Versos bíblicos sobre o tema: Bo personaxe: [Paciencia]

Temas

Bo personaxe: [Paciencia]

Ŋkhuŋnyə ŋkhyəp tʉm; ŋkhuŋnyə fa' fà' kwitə. E tə ŋkhíŋ mo pɑ, e lə pɑ́ da'tə nɑ é, e lə pɑ ŋa' nɑ́ e.

Ka lam tsɔ sɔ́ nə sɔmywə, da' gɑ, nə guŋ msɔ́ awɛ, po pɑ dɑ mcwyɛ'nyə̀ pu a nə pu'bǔ, ba mfa' gho'tə gə Si zhyə́ ywə yə pǒ wə do bi a.

7:9

ROMA 12:12

Po pɑ ŋwɛnyə nthʉm mɔktə̀, ŋkhyəptʉm cwə ghəghʉɔ, ŋkhaktʉɔ nthʉm mcwyɛ'nyə.

EFESO 4:2

Nə fi' nɑ hɑ sì, nə byanyə́, nə nə́ kyəp tʉ̌m, bɑ bəmtə ŋkwa mnwə mɔ nthʉm ŋkhuŋnyə̀.

GALATA 6:9

Pɑ ghə nwə pɑpúŋ tə pwa; nə pa' cwə gɔ cwə ku', pɑ kap nthɔm pɑpuŋ, a pɑ yə pɑ ka pwa a.

[11] E lə kwi' gɔm bi pu gɑ: Mu' mbɛ lə ghə pǒ pyə pɑpʉə. [12] Yə mo ŋkho' ghɔm bi tap e gɑ: Tá hɑ tsɑ tsə tsyə o bɑ gɔ la'tə hɑ bəm a. E lə ghɔm po'o ta yap ghaptə tsə tsyə́ bi pu. [13] A lə nə cyə po mtyɛ'dzʉ, yə mo ŋkho' cu'tə tsə tsyə gɔ nə mu' guŋ tə gʉə sʉəsʉə, sim tsə tsyə bɔ nə vɔk tə ŋkhɛ. [14] Cwə yə e lə pɔptə́ tsə bɔ tə a mi a, mu' mɑ kəya' vʉ nthʉm gúŋ. E cʉ' bə̌ŋ. [15] E lə ghɔ jɔ mu' yə́ guŋ bɔ, dɑ fa' bi e, e təm e gó gɑ e ghɔ bɑ byap mgənɔm pyə. [16] E lə bɑwə shəŋ nə pɑ dzʉ tsyə nə ywətsʉ mnɔm, da' gɑ la' sɔmmo pɑ hɑ ywətsʉ mnɔm m bi e. [17] E lə ghəmnɑ e gɔm gɑ: Mghɛ fa' ta á pɑ́ sʉ'ʉ shəŋtə dzʉywə tə́ nthak bvʉ'? Sɔ' m nə m, gɑ̌ yəŋ tsɔ'ɔ bɑwə pfʉ́ jikǔ'. [18] Gɑ gɔ lusi ghɔ bəŋ ta á ghɔm bi e gɑ: Ta ŋ de hɔnwə nə kɛbəŋ ba m bú. [19] Ŋ kha piŋ ŋkhu' pá' bi a pɑ o ké a gɑ mú o a. Lɑ a pa' mu' gɛfa' o a. [20] E lə lusi cwəlɔ gɔ nə yɔ tap e. E lə yɑ gʉə sʉəsʉə tap e yɔ e, mtso myə́ kú e, e kʉdʉ̌ nthɛtə nthuŋ e, nuŋ mgho' myə́. [21] Mu é bɔ ghɔm bí e gɑ: Ta ŋ dě hɔnwə nə kɛbəŋ ba m bǔ, ŋ kha piŋ ŋkhu'nyə nə pa' bi a pɑ pu ke a gɑ mu o a. [22] Tə́ tap e ghɔm bi mghɛ fa' pyə gɑ: Po lo'nyə dé kwa' dzə pɑpuŋ nə sɔ' ŋkwa nə é, biŋ jwe kwɛ nthə pu e, biŋ su ba mthap mkwə e. [23] Po lɑ mu hùŋ mhə̌m sɔ' jwə e, pɑ pfɑ́, ŋwɛnyə; [24] nə pá' mu a yəŋ gɑ lə pfʉ̌, e piŋ sɔ̌' nə vɔk, e lə pǐ, pu piŋ jɔ é. Wap lə to' nə ŋwɛnyə.

37:7-9

ROMA 8:24-30

[24] Nə pa' a bɑ pu lě bvɔk wɔk pɑ, tə́ bvɔk wɔk pɑ po'o m nə mɔktə. Tə bi a pɑ mo yɔ ywə yə o mɔktə ya a bɑ o tə́ gɔ piŋ mɔktə pɑ: Bi a pɑ mo yɔ ywə biŋ mɔktə m gɑ kɑ? [25] Tə nə mɔktə ywə yə pɑ tə jɔ a pɑ́, a bɑ nə cəŋtə byap. [26] Zhwenyə ŋkwitə wɔk pɑ nə pwa yɔk pɑ, nə pa' a bɑ pɑ ka zhyə nə cwyɛ'nyə pa' a shəŋ a; da' gɑ́ Zhwenyə giŋkam nə pɑ̀, bɑ shwiŋ tə dhə, [27] bɑ Mo yə é jyə́ tʉm mo a zhyə ywə yə Zhwenyə sɛ a: nə pa' Zhwenyə bɑ giŋkam pɔ dɔlɔ̌ m pa' Si shəŋ a. [28] Pɑ́ piŋ jyə́ gɑ guŋ ywə awɛ nyaptə pɑ nwə pɑpuŋ bi pɔ pyə wap ŋkhuŋ Si a, pɔ pyə́ a bɑ e ke wap pa' e jap a. [29] Pɔ pyə a bɑ e lě dəŋdzə jyə wap a, e lě jap gɑ́ wap gɔ pɑ hwə́ pa' Mú e bɑ a, po'o gɑ e pɑ́ thə́sə mu nə dú mfɑ, [30] pɔ pyə a bɑ e lě dəŋdzə̀ shwɔ' wap a, a bɑ e lě ŋkhe wap; pɔ pyə e lə ké wap a pɑ́ bɑ e lě jap wap dəŋdəŋ; pɔ pyə e lə yap wap dəŋdəŋ a, a pɑ bɑ e lě gu'tə́ wap.

2 TESALONIKA 1:4-5

[4] tə́ po pɑ yɔk ŋa'tə cəcɑ̌ mcu'tə Si, shyə́ m̀ nə́ yɔ nə́ kaktʉɔ ba nə piŋnthʉm yɔ nthʉm nə cwɔ'mkwə pu a ghəghʉɔ. [5] A bɑ mtìŋ fyɛ' dəŋdəŋ Si; a bɑ po'o tə́ nə ghə gɑ po pɑ́ pɔ pyə́ wap ku' nə́ Nəfo Si yə po bɑwə jɔgo' nə a.

EBRAIKA 11:13-16

[13] Wap lě pfʉ́ nthʉm piŋnthʉm tə mka'nyə bɔ bəmtə́, da' gɑ́ bɑ wap tiŋnyə gʉɔ sʉəsʉə jɔ má, biŋ jyə́ gɑ wap lə́ bɑ mghʉɔ, bɑ pɑ mkazhùŋ dəmcǎ'. [14] Pɔ pyə wap gɔm po'o a bɑwə shəŋtə da'tə gɑ wap bɑwə shəŋ mu' gùŋ; [15] bi a wap lə́ pe' shyə m̀ nə zhwenyə di'pi yə wap lə tə̌m nə a bɑ wap lě da' bɑnyə nthʉm o. [16] Nə pa' wap biŋ bɑwə shəŋ pɑ mu' gúŋ pɑpúŋ, guŋ m̀ kɛbəŋ. A po'o tə pɑ́ Si lə kuso gɑ pu ké e gɑ Si yap, nə pa' a bɑ ě nyaptə ta' tisuŋ bi pú.

[2] A shyə m nə́ e, biŋ shyə m nə piŋnthʉm, yɔk pɑ tsʉ' pɑ nə gho' yə a bɑ̀ pu yap wɔk pɑ̀ nə̀ a, biŋ bɑ jap yɔk pɑ̀ nə ghə dəŋ pɑ nə mɔktə nə ghu' Si. [3] Pɑ biŋ ŋkwi' jap yɔk pɑ̀ ŋa'nɑ pɑ̀ nə mghəghʉɔ mɔk pɑ jyə gɑ ghəghʉɔ hɑ kaktʉɔ [4] kaktʉɔ pɑ hɑ nə pɑ nyənyɔ, nyənyɔ pɑ hɑ mɔktə.

APOKALIPSƏ 6:9-11

[9] Cwə yə e lə ghyɛ' batə stam yɑtɔ a, jɔ mtʉ̌m pɔ pyə pu lə zhwətə́ wap nə ghɔm Si ba m nə́ mkwinthɛ map myə wap lə́ kwi a tó tsʉ' nə to tsə pwɔ' nə a. [10] Wap lə́ bɑwə shwe tə thə́ gɑ: Tá dɔlɔ̌ biŋ bɑ́ nyənyɔ. O gɔ pyap tə kəm cwə kɑ tə́ ya' shɛ piŋ pa' bo mcyə mɔk nə pɑ dəmcǎ'? [11] A lə pɑ̌ po'o, pu hɑ fə́fə́ sʉəsʉə dzə́ bǎ bi ya mo lə́ nə pú, biŋ gɔm bi pu gɑ wap na' byap tə̌ dəŋ mso fa' pap pu a mfɑ pap pyə pu gɔ zhwətə wap yap pa' wap a pəmtə́

Galacian Bible 2002