Versos bíblicos sobre o tema: Igrexa: [Ir ao ceo]

Temas

Igrexa: [Ir ao ceo]

[2] Mtsʉ' bɑ dyə Tá a tə́ jɔ́m; ka po'o a bɑ gɑ̌ ghɔm bi po gɑ́ gɑ̌ gɔ ghɔ nyaptə tsʉ' bi po yə po gɔ sɔ' pɑ́ nə á lə? [3] Cwə yə gɑ̌ gɔ ghɔ tə nyaptə tsʉ' bi po a, a biŋ sɔ' dɑ wɔ pɑ ghɔ̌, po'o gɑ́ tsʉ' yə gɑ̌ nə a, ba wɔ yɔ sɔ' bɑ́ tsʉ'u.

FILIPO 3:20-21

[20] Da' gɑ guŋ yɔ́k pɑ bɑ m kɛbəŋ, tsʉ' yə pɑ byap Cyəpɔ Yeso Kristo gɛvɔk pɔ nə a. [21] E gɔ sɔ' kwyəpnyə nɑ́ tsɔk pɑ tsyə a bɑ ywə nə jɔgo' a, nə ghə pa' nɑ e yə a bɑ nɑ ghu'tə̀, po'o cyə m nə gʉ̌' yə a bɑ bi e bɑ gə e ku' nə ghə gɑ gúŋ ywə awɛ yu'nyə e a.

MFA' MGHƐ NTHƏM 1:11

Pɔ bɔ ghɔm bi pu gɑ: Pɑ Galilea, nwə kɑ po cwə tsa' a bɑ de kɛbəŋ? Yeso yɑ yə pu nthé e cəcɑ̌ po nə gɔ m kɛbəŋ a gɔ la' kwi' sɔ' pɑ pa' po jɔ e ghɔ m kɛbəŋ a.

EBRAIKA 11:16

Nə pa' wap biŋ bɑwə shəŋ pɑ mu' gúŋ pɑpúŋ, guŋ m̀ kɛbəŋ. A po'o tə pɑ́ Si lə kuso gɑ pu ké e gɑ Si yap, nə pa' a bɑ ě nyaptə ta' tisuŋ bi pú.

YOHANE 14:1-3

[1] A lam tsɔ kɑ sɔ; po piŋ Si, po piŋ ba myə̀ yɑ̌. [2] Mtsʉ' bɑ dyə Tá a tə́ jɔ́m; ka po'o a bɑ gɑ̌ ghɔm bi po gɑ́ gɑ̌ gɔ ghɔ nyaptə tsʉ' bi po yə po gɔ sɔ' pɑ́ nə á lə? [3] Cwə yə gɑ̌ gɔ ghɔ tə nyaptə tsʉ' bi po a, a biŋ sɔ' dɑ wɔ pɑ ghɔ̌, po'o gɑ́ tsʉ' yə gɑ̌ nə a, ba wɔ yɔ sɔ' bɑ́ tsʉ'u.

MATIO 18:15-18

[15] A pɑ́ gɑ́ fɑ o hɔ́nwə̀, o ghɔ jɔ e, po e pɑ́ pɑ́ pɑ́pʉə, o cɔktə e. E yu' bɑ o tsʉ́ fɑ o. [16] E pɑ́ tə yu' bù, o piŋ dɑ ta' mo kɑ pɔ pʉə lə́ po'o gɑ mghɔm pɔ pʉə kɑ pɔ tá lə nyap nwə bɔ. [17] Bi a e kəŋnyə, nə yu' bi pu a, o siŋ cu'tə pɔ Kristo, bi a e piŋ ŋkhəŋnyə nə yu' bi cu'tə, o yɔ e cwəlɔ m pa' tə́ pɑ yə Yudea kə́ pa' ŋkwi shwɔp a lə. [18] Nə pa' gɑ siŋ wɔ kwa' nyənyɔ gɑ́: Guŋ ywə awɛ yə pǒ kwɑ dəmcǎ' a pu gɔ sɔ' kwɑ kɛbəŋ, a guŋ ywə awɛ yə po ŋkhyɛ' dəmcǎ' a pu sɔ' kyɛ' kɛbəŋ.

YOHANE 14:28

Po yu' nwə bɔ, gɑ ghɔm bi po gɑ: Gɑ̌ gɔ ghɔ, piŋ sɔ' bi po. Po la' pe' e bɑ ŋkhuŋ a bɑ po gɔ ŋwɛnyə pa' gɑ gɔ m bi Tá a, nə pa' Tá bɑ é cyə a.

MFA' MGHƐ NTHƏM 4:12

Sɔmywə vɔ̀k tɑ́ bɑ nə sɔmtsʉ' pɑ́ tə ně da' nə Yeso Kristo. Nə pa' sɔm mu' tso tə to kɛbəŋ tsyə pu hɑ bi pɔmnəŋ bi a pɑ a kwitə wɔk pɑ nə hɑ vɔk bi pɑ a pɑ́.

YOHANE 3:13

A nə pɑ po'o bɑ sɔmmo la m ŋkwɔ' kɛbəŋ tə ně da' mo yə e lə fi' fɑ kɛbəŋ, Mu mo a.

APOKALIPSƏ 21:1-4

[1] A lə pɑ̌ po'o ŋ jɔ kɛbə̀ŋ pu cǎ' sə́, nə pa' dzə́ kɛbəŋ pu dzə́ cǎ' lə bɑ ǎ mì, ba shyə lɑpʉə lə piŋ jɑwə́. [2] Ŋ də yɔ tisuŋ dɔlɔ̌, Yerusalɛm sə́ fi' fɑ kɛbə̀ŋ bə́ŋ Si, bɑ pu kwiŋ e pa' jwigʉɔ yə pu gɔ hɑ e bi dhə e a. [3] Ŋ də piŋ ju' gì nthʉɔtʉɔ a fɑ bə̌ŋ leŋfo gɔm gɑ: Yɔ nthap Si pu a pɔmnəŋ yə̌ŋ. Pu a pu gɔ pɑ pəmtə́ cwə. Wap gɔ sɔ' pɑ pɔ pyə, é pɑ Si yə pu a pu gɔ pɑ pəmtə cwə a. [4] E gɔ sɔ' ci' guŋ shyətsə́ awɛ nə́ mnyə́ map. Vʉ̌ tə gɔ sɔ' piŋ pɑwə pɑ́. Nə́ lɔ ba nə cwé kə gǒ' lə tə́ gɔ sɔ' piŋ pɑwə pɑ́, nə pa' bvo dzʉ̌ bɑ ǎ cyə.

1 TIMOTIO 3:15

Da' gɑ bɑ gɔ cwə cwə́ bɑ ǒ zhyə cwəlɔ pa' a shəŋ gɑ́ o nə giŋ nthʉm dyə Si yə a bɑ cu'tə Si yə e bɑ gak ba nthə̌m nwə nyənyɔ a.

YOHANE 14:6

Yeso ghɔm bi e gɑ: Gɑ̌ bɑ məjyə, bíŋ bɑ́ nyənyɔ, bíŋ bɑ vɔk. Sɔmmo tə́ gɔ bi Tá tə cyə pɑ m nə m̀ pɑ.

MARKUSI 6:3

Mo bɔ tə́ bɑ ŋkham mthə́ pa', mu Maria, biŋ bɑ fɑ́ Yakop, ba Yozɛt, ba Yuda, pu Simon a lə́? Tə́ pá mfɑ́ pyə́ pyə pɑjwǐ nə bɑ́ tsɔ' a lə? E lə pǐŋ bɑ bi pu bɑ pɑ ywə fa'tə.

FILIPO 3:21

E gɔ sɔ' kwyəpnyə nɑ́ tsɔk pɑ tsyə a bɑ ywə nə jɔgo' a, nə ghə pa' nɑ e yə a bɑ nɑ ghu'tə̀, po'o cyə m nə gʉ̌' yə a bɑ bi e bɑ gə e ku' nə ghə gɑ gúŋ ywə awɛ yu'nyə e a.

YOHANE 1:12

Tə́ sɔ' bi pɔ pyə wap lə lɑ̌ e a, bi pɔ pyə wap biŋ tso tsyə a, e hɑ gʉ' nə jí pó Si bi pú.

1 KORINTO 13:12

Cwəlɔ pɑ́ jɔ guŋ ywə awɛ m nthʉ̌m kyɛ', bɑ jɔ pɑ́ sonyə sǒnyə́, da' gɑ pɑ gɔ sɔ' yɔ kwa' dəŋdəŋ. Kwa' cwəlɔ yɑ nə zhyə́ ghə dhə̀, tə gɑ gɔ sɔ' zhyə́ pa' pu jyə́ a.

YOHANE 3:3-5

[3] Yeso pa' bi é gɑ: Kwa' nyənyɔ nyənyɔ gɑ̌ siŋ o gɑ tə da' nə tsə mo m nə tsə sə́ a, bɑ bi a pɑ sɔmmo lə yɔ Nəfo Si. [4] Nikodemo ghɔm bi e gɑ: Bi a pɑ́ pu tsə mò m gɑ kɑ̀ bɑ ě tsə vò? Bi a pɑ́ e piŋ ŋkho vam map e mu' cʉ́m tə́ pu tsə é a? [5] Yeso ghɔm bi é gɑ: Kwa' nyənyɔ nyənyɔ, gɑ̌ siŋ o gɑ: Sɔmmo yə́ pu ka tsə é m nə́ shyə ba m nə Zhwenyə á, bi a pɑ́ e lə ko nə Nəfo Si.

EBRAIKA 12:14

Po cəŋ gɑ́ hwitə pɑ́ cəcɑ̌ po pu a guŋ pɔ awɛ, biŋ shəŋ ba nə pɑ dɔlɔ̌ yə mo pɑ tə ghə yá bɑ pɑ e lə yɔ Cyəpɔ a.

APOKALIPSƏ 21:1-2

1 KORINTO 15:40-49

[40] Mnɑ́ kɛbəŋ bɑwə, mnɑ dəmcǎ' a pɑwə, da' gɑ la' wap pɑ́ dəŋnyə́ dəŋ. [41] Yə nə́ ləŋnyə nam bɑ do é, yə mɑŋwə́ pɑ do e, yə nə ləŋnyə sɛ pɑ do e, msɛ piŋ bɑ dəŋnyə nthinthi. [42] A bɑ pɑ po'o nə́ nə yam nə vʉ̌: Pu nə nyə̌ŋ nɑ si a pɑ ywə bipi, biŋ nə yǎm nə vʉ̌ bɑ ywə tə pì; [43] Nə nyəŋ e si a pɑ ywə gwakwǎk, da' gɑ nə yǎm nə vʉ̌ bɑ ywə gu'tə ghǔ'tə; nə nyəŋ si a pɑ ywə bwa pwǎ, da' gɑ́ nə yam nə vʉ̌ bɑ ywə gʉ̌' pɑ́ nə́; [44] nə nyəŋ si a pɑ nɑ́ bap a piŋ nə yam nə vʉ̌ bɑ nɑ́ zhwenyə. Nə pa' a pɑ́ gɑ nɑ́ bap bɑwə bɑ ba nɑ́ zhwenyə bɑwə. [45] A po'o tə́ a bɑ pú və̀ gɑ́: Dəŋdzə̀ mo, Adam lə bɑ mo bap nɑ, vɔk pɑ́ nə e, jʉɔjʉ̀m Adam pɑ mo zhwenyə yə a hɑ vɔk a. [46] Da' gɑ a dəŋdzə bɑ mo bap, a tə́ bɑ́ mo zhwényə pɑ̀; e nthəm pɑ m jʉ̀m. [47] Dəŋdzə mo yə e lə tə̌m nə cǎ' a bɑ mo dəmcǎ'. Batə̀ mǒ, fɑ m̀ kɛbə̀ŋ. [48] Pa' mo dəmcǎ' lə nə bɑ á, a dəŋdəŋ pa' pɑ dəmcǎ' nə bɑ a, a piŋ bɑ po'o, dəŋdəŋ pa' mo yə e fɑ m kɛbəŋ gɔ sɔ' nə pɑ́ a. [49] Pɑ dəŋdəŋ pa' pɑ lə hwənyə mo dəmcǎ' a, pɑ gɔ piŋ sɔ' hwənyə mo kɛbəŋ.

LUKASI 24:39

Po yɔ bu mə̌ pu a mkwə mə̌. A bɑ pɑ kwa' myə̀. Po kwak a, po le a tə́ jɔ, zhwenyə tə bɑ ě ghə bapnɑ pu a mkwě pa' po wə jɔ bɑ gɑ̌ ghə a pɑ́.

65:17-25

EBRAIKA 9:27

A piŋ bɑ po'o, ywə yə a bɑwə byap pɔmnəŋ a pɑ nə pfʉ ŋkwi cʉ̌m, a piŋ nə təm jʉ̀m o bɑ nə fyɛ' a.

FILIPO 1:21-23

[21] Nə pa' sɔ' m nə́ m̀, vɔk bɑ Kristo vʉ̌ nə́ŋ bɑ bəm bɑ yɑ pè. [22] Da' gɑ́ a pɑ̀ gɑ́ nə vɔk dəmcǎ' po'o gɔ ghə gɑ́ fa' ghɔ́ dzə̀, bɑ ŋ kha zhyə yə ghə̌ŋ yə gɑ gɔ cwɔ' a [23] Gɑ si cwəlɔ mnwə mɑbʉə pɑwə fəŋnyə a: gɑ bɑwə sʉm nə ghɔ gɑ pyə Kristo pɑ bəmtə bɑ, a pɑ kwa' yə gɑ̌ wə dəŋdzə shəŋ a,

EFESO 1:22-23

[22] Əŋ, é lě jap guŋ ywə awɛ to mkwə̀ e, hɑ dzə̀ bi e nə guŋ ywə awɛ, e pɑ thə́ cu'tə pɔ Kristo, [23] yə a bɑ nɑ́ e a, bɑ mlonyə̀ Mo yə kwa' Si nə donyə awɛ a.

1 KORINTO 1:10

Tə́ gɑ wə səso wɔ mfɑmfɑ́ shyə m nə tsǒ Cyəpɔ yɔk pɑ̀ Yeso Kristo gɑ: Po pɑ ŋkwishwə, a ŋkhyɛ'nyə kɑ pɑ cəcɑ̌ po; po cəŋtə nthamtə́ nthʉm ta' zhwenyə, ba m nthʉ̌m ta' ŋkwɛnyə.

YOHANE 8:12

Yeso lə́ kwi' gɔm ghɔm bi pú gɑ: Gɑ̌ bɑ́ ŋkha' nthʉm dzʉ, mo yə ě yap jʉ̌m m̀ a tə́ gɔ sɔ' ghiŋ nthʉm jʉ́m pɑ́; e gɔ ghə ŋkha' yə a dɑ mo gɔ nə vɔk a.

1 PƐTRƆ 3:15

Da' gɑ po hɑ pɑ mku' nthʉm tʉ́m po bi Kristo yə e bɑ Cyəpɔ a. Po nə cwə guŋ bɑ byap nə siŋ ywə yə pǒ mɔktə a bi pɔ pyə wap hə́ŋ wɔ a.

LUKASI 5:10

Ba tsyə lam Yakop, bɑ Yohane, pǒ Zebede msǒ Simon lə sɔ. Yeso ghɔm bi Simon gɑ: Ka lam tsu sɔ, tə fɑ́ cwəlɔ, o gɔ pɑ ghəm pɑ pɔmnəŋ.

YAKOP 5:16

Po pɑ biŋ mhɔ mɔ cəcɑ̌ po, biŋ bɑ shwyɛ'nyə Si cəcɑ̌ po nə wɔ́wɔ́, po'o gɑ po yɛ̌. Gʉ̌' bɑ nə mcwyɛ'nyə mo dəŋdəŋ, a pɑ́ fa'.

2 TIMOTIO 2:2

Ywə yə o lə yu' bəm dzə̌ mkwǐnthɛ́ jɔmyɔ̌m a, siŋ ywə bɔ bi pɔ nyənyɔ, pɔ pyə wap ku' nə piŋ ji'tə yap ywə bɔ bi shɑ pɔ a.

APOKALIPSƏ 12:1

Pu lə yɔ mu' mɑ mtìŋ təm kɛbəŋ: Bɑ mjwǐ, bɑ ě kwa nàm pa' dzə a, mɑŋwə́ pɑ to mkwə e, co' fo pɑ thə e, msɛ shwɔppʉə mgham pɑ nə.

YOHANE 6:51

Gɑ̌ bɑ́ msɛ vɔk myə a fi' fɑ kɛbəŋ a. Mo yə ě pfɑ msɛ bɔ a gɔ la' vɔk pɑ́ màmà. Msɛ̌ bɔ myə gɑ gɔ hɑ a, a piŋ bɑ́ bap nɑ́ a, yə pú hɑ gɑ́ dzʉ̌ nə gɛvɔk a.

2 KORINTO 5:8

Əŋ pyə cəŋtə jyə́ gɑ́ ywə tə gɔ ghə pɑ́, biŋ bɑwə sʉ́m nə təm nə yəŋ tsʉ' cwə yə a bɑ nɑ́ tsɔk a gɔ shwə bəŋ Cyəpɔ.

LUKASI 10:16

Yeso lɑ kwi' gɔm bi pɑkhʉ pyə gɑ: Mo yə e piŋ wɔ a, bɑ e piŋ a. Mo yə e kəŋnyə wɔ a, bɑ e kəŋnyə a; mo yə e kəŋnyə a á, bɑ e kəŋnyə mo yə e nthəm á a.

YOHANE 16:13

cwə yə́ Zhwenyə nwə nyənyɔ gɔ sɔ' sɔ' bi po a, e ghə po zhyə guŋ nwə nyənyɔ awɛ, nə pa' e tə́ gɔ sɔ' pɑ́ ghɔmnwə pɑ́ nə yə́ thə́ pɑ. E gɔ sɔ' pɑ́ ghɔmnwə yə e yu' a, pɑ siŋ wɔ guŋ ywə awɛ yə a gɔ sɔ' a.

1 YOHANE 4:6

Tə sɔ' m nə pɑ̌, pɑ bɑ́ m bi Si. Mo yə e bɑ e zhyə Si a ju' gi yɔk pɑ; mo yə e tə bɑ nə Si a pɑ́ tə ju' gi yɔk pɑ pɑ. A shyə m nə́ tə pɑ pɑ́ jyə zhwenyə nyənyɔ biŋ jyə zhwenyə cwanwə.

YOHANE 21:15-19

[15] Nə tsʉ́ ywə lə nə mì, Yeso ghɔm bi Simon Pɛtrɔ gɑ: Simon mú Yohane tə́ o ŋkhùŋ a tə shyə́ pɔ pɔŋ gɑ́ lə? E pa' bi e gɑ: Əŋ m Cyəpɔ, o bɑ ǒ zhyə́ gɑ́ gɑ̌ ŋkhùŋ o. Yeso piŋ gɔm bi e gɑ: Khim pó jʉ̀jʉ̀ pɑ̌. [16] Yeso lə kwi' gɔm bi e batə mcʉ̌m bʉ́ə gɑ: Simon mú Yohane tə́ o ŋkhúŋ a lə́? E pa' bi e gɑ: Əŋ m Cyəpɔ, ǒ bɑ ǒ zhyə gɑ́ gɑ̌ ŋkhùŋ o. Yeso ghɔm bi e gɑ: Pɑ́ gɛ pyap jʉ̀jʉ̀ tsɑ̌. [17] E lə kwi' gɔm bi e batə mcʉ̌m nthá gɑ Simon mú Yohane tə́ o ŋkhùŋ a lə́? Simon lə́ yɛ̌lúŋ pa' e həŋtə e batə mcʉ̌m nthá gɑ o ŋkhùŋ a lə́? Biŋ gɔm bi e gɑ: Cyəpɔ, wə yə́ ó bɑ ǒ zhyə́ guŋ ywə awɛ a, ǒ zhyə́ pɑpuŋ gɑ́ gɑ̌ ŋkhùŋ o. Yeso piŋ gɔm bi e gɑ: Khim jʉ̀jʉ̀ tsɑ̌. [18] Kwa' nyənyɔ nyənyɔ gɑ̌ ghɔm bu, cwə yə́ o lə́ bɑ mú səm a, o pɑ́ jwé tap o, bɑ gɔ tsʉ' yə o kuŋ a; cwə yə o gɔ sɔ' vo a, o pɑ ŋkhá' bú mǔ, mu' mo nə zhwe tap o, bɑ dɑ o gɔ tsʉ' yə o ka kuŋ a. [19] Yeso lə́ gɔm po'o bɑ nə da'tə nthi vʉ̌ yə Pɛtrɔ lə bɑ gɔ sɔ' nə ghu'tə Si a; e lə ghɔ́m ghɔm bɔ biŋ ŋkwi' gɔm bi Pɛtrɔ gɑ: Yap jʉ̌m m̀.

MATIO 6:14

Nə pa' po lɑ mhɔ pɔmnəŋ nə shwyɛ' wáp, bɑ Tá yɔ kɛbəŋ gɔ lɑ mhɔ mɔ́ nə cwyɛ' wɔ,

MATIO 24:37-41

[37] Dəŋdəŋ pa' a lə pɑ nə cwə Noe a, nwə Mu mo gɔ sɔ' pɑ́ pɑ po'o. [38] Nə pa' dəŋdəŋ pa' a lə pɑ nə cwə dzʉ̌ yə dɔmnyə bəŋ mwé lə jɑ tə wɛ dù a, pu pɑ́ dzʉ́, biŋ nwə́, bɑ ŋkho m jwǐ biŋ bɑ hɑ m jwǐ lɔmdyə tə́ ŋkhəm nə tyɛ'dzʉ yə Noe lə kǒ kənu' a, [39] pɔmnəŋ lə pɑwə shɔ́m sɔmywə, tə́ dɔmnyə bəŋ mwé lù ŋkwa wap nə gɔtə awɛ: tyɛ' nə sɔ' Mù mo gɔ sɔ' pɑ̀ po'o. [40] A gɔ sɔ' pɑ cwə o bɔ pɑbɛ pɑpʉə pɑ́ pé pu lɑ tá' mo nthak ta' mo [41] pɑjwǐ pɑpʉə gɔ sɔ' pɑ ləŋ msɛ, pu lɑ ta' nthak ta'.

1 TIMOTIO 2:4

yə e shə́ŋ gɑ́ guŋ pɔ awɛ sɔ' bvɔk, biŋ jyə́ nwə̀ nyənyɔ a.

1 TESALONIKA 4:17

a piŋ bɔ́tə́, wɔk pɑ pyə́ pɑ yɑ̌ thə́ giŋ a, pu ŋa' wɔk pɑ a pú nə ŋkwɔ' dəm mlwa, po'o gɑ pa Cyəpɔ yu'tə́ nthʉm fɔk, a pɑ́ po'o pa Cyəpɔ pɑ́ bəmtə́ bɑ guŋ mcwə awɛ.

1 YOHANE 5:13

Gɑ bvə guŋ ywə yəŋ awɛ bi po po'o gɑ po zhyə gɑ a bɑ po ghə vɔk mama, wɔ pyə a bɑ pǒ ghə piŋnthʉm nə tso Mu Si a.

ROMA 8:28

Pɑ́ piŋ jyə́ gɑ guŋ ywə awɛ nyaptə pɑ nwə pɑpuŋ bi pɔ pyə wap ŋkhuŋ Si a, pɔ pyə́ a bɑ e ke wap pa' e jap a.

YOHANE 5:24

Kwa' nyənyɔ nyənyɔ, gɑ̌ wə siŋ wɔ, mo yə ě yu' ghɔm tsɑ̌, biŋ mo yə e nthəm a, vɔk mɑmɑ bɑ bi e; e tə́ gɔ sɔ' sɔ' nə fyɛ' pɑ́, nə pa' a bɑ ě cyə nə vʉ̌ ŋkho nə vɔk.

1 KORINTO 10:13

Mləŋtə myə a lə ləŋtə wɔ a lə bɑ ǎ ku' nə mo. Si bɑ̀ nyənyɔ; e tə́ gɔ piŋ gɑ mləŋtə myə a cyə́ gʉ' yɔ a ko nə po pɑ́. Nə mləŋtə, e gɔ hɑ jyə nə nthəm nə́ ba gʉ' nə ŋkwǎ.

MATIO 25:46

Pɔ bɔ gɔ sɔ' ghɔ nthʉm go' tə mì, a pɔ nyənyɔ ghɔ nthʉm vɔk tə mi.

LUKASI 23:43

Yeso pa' bi e gɑ: Kwa' nyənyɔ gɑ siŋ o gɑ tyɛ' ɔ, pu gɔ pɑ nthʉm Paradisi.

35:5-6

1:11

Galacian Bible 2002