Versos bíblicos sobre o tema: Deus: [Temporalización de Deus]

Temas

Deus: [Temporalización de Deus]

Da' gɑ bɑ gɔ cwə cwə́ bɑ ǒ zhyə cwəlɔ pa' a shəŋ gɑ́ o nə giŋ nthʉm dyə Si yə a bɑ cu'tə Si yə e bɑ gak ba nthə̌m nwə nyənyɔ a.

YOHANE 6:54

Mo yə ě pfɑ bapnɑ a biŋ nwə mcyə mə̌ a bɑ ě ghə vɔk màmà, a biŋ sɔ' jám e nə jʉɔjʉ̀m tyɛ'dzʉ.

YOHANE 8:32

bɑ pǒ gɔ zhyə nyənyɔ, a nyənyɔ ghə po lə pɑ̀ mkwɔ pɑ́.

Mo bɔ tə́ bɑ ŋkham mthə́ pa', mu Maria, biŋ bɑ fɑ́ Yakop, ba Yozɛt, ba Yuda, pu Simon a lə́? Tə́ pá mfɑ́ pyə́ pyə pɑjwǐ nə bɑ́ tsɔ' a lə? E lə pǐŋ bɑ bi pu bɑ pɑ ywə fa'tə.

YOHANE 12:48

Mo yə́ e wa' a, la' e kwi mghɔm mə̌ a, bɑ e ghə gɛ fyɛ' e: Mghɔm myə gɑ gɔm a gɔ sɔ' fyɛ' e nə jʉɔjʉ̀m tyɛ'dzʉ.

YOHANE 1:1

Nə nə to', Ghɔm lə́ bɑ́, Ghɔm lə biŋ bɑ pu Si, Ghɔm lə bɑ Si.

GALATA 6:9

Pɑ ghə nwə pɑpúŋ tə pwa; nə pa' cwə gɔ cwə ku', pɑ kap nthɔm pɑpuŋ, a pɑ yə pɑ ka pwa a.

31:15

GALATA 1:19

tə yɔ sɔm gɛ nthə̌m tə́ ně da' Yakop fɑ́ Cyəpɔ.

1:11

2 PƐTRƆ 3:8

Mu' ta' ywə wə́ msó pɑ yə po tɑ́ gɔ tʉɔnyə a pɑ́: A bɑ bi Cyəpɔ ta' tyɛ'dzʉ́ pɑ́ pa' gu' shǎ' a, gu' shǎ' piŋ bɑ́ pa' ta' tyɛ̌'dzʉ́ a.

E ghɔm bi pu gɑ: A tə yɔ shɛ nə zhyə cwə ba wɔ dzʉ yə Ta jap nə pa' e zhyə a pɑ̀.

GALATA 4:4

Da' gɑ cwə lě shwə́ tə bəmtə́, Si tə́m Mu é, mjwǐ tsə é, e pɑ́ ŋkwɔ mco',

EFESO 5:16

Pɔ pyə́ wap tə bɔptə map mcwə dzʉ́ a pɑ́, nə pa' cwə dzʉ̌ ka puŋ.

YOHANE 3:3-5

[3] Yeso pa' bi é gɑ: Kwa' nyənyɔ nyənyɔ gɑ̌ siŋ o gɑ tə da' nə tsə mo m nə tsə sə́ a, bɑ bi a pɑ sɔmmo lə yɔ Nəfo Si. [4] Nikodemo ghɔm bi e gɑ: Bi a pɑ́ pu tsə mò m gɑ kɑ̀ bɑ ě tsə vò? Bi a pɑ́ e piŋ ŋkho vam map e mu' cʉ́m tə́ pu tsə é a? [5] Yeso ghɔm bi é gɑ: Kwa' nyənyɔ nyənyɔ, gɑ̌ siŋ o gɑ: Sɔmmo yə́ pu ka tsə é m nə́ shyə ba m nə Zhwenyə á, bi a pɑ́ e lə ko nə Nəfo Si.

EBRAIKA 12:14

Po cəŋ gɑ́ hwitə pɑ́ cəcɑ̌ po pu a guŋ pɔ awɛ, biŋ shəŋ ba nə pɑ dɔlɔ̌ yə mo pɑ tə ghə yá bɑ pɑ e lə yɔ Cyəpɔ a.

Pɑ́ piŋ jyə́ gɑ guŋ ywə awɛ nyaptə pɑ nwə pɑpuŋ bi pɔ pyə wap ŋkhuŋ Si a, pɔ pyə́ a bɑ e ke wap pa' e jap a.

3:5-6

EFESO 1:10

Po'o nə ghə gɑ cwə pəmtə nə yap guŋ dzʉ̌ awɛ nə bǔ ta'fò gɛ sa': Kristo, ywə yə ǎ kɛbəŋ a ba yə ǎ dəmcǎ' a.

YOHANE 16:13

cwə yə́ Zhwenyə nwə nyənyɔ gɔ sɔ' sɔ' bi po a, e ghə po zhyə guŋ nwə nyənyɔ awɛ, nə pa' e tə́ gɔ sɔ' pɑ́ ghɔmnwə pɑ́ nə yə́ thə́ pɑ. E gɔ sɔ' pɑ́ ghɔmnwə yə e yu' a, pɑ siŋ wɔ guŋ ywə awɛ yə a gɔ sɔ' a.

GALATA 4:19

wɔ pó mkəcɔk po pɑ̌ pyə gɑ̌ ŋkwi' dzə́ wɔ nthʉm ghəghʉɔ m nə tsə́ sə́ a pɑ po'o tə̌ Kristo la' bɑ́ nə vɔk yɔ.

MATIO 16:18

Biŋ sɔ' m nə m̀, gɑ ghɔm gɑ o bɑ́ Pɛtrɔ yəŋ la'tə gɑ́ ghǔ gwɔ', biŋ gɔ́ sɔ' kwɑ cu'tə a dəm ghǔ gwɔ' bɔ, mtʉ̀ɔ vʉ lə nəŋ gɔ sɔ' ghə sɔm gʉ' nə̀.

MATIO 18:15-18

[15] A pɑ́ gɑ́ fɑ o hɔ́nwə̀, o ghɔ jɔ e, po e pɑ́ pɑ́ pɑ́pʉə, o cɔktə e. E yu' bɑ o tsʉ́ fɑ o. [16] E pɑ́ tə yu' bù, o piŋ dɑ ta' mo kɑ pɔ pʉə lə́ po'o gɑ mghɔm pɔ pʉə kɑ pɔ tá lə nyap nwə bɔ. [17] Bi a e kəŋnyə, nə yu' bi pu a, o siŋ cu'tə pɔ Kristo, bi a e piŋ ŋkhəŋnyə nə yu' bi cu'tə, o yɔ e cwəlɔ m pa' tə́ pɑ yə Yudea kə́ pa' ŋkwi shwɔp a lə. [18] Nə pa' gɑ siŋ wɔ kwa' nyənyɔ gɑ́: Guŋ ywə awɛ yə pǒ kwɑ dəmcǎ' a pu gɔ sɔ' kwɑ kɛbəŋ, a guŋ ywə awɛ yə po ŋkhyɛ' dəmcǎ' a pu sɔ' kyɛ' kɛbəŋ.

EFESO 1:22-23

[22] Əŋ, é lě jap guŋ ywə awɛ to mkwə̀ e, hɑ dzə̀ bi e nə guŋ ywə awɛ, e pɑ thə́ cu'tə pɔ Kristo, [23] yə a bɑ nɑ́ e a, bɑ mlonyə̀ Mo yə kwa' Si nə donyə awɛ a.

EFESO 5:23

Nə pa' dhə́ bɑ tadyə̌ bi mjwǐ dəŋdəŋ pa' Kristo bɑ tadyə̌ Cu'tə́ pɔ pyə á, yʉ́ yə e bɑ gɛvɔk cu'tə e a.

MFA' MGHƐ NTHƏM 4:32

Vəŋ du pɔ pyə wap lə cʉ' pɑ piŋ a lə́ bɑ wap ghə pɑ ta' tʉ̌m tsɑ mu', ba ta' zhwenyə yɑmu'. Sɔmmo lə piŋ jɔ sɔm yə́ ywə pa' yə a pɑ. Wap lə́ biŋ bɑ nthamtə guŋ ywə awɛ tamtə.

1 KORINTO 1:10

Tə́ gɑ wə səso wɔ mfɑmfɑ́ shyə m nə tsǒ Cyəpɔ yɔk pɑ̀ Yeso Kristo gɑ: Po pɑ ŋkwishwə, a ŋkhyɛ'nyə kɑ pɑ cəcɑ̌ po; po cəŋtə nthamtə́ nthʉm ta' zhwenyə, ba m nthʉ̌m ta' ŋkwɛnyə.

YOHANE 14:6

Yeso ghɔm bi e gɑ: Gɑ̌ bɑ məjyə, bíŋ bɑ́ nyənyɔ, bíŋ bɑ vɔk. Sɔmmo tə́ gɔ bi Tá tə cyə pɑ m nə m̀ pɑ.

YOHANE 14:6-28

[6] Yeso ghɔm bi e gɑ: Gɑ̌ bɑ məjyə, bíŋ bɑ́ nyənyɔ, bíŋ bɑ vɔk. Sɔmmo tə́ gɔ bi Tá tə cyə pɑ m nə m̀ pɑ. [7] Po la' pé'e jyə́ a, bɑ po zhyə ba Tá a. Tə fɑ cwəlɔ pǒ bɑ pǒ zhyə e, biŋ bɑ́ bɑ pǒ yɔ e. [8] Filipo ghɔm bi e gɑ: Cyəpɔ, la'tə wɔk Tá, a ku' bi pyə. [9] Yeso ghɔm bi e gɑ: Myə, gɑ̌ bɑ́ cəcɑ̌ po tə fɑ tə tyɛ̌', ba tə po'o wə Filipo o lə piŋ jyə a lə? Mo yɔ a, bɑ ě yɔ Tá: Nwə kɑ o ghɔm gɑ: La'tə wɔk Tá a? [10] O tə́ biŋ gɑ́ gɑ̌ bɑ nə́ Tá, Ta piŋ bɑ nə m̀ a? Mghɔm myə gɑ̌ gɔm bi po a, ŋ tə gɔm nə́ yɑ thə́ pɑ́. Tá yə e bɑ nə m̀ a nə fá' mfà' myə́. [11] Po piŋ gɑ́ gɑ̌ bɑ nə Tá, Tá pɑ nə m̀; bi a pɑ pɑ́ gɑ́ po tə gɔ piŋ ghɔm tsɑ̌ pɑ́, po piŋ shyə m nə mfa' myə́ mɔ gɑ. [12] Kwa' nyənyɔ nyənyɔ, gɑ̌ siŋ wɔ gɑ́ mo yə ě piŋ a bɑ ba yʉ́ gɔ fa' mfá' myə gɑ̌ fa' a. E gɔ fa' a cyə ba m po'o, nə pa' gɑ̌ gɔ m bi Tá. [13] Gúŋ ywə awɛ yə po gɔ lɑ tsó tsɑ̌ lo a, bɑ gɑ̌ gɔ ghə, po'o gɑ a cyə m nə Mú pu ghu'tə Tà. [14] Po lo ywə bəm m nə tso tsɑ̌ bɑ gɑ̌ gɔ ghə po'o. [15] Po kuŋ a bɑ po gɔ kaktʉɔ nə ghiŋ nə́ mco' mə̌; [16] a shwyɛ'nyə Tá, e hɑ mu' Parakle yə pu a pu gɔ pɑ́ guŋ mcwə awɛ a bi po. [17] Yú nə bɑ Zhwenyə nyənyɔ, mo yə dzʉ̌ bɑ e ka ku' nə kwi e a, nə pa' dzʉ̌ tə́ jɔ e pɑ́, e lə nəŋ jyə́ e. Po bɑ pǒ zhyə e nə pa' e shwə bəŋ po, biŋ bɑ nə po. [18] Ŋ tə gɔ tak wɔ pa' pǒmcyə a pɑ́, gɑ̌ wə sɔ' m bi po. [19] Ǎ cʉ' muywə dzʉ̌ lə piŋ jɔ a; tə́ po gɔ pɑ yɔ a, bɑ pɑ wə́, ba wɔ yɔ pɑ́ pɑ wə́. [20] A gɔ sɔ' pɑ́ tyɛ'dzʉ́ bɔ, po zhyə gɑ́ gɑ̌ bɑ nə Tá a, po pɑ nə m̀, bɑ nə po. [21] Mo yə ě tɔm mco' mə̌, biŋ bɑ giŋ nə a, mo bɔ ŋkhuŋ a: Mo yə ě nəŋ ŋkhuŋ a, bɑ Tá a gɔ kuŋ e, ba myə̀ yɑ̌ piŋ ŋkhuŋ e, Ta piŋ gə e zhyə a. [22] Yuda yə e tə bɑ yə Iskariɔt a pɑ́ ghɔm bi e gɑ: Cyəpɔ kɑ gə o ghɔ ghə pyə zhyə o, tə́ o lə ghə dzʉ̌ zhyə o? [23] Yeso pa' bi e gɑ: Mo kùŋ á, bɑ e gɔ zhyə̀ ghɔm tsɑ̌, a Tá a kuŋ é; A pyə sɔ̌' bi e, gə tsʉ' shwə yɔk ywə e. [24] Mo yə e tə́ ŋkhuŋ a a pɑ́ tə jyə̀ ghɔm tsɑ̌ pɑ́. A nəŋ nə́ pɑ̌ po'o, ghɔm bɔ tsyə po jú' a lə pɑ́ ghɔm tsɑ̌, a bɑ́ tsyə Tá a yə e nthəm a. [25] Dě siŋ wɔ mnwə bǎ nə cwə yə ŋ də bɑ́ bəŋ po a. [26] Tə́ Parakle, Zhwenyə Dɔlɔ̌ yə Tá gɔ təm bi po cyə m nə́ tso tsɑ̌ a gɔ sɔ' zhi'tə wɔ guŋ mnwə awɛ, piŋ ghə po kamtə myə də ghɔm a awɛ. [27] Gɑ wə nthak hwitə bi po; gɑ̌ hɑ hwitə a bi po. Ŋ tə hɑ m nthi pa' dzʉ̌ hɑ a pɑ́. Lam tsɔ kɑ kwi' sɔ, po kɑ kwi' bwɔk. [28] Po yu' nwə bɔ, gɑ ghɔm bi po gɑ: Gɑ̌ gɔ ghɔ, piŋ sɔ' bi po. Po la' pe' e bɑ ŋkhuŋ a bɑ po gɔ ŋwɛnyə pa' gɑ gɔ m bi Tá a, nə pa' Tá bɑ é cyə a.

37:7-9

49:1

Galacian Bible 2002