Versos bíblicos sobre o tema: Deus: [Ser gardado]

Temas

Deus: [Ser gardado]

Wap ghɔm bi e gɑ piŋ Cyəpɔ Yeso, pu a tuŋdyə o sɔ' bvɔk.

[8] Nə pa' a shyə pɑ m nə gho'tə́ po vɔk, shyə m̀ nə piŋnthʉm; tə́ wɔ nə́ gə pɑ́, Si nə hɑ. [9] A tə́ shyə m̀ nə mfa' mɔ pɑ̀, po' gɑ sɔmmo kɑ nə ŋa' nɑ́ e.

ROMA 10:9-10

[9] O lɑ shwə ó gɔm gɑ́ Yeso bɑ Cyəpɔ nəŋ biŋ bíŋ nthʉm tʉm o gɑ Si lě jam e nə vʉ̌, bɑ o gɔ sɔ' vɔk. [10] Nə pa' nə piŋ nthʉm tʉm o dɑ o gɔ nə dəŋdəŋ, nə pǐŋ dɑ shwə ó gɔm pɑ́ dɑ o gɔ nə ywə vɔk.

MARKUSI 16:16

Mo yə ě piŋ ŋkwishyə a gɔ sɔ' vɔk, mo yə e ka piŋ a, bɑ pu gɔ sɔ' nyəŋ shɛ thə́ e.

EFESO 2:8-10

[8] Nə pa' a shyə pɑ m nə gho'tə́ po vɔk, shyə m̀ nə piŋnthʉm; tə́ wɔ nə́ gə pɑ́, Si nə hɑ. [9] A tə́ shyə m̀ nə mfa' mɔ pɑ̀, po' gɑ sɔmmo kɑ nə ŋa' nɑ́ e. [10] Nə pa' yʉ́ nə lə́ bəm wɔk pɑ̀; e lě bəm wɔk pɑ̀, shyə m̀ nə Yeso Kristo, po'o m nə́ mfa' pɑpuŋ myə́ Si lə la' nyaptə́ tə tyɛ', po'o gɑ pɑ pɑ́ fa' a.

ROMA 10:13

Nə pa' bǎ ya mo lə́ yə ě ke tso Cyəpɔ a bɑ e gɔ sɔ' vɔk.

MATIO 10:22

Guŋ pɔ awɛ gɔ sɔ' pɔ wɔ nə tso tsɑ̌; tə mo yə e tɔm tə́ nə miŋ a gɔ sɔ' vɔk.

MFA' MGHƐ NTHƏM 2:38

Pɛtrɔ pa' bi pu gɑ: Po kwyəpnyə́ bǎ ya mo lə́ nə po kwishyə nə tso Yeso Kristo nə lɑ mhɔ myə́ shwyɛ́' é, po piŋ kwi Zhwenyə Dɔlɔ̌.

YOHANE 3:16

Nə pa' Si bɑ é kuŋ dzʉ té' o, tə hɑ Mu e, ŋkwi Mu e, po'o gɑ bǎ ya mo lə́ yə e piŋ é a e kɑ pfʉ́, e ghə vɔk mama.

MATIO 25:31-46

[31] Cwə yə Mú mo gɔ sɔ' sɔ' nthʉm ghu'tə e, pu a pɑ aŋgəle jʉm e, cwə nə leŋ ghu'tə e. [32] Guŋ mguŋ awɛ gɔ sɔ' cu'tə dzə e, e tya wap pa' byap dzə nthya jʉ̀jʉ̀ nə dzə́ nthʉɔ a. [33] E gɔ sɔ' yap jʉ̀jʉ̀ nə ghə̌ŋ pú tʉɔ, yap dzə nthʉɔ nə ghə̌ŋ pú kwyap. [34] A pɑ po'o Fo ghɔm bi pɑ ghəŋ pú tʉɔ gɑ: Po sɔ̌', wɔ pyə Tá ǎ bɑ e le nyəŋ byanyə nə po a, ŋkwi Nəfo yə pu lə la' nyaptə bi po tə fɑ cwə nə ghə dzʉ̌ a. [35] Nə pa' jiku'u lə yɛ́ a, po hɑ ywə pfɑ́; ji shyə lə yɛ́ a, po hɑ nwə́; dɑ́ pɑ́ gʉɔ po nyəŋ a dyə. [36] Bɑ kəcyəŋ e po kwa dzə̀ nə m̀, bɑ gǒ, po sɔ' dé a, bɑ dyəcɛ̌ po sɔ' bəŋ m̀. [37] A gɔ sɔ' pɑ́ po'o, pɔ nyənyɔ pa' bi e gɑ: Cyəpɔ, pyə lə́ bɑ́ hɑ́ sǒ jɔ o bɑ jìkǔ' yɛ́ o pyə kim o, bɑ ghak o ŋkhə pyə hɑ shyə bu? [38] Pyə lə́ bɑ́ hɑ́ sǒ jɔ o o pɑ gʉ̀ɔ pyə nyəŋ o dyə? Kəcyəŋ e, pyə kwa dzə nə o? [39] Pyə lə bɑ̀ hɑ sǒ jɔ o o pɑ gó kɑ dyəcɛ̌ lə, pyə sɔ' bəŋ o? [40] Fo gɔ sɔ' pa' bi pu gɑ: Kwa' nyənyɔ gɑ siŋ wɔ gɑ́ bǎ cwəkəlɑ yə po lə̀ gə bi mukəcɔk mú nə pǒ pɔ̀ pyə wap bɑ mfɑ pɑ̌ a, po lə́ gə pɑ́ bəm. [41] E gɔ sɔ' piŋ ghɔm bi pɑ ghəŋ kwyap gɑ: Mghɛ do, po fɑ bəŋ m̀ gɔ nthʉm mɔk tə pi, yə pu lə nyaptə bi Sata pu a pɑ aŋgəle pyə a. [42] Nə pa' jiku'u lə́ yɛ́ a, po lə hɑ ywə npfɑ; ji shyə lə́ yɛ́ a, po lə hɑ nwə́ [43] Ŋ dɑ́ pɑ́ gʉɔ po lə nyəŋ a dyə; bɑ kəcyəŋ e po lə kwa dzə nə m̀ gǒ biŋ bɑ dyəcɛ̌ po lə lé a. [44] A pɑ́ po'o wap pa' bi e gɑ: Cyəpɔ, pyə lə́ bɑ́ hɑ́ sǒ jɔ o bɑ jiku'u kɑ ji shyə lə, kɑ gʉɔ lə, kɑ kəcyəŋ e lə, kɑ m nə gho lə kɑ m dyəcɛ̌ lə pyə lə kwitə o? [45] E pa' bi pu gɑ: Kwa' nyənyɔ gɑ siŋ wɔ gɑ bǎ cwəkəlɑ yə po lě tə ghə bi mu' nə pǒ mkəcɔk po pɔ a, bɑ po lə̀ shyətə ghə pa' pɑ̀ bəm. [46] Pɔ bɔ gɔ sɔ' ghɔ nthʉm go' tə mì, a pɔ nyənyɔ ghɔ nthʉm vɔk tə mi.

MATIO 7:21-23

[21] Tə da' nə ghɔm bəm gɑ́: Cyəpɔ, Cyəpɔ! Nə gɔ ghə tɑ́ mo ko nə́ Nəfo kɛbəŋ pɑ. O gɔ ghə ywə yə Tá a kɛbəŋ shəŋ a. [22] Pɔ tə́ jɔm gɔ sɔ' tyɛ'dzʉ́ bɔ ghɔm bəm gɑ: Cyəpɔ, Cyəpɔ! Pyə lé tə lɑ tsó tsǔ gɔm ghɔm Si a? Dɑ tsó tsǔ jəŋ zhwenyə cwəpuŋ a? Dɑ tsó tsǔ nthé vəŋ msya a? [23] Biŋ gɔm bi pú gɑ: Ŋ da m jyə wɔ, po lú bəŋ m̀ wɔ pɑ ghə mnwə cwəpuŋ!

YOHANE 3:3

Yeso pa' bi é gɑ: Kwa' nyənyɔ nyənyɔ gɑ̌ siŋ o gɑ tə da' nə tsə mo m nə tsə sə́ a, bɑ bi a pɑ sɔmmo lə yɔ Nəfo Si.

ROMA 3:23

Guŋ yap awɛ bɑ wap lě hɔnwə, la' ghu'tə Si yɑ bi pú.

YAKOP 2:24

Pǒ yɔ gɑ mo bɑ dəŋdəŋ shyə pɑ m̀ nə mfa' myə́, e lə cyə́ pɑ da' nə piŋnthʉm e.

MFA' MGHƐ NTHƏM 22:16

O biŋ jʉ'nyə nə kɑ? Kwi shyə, ŋkwi ba nə cǔ' o nə mhɔ mǔ shyə m nə tso tsyə́.

ROMA 6:23

Nə pa' mcwɔ'fa' mhɔ bɑ vʉ́; tə ywə yə Si hɑ bi mo pɑ́ néné a a bɑ vɔk mama shyə m nə Yeso Kristo Cyəpɔ yɔk pɑ̀.

2 KORINTO 5:17

A bɑ po'o tə a bi a mo pɑ m nə́ Kristo bɑ a bɑ e cʉ' mo sə́. Bvo dzʉ̌ bɑ ǎ cyə, ywə yə a bɑ cwəlɔ a bɑ pɑ ywə sə́.

GALATA 3:27

Əŋ, guŋ yɔ awɛ pyə́ po lə kwishyə nə Kristo a, a bɑ po lě ŋkwa Kristo nə po.

LUKASI 10:25-28

[25] Mu' tadyə nə nə zhyə mco' lə lǔsi dəŋtə e gɔm bi e gɑ: Ta, gɑ gɔ ghə gɑ kɑ tə sɔ' kwi vɔk mama a? [26] Yeso ghɔm bi e gɑ: A bɑ pu və gɑ kɑ nthʉm mcò' o? O ŋkhe nthʉm o gɑ́ kɑ? [27] E pa' bi e gɑ: O gɔ pɑ kuŋ Cyəpɔ Si o nə guŋ tʉm tsʉ awɛ, nə guŋ lam tsʉ awɛ, nə guŋ gʉ' o awɛ, bɑ nə guŋ mkwɛnyə mu awɛ piŋ kuŋ mo yə e bəŋ o a pa' o ŋkhuŋ thə́ nɑ o a. [28] Yeso ghɔm bi e gɑ: O pa' tə a puŋ. Pa gə pɑ pa' a, sɔ' bvɔk.

YOHANE 3:16-18

[16] Nə pa' Si bɑ é kuŋ dzʉ té' o, tə hɑ Mu e, ŋkwi Mu e, po'o gɑ bǎ ya mo lə́ yə e piŋ é a e kɑ pfʉ́, e ghə vɔk mama. [17] Nə pa' Si la tə́ nthəm Mu é nthʉm dzʉ gɑ e sɔ' fyɛ' dzʉ pɑ, e lə nthəm e gɑ dzʉ̌ cyə m nə e bvɔk. [18] Mo yə e piŋ é a, pu tə gɔ fyɛ' e pɑ; mo yə e ka piŋ e a bɑ pu é da' fyɛ' e nə pa' a bɑ e ka piŋ tsó ŋkwi Mu Si.

EFESO 2:10

Nə pa' yʉ́ nə lə́ bəm wɔk pɑ̀; e lě bəm wɔk pɑ̀, shyə m̀ nə Yeso Kristo, po'o m nə́ mfa' pɑpuŋ myə́ Si lə la' nyaptə́ tə tyɛ', po'o gɑ pɑ pɑ́ fa' a.

1 KORINTO 12:13

Nə pa' guŋ yɔ̀k pɑ̀ awɛ, pɑ̀ lə ŋkwishyə pɑ nə ta' Zhwenyə yɑmu', nɑ nəŋ bɑ́ ta' nɑ́ yɑmu': Kɑ pɑ̌ bɑ́ pɑ́ yə Yudea kɑ yə Grikia lə, kɑ ŋkwɔ kɑ tə pɑ ŋkwɔ lə, a piŋ bɑ́ bɑ pu lě dɑ pɑ́ ta' Zhwenyə nwɔk wɔk pɑ̀.

2 PƐTRƆ 3:9

Cyəpɔ tə́ shwə́ nə ghə gɑ mka'nyə̀ myə́ pəmtə́ pɑ́, ba tə́ pa' shɑ́ pɔ bɑwə jɔ gɑ́ ě cwə a; da' gɑ́ e bɑwə byap wɔ́, la' e pɑwə́ shə́ŋ gɑ́ shɑ́ pɔ pfʉ́tə pɑ́, e bɑwə shəŋ m̀ gɑ́ guŋ pɔ awɛ pʉɔtʉm tsap.

MFA' MGHƐ NTHƏM 17:30

Po yɔ, cwəlɔ, Si ka sɛ́ fʉ̀mnyə̀ pɔmnəŋ, e wə siŋ gɑ guŋ pɔ awɛ, nə guŋ mtsʉ' awɛ ŋkwyəpnyə.

YAKOP 2:18

Da' gɑ mo gɔ sɔ' ghɔm gɑ: Ǒ ghə piŋnthʉm, ba myə̀, biŋ gə mfa'; la'tə a piŋnthʉm o tə mfa', kwa' myə cyə m̀ nə mfa' da'tə o piŋnthʉm a.

YOHANE 8:24

A ywə yə a gə tə́ gɔm gɑ́ po gɔ sɔ' pfʉ́ pɑ́ pu a mhɔnwə mɔ a. Nə pa' po pɑ tə́ pǐŋ gɑ́ gɑ̌ bɑ, bɑ po gɔ pfʉ́ nə mhɔ mɔ.

LUKASI 13:3

Gɑ siŋ wɔ gɑ gɛ̌. Tə́ po pɑ tə pʉɔtʉm tsɔ, bɑ ba wɔ yɔ gɔ sɔ' pfʉ pɑ po'o awɛ.

YAKOP 2:14-17

[14] Mfɑ pɑ, pɑ mo ghɔm gɑ́ ě ghə piŋnthʉm tə ghə mfa' a? Pɑ piŋnthʉm vɔk mo cwə bɔ a? [15] A po'o bi a ta' fɑ yə mbɛ kɑ yə mjwǐ lə pɑ bɑ wap ka ghə ywə yə wap gɔ kwa á kɑ yə wap gɔ tsʉ́ nə guŋ mcwə awɛ a lə, [16] mu' mo nə po piŋ gɔm bi pu gɑ: Po ghɔ nə hwitə̀, tsʉ' ləmnyə bi po, a cyə shwə po; gɔm po' tə hɑ sɔmywə nə bvɔk bi pu bɑ ǎ kwitə m kɑ? [17] A dəŋdəŋ po'o tə pǐŋntʉm yə a tə bɑ ǎ ghə mfa' myə a pɑ̀ bɑ piŋnthʉm bɑ ǎ pfʉ́ tə mǐ.

YOHANE 6:47

Gɑ̌ siŋ wɔ kwa' nyənyɔ nyənyɔ gɑ mo yə ě piŋ á a, vɔk màmà bɑ bi e.

YOHANE 11:25-26

[25] Yeso ghɔm bi é gɑ: Gɑ̌ bɑ nə yam nə vʉ̌, biŋ bɑ vɔk: Mo yə e piŋ a, é pfʉ́ ba pfʉ̀pfʉ̌ bɑ e gɔ vɔk; [26] a mo yə e nəŋ bvɔk biŋ biŋ a lə nəŋ da' pfʉ́. Ǒ piŋ po' a?

EBRAIKA 6:4-6

[4] Pɔ pyə wap lě ŋkwi ŋkha' biŋ jwi'tə ywə pɑpuŋ yə a fɑ m kɛbəŋ a, pɔ pyə wap lě ŋkwi Zhwenyə Dɔlɔ̌ [5] jwi'tə ghɔm pɑpúŋ Si ba gùŋ yə a wə sɔ' a, [6] da' gɑ biŋ bvʉ́tə si a, pɑ wap lə piŋ bʉɔtʉm tsap jyə́ pɑ́. Wap dɑ mfa' map biŋ jap Mú Si bɛnyəpɛnyə gə pu pɑ shap e.

1 YOHANE 5:13

Gɑ bvə guŋ ywə yəŋ awɛ bi po po'o gɑ po zhyə gɑ a bɑ po ghə vɔk mama, wɔ pyə a bɑ pǒ ghə piŋnthʉm nə tso Mu Si a.

YOHANE 3:17

Nə pa' Si la tə́ nthəm Mu é nthʉm dzʉ gɑ e sɔ' fyɛ' dzʉ pɑ, e lə nthəm e gɑ dzʉ̌ cyə m nə e bvɔk.

YOHANE 14:6

Yeso ghɔm bi e gɑ: Gɑ̌ bɑ məjyə, bíŋ bɑ́ nyənyɔ, bíŋ bɑ vɔk. Sɔmmo tə́ gɔ bi Tá tə cyə pɑ m nə m̀ pɑ.

64:6

2 TIMOTIO 2:10

A po'o tə gɑ̌ bi' guŋ ywə awɛ shyə m̀ nə pɔ pyə a bɑ pu lě shi wap a, po'o gɑ ba wap yap sɔ' ŋkwi ywə vɔk yə a bɑ nə Kristo Yeso a, ba ghu'tə mama.

ROMA 8:29-30

[29] Pɔ pyə a bɑ e lě dəŋdzə jyə wap a, e lě jap gɑ́ wap gɔ pɑ hwə́ pa' Mú e bɑ a, po'o gɑ e pɑ́ thə́sə mu nə dú mfɑ, [30] pɔ pyə a bɑ e lě dəŋdzə̀ shwɔ' wap a, a bɑ e lě ŋkhe wap; pɔ pyə e lə ké wap a pɑ́ bɑ e lě jap wap dəŋdəŋ; pɔ pyə e lə yap wap dəŋdəŋ a, a pɑ bɑ e lě gu'tə́ wap.

MATIO 3:11

Gɑ bɑwə nu' wɔ pɑ nthʉm shyə gɑ po pʉɔ tʉm tsɔ. Da' gɑ mo yə ě wə sɔ' jʉ̌m m̀ a wə bɑ ě tʉɔ shyə́ a; ŋ kha ku'nyə nə tɔk mnthap myə́. E gɔ sɔ' nu' wɔ nthʉm Zhwenyə Dɔlɔ̌ ba m nthʉm mɔk.

Galacian Bible 2002