Versos bíblicos sobre o tema: Bo personaxe: [Contento]

Temas

Bo personaxe: [Contento]

[25] A shyə m po' tə bɑ gɔm bi po gɑ: Ka lam tsɔ pɑ sɔ́ nə vɔk yɔ́ nə ywə yə po gɔ tsʉ a, kɑ nə nɑ yɔ nə ywə yə po gɔ kwa a lə. Vɔk mo tə bɑ a cyə ywətsʉ a? Kɑ nɑ mo nə cyə dzə a? [26] Po lé msəŋ kɛbəŋ tə jɔ́: Wap tə dzə ywə pɑ́, wap lə nəŋ bɑ shwa, wap lə pɑ́ nyəŋ ywə ŋkhíŋ; da' gɑ́ Tá yɔ kɛbəŋ nəŋ bɑ ŋkhim wap. Po tə bɑ po ghə də̀ŋ shyə wap a? [27] A piŋ bɑ̀ po'o bi a ya mo nə po tsɔp pɑ́ nɑ e tɑ ŋkwi' muywə nə vɔk e? [28] Nwə kɑ́ po tsɔp nɑ tsɔ nə dzə̌? Po le mtutuŋ mghe pé tə́ jɔ pa' a ŋkwyə a; wap tə jɔgo' fa' pɑ́, wap lə nəŋ bɑ́ ba' dzə́. [29] Biŋ bɑ siŋ wɔ gɑ́ ba Salomoŋ nə guŋ ghu'tə e awɛ la tə kwa dzə pa' ta' nə mtutuŋ mghe bɔ a. [30] A bi a Si pɑ ŋkwa dzə nə mghě myə a bɑ cwəlɔ, dzʉ̌ pɑ́ gɔ lɔ pu to mɔk a dəŋ po'o, bɑ e tə gɔ ghə nə po cyə pa' e gə nə mghě a pɑ a? Wɔ pɑ ghə múywə piŋnthʉm. [31] Ka po pɑ dzɔp nɑ tsɔ gɑ: Pyə gɔ tsʉ́ kɑ? Pyə gɔ nwə́ kɑ? Pyə gɔ kwa kɑ́ nə pyə? [32] Guŋ tsə ba awɛ ba pɑ́ tə pɑ́ pɑ́ Yudea shəŋ yap yá tə pwa; bɑ Tá yɔ kɛbəŋ nəŋ jyə́ gɑ́ tsə bǎ bɑwə shəŋ bi po. [33] Po ləŋdzə shəŋ Nəfo pu a dəŋdəŋ Si tɑ pu kwi' tsyə bǎ nə́.

2 KORINTO 11:23-25

[23] Nə pɑ gɛ nthəm Kristo lə? Gɑ gɔm ghɔm pʉə: Gɑ̌ bɑ tə́ dzə̀ nə́! Nə fa' tə bwá lə́? Bɑ́ tə́ dzə̀ nə́, nə ko cɛ̌ lə? Bɑ pɑ tə́ dzə̀ nə́. Nə mgwa mshɔm lə? A yɔm nə m̀ té', nə pɑ shwə̌ vʉ̌ lə? Bɑ nə mcʉ̀mmcʉ̌m! [24] Pɑ Yudea lə cwɔ a mshɔm gwa shwɔpvʉ̌' mghǎmthá mcʉ́m nthɔ. [25] Pu lə pǐŋ ŋkwi' shwɔ a mcʉm nthá, dɑ mghwɔ' nthamtə á ta' cʉ̌m; ŋ də fashyə mcʉ̌m nthá, jwɔk biŋ di ta' tyɛ̌' tsʉ̀m.

FILIPO 4:12-13

[12] Gɑ̌ zhyə nə vɔk nə pə̌ŋ, ba nə vɔk nthʉm fʉ'. Gɑ̌ bɑ gɑ̌ zhi'tə nə zhwyə ba nə cwə jikǔ' bǎ nə yá nthi lə́, bà nə yá cwə̀ lə̀, nə vɔk nthʉ́m fʉ' ba m̀ nthʉ̌m pə́ŋ. [13] Pɑ́ gə guŋ ywə awɛ shyə m̀ nə Mo yə e hɑ gʉ' bəm a.

EBRAIKA 13:5

A nə kùŋ ŋkhǎp nə́ kɑ pɑ shya ghiŋ tsɔ; po pɑ ŋwɛnyə nə ywə yə pǒ ghə a, nə pa' kwa' Cyəpɔ gɔm gɑ: Gɛ̌ ŋ tə gɔ tak o nəŋ pɑ: ŋ də wa' o.

1 TIMOTIO 6:6-7

[6] Əŋ nə lɑ mku' biŋ bɑ ǎ ghə mɑ fʉ' gwyə́ bi mo yə́ e ŋwɛnyə nə ywə yə ǎ bi a. [7] Nə pa' pɑ la tə lɑ́ sɔmywə sɔ' nthʉm dzʉ́; pɑ lə nəŋ bɑ gɔ ti lɑ sɔmywə nə ghɔ.

LUKASI 12:15

E lə piŋ gɔm bi pu gɑ: Po pɔm ghi'nyə, nə pa' vɔk mo tə bɑ m nə dəŋ tsə tsyə́ pɑ, kɑ e la' ji pɑ gɑ kɑ́ lə.

2 KORINTO 12:10

A po'o tə gɑ̌ ŋwɛnyə́ nthʉm pwatə, nə nə cap a, nə nə hya a, nə nə cwɔ'mkwə mə̌ ba m̀ nə nə zhwiŋ nə Kristo; nə pa' gɑ̌ nthʉɔ pɑ nə cwə yə gɑ pwatə́ a.

37:3-4

1 TIMOTIO 6:10-11

[10] Guŋ mnwə cwəpuŋ awɛ nthəm nə́ nə kúŋ ŋkhǎp. Shɑ pɔ pyə wap lə hɑ̌ nɑ́ tsap nə a wap lě bi tə gʉə sʉəsʉə nə piŋnthʉm, dɑ nthinthi mɛnyə swɔp mtʉm map. [11] Wə yə o bɑ mo Si a, khʉ̌ mnwə bǎ. Cəŋ nwə dəŋdəŋ pú nə lɑ mku' biŋ ba piŋnthʉm, shəŋ ŋkhuŋnyə̀, shəŋ nə kaktʉɔ pu byanyə.

16:8

28:6

3:13

Galacian Bible 2002