Versos bíblicos sobre o tema: Deus: [Plans]

[12] Tə́ sɔ' bi pɔ pyə wap lə lɑ̌ e a, bi pɔ pyə wap biŋ tso tsyə a, e hɑ gʉ' nə jí pó Si bi pú. [13] Pu tə́ dzə́ pɔ bɔ̌ m nə mcyə pɑ́, kɑ́ m pá' bap nɑ́ nə ŋkhuŋ a lə, kɑ́ m pá' mo nə ŋkhuŋ a lə. Pu dzə́ wap m pa' Si nə ŋkhuŋ a.

APOKALIPSƏ 17:8

Nɔm yə o jɔ e lə bɑwə́ da' gɑ́ e tə́ jɑ wə pɑ́. E gɔ ŋkwɔ' fɑ tsʉ̀m ghɔ nə pi. Nwə cyə́ pɑ dəmcǎ' pyə a bɑ pu lě tə́ və mtso map nthʉm ŋwa'nyə vɔk tə fɑ cwə nə nyap dzʉ̌ a, nə yɔ nɔm, nə pa' e lə bɑ́, la' e piŋ bɑwə da'gɑ bɑ gɔ piŋ sɔ' a.

3:7

YAKOP 4:1-17

[1] Mshɛ́ fɑ m hɑ́, mshǔ fɑ m hɑ́ cəcɑ̌ pǒ? Tə nə tsə́ tsyə a buŋ wɔ, bɑ do' nə kam nə mɔ a pɑ a? [2] Pǒ gi'nyə, po lə nəŋ gə sɔmywə; pǒ bɑ pɑ zhwə pɔ̀, biŋ bɑ ŋkhíŋ pɔ, da' gɑ la' a pɑ dɑ wɔ dɑ m sɔm jyə̀. Pǒ do'shù nthinthi. Po tɑ́ bɑ pǒ ghə sɔmywə pɑ, nə pa' po tə bɑ pɑ ló ywə pɑ. [3] Pǒ do ba ywə po lə ghə̌ ywə bɔ, nə pa' ywə yə pǒ do a bɑ yə́ pɑ́ da' ywə yə po gɔ sím nə yɔ ŋwɛnyə bapnɑ a. [4] Mgəgə́m! Po ka zhyə́ gɑ nə kùŋ dzʉ́ bɑ nə pɔ̀ Si a? Mo yə e shə́ŋ nə pɑ so dzʉ̌ a, bɑ gɛ bò Si. [5] Kɑ pǒ ŋkwɛ gɑ́ Ŋwa'nyə gɔm pɑ́ pɔpɔ gɑ: Si shəŋ gɑ́ zhwényə yə e gə a cwə nə po a pɑ́ da' bi e do e a? [6] Da' gɑ e ŋkwi' pɑ mɑ gho' bi pɑ̀. A po'o tə ŋwa'nyə gɔm gɑ: Si tə ŋkhuŋ pɑ ŋa'nɑ pɑ́, da' gɑ bɑ shɔm pɔ pyə wap fi' nɑ tsap hɑ si a. [7] Po yu'nyə bi Si; da' gɑ ŋkhəŋnyə sata, e kʉ́ wɔ gɔ gʉə sʉəsʉə. [8] Po fu'tə nɑ tsɔ́ hɑ bəŋ Si, e fʉ'tə nɑ e hɑ bə́ŋ po. Wɔ mghɛ mhɔ, po sɔk bu mɔ́, biŋ shu' mtʉm mɔ, wɔ pyə́ pǒ bvʉ mghə́ŋ mghə̌ŋ a! [9] Po zhyə́ ghəghʉɔ yɔ, nthʉ́ vʉ dɔ̌. Wi tsɔ́ sɑnyə shʉ' lɔ̀, ŋwɛnyə yɔ cʉ' nə cɔ̌m! [10] Po fi' nɑ tsɔ hɑ́ si dzə̌ Cyəpɔ e ŋa' wɔ hɑ thə́. [11] Mfɑmfɑ́ ka po pɑ gɔmnwə nə po cəcɑ̌ po. Mo yə e gɔmnwə nə fɑ é, kɑ fyɛ' fɑ e á lə, gɔmnwə pa' a nə mco', biŋ fyɛ' pa' a mco'; da' gɑ o fyɛ' mco' bɑ o gə m pa' gɛ fyɛ' a, bɑ o tə gə m pa' mo yə e giŋ nə mco' a pɑ̀. [12] A nəŋ nə pɑ̌ po'o da' ta' mo nə pɑ gɛ yap mco', biŋ bɑ gɛ fyɛ': Bɑ mo yə pɑ́ e ghə mo vɔk kɑ gə mo pi a lə. Tə sɔ' m nə o, o bɑ wɑ́ tə bɑ fyɛ' mo yə ě bəŋ o a? [13] Po' o, wɔ pyə pǒ gɔm gɑ tyɛ' ɔ kɑ gɑ yǒ pyə gɔ ghɔ nə yəm tisuŋ, pyə̌ gɔ cwə wə ta'gu' dzʉ̌, pyə gɔ tɛ mtɔ wə, pyə̌ gɔ tsʉ́ bʉ́m; [14] Po ka zhyə pa' vɔk yɔ gɔ ti yo nə pɑ a. Pǒ bɑ pɑ̀ zhwyə̌ yə a nthəm ŋkwi cʉ̌m nəŋ gúŋ mi a! [15] Yɔ̌ pa' po kɑ bɑ gɔ ghɔm gɑ: Cyəpɔ piŋ bɑ pyə ti vɔk, ghə yəŋ kɑ yə lə a, [16] po pɑ ŋwɛnyə pɑ nə ŋa'tə nɑ tsɔ. Guŋ nthi ŋa'tə yə̌ŋ bɑ ǎ pɔk. [17] Mo yə ě zhyə nə ghə nwə pɑpuŋ da' gɑ la' e ghə a, bɑ ě kwa mhɔ.

3:5-6

2 PƐTRƆ 3:9

Cyəpɔ tə́ shwə́ nə ghə gɑ mka'nyə̀ myə́ pəmtə́ pɑ́, ba tə́ pa' shɑ́ pɔ bɑwə jɔ gɑ́ ě cwə a; da' gɑ́ e bɑwə byap wɔ́, la' e pɑwə́ shə́ŋ gɑ́ shɑ́ pɔ pfʉ́tə pɑ́, e bɑwə shəŋ m̀ gɑ́ guŋ pɔ awɛ pʉɔtʉm tsap.

1 TIMOTIO 2:4

yə e shə́ŋ gɑ́ guŋ pɔ awɛ sɔ' bvɔk, biŋ jyə́ nwə̀ nyənyɔ a.

1:26

MATIO 28:18-20

[18] Yeso sɔ' bəŋ pu gɔm bi pu gɑ: Tá hɑ guŋ tʉ̀ɔ bəm awɛ kɛbəŋ ba m dəmcǎ'. [19] Po ghɔ, dɑ guŋ mguŋ awɛ gə pɑkhʉ, bɑ nu' wap shyə nə tsǒ Tá ba Mù, ba Zhwenyə Dɔlɔ̌. [20] Bɑ ji'tə wap nə tɔm guŋ ywə awɛ yə gɑ jap bi po a. Sɔ' m nə m̀ pɑ gɔ pəmtə pɑ́ pɑ tə kəm nə cwə yə dzʉ̌ gɔ mi a.

6:6-8

1:5

EFESO 1:4

E lə shwɔ' wɔk pɑ shyə m̀ nə e tə́ dzʉ̌ la' bɑwə́ po'o gɑ pɑ pɑ́ pɔ dɔlɔ̌, pɔ tə bya. Nə́ mnyə́ myə́, nthʉm ŋkhuŋnyə̀.

EBRAIKA 4:3

Wɔk pɑ pyə a bɑ pɑ̌ ghə piŋnthʉm a, pɑ ŋkho nə hwitə́ yə e gɔm nə gɑ́: Nə pɑ ŋ də yɛlúŋ ŋkhɔ́mkɔ̀ gɑ: Pú gɔ la' yɔ pa' wap gɔ ko nə hwitə̀ a lə! Bɑ fa' tsyə lě nəŋ da' bəmtə́ tə́ fɑ nə cwə nə nyaptə dzʉ̌,

ROMA 3:10-18

[10] Dəŋdəŋ pa' a bɑ pu və gɑ́: Sɔmmo dəŋdəŋ tə bɑwə pɑ́, bǎ ta' mo. [11] Sɔm jyənwə tə̌ wə́ pɑ́, bǎ ta' mo nə cə́ŋ Si. [12] Wap bɑ wap hɔ məjyə guŋ yap awɛ, bɑ wap pɔptə awɛ. Sɔmmo nə pu lə pɑ gə nwə pɑpuŋ bǎ ta' mo. [13] Nthʉm ghak yap bɑ pa' thəsì yə pu ghyɛ' a: Wap dɑ tʉm yap dzə mfʉ̀m jəŋ nɔk mtìŋ pɑ́ nə mkwɔptəshwə̀ map. [14] Shwə yáp bɑ ǎ lo nə mdo pu a nwə dzə́zə́. [15] Mkwə map ŋkhʉdʉ́ nə pfyə mcyə; [16] nə sim pu a ghəghʉɔ bɑ nə məjyə yap. [17] Bɑ wap ka zhyə tsap məjyə hwitə. [18] Sɔm nə pwɔk Si tə bɑ dzə mnyə map pɑ́.

[22] A pɑ́ gɑ Si pɑ́ gɔ la'tə yɛluŋ e, piŋ ghə pu zhyə tʉɔ e, da' gɑ biŋ shəŋtə nthɔm nɑ e nə mkɔp yɛlúŋ, pɔ wap pɑ si gɔ wuŋ pi, [23] biŋ gə po'o tə wap nə jyə́ dəŋ ghu'tə e, mkɔ̌p cɔmmtso, wap pyə e lə ləŋdzə́ nyaptə wap nə́ ghu'tə, [24] wɔk pɑ̀ pyə e tə shwɔ́' wɔk pɑ pɑ́ da' cəcɑ̌ pɑ Yudea pɑ́, ba m cəcɑ̌ pɑ tə pɑ́ pɑ Yudea.

1 PƐTRƆ 2:9-10

[9] Da' gɑ sɔ' m̀ nə po, pǒ bɑ gwya shicǐ, cu'tə nuŋpwɔ' fò, guŋ dɔlɔ̌, pɔ pɑ pyə Si lə cwɔ' wap a, po' o gɑ po pɑ shyanyə mnwə gwyə́ gwyə́ mo yə e lə kě wɔ nə nthəm nə jʉ̌m, ŋkho nə ŋkha' e yə pɑpuŋ a. [10] Wɔ pyə́ po lə bɑ dzə̀ po lə pɑ́ pɔ pyə́ a, da' gɑ́ biŋ bɑ cwəlɔ bɑ pɔ Si a; wɔ pyə a lə bɑ po kɑ ghə cɔmmtso, da' gɑ bɑ cwəlɔ bɑ pǒ ghə cɔmmtso Si a.

ROMA 8:18-25

[18] Gɑ zhyə gɑ gǒ' yə a si nə yəŋ gɑ́ cwə dzʉ̌ a ka ku' sɔmywə nə ghu'tə yə Si gɔ sɔ' la'tə nə pɑ a. [19] Nə pa' dzʉ̌ bɑwə byap tə səŋnyə nə pa' pu gɔ ghə wap zhyə Mu Si a: [20] Nə pa' dzʉ̌ bɔ bɑ pu hɑ nə gʉ' simnyə, tə m pa' yʉ nə ŋkhuŋ a pɑ́, m pa' mo yə e nyəŋ e nə́ a nə ŋkhuŋ a; tə́ e yɑwə mɔktə. [21] Nə pa' ba yʉ́ yə pu gɔ sɔ' kwi e bi ŋkwɔ vʉ̌, e ghə yə tsʉ' nə nə cyətə pɑ ŋkwɔ ba nə ghu'tə yə a bɑ yə po Si a. [22] Pyə bɑ pyə̌ zhyə́ gɑ guŋ dzʉ awɛ jɑwə cwəlɔ bɑwə pfə́ nə ywələ̌m nə dzə́. [23] A tə bɑ da' yʉ́ do e pɑ́, ba wɔk pɑ yɔk pɑ pyə a bɑ pɑ ghə zhwi'tə Zhwenyə a, pɑ bɑwə pfə̌ nthʉm tʉm pɑ, byap gɑ pɑ pɑ́ mcwə po, byap nə vɔk nɑ tsɔk pɑ. [24] Nə pa' a bɑ pu lě bvɔk wɔk pɑ, tə́ bvɔk wɔk pɑ po'o m nə mɔktə. Tə bi a pɑ mo yɔ ywə yə o mɔktə ya a bɑ o tə́ gɔ piŋ mɔktə pɑ: Bi a pɑ mo yɔ ywə biŋ mɔktə m gɑ kɑ? [25] Tə nə mɔktə ywə yə pɑ tə jɔ a pɑ́, a bɑ nə cəŋtə byap.

20:1-17

Galacian Bible 2002