwɔ'fa'. [3] Sɔ' m nə o, o pɑ gɔ hɑ ywə nə ŋkwitə mpəŋ, pú ǔ yə kwyap kɑ zhyə̌ ywə yə pú ǔ yə tʉɔ gə a, [4] po'o gɑ ywə yə o hɑ a wuŋ pɑ nthʉm cam, a Tá ɔ yə e jɔ nthʉm cam a, sɔ' shwɔ'fa' o.

ROMA 12:3-8

[3] Shyə m nə gho' yə Si lə hɑ bəm a, gɑ̌ gɔm bǎ bi ya mo a nə po gɑ́: Ka po ka'tə tə́ nthwɔk, po ghə zhyənwə po'o gɑ po kɑ ghə ŋa'nɑ́. Bǎ wɑ lə́ pɑ nə yə də̀ŋ piŋnthʉm yə Si hɑ bi e a. [4] Dəŋdəŋ pa' a bɑ pɑ̀ ghə mzhəŋnɑ́ jɔmyɔ̌m nə ta' nɑ́ a, mzhəŋnɑ́ bɔ lə piŋ bɑ fa' pɑ́ tá ywə a, [5] a dəŋdəŋ po'o tə pɑ bɑ ta' nɑ́ nə Kristo biŋ bɑ mzhəŋnɑ́ cəcɑ̌ pɑ, bǎ ya mo lə nə yə dəŋ. [6] A bɑ pɑ̌ piŋ gə mfʉ' nthinthi myə gho' Si hɑ bi pɑ a. Kɑ a bɑ e hɑ pɑ́ nə pɑ gɔm ghɔm Si bi mo lɑ? Mo nə ghɔm pu piŋnthʉm pɑ́ ŋkwishwə. [7] Kɑ e hɑ pɑ gɑ́ mo pɑ́ gɛfa' lə, mo fa'. Kɑ e hɑ bi yə mu' mo nə pɑ́ gɛ zhi'tə lə, e pɑ ji'tə́. [8] Kɑ e hɑ bi mu' mo nə pɑ səso lɑ e pɑ səso. Mo yə é hɑ́ ywə a hɑ́ tə sɛ, mo yə́ e shya a nə cya a pɑ buŋ e, a shɔmmtso lɑ ŋwɛnyə tə́ nə shɔmmtso.

1 KORINTO 12:1-11

[1] Mfɑmfɑ́, sɔ' m nə tsə́ tsyə Zhwenyə hɑ a, ŋ tə gɔ tak wɔ pa' mkəkhʉɔ a pɑ. [2] Pǒ zhyə gɑ́ cwə yə́ po lə́ jɑ pɑ pɑ tə́ pɑ pɑ Yudea a, pu pɑ fəŋ wɔ nə gɔ pa' pɑ tə zhyə́ jyə̀ a bəŋ mkətwɔk pyə wap tə gɔmnwə a pɑ́. [3] A po'o tə gɑ siŋ wɔ gɑ́ pɑ sɔmmo lə cyə m nə́ Zhwenyə Si gɔm gɑ́: Dò nə Yeso. Bi a pɑ́ sɔmmo lə nə́ŋ gɔm gɑ: Yeso bɑ́ Cyəpɔ tə́ cyə pɑ nə Zhwenyə Dɔlɔ̌. [4] Tsə́ tsyə́ Zhwenyə hɑ á bɑ nthinthi da' gɑ́ Zhwenyə bɑ́ pɑ́ yɑmu'. [5] Mfa' bɑ́ nthinthi da' gɑ Cyəpɔ pɑ́ pɑ yɑmu', [6] nə ghə pɑ́ nthinthi da' gɑ́ pɑ da' ta' Si nə pɑ́ gə guŋ ywə awɛ nə guŋ pɔ awɛ. [7] Bǎ yá mo lə́ ŋkwi ywə yə Zhwenyə hɑ bi a nə nə fa' pɑpuŋ bi guŋ pɔ awɛ. [8] Zhwenyə hɑ ghɔm fʉ́ bi mu' mo, biŋ hɑ ghɔm zhyənwə bi yə mu' mo. [9] Pɑ Zhwenyə bɔ nə hɑ nə ghə piŋnthʉm bi mu' mo biŋ hɑ nə yɛ́ mgho bi yə mu' mo [10] pɑ Zhwenyə bɔ nə hɑ tʉ̀ɔ nə gə msyà bi mu' mo, biŋ hɑ nə ghɔ́m ghɔm Si bi yə mu' mo, hɑ nə zhyə tiŋtə mzhwenyə bi mu' mo, hɑ mghɔm nthinthi bi yə mu' mo, biŋ hɑ nə tútə mghɔm bɔ bi mu' mo. [11] Da' gɑ́ guŋ e bɔ awɛ, pɑ da' ta' Zhwenyə nə́ gə biŋ gaptə, hɑ bǎ yə nə pɑ wɑ̌lə pa' e nə jɔ a.

Galacian Bible 2002