Versos bíblicos sobre o tema: Bo personaxe: [Amabilidade]

Temas

Bo personaxe: [Amabilidade]

[4] Ŋkhuŋnyə ŋkhyəp tʉm; ŋkhuŋnyə fa' fà' kwitə. E tə ŋkhíŋ mo pɑ, e lə pɑ́ da'tə nɑ é, e lə pɑ ŋa' nɑ́ e. [5] E lə pɑ gə sɔmywə yə ǎ pɔk a, e lə pɑ shəŋ pɑ yə́ fʉ', e lə pɑ́ jɛlúŋ, e lə pɑ́ dwɔ' bò. [6] E lə pɑ ŋwɛnyə nə nwə yə a ka tiŋnyə a, da' gɑ́ bɑ ŋwɛnyə nə nwə nyənyɔ. [7] E pfɔptə guŋ mnwə awɛ, biŋ guŋ mnwə awɛ, bɑ mɔktə guŋ mnwə awɛ, bɑ sɔk nə guŋ mnwə awɛ.

EFESO 4:29

A sɔm ghɔ̀m bɔkpɔ̌k kɑ təm shwə̌ po, po pɑ gɔ ghɔmnwə po ghɔm pɑ́ nwə pɑpúŋ, ghɔm nə ŋkwɑ́, ghɔm tsyə a gɔ lɑ hwitə sɔ' bi pɔ pyə wap yu' ghɔm bɔ a.

6:8

KOLOSAI 3:12

Pa' a bɑ Si ci wɔ, dɔnyə́ wɔ, ŋkhúŋ wɔ a, po ghə tʉm cɔmmtso, tʉm nwə pɑpúŋ, gə nə fi' nɑ́ hɑ́ si, tʉ́m bwatə pwatə gə nə kyəp tʉ̌m.

EFESO 2:7

A po'o tə a lě shyə m nə pùŋ nthʉ́m e nə pɑ̀ shyə m̀ nə Yeso Kristo, e yɔ gɑ́ e gɔ la'tə dəŋ mɑ gho' tɑ́ dhə́ e nə cwədzʉ̌ yə a gɔ sɔ' a.

MATIO 5:24

o tak tsə pwɔ' tsʉ' to tsə pwɔ', biŋ dəŋdzə gɔ po fɑ o wɔ' bvɑnyə tə o sɔ' cwəlɔ̌ hɑ tsə pwɔ'.

ROMA 2:4

Kɑ́ o bɑwə gwak mɑ dəŋ puŋnwə Si, ba nə kyəptʉm e pu a nə ghə pɑpuŋ? O tə bɑwə jyə gɑ puŋnwə Si bɔ bɑwə nthənyə o gɑ o pʉɔtʉm tsʉ̌ a?

GALATA 5:22

Tə́ mnthɔm Zhwenyə, po yɔ má: a bɑ ŋkhuŋnyə̀, bɑ ŋwɛnyə̀, bɑ hwitə̀, bɑ nə kyəp tʉ̌m, nə ghə nwə pɑpúŋ, nə yɔ yə mu' mo pɑpúŋ, bɑ piŋnthʉm

Po ləŋdzə gə kwa' ŋkhuŋnyə tə pwa cəcɑ̌ po wɔwɔ, nə pa' ŋkhuŋnyə hwyətə bo'gwyə mhɔ̀.

2 PƐTRƆ 1:5-7

[5] Po pìŋ shyə m̀ po'o shu'tə guŋ gʉ' yɔ awɛ, po kwi' mà pɑpuŋ nə piŋnthʉm yɔ, po kwi' nə zhyə́ nə mà pɑpuŋ. [6] Po kwi' nə tɔm nɑ tsɔ́ nə nə́ zhyə, ŋkwi' nə cəŋtə nthɔm nə nə tɔm nɑ tsɔ́, ŋkwi' nə nə́ lɑ mku' bíŋ nə́ nə cəŋtə nthɔm. [7] Po kwi' nwə msó cəcɑ̌ mfɑ́ nə nə́ lɑ mku' bíŋ, biŋ ŋkwi' ŋkhùŋnyə̀ nə nwə msó cəcɑ̌ mfɑmfɑ̀.

2:9

EFESO 4:32

Po ghə tʉ́m pɑpuŋ cəcɑ̌ po, po ghə tʉ́m pɑpuŋ, po pɑ́ dɑ mhɔ mɔ shwyɛ' wɔ cəcɑ̌ po dəŋdəŋ pa' Si bɑ e lɑ mhɔ mɔ shwyɛ' wɔ shyə m nə Kristo a.

GALATA 6:10

A po'o tə cwə pɑ bi pɑ, pɑ fa' nə pɑpúŋ yə a yə́ guŋ pɔ awɛ, te'te' nə yə pɔ pyə́ wap ghɔptə bə́ŋ pɑ nə piŋnthʉm a.

LUKASI 6:35

Sɔ' m̀ nə po, po kuŋ mghɛ bo pɔ́, gə́ nwə pɑpuŋ bi pu, bɑ hu tə pyap gɑ pu gɔ ti pa' bi po. Po gɔ sɔ' ghə mcwɔ'fa' gwyə́, po gɔ sɔ' pɑ pó Si yə e shɔm ba pɔ cwəpuŋ a.

31:26

1 PƐTRƆ 3:9

Ka po pa' nwə cwəpuŋ nə mnwə cwəpuŋ, po kɑ lɑ yəmtə ba' yəmtə. Gɛ̌ po pɑ̀ nyəŋ pɑ byǎnyə́, nə pa' a ywə yə pu lə cwɔ' wɔ nə a, po'o gɑ po sɔ' bɑ pɑ tsʉ́ mcʉ' byanyə.

Pɑ guŋ bɔ̌ lə́ lɑ̌ wɔk kwa' pɑpuŋ. Wap lə sǔ mɑ mɔk, shu'tə wɔk bəŋ o, nə pa' bə̀ŋ lə bɑwə dú, fɔ̌k piŋ bɑwə ŋkhú.