Versos bíblicos sobre o tema: Deus: [Vontade de Deus]

Temas

Deus: [Vontade de Deus]

[3] Yəŋ bɑ ywə yə́ a bɑ ǎ pùŋ biŋ búŋ nə mnyə Si Cyəpɔ yɔk pɑ, [4] yə e shə́ŋ gɑ́ guŋ pɔ awɛ sɔ' bvɔk, biŋ jyə́ nwə̀ nyənyɔ a.

1 TESALONIKA 5:18

bɑ go'tə e guŋ m cwə awɛ, nə pa' a bɑ ywə́ yə Si shəŋ bi po á shyə m̀ nə Kristo Yeso.

1 TESALONIKA 4:3

Ywə yə Si shəŋ a bɑ gɑ po vɔ́k vɔk dɔlɔ̌ gɑ po tɔm nɑ tsɔ nə nwə ghap,

EBRAIKA 13:20-21

[20] A Si hwitə̀ yə e lə cyə m̀ nə mcyə́ kɔ mama jam byap dzə́ gwyə nə vʉ̌, Cyəpɔ yɔk pɑ Yeso a, [21] Si bɔ ghə́ po ku'nyə nə ghə ywə yə ǎ puŋ nə nə́ fa' pa' e shəŋ a. E ghə ywə yə ǎ púŋ bi e a nə pɑ shyə m̀ nə Yeso Kristo yə ghu'tə bɑ bi nə mgu' nə gu' a. Amɛn.

LUKASI 9:23

E lə piŋ gɔm bi guŋ yap awɛ gɑ: Mo pɑ gɔ yap jʉ̌m m̀, e kəŋnyə thə nɑ e, biŋ ŋkwa yə bɛnyəpɛnyə nə jap jʉ̌m m̀ guŋ mtyɛ'dzʉ awɛ.

119:105

YAKOP 1:5

A pɑ gɑ́ fʉ̌ yak bi mo nə po, e lo bi Si yə e hɑ bi mo pɑ́ pɔpɔ, hɑ tə cɔk a. Si gɔ hɑ bi e.

3:5-6

1 PƐTRƆ 2:15

Nə pa' ywə yə Si shəŋ a bɑ́ gɑ́ po ghə nwə pɑpuŋ, a cɑ́ mshwə mkhəkhʉɔ pu a mfʉmnyə pɔ̀.

MATIO 6:10

Ghə Nəfo tsǔ sɔ̌'. Ghə́ pu ghə ywə yə o shəŋ a dəmcǎ' pa' pu gə kɛbəŋ a

EFESO 5:15-20

[15] Po cəŋtə́ diŋtə yɔ nə vɔk: Ka po ghə pu yɔ wɔ pa' mkəkʉɔ a, po pɑ pɔ pyə wap ghə zhyənwə a. [16] Pɔ pyə́ wap tə bɔptə map mcwə dzʉ́ a pɑ́, nə pa' cwə dzʉ̌ ka puŋ. [17] Ka po pɑ mkəkʉɔ, po cəŋtə́ jú' ywə yə Cyəpɔ jap a. [18] Ka po nwə́ mlu' tə bám, a dɑ mo gɔ pɑ nə pi, da' gɑ po ló nə Zhwenyə. [19] Po pɑ bəmtə́ gɔm mghɔm zhwɔp dɔlɔ̌ cəcɑ̌ po, bɑ jwɔp mzhwɔpshyə mku', ba mzhwɔpshyə́ zhwenyə; po pɑ jwɔp mzhwɔpshyə biŋ bɑ gu'tə Cyəpɔ nə guŋ tʉm tsɔ awɛ. [20] Nə gùŋ mcwə awɛ, nə gùŋ mnwə awɛ, po pɑ go'tə Si Tá shyə m̀ nə tsǒ Cyəpɔ yɔk pɑ Yeso Kristo.

2 PƐTRƆ 3:9

Cyəpɔ tə́ shwə́ nə ghə gɑ mka'nyə̀ myə́ pəmtə́ pɑ́, ba tə́ pa' shɑ́ pɔ bɑwə jɔ gɑ́ ě cwə a; da' gɑ́ e bɑwə byap wɔ́, la' e pɑwə́ shə́ŋ gɑ́ shɑ́ pɔ pfʉ́tə pɑ́, e bɑwə shəŋ m̀ gɑ́ guŋ pɔ awɛ pʉɔtʉm tsap.

1 YOHANE 1:9

A bi a pɑ pìŋ mhɔ mɔk pɑ, bɑ pa' e tə kwyəpnyə a, biŋ bɑ nyənyɔ a, bɑ e gɔ lɑ mhɔ mɔk pɑ cwyɛ' wɔk pɑ piŋ lɔnyə wɔk pɑ nə guŋ mhɔ awɛ.

1 TIMOTIO 2:4

yə e shə́ŋ gɑ́ guŋ pɔ awɛ sɔ' bvɔk, biŋ jyə́ nwə̀ nyənyɔ a.

6:8

16:4

EBRAIKA 10:36

A bɑwə shəŋ gʉ' kaktʉɔ bi po tə po nə gə ywə yə Si shəŋ a, biŋ ŋkwi ywə yə e ŋkhá' bi po a.

Galacian Bible 2002